1 Corinthiens 2
2
Tibɔti tin Pɔɔl sòoǹee: Kriisitoo dɔpuntikaaŋu
1Nnabiyaamu, m nín nìn dɔ́miń ni-cee ki sòon̄ nì ni Unimbɔti bɔti tin bí dibalinee, maa nìn dū anyɔɔbuŋkpaanaaa, kaa nìn tí dū binib ciiŋyi ní ki sòon̄ nì ni. 2M lēē yii maa làá sòoǹ ni-kansikin báà tiba nì tiba, an yaa kaa sá Yeesu Kriisitoo un bi kpáá ndɔpuntikaa puee bɔti. 3An pu ní m kāl̀ ni-kansikin kii uwɔfee nì tifaandi yɔ́kɔ́ yɔkɔ#2.3 Dūú ŋmàntī nì Atuun 18.9.. 4Unimbɔti bɔti tin m nìn cáań-nee nì min min m nìn dàkā-ni tibɔti gbantee kaa nìn nyánní binib ciiŋyi dàkatamin, ama an nìn sá Unimbɔti Fam pɔŋŋu tundi ní. 5Mimmee ni-fookiiu kaa cɔ́ binib ciiŋyi pu, ama Unimbɔti pɔŋŋu pu ní an cɔ́.
Unimbɔti ciiŋŋu
6An puee bin béè nnimbɔtisan mmɔntiiminee, iciin ní ti dàkā-bi. An kaa nìn sá duulinya yab ciiŋyi, kaa tí sá ipɔŋkpiti in jíń abee duulinyan ki làá dāá kúntée ciiŋyi. 7Timbee, Unimbɔti ciiŋyi in nìn bí dibalinee pu ní ti sòoǹ. Unimbɔti nìn pée lēē-i ki yóoǹ-ti án nīn sá ti-nyooti ki wāatì ní ki nín náań duulinya. 8Duulinya bɔtiibi báà ubɔ kaa ŋúń ki béè Unimbɔti ciiŋyi gbanti. Bi yaa bàà nìn béè-i, baa bàà nìn kpáà ti-Dindaan tinyooldaan ndɔpuntikaa pu. 9An bí kii Unimbɔti gbɔŋku poon nín ŋmàn̄ puee yii:
«Tin unil nimbil kaa kée,
nì tin u-tafal kaa gbìl̄ee,
nì tin unil kaa dākafì ki kée,
tíǹ ní Unimbɔti bɔ́ntì ki yóoǹ bin néeń-uee#2.9 Kpèè Yees 64.3, 52.15..»
10Di sá yii timbi ní Unimbɔti dī u-Fam pu ki dàkā-ti abɔɔn gbanti. Di sá yii Unimbɔti Fam gbanti di ŋūǹ kí béé tin Unimbɔti cááyee, ki kpáaǹ tin bí dibalin poon poon kábuee. 11Ulanil ni-kansikin di ŋūǹ kí béé u-juti landɔkɔŋu? See úǹ u-ba fam min bí u-nee di ŋūǹ kí béé kun u sée. Míǹ mbaantiim ní ubɔ kaa ŋūǹ kí béé Unimbɔti landɔkɔŋu, see Unimbɔti Fam di ŋūǹ kí béé u-landɔkɔŋu. 12Timbee, an kaa sá duulinya Fam ní ti fōō, an sá Unimbɔti di tīī-ti u-Fam, án nín làá ŋá pu tí béé tiŋan tin kɔkɔ Unimbɔti ŋá-tee. 13An puee, anyɔɔbun ŋin ti cáa sòoǹee kaa sá binib nín dàkà iciin iŋyee nyɔɔbuŋŋi, ama an sá anyɔɔbun ŋin Unimbɔti Fam tīī-tee ní ti cáa sòoǹ ki bɔ́bití ibaamɔn in nyēeń Unimbɔti Fam nee ki tùkù bin cáá Unimbɔti Famee.
14Unil un dàkafī nniyaamin ŋmaniŋmee kaa ŋūǹ kí fōō ibaamɔn in Unimbɔti Fam sòoǹee. Úǹ ceeyee, an sá tiwaatibɔti ní. Waa ŋūǹ kí fōō-tì, kun puee Unimbɔti Fam baba di yàntī unil ń ŋmā kí béé kí gàntī. 15Unil un cáá Unimbɔti Famee di ŋūǹ kí nīn nyí tikɔkɔ ki gàntī, ama ubɔ kaa gbìl̀ úǹ bɔti taapu kí gàntī. 16Kii Unimbɔti gbɔŋku poon nín lī puee yii:
«Ŋma di nyí ti-Dindaan landɔkɔŋu?
Ŋma di ŋūǹ kí sāŋkì-u#2.16 Kpèè Yees 40.13.?»
Ama timbee, ti cáá Kriisitoo landɔkɔŋu ti-ni.
Currently Selected:
1 Corinthiens 2: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
1 Corinthiens 2
2
Tibɔti tin Pɔɔl sòoǹee: Kriisitoo dɔpuntikaaŋu
1Nnabiyaamu, m nín nìn dɔ́miń ni-cee ki sòon̄ nì ni Unimbɔti bɔti tin bí dibalinee, maa nìn dū anyɔɔbuŋkpaanaaa, kaa nìn tí dū binib ciiŋyi ní ki sòon̄ nì ni. 2M lēē yii maa làá sòoǹ ni-kansikin báà tiba nì tiba, an yaa kaa sá Yeesu Kriisitoo un bi kpáá ndɔpuntikaa puee bɔti. 3An pu ní m kāl̀ ni-kansikin kii uwɔfee nì tifaandi yɔ́kɔ́ yɔkɔ#2.3 Dūú ŋmàntī nì Atuun 18.9.. 4Unimbɔti bɔti tin m nìn cáań-nee nì min min m nìn dàkā-ni tibɔti gbantee kaa nìn nyánní binib ciiŋyi dàkatamin, ama an nìn sá Unimbɔti Fam pɔŋŋu tundi ní. 5Mimmee ni-fookiiu kaa cɔ́ binib ciiŋyi pu, ama Unimbɔti pɔŋŋu pu ní an cɔ́.
Unimbɔti ciiŋŋu
6An puee bin béè nnimbɔtisan mmɔntiiminee, iciin ní ti dàkā-bi. An kaa nìn sá duulinya yab ciiŋyi, kaa tí sá ipɔŋkpiti in jíń abee duulinyan ki làá dāá kúntée ciiŋyi. 7Timbee, Unimbɔti ciiŋyi in nìn bí dibalinee pu ní ti sòoǹ. Unimbɔti nìn pée lēē-i ki yóoǹ-ti án nīn sá ti-nyooti ki wāatì ní ki nín náań duulinya. 8Duulinya bɔtiibi báà ubɔ kaa ŋúń ki béè Unimbɔti ciiŋyi gbanti. Bi yaa bàà nìn béè-i, baa bàà nìn kpáà ti-Dindaan tinyooldaan ndɔpuntikaa pu. 9An bí kii Unimbɔti gbɔŋku poon nín ŋmàn̄ puee yii:
«Tin unil nimbil kaa kée,
nì tin u-tafal kaa gbìl̄ee,
nì tin unil kaa dākafì ki kée,
tíǹ ní Unimbɔti bɔ́ntì ki yóoǹ bin néeń-uee#2.9 Kpèè Yees 64.3, 52.15..»
10Di sá yii timbi ní Unimbɔti dī u-Fam pu ki dàkā-ti abɔɔn gbanti. Di sá yii Unimbɔti Fam gbanti di ŋūǹ kí béé tin Unimbɔti cááyee, ki kpáaǹ tin bí dibalin poon poon kábuee. 11Ulanil ni-kansikin di ŋūǹ kí béé u-juti landɔkɔŋu? See úǹ u-ba fam min bí u-nee di ŋūǹ kí béé kun u sée. Míǹ mbaantiim ní ubɔ kaa ŋūǹ kí béé Unimbɔti landɔkɔŋu, see Unimbɔti Fam di ŋūǹ kí béé u-landɔkɔŋu. 12Timbee, an kaa sá duulinya Fam ní ti fōō, an sá Unimbɔti di tīī-ti u-Fam, án nín làá ŋá pu tí béé tiŋan tin kɔkɔ Unimbɔti ŋá-tee. 13An puee, anyɔɔbun ŋin ti cáa sòoǹee kaa sá binib nín dàkà iciin iŋyee nyɔɔbuŋŋi, ama an sá anyɔɔbun ŋin Unimbɔti Fam tīī-tee ní ti cáa sòoǹ ki bɔ́bití ibaamɔn in nyēeń Unimbɔti Fam nee ki tùkù bin cáá Unimbɔti Famee.
14Unil un dàkafī nniyaamin ŋmaniŋmee kaa ŋūǹ kí fōō ibaamɔn in Unimbɔti Fam sòoǹee. Úǹ ceeyee, an sá tiwaatibɔti ní. Waa ŋūǹ kí fōō-tì, kun puee Unimbɔti Fam baba di yàntī unil ń ŋmā kí béé kí gàntī. 15Unil un cáá Unimbɔti Famee di ŋūǹ kí nīn nyí tikɔkɔ ki gàntī, ama ubɔ kaa gbìl̀ úǹ bɔti taapu kí gàntī. 16Kii Unimbɔti gbɔŋku poon nín lī puee yii:
«Ŋma di nyí ti-Dindaan landɔkɔŋu?
Ŋma di ŋūǹ kí sāŋkì-u#2.16 Kpèè Yees 40.13.?»
Ama timbee, ti cáá Kriisitoo landɔkɔŋu ti-ni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.