Ephésiens 3
3
Pɔɔl tundi bin kaa nyí Unimbɔtee cee
1An puee, man Pɔɔl bí ki mèé Unimbɔti. M sá Yeesu Kriisitoo sarkadaaŋwu ki tūǹ ditundi ki tìì nimbi bin kaa sá Juuda yabee. 2Ni nyí yii Unimbɔti ŋá-mi tiŋan ki tīī-mi ditundi ḿ tɔ̄ kí tīī-ni. 3Unimbɔti bīitì tibɔbalkaal tin nìn bí dooooyee pu, ki dàkā-mi ní m béè. Tíǹ ní m ŋmàn̄-ni nì anyɔɔbuŋkaaŋkaa nee. 4Ni yaa bíi kàaǹ tin m ŋmàn̄ nee, ni làá ká yii m béè Kriisitoo bɔti tin nìn bí dibalinee. 5Dooooyee, Unimbɔti kaa nìn nyántì an bɔtee ki dàkā binib. Kɔŋkɔnnee u dī u-Fam pu ki yāntì u-circir kpambaliŋ nì u-bɔnaatiliibi béè-tì. 6Tíǹ di sá tigaajati tin Unimbɔti tìì Juuda yabee. Ni mun làá fōō-tì, ni nì Juuda yab kɔkɔ kpántì unibaanti ní. Unimbɔti nín pōoǹ tin kí tīī bin sá Yeesu Kriisitoo yabee, u làá tīī ni mun kudɔŋu, Tibɔmɔntiil tin ni fōō ki kííyee pu.
7Unimbɔti ŋá-mi tiŋan ki tīī-mi ditundi din sá ḿ nīn sòoǹ Tibɔmɔntiil ki tìì binibee. Nì u-pɔŋŋu ní u ŋá míǹ. 8Unimbɔti yab kɔkɔ kansikinee, man di sá bin sá ŋwaamuee waaki#3.8 Dūú ŋmàntī nì 1 Kɔra 15.9.. Nì míǹ kɔkɔee, Unimbɔti pú-mi diyimɔɔl ḿ sòoǹ nì bin kaa sá Juuda yabee Kriisitoo gaajati tin sá tikpaŋkpaandi, kaa cáá dikúntilee bɔti. 9U pú-mi diyimɔɔl ḿ dàkà binib ń béé tin Unimbɔti nìn lēē kí ŋá an nìn dáá bál̀ u-ni dooooyee. Unimbɔti un náań tikɔkɔee di dū-tì ki bál̀ áli ki dāa sāā ŋyunti ŋun bí nee#3.9 Dūú ŋmàntī nì Room 16.25-26.. 10Ama kɔŋkɔnnee Unimbɔti yāntì Kriisitoo nikitil puee, ituun nì bin kɔkɔ sá bipɔndambi#3.10 Kool 1.16. ki bí yilpuee béè Unimbɔti ciiŋyi nín wīikí ki bí tɔbin puee. 11Míǹ ní u dī ti-Dindaan Yeesu Kriisitoo pu ki ŋá kii dooooyee u nín kaa nìn dáá náań duulinya ki lēē yii u làá dāá ŋá miŋyee. 12Ti nín fōō Yeesu Kriisitoo ki kíí ti nì u ŋá ubaantee puee, ti ŋūǹ kí sútí kí pìl̄ Unimbɔti sɔkɔmii nì dimákal poon. 13Míǹ puee, m mèé-ni yii m nín bíi jīǹ falaa ni-puee, ni-wunti ń taa yɔ̀tī. M-falaauee sá-ni tinyool ní.
Yeesu Kriisitoo neendi
14An pu ní m gbàantí ti-Baa Unimbɔti nimbiin ki mèé ni-pu. 15Úǹ cee ní bin bí yilpuee nì bin bí taapuee kíǹ ki nyí kubaatiiu. 16Úǹ di sá tinyooldaan ki cáá tikɔkɔ, an puee ní m mèé-u án nín làá ŋá pu u-Fam ń tīī-ni mpɔn tikpil ni-pɔbiliŋinee. 17M gíti mèé-u yii Kriisitoo ń nīn bí ni-pɔbiliŋin, kun puee ni fōō ki kíí. M mèé-u yii ú yàntī ní nīn néeń tɔb kí báań inyaan, kí nīn yú ki pɔ̄ɔ̄, 18ní ni nì Unimbɔti yab kɔkɔ ń ŋmā kí ká mpɔn kí gbìl̄ Kriisitoo neendi nín lālim̀ ki gbí ilaan kɔkɔ puee. 19Nì min kɔkɔ u-neendi wīikí tikpil ki jítiǹ unil nín ŋūǹ kí gbìl̄ miŋyee, m mèé-u yii ú yàntī ní béé, án nín làá ŋá pu tin kɔkɔ bí Unimbɔtinee ń nīn bí ni mun nee.
20Úǹ Unimbɔti di ŋūǹ nì u-pɔŋŋu ŋun bí ti-ni ki tūǹ ditundee, kí ŋá tikɔkɔ án jītíǹ min ti mèé-uee nì min ti dàkafēe pu. 21Yeesu Kriisitoo puee, Kriisitoo Nikitil ń tīī Unimbɔti tinyool ŋyunti kamaa kí nīn pée cáa cá jaanjaan! Ameeni.
Currently Selected:
Ephésiens 3: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Ephésiens 3
3
Pɔɔl tundi bin kaa nyí Unimbɔtee cee
1An puee, man Pɔɔl bí ki mèé Unimbɔti. M sá Yeesu Kriisitoo sarkadaaŋwu ki tūǹ ditundi ki tìì nimbi bin kaa sá Juuda yabee. 2Ni nyí yii Unimbɔti ŋá-mi tiŋan ki tīī-mi ditundi ḿ tɔ̄ kí tīī-ni. 3Unimbɔti bīitì tibɔbalkaal tin nìn bí dooooyee pu, ki dàkā-mi ní m béè. Tíǹ ní m ŋmàn̄-ni nì anyɔɔbuŋkaaŋkaa nee. 4Ni yaa bíi kàaǹ tin m ŋmàn̄ nee, ni làá ká yii m béè Kriisitoo bɔti tin nìn bí dibalinee. 5Dooooyee, Unimbɔti kaa nìn nyántì an bɔtee ki dàkā binib. Kɔŋkɔnnee u dī u-Fam pu ki yāntì u-circir kpambaliŋ nì u-bɔnaatiliibi béè-tì. 6Tíǹ di sá tigaajati tin Unimbɔti tìì Juuda yabee. Ni mun làá fōō-tì, ni nì Juuda yab kɔkɔ kpántì unibaanti ní. Unimbɔti nín pōoǹ tin kí tīī bin sá Yeesu Kriisitoo yabee, u làá tīī ni mun kudɔŋu, Tibɔmɔntiil tin ni fōō ki kííyee pu.
7Unimbɔti ŋá-mi tiŋan ki tīī-mi ditundi din sá ḿ nīn sòoǹ Tibɔmɔntiil ki tìì binibee. Nì u-pɔŋŋu ní u ŋá míǹ. 8Unimbɔti yab kɔkɔ kansikinee, man di sá bin sá ŋwaamuee waaki#3.8 Dūú ŋmàntī nì 1 Kɔra 15.9.. Nì míǹ kɔkɔee, Unimbɔti pú-mi diyimɔɔl ḿ sòoǹ nì bin kaa sá Juuda yabee Kriisitoo gaajati tin sá tikpaŋkpaandi, kaa cáá dikúntilee bɔti. 9U pú-mi diyimɔɔl ḿ dàkà binib ń béé tin Unimbɔti nìn lēē kí ŋá an nìn dáá bál̀ u-ni dooooyee. Unimbɔti un náań tikɔkɔee di dū-tì ki bál̀ áli ki dāa sāā ŋyunti ŋun bí nee#3.9 Dūú ŋmàntī nì Room 16.25-26.. 10Ama kɔŋkɔnnee Unimbɔti yāntì Kriisitoo nikitil puee, ituun nì bin kɔkɔ sá bipɔndambi#3.10 Kool 1.16. ki bí yilpuee béè Unimbɔti ciiŋyi nín wīikí ki bí tɔbin puee. 11Míǹ ní u dī ti-Dindaan Yeesu Kriisitoo pu ki ŋá kii dooooyee u nín kaa nìn dáá náań duulinya ki lēē yii u làá dāá ŋá miŋyee. 12Ti nín fōō Yeesu Kriisitoo ki kíí ti nì u ŋá ubaantee puee, ti ŋūǹ kí sútí kí pìl̄ Unimbɔti sɔkɔmii nì dimákal poon. 13Míǹ puee, m mèé-ni yii m nín bíi jīǹ falaa ni-puee, ni-wunti ń taa yɔ̀tī. M-falaauee sá-ni tinyool ní.
Yeesu Kriisitoo neendi
14An pu ní m gbàantí ti-Baa Unimbɔti nimbiin ki mèé ni-pu. 15Úǹ cee ní bin bí yilpuee nì bin bí taapuee kíǹ ki nyí kubaatiiu. 16Úǹ di sá tinyooldaan ki cáá tikɔkɔ, an puee ní m mèé-u án nín làá ŋá pu u-Fam ń tīī-ni mpɔn tikpil ni-pɔbiliŋinee. 17M gíti mèé-u yii Kriisitoo ń nīn bí ni-pɔbiliŋin, kun puee ni fōō ki kíí. M mèé-u yii ú yàntī ní nīn néeń tɔb kí báań inyaan, kí nīn yú ki pɔ̄ɔ̄, 18ní ni nì Unimbɔti yab kɔkɔ ń ŋmā kí ká mpɔn kí gbìl̄ Kriisitoo neendi nín lālim̀ ki gbí ilaan kɔkɔ puee. 19Nì min kɔkɔ u-neendi wīikí tikpil ki jítiǹ unil nín ŋūǹ kí gbìl̄ miŋyee, m mèé-u yii ú yàntī ní béé, án nín làá ŋá pu tin kɔkɔ bí Unimbɔtinee ń nīn bí ni mun nee.
20Úǹ Unimbɔti di ŋūǹ nì u-pɔŋŋu ŋun bí ti-ni ki tūǹ ditundee, kí ŋá tikɔkɔ án jītíǹ min ti mèé-uee nì min ti dàkafēe pu. 21Yeesu Kriisitoo puee, Kriisitoo Nikitil ń tīī Unimbɔti tinyool ŋyunti kamaa kí nīn pée cáa cá jaanjaan! Ameeni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.