1 Thessaloniciens 4
4
Mbimbim min fáatì Unimbɔtee
1Kí kúntí tibɔtee, nnabiyaamu, ti dàkā-ni min ní ni máaǹ kí nīn còom̄ Unimbɔti ń nīn fáatì ni-bɔtee. Ibaamɔn, ni bíi còom̄ min fáatì Unimbɔtee, ama ti dū ti-Dindaan Yeesu ki gbāam̀-ni yii ní nīn gbíntìi ŋáań min jítiǹ mimmee ki cá. 2Ni nyí ti nín nìn dàkā-ni tibɔti tin ti-Dindaan Yeesu yindi puee. 3Unimbɔti nín là kuŋyee di sá ní nīn bí circir kí nīn ŋúb́ ni-ba kí taa ŋá tilaakpaal. 4Ni-kansikin báà ŋma nimpucáatam ń nīn sá circir ki cáá tinyool, 5kí taa dū ni-ba kí tīī ajɔkɔntuun kii bin kaa nyí Unimbɔtee nín ŋáań puee. 6Tibɔti nee poonee, ni-kansikin ubɔ ń taa ŋá u-nabiki min kaa kítèeyaaa, kí taa mùul̀-u. Ti nìn tùkū-ni an bɔti dooooyee ki gíti kpáafì-ni-tì tiŋan yii ti-Dindaan làá dāá dáaĺ bin ŋáań an kpitiiyee tafal. 7Di sá yii Unimbɔti kaa yíiń-ti tí dāá nīn bí tijɔkɔndi poon, ama u yíiń-ti tí dāá nīn sá circirdambi ní. 8An puee un di yaa dū ti-dàkatam nee ki fée, an kaa sá unil bɔti ní u fá, ama Unimbɔti un tīī-ni u-Circir Famee bɔti ní u fá.
9An yaa kíǹ ni nì ni-nabiyaamu kansikin neendee, an kaa ti bàlifī yii tí ŋmà-ni an pu gba, kun puee Unimbɔti dàkā-ni ni nín máaǹ kí nīn néeń tɔb puee. 10An neendee gba ní ni cáá nnabiyaamu mun kɔkɔ bí Maseeduwaan tiŋki kɔkɔnee pu#4.10 Kpèè 2 Kɔra 1.16.. Ama ti bàlifī-ni yii ní gíti ŋá min jítiǹ min ni nìn ŋáań dooooyee. 11Ní pɔ́ɔǹ ni-ba kí nīn bímaan ŋgbansɔŋfi poon kí nīn tūǹ atuun kí kpíiǹ ni-ba, kii ti nín nìn pée tùkū-ni dooooyee puee. 12Ni yaa ŋá mimmee, an di làá yàntī bin kaa nyí Unimbɔtee ń nīn tɔ́-ni, ní naa báká ubɔ pu.
Ti-Dindaan Yeesu gítintam
13Nnabiyaamu, ti là yii ní nīn nyí bin kpíìyee bɔti nín làá dāá jītí puee mbaamɔmin. Taa là yii ní nīn bí kunimbaaun kii bin kaa cáá ti-Dindaan pu dimákalee nín bí puee. 14Kun puee ti nyí yii Yeesu kpíì ki fātìi fīkitì, míǹ ní ti nyí yii Unimbɔti làá fàtīí tí gíiǹní bin nóó Yeesu ki kpíìyee dimaŋfalin, kii u nín fīkitì Yeesu puee.
15Ní pīlifì, ti-Dindaan bɔti tin u nìn sòoǹee tiba sɔ̀. Ti-Dindaan yaa láa bāańee, timbi bin dáá bí dimaŋfalinee kaa làá dāá péeǹ bin kpíìyee kí lìntī. 16Di sá yii ti-Dindaan u-ba làá dāá pɔ̄ kinyɔkɔ ní ituun kpiliu ń téeń ní Unimbɔti kantándi ń búń. Niinee ní ti-Dindaan ń nyānní yilpu kí sìntīń, ní bin fōō-u ki kíí ki kpíìyee ń péé péé kí fìkitī. 17Ní timbi bin dáá kíǹ kaa kpíìyee mun ń yīkì kí kūtì bi-pu ní án yòon̄-ti kutaa pu tí tūŋkì ti-Dindaan atagbanni, ní ti nì ti-Dindaan ń nīn kíǹ ki bí baabadal#4.17 B. 15-17: dūú ŋmàntī nì 1 Kɔra 15.51-52.. 18Ní nīn cáá tibɔti nee ki sɔ̀ŋkīmaan tɔb pɔbiliŋ.
Currently Selected:
1 Thessaloniciens 4: BASSARDC
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
1 Thessaloniciens 4
4
Mbimbim min fáatì Unimbɔtee
1Kí kúntí tibɔtee, nnabiyaamu, ti dàkā-ni min ní ni máaǹ kí nīn còom̄ Unimbɔti ń nīn fáatì ni-bɔtee. Ibaamɔn, ni bíi còom̄ min fáatì Unimbɔtee, ama ti dū ti-Dindaan Yeesu ki gbāam̀-ni yii ní nīn gbíntìi ŋáań min jítiǹ mimmee ki cá. 2Ni nyí ti nín nìn dàkā-ni tibɔti tin ti-Dindaan Yeesu yindi puee. 3Unimbɔti nín là kuŋyee di sá ní nīn bí circir kí nīn ŋúb́ ni-ba kí taa ŋá tilaakpaal. 4Ni-kansikin báà ŋma nimpucáatam ń nīn sá circir ki cáá tinyool, 5kí taa dū ni-ba kí tīī ajɔkɔntuun kii bin kaa nyí Unimbɔtee nín ŋáań puee. 6Tibɔti nee poonee, ni-kansikin ubɔ ń taa ŋá u-nabiki min kaa kítèeyaaa, kí taa mùul̀-u. Ti nìn tùkū-ni an bɔti dooooyee ki gíti kpáafì-ni-tì tiŋan yii ti-Dindaan làá dāá dáaĺ bin ŋáań an kpitiiyee tafal. 7Di sá yii Unimbɔti kaa yíiń-ti tí dāá nīn bí tijɔkɔndi poon, ama u yíiń-ti tí dāá nīn sá circirdambi ní. 8An puee un di yaa dū ti-dàkatam nee ki fée, an kaa sá unil bɔti ní u fá, ama Unimbɔti un tīī-ni u-Circir Famee bɔti ní u fá.
9An yaa kíǹ ni nì ni-nabiyaamu kansikin neendee, an kaa ti bàlifī yii tí ŋmà-ni an pu gba, kun puee Unimbɔti dàkā-ni ni nín máaǹ kí nīn néeń tɔb puee. 10An neendee gba ní ni cáá nnabiyaamu mun kɔkɔ bí Maseeduwaan tiŋki kɔkɔnee pu#4.10 Kpèè 2 Kɔra 1.16.. Ama ti bàlifī-ni yii ní gíti ŋá min jítiǹ min ni nìn ŋáań dooooyee. 11Ní pɔ́ɔǹ ni-ba kí nīn bímaan ŋgbansɔŋfi poon kí nīn tūǹ atuun kí kpíiǹ ni-ba, kii ti nín nìn pée tùkū-ni dooooyee puee. 12Ni yaa ŋá mimmee, an di làá yàntī bin kaa nyí Unimbɔtee ń nīn tɔ́-ni, ní naa báká ubɔ pu.
Ti-Dindaan Yeesu gítintam
13Nnabiyaamu, ti là yii ní nīn nyí bin kpíìyee bɔti nín làá dāá jītí puee mbaamɔmin. Taa là yii ní nīn bí kunimbaaun kii bin kaa cáá ti-Dindaan pu dimákalee nín bí puee. 14Kun puee ti nyí yii Yeesu kpíì ki fātìi fīkitì, míǹ ní ti nyí yii Unimbɔti làá fàtīí tí gíiǹní bin nóó Yeesu ki kpíìyee dimaŋfalin, kii u nín fīkitì Yeesu puee.
15Ní pīlifì, ti-Dindaan bɔti tin u nìn sòoǹee tiba sɔ̀. Ti-Dindaan yaa láa bāańee, timbi bin dáá bí dimaŋfalinee kaa làá dāá péeǹ bin kpíìyee kí lìntī. 16Di sá yii ti-Dindaan u-ba làá dāá pɔ̄ kinyɔkɔ ní ituun kpiliu ń téeń ní Unimbɔti kantándi ń búń. Niinee ní ti-Dindaan ń nyānní yilpu kí sìntīń, ní bin fōō-u ki kíí ki kpíìyee ń péé péé kí fìkitī. 17Ní timbi bin dáá kíǹ kaa kpíìyee mun ń yīkì kí kūtì bi-pu ní án yòon̄-ti kutaa pu tí tūŋkì ti-Dindaan atagbanni, ní ti nì ti-Dindaan ń nīn kíǹ ki bí baabadal#4.17 B. 15-17: dūú ŋmàntī nì 1 Kɔra 15.51-52.. 18Ní nīn cáá tibɔti nee ki sɔ̀ŋkīmaan tɔb pɔbiliŋ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.