Esther (grec) 6
6
Tinyool tin bi tīī Maardooseeyee
1Kunyeeu gbantee, ti-Dindaan nìn yāntì ŋgeem sáǹ ubɔti nimbiliŋ pu. U nìn yāntì u-gbaŋŋmaliu cáań kugbɔŋu kun poon bi ŋmàn̄ tibɔti tin nìn jítì dibeel pu dooooyee ki kàan̄ u-nimbiin. 2Ugbaŋŋmal nìn kàan̄ dijandi din sòoǹ Maardoosee nín nìn bīitì bifaabi bili pu miŋyee. Bifaabi gbanti nìn nyàab̄ kí kpɔ̀ ubɔti Aritaseerseesi ŋyunti ŋun bi nìn bí bi-ciitil tundinee#6.2 Kpèè 2.21-23.. 3Niinee ní ubɔti bālifì yii: «Maardoosee nín nìn ŋá mimmee, ba nyooti nì ba paati ní bi nìn tīī-u?» Ní ubɔti kpambaliŋ kíí yii: «Aa nìn tīī-u tiba.»
4Ŋyunti ŋun ubɔti bíi bàlifī kí mɔ̀tīí béé atuun ŋin Maardoosee túńee, ní Amaani dūu kɔ́nní dibeecindi. Ubɔti nìn bālifì yii: «Ŋma di bí dicindi?» Too, Amaani mun bàà dɔ́miń kí tùkù ubɔti yii ú dū Maardoosee kí lúntí ndɔ ŋun u bɔ́ntèe pu dee. 5Ní ubɔti kpambaliŋ kíí-u yii: «Amaani di bí dicindi.» Ní ubɔti bí yii: «Tùkùmaan-u yii ú kɔ́nní.» 6Míǹ boonee ní ubɔti bālifì Amaani yii: «M yaa là kí tīī unil ubɔ jilmee, mana ní m máaǹ kí ŋá?» Ní Amaani dākafì yii: «Ŋma di gíti bí ubɔti là kí tīī-u jilma an yaa kaa sá man?» 7Niinee Amaani kíí ubɔti yii: «A yaa là kí tīī unil ubɔ jilmee, 8yàntī a-kpambaliŋ ń cáań dibeebɔkutil din ubɔti pēeǹee, nì ubɔti taamuu un pu u kàal̀ee. 9Bí dūú ŋúbiǹ a-bɔɔbi kansikin un sá ukàliŋkpilee ní úǹ ń dūú pèen̄ un ní a lèe. U làá dū-u kí kàan̄ a-taamuu pu, ní kí cáá-u kí nīn yìiǹ kitiŋin, ki tátí yii: <Kpèèmaan, bi nín ŋáań unil un ubɔti là kí tīī jilmee puee sèé!>»
10Ní ubɔti bí Amaani yii: «Too, a sòon̄ tiŋan. Cùú ŋá ujuudaja Maardoosee un bí m-beecindin ki tūǹ ditundee míǹ. A nín pée lī puee, á ŋá míǹ deedee kí taa bàtī tiba.» 11Niinee ní Amaani cūtìi nyàab̄ dibeebɔkutil nì utaamu. U nìn dū dibeebɔkutil ki pēeǹ Maardoosee, ní ki dū-u ki kāaǹ utaamu pu. U nìn cáá-u ki yìin̄ kitiŋin, ní ki līī u-nyɔkɔpu ki tátí yii: «Kpèèmaan, ubɔti nín ŋáań unil un u là kí tīī jilmee puee sèé!» 12Bi ŋá míǹ ki dóòyee, ní Maardoosee gítì u-tundin dibeecindin, ní Amaani nín kùǹ malaa u-dumpu nì icoo, u-yil tīī. 13Amaani bàn̄ee ní ki máafì u-nimpuu Soosara nì u-bɔɔbi tin jítèe kɔkɔ. Niinee ní u-bɔɔbi nì u-nimpuu bí-u yii: «Maardoosee un nimbiin a kíĺ ki bíi gbàantí nee sá ujuudaja ní. An puee a pée gíti kpá kí ŋmā-u, sii làá mɔ̀tīí nīn sìntī taapu ní ki cá, di sá yii Unimbɔti un bí dimaŋfalinee bí u-cee.» 14Bi bí ki sòoǹ kaa láá ŋmíl̀ ní ubɔti faabi dūu bāań. Bi nìn yōoǹ Amaani malaa ki cūnnì tican tin Eesiteer bɔ́ntì ki yíiń-bee laŋki.
Currently Selected:
Esther (grec) 6: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Esther (grec) 6
6
Tinyool tin bi tīī Maardooseeyee
1Kunyeeu gbantee, ti-Dindaan nìn yāntì ŋgeem sáǹ ubɔti nimbiliŋ pu. U nìn yāntì u-gbaŋŋmaliu cáań kugbɔŋu kun poon bi ŋmàn̄ tibɔti tin nìn jítì dibeel pu dooooyee ki kàan̄ u-nimbiin. 2Ugbaŋŋmal nìn kàan̄ dijandi din sòoǹ Maardoosee nín nìn bīitì bifaabi bili pu miŋyee. Bifaabi gbanti nìn nyàab̄ kí kpɔ̀ ubɔti Aritaseerseesi ŋyunti ŋun bi nìn bí bi-ciitil tundinee#6.2 Kpèè 2.21-23.. 3Niinee ní ubɔti bālifì yii: «Maardoosee nín nìn ŋá mimmee, ba nyooti nì ba paati ní bi nìn tīī-u?» Ní ubɔti kpambaliŋ kíí yii: «Aa nìn tīī-u tiba.»
4Ŋyunti ŋun ubɔti bíi bàlifī kí mɔ̀tīí béé atuun ŋin Maardoosee túńee, ní Amaani dūu kɔ́nní dibeecindi. Ubɔti nìn bālifì yii: «Ŋma di bí dicindi?» Too, Amaani mun bàà dɔ́miń kí tùkù ubɔti yii ú dū Maardoosee kí lúntí ndɔ ŋun u bɔ́ntèe pu dee. 5Ní ubɔti kpambaliŋ kíí-u yii: «Amaani di bí dicindi.» Ní ubɔti bí yii: «Tùkùmaan-u yii ú kɔ́nní.» 6Míǹ boonee ní ubɔti bālifì Amaani yii: «M yaa là kí tīī unil ubɔ jilmee, mana ní m máaǹ kí ŋá?» Ní Amaani dākafì yii: «Ŋma di gíti bí ubɔti là kí tīī-u jilma an yaa kaa sá man?» 7Niinee Amaani kíí ubɔti yii: «A yaa là kí tīī unil ubɔ jilmee, 8yàntī a-kpambaliŋ ń cáań dibeebɔkutil din ubɔti pēeǹee, nì ubɔti taamuu un pu u kàal̀ee. 9Bí dūú ŋúbiǹ a-bɔɔbi kansikin un sá ukàliŋkpilee ní úǹ ń dūú pèen̄ un ní a lèe. U làá dū-u kí kàan̄ a-taamuu pu, ní kí cáá-u kí nīn yìiǹ kitiŋin, ki tátí yii: <Kpèèmaan, bi nín ŋáań unil un ubɔti là kí tīī jilmee puee sèé!>»
10Ní ubɔti bí Amaani yii: «Too, a sòon̄ tiŋan. Cùú ŋá ujuudaja Maardoosee un bí m-beecindin ki tūǹ ditundee míǹ. A nín pée lī puee, á ŋá míǹ deedee kí taa bàtī tiba.» 11Niinee ní Amaani cūtìi nyàab̄ dibeebɔkutil nì utaamu. U nìn dū dibeebɔkutil ki pēeǹ Maardoosee, ní ki dū-u ki kāaǹ utaamu pu. U nìn cáá-u ki yìin̄ kitiŋin, ní ki līī u-nyɔkɔpu ki tátí yii: «Kpèèmaan, ubɔti nín ŋáań unil un u là kí tīī jilmee puee sèé!» 12Bi ŋá míǹ ki dóòyee, ní Maardoosee gítì u-tundin dibeecindin, ní Amaani nín kùǹ malaa u-dumpu nì icoo, u-yil tīī. 13Amaani bàn̄ee ní ki máafì u-nimpuu Soosara nì u-bɔɔbi tin jítèe kɔkɔ. Niinee ní u-bɔɔbi nì u-nimpuu bí-u yii: «Maardoosee un nimbiin a kíĺ ki bíi gbàantí nee sá ujuudaja ní. An puee a pée gíti kpá kí ŋmā-u, sii làá mɔ̀tīí nīn sìntī taapu ní ki cá, di sá yii Unimbɔti un bí dimaŋfalinee bí u-cee.» 14Bi bí ki sòoǹ kaa láá ŋmíl̀ ní ubɔti faabi dūu bāań. Bi nìn yōoǹ Amaani malaa ki cūnnì tican tin Eesiteer bɔ́ntì ki yíiń-bee laŋki.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.