Actes 25
25
Pɔɔl bí yii u là gɔmina Seesaar nín sòoǹ u-bɔti
1 Feestuusi nìn bàn̄ Juudee watil. Iwiin ita boonee ní u yíkì Seesaaree ki nín jɔ́ḿ Jeerusaleem. 2Ní bisaraaŋakpilib nì Juuda yab nikpaambi dɔ́miń ki kàan̄ Pɔɔl bɔti ki tùkū-u, ní ki gbāam̀ Feestuusi 3yii ú jī kimɔtii kí yàntī Pɔɔl ń dāan̄ Jeerusaleem. Di sá yii bi bɔ́ntì ki cí kí kpɔ̀-u nsanni. 4Ní Feestuusi kíí-bi yii: «Pɔɔl kā sarkan Seesaaree, man m-ba bíi bɔ́ntí kí fàtīí gítí niin ní nee.» 5Ní u gíti bí-bi yii: «Mimmee, ni-kpilib ń nóó-mi tí cù Seesaaree bí tin sòoǹ kí kpèè uninja gbanti yaa ŋá tikpitil tiba.»
6Feestuusi nìn ŋá iwiin inii kii saalaa pu bi-kansikin, ní ki fātìi gítìń Seesaaree. Kutaa wúntèe ní u kɔ́ ki kāl̀ kubɔsoondiin ní ki bí bí yíiń Pɔɔl. 7Pɔɔl bāańee Juuda yab bin nyánní Jeerusaleemee yú ki kɔ́ĺ-u ki sòoǹ u-pu yii u ŋáaǹ tibɔkpaandi tikpil. Ama baa nìn ŋūǹ kí cáań tiba bí béé yii tin pu bi sòoǹee sá ibaamɔn. 8Ní Pɔɔl mun yōoǹní tin u cááyee ki lī yii: «Maa yīntì nì Juuda yab marab ubɔ, kaa tí yīntì nì kunimbɔtidii, kaa yīntì nì gɔminakpaan Seesaar mun.» 9Feestuusi nìn là án mɔ̄ɔkiǹ Juuda yabee, ní u bālifì Pɔɔl yii: «A là kí jɔ̄m̀ Jeerusaleem bí sòoǹ a-bɔti nee m-nimbiinaaa?» 10Ní Pɔɔl kíí-u yii: «Gɔminakpaan Seesaar bɔsoondiikun ní man sí ki bí nee, niin ní an máaǹ bí sòoǹ m-bɔti! Kun puee maa ŋá Juuda yab tikpitil tiba, sii a-ba gba nyí míǹ tiŋan. 11M yaa sá unikpiti ní ki ŋá tin tin máaǹ ŋkúmee, mimmee maa mɔ́tí ŋkúm pu. Ama, an yaa tí sá yii tin bi sòoǹ m-puee yaa sá nnyimɔn, ubɔ kaa ŋūǹ kí dū-mi kí tīī-bi. See ḿ bà gɔminakpaan Seesaar nimbiin!» 12Niinee ní Feestuusi nì u-kpilib kāl̀ ki sòon̄ ki kpōotì tɔb, ní ki kíí-u yii: «Kéè, a bí yii a là kí cù gɔminakpaan nimbiinaa! Ti kíí á lafun cù u-nimbiin.»
Pɔɔl yú Agriipa nì Beereeniisi nimbiin
13Iwiin ili boonee, ní ubɔti Agriipa nì Beereeniisi bāań Seesaaree kí jāam̀ Feestuusi. 14Bi kāl̀ iwiŋkaaŋkaa iba poonee, ní Feestuusi dū Pɔɔl bɔti ki kàan̄ ki tùkū ubɔti yii: «Feeliikisi yāntì uninja ubɔ sarkan doo. 15M nín nìn cūtì Jeerusaleemee ní bisaraaŋakpilib nì Juuda yab kpilib tùkū-mi yii u nìn ŋá ikpiti ní, ní ki mēē-mi yii ḿ dáaĺ u-tafal. 16Ní m kíí-bi yii Room yab bíǹ kaa dù unil kí tīī bí dáaĺ u-tafal, asee bí pɔ̄-u kinyɔkɔ u mun ń sòoǹ u-nannanliibi nimbiin kun pu ní bi bí ki jáàyee. 17Bi dɔ́miń doo nee, kutaa wúntèe maa nìn gíti tāaǹ-bi, ní ki kɔ́ ki kāl̀ m-bɔsoondiikun ní ki bí bí cáań uninja gbanti. 18Ní u-nannanliibi mun kàan̄. Ama maa ká tikpitil tin ní m bàà dàkafī yii u máaǹ ki ŋée. 19An nìn sá bíǹ bi-ba marab nì un bi yíì Yeesu u kpíì kin Pɔɔl bí yii u bée ŋmaniŋma pu ní bi bíi kpákà. 20Maa nìn nyí m nín làá ŋá pu kí béé tibɔti gbanti yilee, an pu ní m bālifì Pɔɔl yii u yaa là kí cù Jeerusaleem ḿ sòoǹ u-bɔti gbanti niin. 21Ní Pɔɔl yíì ki lī yii bí yàntī ú nīn bí sarkan kí nīn cí ŋyunti ŋun ní gɔminakpaan Seesaar làá dāá sòoǹ tibɔti gbantee. Ní m bí bí dū-u kí pìin̄ kí nīn cí ŋyunti ŋun m làá dāá dū-u kí tīī gɔminakpaanee.» 22Ní Agriipa bí yii: «Man m-ba bàà là uninja gbanti ń sòoǹ ḿ pīlifì.» Ní Feestuusi kíí-u yii: «Tin u yaa cááyee, fool a fu gbìl̀.»
23Kutaa wúntèe ní binib tikpil fōō Agriipa nì Beereeniisi, ní bi nì bisoojakpilib nì kitiŋ poon nikpaambi táá ki kɔ́ kubɔsoondiin. Ní Feestuusi yāntì bi cáań Pɔɔl, 24ní ki bí yii:
«Ubɔti Agriipa nì nimbi bin kɔkɔwoooo kpáfì doo nee, Juuda yab kɔkɔ dɔ́miń m-cee Jeerusaleem nì doo ki yíiń uninja un ni wāĺ nee ibeeyiin, ní ki tátí yii bi máaǹ kí kpɔ̀-u. 25Ama man nyí yii waa ŋá tin máaǹ ŋkúmee, ní úǹ u-ba dāa bí yii gɔminakpaan ń sòoǹ u-bɔti. M kpēē yii an lafun máaǹ mimmee, ní m là kí dū-u kí tīī-u. 26Maa láá nyí u-bɔti pu tiba kí ŋmà kí tīī ti-yidaaŋwu Seesaar kɔŋkɔnnee. Míǹ pu ní m cáań-u ni-cee, nì sii a-ba ubɔti Agriipa nimbiin, ní bi yaa bíi bàlifī-u anyɔɔbunee, ḿ ŋmā kí ká tiba poon kí ŋmà. 27Di sá yii an kaa kítì ḿ dū usarkadaan kí tīī míǹ, kaa lī tin pu ní bi ŋúb́-uee.»
Currently Selected:
Actes 25: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
Actes 25
25
Pɔɔl bí yii u là gɔmina Seesaar nín sòoǹ u-bɔti
1 Feestuusi nìn bàn̄ Juudee watil. Iwiin ita boonee ní u yíkì Seesaaree ki nín jɔ́ḿ Jeerusaleem. 2Ní bisaraaŋakpilib nì Juuda yab nikpaambi dɔ́miń ki kàan̄ Pɔɔl bɔti ki tùkū-u, ní ki gbāam̀ Feestuusi 3yii ú jī kimɔtii kí yàntī Pɔɔl ń dāan̄ Jeerusaleem. Di sá yii bi bɔ́ntì ki cí kí kpɔ̀-u nsanni. 4Ní Feestuusi kíí-bi yii: «Pɔɔl kā sarkan Seesaaree, man m-ba bíi bɔ́ntí kí fàtīí gítí niin ní nee.» 5Ní u gíti bí-bi yii: «Mimmee, ni-kpilib ń nóó-mi tí cù Seesaaree bí tin sòoǹ kí kpèè uninja gbanti yaa ŋá tikpitil tiba.»
6Feestuusi nìn ŋá iwiin inii kii saalaa pu bi-kansikin, ní ki fātìi gítìń Seesaaree. Kutaa wúntèe ní u kɔ́ ki kāl̀ kubɔsoondiin ní ki bí bí yíiń Pɔɔl. 7Pɔɔl bāańee Juuda yab bin nyánní Jeerusaleemee yú ki kɔ́ĺ-u ki sòoǹ u-pu yii u ŋáaǹ tibɔkpaandi tikpil. Ama baa nìn ŋūǹ kí cáań tiba bí béé yii tin pu bi sòoǹee sá ibaamɔn. 8Ní Pɔɔl mun yōoǹní tin u cááyee ki lī yii: «Maa yīntì nì Juuda yab marab ubɔ, kaa tí yīntì nì kunimbɔtidii, kaa yīntì nì gɔminakpaan Seesaar mun.» 9Feestuusi nìn là án mɔ̄ɔkiǹ Juuda yabee, ní u bālifì Pɔɔl yii: «A là kí jɔ̄m̀ Jeerusaleem bí sòoǹ a-bɔti nee m-nimbiinaaa?» 10Ní Pɔɔl kíí-u yii: «Gɔminakpaan Seesaar bɔsoondiikun ní man sí ki bí nee, niin ní an máaǹ bí sòoǹ m-bɔti! Kun puee maa ŋá Juuda yab tikpitil tiba, sii a-ba gba nyí míǹ tiŋan. 11M yaa sá unikpiti ní ki ŋá tin tin máaǹ ŋkúmee, mimmee maa mɔ́tí ŋkúm pu. Ama, an yaa tí sá yii tin bi sòoǹ m-puee yaa sá nnyimɔn, ubɔ kaa ŋūǹ kí dū-mi kí tīī-bi. See ḿ bà gɔminakpaan Seesaar nimbiin!» 12Niinee ní Feestuusi nì u-kpilib kāl̀ ki sòon̄ ki kpōotì tɔb, ní ki kíí-u yii: «Kéè, a bí yii a là kí cù gɔminakpaan nimbiinaa! Ti kíí á lafun cù u-nimbiin.»
Pɔɔl yú Agriipa nì Beereeniisi nimbiin
13Iwiin ili boonee, ní ubɔti Agriipa nì Beereeniisi bāań Seesaaree kí jāam̀ Feestuusi. 14Bi kāl̀ iwiŋkaaŋkaa iba poonee, ní Feestuusi dū Pɔɔl bɔti ki kàan̄ ki tùkū ubɔti yii: «Feeliikisi yāntì uninja ubɔ sarkan doo. 15M nín nìn cūtì Jeerusaleemee ní bisaraaŋakpilib nì Juuda yab kpilib tùkū-mi yii u nìn ŋá ikpiti ní, ní ki mēē-mi yii ḿ dáaĺ u-tafal. 16Ní m kíí-bi yii Room yab bíǹ kaa dù unil kí tīī bí dáaĺ u-tafal, asee bí pɔ̄-u kinyɔkɔ u mun ń sòoǹ u-nannanliibi nimbiin kun pu ní bi bí ki jáàyee. 17Bi dɔ́miń doo nee, kutaa wúntèe maa nìn gíti tāaǹ-bi, ní ki kɔ́ ki kāl̀ m-bɔsoondiikun ní ki bí bí cáań uninja gbanti. 18Ní u-nannanliibi mun kàan̄. Ama maa ká tikpitil tin ní m bàà dàkafī yii u máaǹ ki ŋée. 19An nìn sá bíǹ bi-ba marab nì un bi yíì Yeesu u kpíì kin Pɔɔl bí yii u bée ŋmaniŋma pu ní bi bíi kpákà. 20Maa nìn nyí m nín làá ŋá pu kí béé tibɔti gbanti yilee, an pu ní m bālifì Pɔɔl yii u yaa là kí cù Jeerusaleem ḿ sòoǹ u-bɔti gbanti niin. 21Ní Pɔɔl yíì ki lī yii bí yàntī ú nīn bí sarkan kí nīn cí ŋyunti ŋun ní gɔminakpaan Seesaar làá dāá sòoǹ tibɔti gbantee. Ní m bí bí dū-u kí pìin̄ kí nīn cí ŋyunti ŋun m làá dāá dū-u kí tīī gɔminakpaanee.» 22Ní Agriipa bí yii: «Man m-ba bàà là uninja gbanti ń sòoǹ ḿ pīlifì.» Ní Feestuusi kíí-u yii: «Tin u yaa cááyee, fool a fu gbìl̀.»
23Kutaa wúntèe ní binib tikpil fōō Agriipa nì Beereeniisi, ní bi nì bisoojakpilib nì kitiŋ poon nikpaambi táá ki kɔ́ kubɔsoondiin. Ní Feestuusi yāntì bi cáań Pɔɔl, 24ní ki bí yii:
«Ubɔti Agriipa nì nimbi bin kɔkɔwoooo kpáfì doo nee, Juuda yab kɔkɔ dɔ́miń m-cee Jeerusaleem nì doo ki yíiń uninja un ni wāĺ nee ibeeyiin, ní ki tátí yii bi máaǹ kí kpɔ̀-u. 25Ama man nyí yii waa ŋá tin máaǹ ŋkúmee, ní úǹ u-ba dāa bí yii gɔminakpaan ń sòoǹ u-bɔti. M kpēē yii an lafun máaǹ mimmee, ní m là kí dū-u kí tīī-u. 26Maa láá nyí u-bɔti pu tiba kí ŋmà kí tīī ti-yidaaŋwu Seesaar kɔŋkɔnnee. Míǹ pu ní m cáań-u ni-cee, nì sii a-ba ubɔti Agriipa nimbiin, ní bi yaa bíi bàlifī-u anyɔɔbunee, ḿ ŋmā kí ká tiba poon kí ŋmà. 27Di sá yii an kaa kítì ḿ dū usarkadaan kí tīī míǹ, kaa lī tin pu ní bi ŋúb́-uee.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.