Ephésiens 6
6
Bibaatiibi nì bi-biyaamu bɔti
1Mbiyaamu, ni nín sá ti-Dindaan yabee puee, ní nīn tɔ́ ni-baabi nì ni-nab, kun puee míǹ di ŋān̄. 2Unimbɔti marau lī yii: «Á nīn tɔ́ a-baa nì a-na.» Úǹ di sá marapeepeekaa un pu Unimbɔti kútì dipoondee, 3yii: «Sii un yaa tɔ́ a-baa nì a-nee, a làá ká dipɔɔsɔŋkil ki làá kàl̄ kitiŋ pu kí yúntí#6.3 B. 2-3: Disa 20.12, Ditee 5.16..»
4Nimbi bibaatiibee, ní taa nín̄ kɔ̄ntí ni-biyaamu aŋuu, ama nín̄ ŋúb́maan-mu, kí nīn dàkà-mu, ki sáŋkí-mu kii ti-Dindaan nín dàkà miŋyee.
Iyumbu nì i-dindambi bɔti
5Nimbi iyumbuee, nín̄ tɔ́maan ni-dindambi nì ni-pɔbiliŋ kɔkɔ kí nīn fàŋkí-bi. Ni yaa ŋáań mimmee, ni tɔ́ Kriisitoo dee. 6An kaa sá bi yaa bée ŋmaniŋma ní ní nīn tūǹ atuun, bí wāl̀ kí pàkà-ni. Ama ni nín sá Kriisitoo yumbuyee puee, ní nīn ŋáań min fáatì Unimbɔtee nì dipɔbil diba. 7Ní tɔ̄maan ditundi míǹ mbaantiim kí tīī ni-dindambi kii ti-Dindaan u-ba ní ni tūǹ ki tììyee, an taa nín̄ sá kii binib ní ni tūǹ ki tììyee. 8Ní nīn nyí yii uyumbuɔɔɔ, un yì u-beeyaaa, ti-Dindaan làá dāá pà báà ŋma tummɔntiŋ ŋin u ŋée paati ní.
9Nimbi iyumbu dindambee, ni mun ń nīn ŋáaḿmaan ni-yumbui tiŋan mbaantiim kí taa nín̄ yòontí i-pɔbiliŋ. Ní nīn nyí yii nimbi nì ni-yumbuuyee, ni-kɔkɔ kpiliu sá ubaanti ní ki bí yilpu, úǹ kaa gàntī binib#6.9 Dūú ŋmàntī nì Ditee 10.17..
Tijanjawan tin Unimbɔti tììyee
10Tibɔjoolkaal tin m làá dūú kàan̄-nee sèé: ní fōōmaan ti-Dindaan pɔŋkpaaŋŋu kí pɔ̄ɔkì. 11Ní dū tijanjawan tin kɔkɔ Unimbɔti tììyee kí pèen̄ kí ŋmā kí sīĺ deedee ŋyunti ŋun Sitaan yaa yíkìń ni-pu nì u-kīiltamee. 12Kun puee an kaa sá ti làá jáǹ binib ní, an sá ti nì arasiniibi nì bi-bɔtiibi, nì bin kɔkɔ jīǹ abee dibɔmbɔndin, duulinyan dooyee, nì arasiniibi bin bí kutaa puee ní ti làá jáǹ. 13An puee, fōōmaan tijanjawan tin kɔkɔ Unimbɔti tììyee, án nín làá ŋá pu ní an yaa láa píĺ ki pɔ́ɔkèe, ní ŋmā kí yūĺ kí já kí pɔ̄ɔkèe. Ni yaa jáń ki pɔ́ɔkèe, ní ní báań kí yūĺ.
14An puee ní bɔ́ntí ni-ba kí dū ibaamɔn in sá-ni dambalee kí gbìn̄ ni-cammu, ni-deedeeu ń nīn sá-ni dijanjabɔkutil ní dūú pèen̄. 15Difaŋgiil din ni cáá ki sòoǹ Tibɔmɔntiil tin tìì binib ŋgbansɔŋfee ń nīn sá-ni anaataka ní táká. 16Ni-fookiiu un ni cáá Unimbɔti puee ń nīn sá-ni digbampɔɔl ní dūú gbíntí Sitaan ukpiti piiŋyi in u tòoń i sá ŋŋmee. 17Ní fōō difiil dí nīn sá-ni kijanjafuulii ní cíkiń, kí yòom̄maan kitàataajiki kin Unimbɔti Fam tììyee mun, an dàkà yii Unimbɔti nyɔɔbundi#6.17 B. 14: dūú ŋmàntī nì Yees 11.5, 59.17. - B. 15: dūú ŋmàntī nì Yees 52.7. - B. 16: dūú ŋmàntī nì Maat 6.13, Yoow 17.15. - B. 17: dūú ŋmàntī nì Yees 59.17, 49.2.. 18Ní nīn mèémaan kí taa gbèen̄. Ní yàntī Circir Fam ń kpòotī-ni ni-wimmeem nì tin kɔkɔ ni bàlifēe poon. Ní fìntīmaan an bɔti pu, kí nīn mèémaan múlmul ki tìì Kriisitoo yab kɔkɔ. 19Mèèmaan Unimbɔti ma mun pu, ú tīī-mi tibɔti tin máaǹ ḿ sòoǹee, ḿ ŋmā kí sòoǹ Tibɔmɔntiil tin nìn bí dibalinee nì tininjati. 20Nì min kɔkɔ m bí sarka poonee, man di sá un Yeesu Kriisitoo túnní, ḿ nīn sòoǹ Tibɔmɔntiil gbantee. An puee ní mèè Unimbɔti, án nín làá ŋá pu ḿ sòoǹ-tì ti-pú nì tininjatee.
Tibɔjoolkaal nì ijaam
21Ti-nabineeŋkaaki Tiisiiki#6.21 Tiisiiki : kpèè Atuun 20.4., un tūǹ ti-Dindaan tundi nì ibaamɔnee, làá māafì-ni min ní m bí dooyee, ní ŋmā kí béé tin kɔkɔ m bí doo ki ŋáańee. 22Kun pu m dū-u ki túnní ni-ceeyee di sá ní ŋmā kí béé tin poon ti bée, ú kpáàa tīī-ni kunyannyaau.
23Ti-Baa Unimbɔti nì ti-Dindaan Yeesu Kriisitoo ń tīī nnabiyaamu kɔkɔ ŋgbansɔŋfi, kí yàntī bí nīn néeń tɔb, kí nīn gbíntìi cáá fookii Unimbɔti pu. 24Unimbɔti ŋanti ń nīn bí bin kɔkɔ cáá ti-Dindaan Yeesu Kriisitoo pu dineendi kaa gbèentée pu.
Currently Selected:
Ephésiens 6: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Ephésiens 6
6
Bibaatiibi nì bi-biyaamu bɔti
1Mbiyaamu, ni nín sá ti-Dindaan yabee puee, ní nīn tɔ́ ni-baabi nì ni-nab, kun puee míǹ di ŋān̄. 2Unimbɔti marau lī yii: «Á nīn tɔ́ a-baa nì a-na.» Úǹ di sá marapeepeekaa un pu Unimbɔti kútì dipoondee, 3yii: «Sii un yaa tɔ́ a-baa nì a-nee, a làá ká dipɔɔsɔŋkil ki làá kàl̄ kitiŋ pu kí yúntí#6.3 B. 2-3: Disa 20.12, Ditee 5.16..»
4Nimbi bibaatiibee, ní taa nín̄ kɔ̄ntí ni-biyaamu aŋuu, ama nín̄ ŋúb́maan-mu, kí nīn dàkà-mu, ki sáŋkí-mu kii ti-Dindaan nín dàkà miŋyee.
Iyumbu nì i-dindambi bɔti
5Nimbi iyumbuee, nín̄ tɔ́maan ni-dindambi nì ni-pɔbiliŋ kɔkɔ kí nīn fàŋkí-bi. Ni yaa ŋáań mimmee, ni tɔ́ Kriisitoo dee. 6An kaa sá bi yaa bée ŋmaniŋma ní ní nīn tūǹ atuun, bí wāl̀ kí pàkà-ni. Ama ni nín sá Kriisitoo yumbuyee puee, ní nīn ŋáań min fáatì Unimbɔtee nì dipɔbil diba. 7Ní tɔ̄maan ditundi míǹ mbaantiim kí tīī ni-dindambi kii ti-Dindaan u-ba ní ni tūǹ ki tììyee, an taa nín̄ sá kii binib ní ni tūǹ ki tììyee. 8Ní nīn nyí yii uyumbuɔɔɔ, un yì u-beeyaaa, ti-Dindaan làá dāá pà báà ŋma tummɔntiŋ ŋin u ŋée paati ní.
9Nimbi iyumbu dindambee, ni mun ń nīn ŋáaḿmaan ni-yumbui tiŋan mbaantiim kí taa nín̄ yòontí i-pɔbiliŋ. Ní nīn nyí yii nimbi nì ni-yumbuuyee, ni-kɔkɔ kpiliu sá ubaanti ní ki bí yilpu, úǹ kaa gàntī binib#6.9 Dūú ŋmàntī nì Ditee 10.17..
Tijanjawan tin Unimbɔti tììyee
10Tibɔjoolkaal tin m làá dūú kàan̄-nee sèé: ní fōōmaan ti-Dindaan pɔŋkpaaŋŋu kí pɔ̄ɔkì. 11Ní dū tijanjawan tin kɔkɔ Unimbɔti tììyee kí pèen̄ kí ŋmā kí sīĺ deedee ŋyunti ŋun Sitaan yaa yíkìń ni-pu nì u-kīiltamee. 12Kun puee an kaa sá ti làá jáǹ binib ní, an sá ti nì arasiniibi nì bi-bɔtiibi, nì bin kɔkɔ jīǹ abee dibɔmbɔndin, duulinyan dooyee, nì arasiniibi bin bí kutaa puee ní ti làá jáǹ. 13An puee, fōōmaan tijanjawan tin kɔkɔ Unimbɔti tììyee, án nín làá ŋá pu ní an yaa láa píĺ ki pɔ́ɔkèe, ní ŋmā kí yūĺ kí já kí pɔ̄ɔkèe. Ni yaa jáń ki pɔ́ɔkèe, ní ní báań kí yūĺ.
14An puee ní bɔ́ntí ni-ba kí dū ibaamɔn in sá-ni dambalee kí gbìn̄ ni-cammu, ni-deedeeu ń nīn sá-ni dijanjabɔkutil ní dūú pèen̄. 15Difaŋgiil din ni cáá ki sòoǹ Tibɔmɔntiil tin tìì binib ŋgbansɔŋfee ń nīn sá-ni anaataka ní táká. 16Ni-fookiiu un ni cáá Unimbɔti puee ń nīn sá-ni digbampɔɔl ní dūú gbíntí Sitaan ukpiti piiŋyi in u tòoń i sá ŋŋmee. 17Ní fōō difiil dí nīn sá-ni kijanjafuulii ní cíkiń, kí yòom̄maan kitàataajiki kin Unimbɔti Fam tììyee mun, an dàkà yii Unimbɔti nyɔɔbundi#6.17 B. 14: dūú ŋmàntī nì Yees 11.5, 59.17. - B. 15: dūú ŋmàntī nì Yees 52.7. - B. 16: dūú ŋmàntī nì Maat 6.13, Yoow 17.15. - B. 17: dūú ŋmàntī nì Yees 59.17, 49.2.. 18Ní nīn mèémaan kí taa gbèen̄. Ní yàntī Circir Fam ń kpòotī-ni ni-wimmeem nì tin kɔkɔ ni bàlifēe poon. Ní fìntīmaan an bɔti pu, kí nīn mèémaan múlmul ki tìì Kriisitoo yab kɔkɔ. 19Mèèmaan Unimbɔti ma mun pu, ú tīī-mi tibɔti tin máaǹ ḿ sòoǹee, ḿ ŋmā kí sòoǹ Tibɔmɔntiil tin nìn bí dibalinee nì tininjati. 20Nì min kɔkɔ m bí sarka poonee, man di sá un Yeesu Kriisitoo túnní, ḿ nīn sòoǹ Tibɔmɔntiil gbantee. An puee ní mèè Unimbɔti, án nín làá ŋá pu ḿ sòoǹ-tì ti-pú nì tininjatee.
Tibɔjoolkaal nì ijaam
21Ti-nabineeŋkaaki Tiisiiki#6.21 Tiisiiki : kpèè Atuun 20.4., un tūǹ ti-Dindaan tundi nì ibaamɔnee, làá māafì-ni min ní m bí dooyee, ní ŋmā kí béé tin kɔkɔ m bí doo ki ŋáańee. 22Kun pu m dū-u ki túnní ni-ceeyee di sá ní ŋmā kí béé tin poon ti bée, ú kpáàa tīī-ni kunyannyaau.
23Ti-Baa Unimbɔti nì ti-Dindaan Yeesu Kriisitoo ń tīī nnabiyaamu kɔkɔ ŋgbansɔŋfi, kí yàntī bí nīn néeń tɔb, kí nīn gbíntìi cáá fookii Unimbɔti pu. 24Unimbɔti ŋanti ń nīn bí bin kɔkɔ cáá ti-Dindaan Yeesu Kriisitoo pu dineendi kaa gbèentée pu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.