Esther (grec) 1
1
Ubɔti Asuweerusi ŋá tican
18 Ŋyunti ŋun Asuweerusi nìn sá ubɔtee ní tibɔti nee jítì. Asuweerusi gbanti nìn jíń dibeel ntimu dilaataal nì mmuŋku nì mululi pu ní. Ntimu gbanti nìn dɔ̄ ki tin cáa sāā Indiya tiŋki ní. 19 Ŋyunti gbantee, ubɔti Asuweerusi dɔ́miń ki kāl̀ u-beejal pu Suusi tiŋkin. 20 U nín jíń dibeel dibintataatiil poonee ní u ŋá tican ki yíiń u-bɔɔbi Peersi nì Meedi yab bɔtibiliŋ nì ntimu yidambi nì atimbun tɔntɔŋkpilib. 21 U nìn nyántì u-tiŋki gaajawanti ki dàkā-bi áli iŋmal iluu ki yāntì bi dáká u-beel nín cáá tinimbikɔntiwan tiŋyee mɔŋŋu. 22 Bi nín jíń jiŋaal gbanti ki dóòyee, ní ubɔti ŋá tijikaal ŋkpaamin, ní ki yíiń ntimu kɔkɔ nib, bin kóò Suusi tinjaaŋŋinee. Dibeecindin ní bi nìn kāl̀ ki jíń tijin gbanti áli iwiin iluu. 23 Bi nìn lùn̄ bisatapimbi ki nyáantì ubɔti mɔŋkiŋu, ní ki dū gulfa ki lùn̄ iŋmii ki dūu bɔ́ tikúti nì sindaariya bɔmbiyaamun ki dū satabee ki sākaǹ sākaǹ kaaluubi bin bí bi-ba bi-ba bi dūu nákáǹ jaantalkub puee. Bi nìn dū bikaaluusɔmbi nì tin jìl̀ee nì ataŋkpamɔnti ki ŋàl̄ kitiŋ, ní ki dū sindaariya lambammu nì tikúti lambammu ki yóoǹ, ní bi dū gulfab bin cáá nnyim mi-ba mi-bee ki gbáń nlambamu pu satab, ní satab bin máǹ wèeeeyee bí an kɔkɔ pu. 24 Bikɔŋkɔnnyɔkaabi nìn sá sindaariya nì tikúti ní. Bi nìn dū ataŋkpanyaan ki nyáantì biba, ní an daaku jítì animbil tɔɔnib alaataa anii pu. Ndamam mmɔntiim min ubɔti nìn kpáafì u-dumpuee ní bi nìn cáań tikpil. 25 Ubɔti nìn síiǹ u-tɔntɔnliibi mara yii bí ŋá min fáatiǹ úǹ ubɔtee kí tīī-u, ní kí ŋá min fáatiǹ un kamaa nín là puee kí tīī-u. An puee binib nìn ŋūǹ kí nyɔ̀ ndaam bi yaa là puee. 26 Unimpubɔti Fastii mun nìn bɔ́ntì tican dibeecindi poon ki yíiń binimpoobi.
Ubɔti jìn̄ unimpubɔti Fastii
27 Bi bí jiŋaal poon míǹ iwiin iluli dalee, ndaam nyāatì ubɔti. Niinee ní u yíiń Meewuman nì Biisita nì Arboona nì Biigita nì Seetaar nì Karkasi, u-tɔntɔnliibi biluli bin sá bifaabi ki bí u-cindinee. 28 U nìn bí-bi yii bí cùú yíiń unimpubɔti Fastii ú dāan̄. U nìn là kí dū-u kí kàan̄ dibeejal pu ú nīn cíkí unimpubɔti fuuliiki. Ubɔti nìn là kí dū u-nyaaŋku kí dàkà u-kàliŋkpaambi nì ntimu kɔkɔ nib bin u yíińee. Unimpubɔti nìn baasii ŋān̄ kunyaaŋŋu ní tikpil. 29 Ama unimpubɔti Fastii yíì kaa nóó bifaabee. An kaa nìn mɔ́ɔkiǹ ubɔti báà fiii ní u gíí diŋuul. 30 U nìn bí u-bɔɔbi yii: «Ni nyí Fastii nín kíí tiŋyee, ní nyɔ̀kɔfì u-bimbim gbanti kí kpèè, kí dū mara nín sá puee kí sòoǹ-tì.»
31 Niinee ní Arkeesayi nì Sarsatayi nì Maleeseeyaar nì Peersi nì Meedi yab kàliŋkpilib bin nìn kā ikakaakpaan ubɔti beelinee sútìi pìl̄ ubɔti. 32 Bi nìn bí-u yii: «Unimpubɔti kaa tɔ́ marab bin ubɔti tīī bifaabi bí dāá tùkù-uee. Ti làá tùkù-si mara nín lī yii bí ŋá puee.» 33 Boonee Meemukan bí ubɔti nì u-kàliŋkpilib yii: «Kaa sá ubɔti baba ní unimpubɔti Fastii kpēē fám, an sá ki kpáaǹ bikàliŋkpaambi nì a-gɔminab bin kpèé a-tiŋkee. 34 Di sá yii binimpoobi gbìl̄ tibɔti tin unimpubɔti ŋá nee. Díǹ gba Peersi nì Meedi kàliŋkpilib nimpoobi làá gbìl̄ tibɔti tin unimpubɔti ŋá nee. 35 Míǹ mbaantiim ní ti-nimpoobi mun làá kpèè timbi a-kàliŋkpilib fám ní kí bí yii míǹ ní unimpubɔti nìn ŋá. An di làá yàntī binimpoobi ń kɔ́ǹ bi-calib icoo, ní án dāá yàntī bi-calib ń fōō aŋuu. 36 Ubɔti yaa kíikée, á bàà yóoń mara án nīn bí Peersi nì Meedi yab marab poon kí pìin̄ unimpubɔti nsan ú taa ti pée gbóonní a-cee. Á lēē unimpubɔtipɔɔn un ŋān̄ ki jítiǹ Fastiiyee kí kàan̄ u-paaŋŋu. An kaa ti cáá mara ubɔ bí síiń. 37 Mara un a làá yóoń gbantee, bí dū-u kí bāakì kí tùkù báà ŋma, ní bí dū-u kí tɔ̄ ditundi a-beel kɔkɔn. An yaa ŋá mimmee, binimpoobi làá nīn kíǹ ki tɔ́ bi-calib, kí yòon̄ usoodaan kí cáá sāā ugaaja.»
38 Tibɔtee nìn mɔ́ɔkiǹ ubɔti nì u-kàliŋkpilib. Ubɔti nìn ŋá kii Meemukan nín sáŋkì-u puee. 39 U nìn ŋmàn̄ kugbɔŋu ki tú u-tiŋki kɔkɔn nì kitiŋ kamaa nì ki-sooŋyi poon. Mimmee bi làá nīn tɔ́ uyidaan kudicaŋu kamaa poon.
Currently Selected:
Esther (grec) 1: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Esther (grec) 1
1
Ubɔti Asuweerusi ŋá tican
18 Ŋyunti ŋun Asuweerusi nìn sá ubɔtee ní tibɔti nee jítì. Asuweerusi gbanti nìn jíń dibeel ntimu dilaataal nì mmuŋku nì mululi pu ní. Ntimu gbanti nìn dɔ̄ ki tin cáa sāā Indiya tiŋki ní. 19 Ŋyunti gbantee, ubɔti Asuweerusi dɔ́miń ki kāl̀ u-beejal pu Suusi tiŋkin. 20 U nín jíń dibeel dibintataatiil poonee ní u ŋá tican ki yíiń u-bɔɔbi Peersi nì Meedi yab bɔtibiliŋ nì ntimu yidambi nì atimbun tɔntɔŋkpilib. 21 U nìn nyántì u-tiŋki gaajawanti ki dàkā-bi áli iŋmal iluu ki yāntì bi dáká u-beel nín cáá tinimbikɔntiwan tiŋyee mɔŋŋu. 22 Bi nín jíń jiŋaal gbanti ki dóòyee, ní ubɔti ŋá tijikaal ŋkpaamin, ní ki yíiń ntimu kɔkɔ nib, bin kóò Suusi tinjaaŋŋinee. Dibeecindin ní bi nìn kāl̀ ki jíń tijin gbanti áli iwiin iluu. 23 Bi nìn lùn̄ bisatapimbi ki nyáantì ubɔti mɔŋkiŋu, ní ki dū gulfa ki lùn̄ iŋmii ki dūu bɔ́ tikúti nì sindaariya bɔmbiyaamun ki dū satabee ki sākaǹ sākaǹ kaaluubi bin bí bi-ba bi-ba bi dūu nákáǹ jaantalkub puee. Bi nìn dū bikaaluusɔmbi nì tin jìl̀ee nì ataŋkpamɔnti ki ŋàl̄ kitiŋ, ní ki dū sindaariya lambammu nì tikúti lambammu ki yóoǹ, ní bi dū gulfab bin cáá nnyim mi-ba mi-bee ki gbáń nlambamu pu satab, ní satab bin máǹ wèeeeyee bí an kɔkɔ pu. 24 Bikɔŋkɔnnyɔkaabi nìn sá sindaariya nì tikúti ní. Bi nìn dū ataŋkpanyaan ki nyáantì biba, ní an daaku jítì animbil tɔɔnib alaataa anii pu. Ndamam mmɔntiim min ubɔti nìn kpáafì u-dumpuee ní bi nìn cáań tikpil. 25 Ubɔti nìn síiǹ u-tɔntɔnliibi mara yii bí ŋá min fáatiǹ úǹ ubɔtee kí tīī-u, ní kí ŋá min fáatiǹ un kamaa nín là puee kí tīī-u. An puee binib nìn ŋūǹ kí nyɔ̀ ndaam bi yaa là puee. 26 Unimpubɔti Fastii mun nìn bɔ́ntì tican dibeecindi poon ki yíiń binimpoobi.
Ubɔti jìn̄ unimpubɔti Fastii
27 Bi bí jiŋaal poon míǹ iwiin iluli dalee, ndaam nyāatì ubɔti. Niinee ní u yíiń Meewuman nì Biisita nì Arboona nì Biigita nì Seetaar nì Karkasi, u-tɔntɔnliibi biluli bin sá bifaabi ki bí u-cindinee. 28 U nìn bí-bi yii bí cùú yíiń unimpubɔti Fastii ú dāan̄. U nìn là kí dū-u kí kàan̄ dibeejal pu ú nīn cíkí unimpubɔti fuuliiki. Ubɔti nìn là kí dū u-nyaaŋku kí dàkà u-kàliŋkpaambi nì ntimu kɔkɔ nib bin u yíińee. Unimpubɔti nìn baasii ŋān̄ kunyaaŋŋu ní tikpil. 29 Ama unimpubɔti Fastii yíì kaa nóó bifaabee. An kaa nìn mɔ́ɔkiǹ ubɔti báà fiii ní u gíí diŋuul. 30 U nìn bí u-bɔɔbi yii: «Ni nyí Fastii nín kíí tiŋyee, ní nyɔ̀kɔfì u-bimbim gbanti kí kpèè, kí dū mara nín sá puee kí sòoǹ-tì.»
31 Niinee ní Arkeesayi nì Sarsatayi nì Maleeseeyaar nì Peersi nì Meedi yab kàliŋkpilib bin nìn kā ikakaakpaan ubɔti beelinee sútìi pìl̄ ubɔti. 32 Bi nìn bí-u yii: «Unimpubɔti kaa tɔ́ marab bin ubɔti tīī bifaabi bí dāá tùkù-uee. Ti làá tùkù-si mara nín lī yii bí ŋá puee.» 33 Boonee Meemukan bí ubɔti nì u-kàliŋkpilib yii: «Kaa sá ubɔti baba ní unimpubɔti Fastii kpēē fám, an sá ki kpáaǹ bikàliŋkpaambi nì a-gɔminab bin kpèé a-tiŋkee. 34 Di sá yii binimpoobi gbìl̄ tibɔti tin unimpubɔti ŋá nee. Díǹ gba Peersi nì Meedi kàliŋkpilib nimpoobi làá gbìl̄ tibɔti tin unimpubɔti ŋá nee. 35 Míǹ mbaantiim ní ti-nimpoobi mun làá kpèè timbi a-kàliŋkpilib fám ní kí bí yii míǹ ní unimpubɔti nìn ŋá. An di làá yàntī binimpoobi ń kɔ́ǹ bi-calib icoo, ní án dāá yàntī bi-calib ń fōō aŋuu. 36 Ubɔti yaa kíikée, á bàà yóoń mara án nīn bí Peersi nì Meedi yab marab poon kí pìin̄ unimpubɔti nsan ú taa ti pée gbóonní a-cee. Á lēē unimpubɔtipɔɔn un ŋān̄ ki jítiǹ Fastiiyee kí kàan̄ u-paaŋŋu. An kaa ti cáá mara ubɔ bí síiń. 37 Mara un a làá yóoń gbantee, bí dū-u kí bāakì kí tùkù báà ŋma, ní bí dū-u kí tɔ̄ ditundi a-beel kɔkɔn. An yaa ŋá mimmee, binimpoobi làá nīn kíǹ ki tɔ́ bi-calib, kí yòon̄ usoodaan kí cáá sāā ugaaja.»
38 Tibɔtee nìn mɔ́ɔkiǹ ubɔti nì u-kàliŋkpilib. Ubɔti nìn ŋá kii Meemukan nín sáŋkì-u puee. 39 U nìn ŋmàn̄ kugbɔŋu ki tú u-tiŋki kɔkɔn nì kitiŋ kamaa nì ki-sooŋyi poon. Mimmee bi làá nīn tɔ́ uyidaan kudicaŋu kamaa poon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.