Colossiens 3
3
1Ama ni yaa nyí yii Kriisitoo kpáaǹ-ni ki kpíì ki fīkitèe, nín̄ nyàab̀maan tin bí yilpuee, laakin úǹ bí ki kā Unimbɔti ŋaŋgiil púee#3.1 Kpèè Ilan 110.1.. 2Dūmaan ni-landɔkɔi kí dūú tɔ̄ yilpu wanti pu, kí taa dūú tɔ̄ taapu yati pu. 3Di sá yii ni kpíì, ní ni-maŋfal bál̀ Kriisitoo ni Unimbɔti cee. 4Kriisitoo un sá ni-maŋfalee yaa láa páaǹnée, ni mun dāa pāantiń ní ki cáá tinyool kii úŋ̀wuee.
Dimaŋfakpikil nì dimaŋfapɔndi
5Mimmee, kpɔ̀maan taapu doo bimbikpitim min bí ni-nee, tin sá tilaakpaal nì tijɔkɔndi, ilandɔkɔkpiti nì nnimbitaataam min nì iwaatooti sá tiwambaantiilee. 6Ikpiti gbanti pu ní Unimbɔti làá dáaĺ bin kaa tɔ́-uee tafal. 7Míǹ ní ni nìn ŋáań dooooyee, ŋyunti ŋun ni nìn dáá bí ikpitinee.
8Ama kɔŋkɔnnee, ní fámaan ikpiti kɔkɔ, kí taa nín̄ fòol̄ mbiim, kí taa nín̄ cáá diŋuul nì tilandɔkɔkpiil. Ní taa yàntī asiibil nì tibɔfan ń nīn nyēē ni-nyɔmmun. 9Ní taa nín̄ mɔ́ntímaan tɔb. Di sá yii ni fá ni-bimbikpitim nì atuun ŋin ni nìn ŋáań dooooyee kɔkɔwoooo, 10ní ki yōoǹ mbimbipɔm min pɔ̀ntī baabadal#3.10 Dūú ŋmàntī nì Diny 1.26. ki cá ki nántíǹ Unimbɔti un náań-mèe nín bí puee. Mimmee, án làá yàntī ní béé ni-Nimbɔtiuee mbaamɔm. 11Míǹ puee, a yaa sá Juuda yɔuaaa, a yaa kaa sáaa, a yaa gíí dikpancandaaa, a yaa kaa gííyaaa, a yaa sá unicaanaaa, a yaa tí sá umɔnilaaa, a yaa sá uyumbuɔɔɔ, a yaa tí tɔ́ a-baaa, tíǹ kaa páb́. Un baba bɔti páb́ee di sá Kriisitoo un bí báà ŋmanee.
12Nimbi bin Unimbɔti lútì, ni kpántì u-yab bin u néeńee, ní nīn sūm̀maan tɔb saai kí nīn ŋáań tɔb tiŋan kí nīn sìntīǹ ni-ba taapu ki tìì tɔb, kí nīn cáá kimɔtii. 13Ní nīn ŋúb́maan tɔb. Ni-jutiibi yaa yīntiǹ-nee, ní nīn cáa pūǹ-bi. Kii ti-Dindaan nín dū ni-kpitii ki pú-ni puee, ni mun ń nīn cáa pūm̀maan tɔb míǹ mbaantiim#3.13 Dūú ŋmàntī nì Maat 6.12,14.. 14Tin páb́ ki jítiǹ tikɔkɔee di sá ní nīn néeń tɔb. Míǹ ní ni làá ŋmā kí nīn cáá nnyɔɔpee tiŋman pu. 15Yàntīmaan ŋgbansɔŋfi ŋun Kriisitoo tììyee ń nīn kpòotī ni-pɔbiliŋ. Di sá yii ŋúǹ pu ní Unimbɔti yíiń-ni ki kpáfì kii tiwumbaantiilee. Ní nīn jáaḿ Unimbɔti tiŋan tin u ŋáań ki tìì-nee pu. 16Kriisitoo bɔtee nì tì-gaajati kɔkɔ ń nīn bí ni-cee mmɔntiimin. Ní nīn dàkà tɔb u-bɔtee kí nīn kpáafímaan tɔb nì iciimmɔnti, kí nīn gà ilan nì ni-pɔbiliŋ kɔkɔ, ilan in kā Inyɔŋki laŋyi gbɔŋku poonee nì Kriisitoo nikitil laŋyi nì ilan in Unimbɔti Fam tìì-nee kí nīn cáa pàkà Unimbɔti u-ŋanti pu#3.16 Dūú ŋmàntī nì Eef 5.19-20.. 17Tin kamaa ni yaa làá lèe nì tin kamaa ni yaa làá ŋée, ŋámaan an kɔkɔ nì ti-Dindaan Yeesu pu, kí nīn dìmaan u-pu ki jáaḿ ti-Baa Unimbɔti.
Unil nín máaǹ kí nīn bí min dicindinee
18Nimbi binimpoobee, nín̄ tɔ́maan ni-calib, min máaǹ ti-Dindaan yab ń ŋée dee.
19Nimbi bininjabee, nín̄ néeḿmaan ni-nimpoobi, kí taa nín̄ cáá bi-pu ntoom.
20Nimbi mbiyaamuee, an sá ni-tundi yii ní nīn gbìlim̀maan ni-baabi nì ni-nab nyɔmmu ŋyunti sá kamaa, míǹ di sá min fáatiǹ ti-Dindaanee.
21Nimbi bibaatiibee, ní taa nín̄ páb́ ni-biyaamu tikpil, mu-wunti ń yɔ̀tī.
22Nimbi iyumbuee, ní nīn gbìlim̀maan bin sá ni-dindambi taapu dooyee nyɔmmu iyunti kɔkɔ. Ní taa nín̄ tūǹ ditundi min fáatì-bee ŋyunti ŋun bi kpèé-nee ŋmaniŋma, ama ní nīn tūǹ bi-tuuŋŋi nì dipɔbil diba kii ni nín fàŋkí ti-Dindaan puee. 23Báà ditundi din ní an yaa yāntì ki sée, tɔ̄maan-dì nì ni-pɔbiliŋ kɔkɔ, a lì kii ti-Dindaan ní ni tūǹ ki tìì, an kaa sá nnibiyaamuee. 24Ní nīn nyí yii ti-Dindaan làá dāá pà-ni tipaal tin sá kutindaŋuee#3.24 Dūú ŋmàntī nì Gala 4.1-2.. Di sá yii ni-Dindaan un ni baasii tūǹ ditundi ki tììyee di sá Kriisitoo. 25Un yaa ŋá ikpitee làá ká ikpiti paati, kun puee ti-Dindaan gbanti kaa gàntī binib#3.25 Dūú ŋmàntī nì Ditee 10.17..
Currently Selected:
Colossiens 3: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Colossiens 3
3
1Ama ni yaa nyí yii Kriisitoo kpáaǹ-ni ki kpíì ki fīkitèe, nín̄ nyàab̀maan tin bí yilpuee, laakin úǹ bí ki kā Unimbɔti ŋaŋgiil púee#3.1 Kpèè Ilan 110.1.. 2Dūmaan ni-landɔkɔi kí dūú tɔ̄ yilpu wanti pu, kí taa dūú tɔ̄ taapu yati pu. 3Di sá yii ni kpíì, ní ni-maŋfal bál̀ Kriisitoo ni Unimbɔti cee. 4Kriisitoo un sá ni-maŋfalee yaa láa páaǹnée, ni mun dāa pāantiń ní ki cáá tinyool kii úŋ̀wuee.
Dimaŋfakpikil nì dimaŋfapɔndi
5Mimmee, kpɔ̀maan taapu doo bimbikpitim min bí ni-nee, tin sá tilaakpaal nì tijɔkɔndi, ilandɔkɔkpiti nì nnimbitaataam min nì iwaatooti sá tiwambaantiilee. 6Ikpiti gbanti pu ní Unimbɔti làá dáaĺ bin kaa tɔ́-uee tafal. 7Míǹ ní ni nìn ŋáań dooooyee, ŋyunti ŋun ni nìn dáá bí ikpitinee.
8Ama kɔŋkɔnnee, ní fámaan ikpiti kɔkɔ, kí taa nín̄ fòol̄ mbiim, kí taa nín̄ cáá diŋuul nì tilandɔkɔkpiil. Ní taa yàntī asiibil nì tibɔfan ń nīn nyēē ni-nyɔmmun. 9Ní taa nín̄ mɔ́ntímaan tɔb. Di sá yii ni fá ni-bimbikpitim nì atuun ŋin ni nìn ŋáań dooooyee kɔkɔwoooo, 10ní ki yōoǹ mbimbipɔm min pɔ̀ntī baabadal#3.10 Dūú ŋmàntī nì Diny 1.26. ki cá ki nántíǹ Unimbɔti un náań-mèe nín bí puee. Mimmee, án làá yàntī ní béé ni-Nimbɔtiuee mbaamɔm. 11Míǹ puee, a yaa sá Juuda yɔuaaa, a yaa kaa sáaa, a yaa gíí dikpancandaaa, a yaa kaa gííyaaa, a yaa sá unicaanaaa, a yaa tí sá umɔnilaaa, a yaa sá uyumbuɔɔɔ, a yaa tí tɔ́ a-baaa, tíǹ kaa páb́. Un baba bɔti páb́ee di sá Kriisitoo un bí báà ŋmanee.
12Nimbi bin Unimbɔti lútì, ni kpántì u-yab bin u néeńee, ní nīn sūm̀maan tɔb saai kí nīn ŋáań tɔb tiŋan kí nīn sìntīǹ ni-ba taapu ki tìì tɔb, kí nīn cáá kimɔtii. 13Ní nīn ŋúb́maan tɔb. Ni-jutiibi yaa yīntiǹ-nee, ní nīn cáa pūǹ-bi. Kii ti-Dindaan nín dū ni-kpitii ki pú-ni puee, ni mun ń nīn cáa pūm̀maan tɔb míǹ mbaantiim#3.13 Dūú ŋmàntī nì Maat 6.12,14.. 14Tin páb́ ki jítiǹ tikɔkɔee di sá ní nīn néeń tɔb. Míǹ ní ni làá ŋmā kí nīn cáá nnyɔɔpee tiŋman pu. 15Yàntīmaan ŋgbansɔŋfi ŋun Kriisitoo tììyee ń nīn kpòotī ni-pɔbiliŋ. Di sá yii ŋúǹ pu ní Unimbɔti yíiń-ni ki kpáfì kii tiwumbaantiilee. Ní nīn jáaḿ Unimbɔti tiŋan tin u ŋáań ki tìì-nee pu. 16Kriisitoo bɔtee nì tì-gaajati kɔkɔ ń nīn bí ni-cee mmɔntiimin. Ní nīn dàkà tɔb u-bɔtee kí nīn kpáafímaan tɔb nì iciimmɔnti, kí nīn gà ilan nì ni-pɔbiliŋ kɔkɔ, ilan in kā Inyɔŋki laŋyi gbɔŋku poonee nì Kriisitoo nikitil laŋyi nì ilan in Unimbɔti Fam tìì-nee kí nīn cáa pàkà Unimbɔti u-ŋanti pu#3.16 Dūú ŋmàntī nì Eef 5.19-20.. 17Tin kamaa ni yaa làá lèe nì tin kamaa ni yaa làá ŋée, ŋámaan an kɔkɔ nì ti-Dindaan Yeesu pu, kí nīn dìmaan u-pu ki jáaḿ ti-Baa Unimbɔti.
Unil nín máaǹ kí nīn bí min dicindinee
18Nimbi binimpoobee, nín̄ tɔ́maan ni-calib, min máaǹ ti-Dindaan yab ń ŋée dee.
19Nimbi bininjabee, nín̄ néeḿmaan ni-nimpoobi, kí taa nín̄ cáá bi-pu ntoom.
20Nimbi mbiyaamuee, an sá ni-tundi yii ní nīn gbìlim̀maan ni-baabi nì ni-nab nyɔmmu ŋyunti sá kamaa, míǹ di sá min fáatiǹ ti-Dindaanee.
21Nimbi bibaatiibee, ní taa nín̄ páb́ ni-biyaamu tikpil, mu-wunti ń yɔ̀tī.
22Nimbi iyumbuee, ní nīn gbìlim̀maan bin sá ni-dindambi taapu dooyee nyɔmmu iyunti kɔkɔ. Ní taa nín̄ tūǹ ditundi min fáatì-bee ŋyunti ŋun bi kpèé-nee ŋmaniŋma, ama ní nīn tūǹ bi-tuuŋŋi nì dipɔbil diba kii ni nín fàŋkí ti-Dindaan puee. 23Báà ditundi din ní an yaa yāntì ki sée, tɔ̄maan-dì nì ni-pɔbiliŋ kɔkɔ, a lì kii ti-Dindaan ní ni tūǹ ki tìì, an kaa sá nnibiyaamuee. 24Ní nīn nyí yii ti-Dindaan làá dāá pà-ni tipaal tin sá kutindaŋuee#3.24 Dūú ŋmàntī nì Gala 4.1-2.. Di sá yii ni-Dindaan un ni baasii tūǹ ditundi ki tììyee di sá Kriisitoo. 25Un yaa ŋá ikpitee làá ká ikpiti paati, kun puee ti-Dindaan gbanti kaa gàntī binib#3.25 Dūú ŋmàntī nì Ditee 10.17..
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.