1 Corinthiens 16
16
Tootoo un bi tɔ́ kí tūtuǹ Kriisitoo yabee
1Tibɔti tin m cáá kí tùkù-ni tootoo un ni tòó kí tīī Kriisitoo yab bin bí Jeerusaleemee puee sɔ̀#16.1 Kpèè Room 15.25-26.. Ni mun ń nīn ŋáań kii m nín dàkā Kriisitoo nikitiŋ ŋin bí Galaati tiŋkinee puee. 2Kɔɔsil kamaayee, báà ŋma ń lēē min u kée dijandi din u làá tīīyee kí yóoń, án taa nín̄ sá yii man ḿ bàń ní ní nín kíĺ animbil ditɔl. 3Ní lēē binib biba, m yaa láa bāańee ḿ tīī-bi kugbɔŋu, kí tɔ̄-bi bí cáá ni-tootoou kí tīī Jeerusaleem yab. 4An yaa tí sá yii ḿ cù m-baaa, man nì bi ń nóó kí cù.
Pɔɔl bíi dàkafī kí còom̀ u-saŋŋu
5M yaa làá dāan̄ ni-ceeyee, m làá dīń Maseeduwaan tiŋkin ní kí nín bàń-ni, kun puee m là kí dī Maseeduwaan ní#16.5 Kpèè Atuun 19.21.. 6An yaa yíì m làá kàl̄ ni-cee fiii. Ni yaa kaa kpēē gba, ni-cee ní m làá kàl̄ ní tiwool yuntiŋu ń jītí, án nín làá ŋá pu ní tūtuǹ-mi ḿ nìkī m-saŋŋu laakin sá ḿ cùee. 7Maa ti là kí dāá kàl̄ ni-cee fiii, ti-Dindaan yaa kííyee, m làá kàl̄ ni-cee kí yúntí ní.
8Ama m làá nīn bí Eefeesi tiŋkin ní kí tin sāā Pantikooti jiŋaaliu dal. 9Di sá yii nsan ŋubɔ pīitì ki dōoǹ ḿ dī kí tɔ̄ dituŋkpaandi, nì min kɔkɔ m-nannanliibi wīikí tikpilee#16.9 B. 8-9: kpèè Atuun 19.8-10..
10Tiimootee yaa bāań ni-ceeyee, ní fōō-u mmɔntiimin u-pɔbil ń nīn sɔ̀m̀, kun puee u mun tūǹ ti-Dindaan tundi kii mamee ní. 11Ubɔ ń taa kpèè kí sìŋkīǹ-u, ama ní tūtuǹ-u ú fàtī kí gítiń m-cee nì dipɔɔsɔŋkil, di sá man nì nnabiyaamu mun bí dooyee kā ki cí-u.
12M bàà tīī ti-nabiki Apooloosi kunyannyaau u nì nnabiyaamu mubɔ bí bàà dāan̄ ni-cee, ama waa là kí dāan̄ kɔŋkɔnnee#16.12 Apooloosi : kpèè atuun 18.24.. Ŋyunti ŋun sá ú dāan̄ee yaa láa bāańee, u dāa dòoń.
Tibɔkpaafikaal nì ijaam
13Ní nīn nyí nì ni-ba kí nīn ŋúb́ ni-fookiiu Kriisitoo ni án píkí, kí nīn cáá dipɔbil, kí nīn pɔ̄ɔ̄. 14Tin kɔkɔ ni yaa làá ŋée, ní nīn ŋáań nì dineendi.
15Nnabiyaamu, m làá gíti kūtì-ni tiba: Kéè ni nyí Steefanasi nì u-dicaŋkuɔɔ, ni téetí yii bíǹ di sá bin péé péé ki fōō Yeesu ki kíí Greeki tiŋkin ki tútúǹ Unimbɔti yabee. 16An puee, ní dū ni-ba kí tīī an nibee jutiibi nì bin kɔkɔ bí bi-cee ki tūǹ ditundi nì dipɔbil dibee.
17Steefanasi nì Fɔrtunatuusi nì Akayikuusi dāantam mɔ́ɔkiǹ-mi, di sá ni nín kpá m-ceeyee, bíǹ di téeǹ ni-yil pu ki ŋáań tin ni yaa bàà bí ni bàà làá ŋá kí tīī-mee. 18Bi tīī-mi kunyannyaau kii bi nín tīī ni mun puee. Binimɔntiibi bin bí mimmee máaǹ bí pàkà-bi.
19Kriisitoo nikitiŋ ŋin bí Asii timmunee jáaḿ-ni. Akiilasi nì Priisiil#16.19 Kpèè Atuun 18.2. nì bin kɔkɔ kōontí bi-dumpu ki jáaḿ Unimbɔtee jáaḿ-ni tiŋan ti-Dindaan pu. 20Nnabiyaamu mun kɔkɔ bí dooyee jáaḿ-ni.
Ní jāam̀ tɔb nì kunabitiiu jaamii.
21Man Pɔɔl m-ba di dū m-ŋal ki ŋmàn̄ anyɔɔbun nee kí jāam̀-ni.
22Un kaa là ti-Dindaanee, udaan ń ŋá fám.
Maranata – Ti-Dindaan dòoń! –
23Ti-Dindaan Yeesu ŋanti ń nīn bí ni-pu.
24M néeń ni-kɔkɔ Yeesu Kriisitoo pu.
Currently Selected:
1 Corinthiens 16: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
1 Corinthiens 16
16
Tootoo un bi tɔ́ kí tūtuǹ Kriisitoo yabee
1Tibɔti tin m cáá kí tùkù-ni tootoo un ni tòó kí tīī Kriisitoo yab bin bí Jeerusaleemee puee sɔ̀#16.1 Kpèè Room 15.25-26.. Ni mun ń nīn ŋáań kii m nín dàkā Kriisitoo nikitiŋ ŋin bí Galaati tiŋkinee puee. 2Kɔɔsil kamaayee, báà ŋma ń lēē min u kée dijandi din u làá tīīyee kí yóoń, án taa nín̄ sá yii man ḿ bàń ní ní nín kíĺ animbil ditɔl. 3Ní lēē binib biba, m yaa láa bāańee ḿ tīī-bi kugbɔŋu, kí tɔ̄-bi bí cáá ni-tootoou kí tīī Jeerusaleem yab. 4An yaa tí sá yii ḿ cù m-baaa, man nì bi ń nóó kí cù.
Pɔɔl bíi dàkafī kí còom̀ u-saŋŋu
5M yaa làá dāan̄ ni-ceeyee, m làá dīń Maseeduwaan tiŋkin ní kí nín bàń-ni, kun puee m là kí dī Maseeduwaan ní#16.5 Kpèè Atuun 19.21.. 6An yaa yíì m làá kàl̄ ni-cee fiii. Ni yaa kaa kpēē gba, ni-cee ní m làá kàl̄ ní tiwool yuntiŋu ń jītí, án nín làá ŋá pu ní tūtuǹ-mi ḿ nìkī m-saŋŋu laakin sá ḿ cùee. 7Maa ti là kí dāá kàl̄ ni-cee fiii, ti-Dindaan yaa kííyee, m làá kàl̄ ni-cee kí yúntí ní.
8Ama m làá nīn bí Eefeesi tiŋkin ní kí tin sāā Pantikooti jiŋaaliu dal. 9Di sá yii nsan ŋubɔ pīitì ki dōoǹ ḿ dī kí tɔ̄ dituŋkpaandi, nì min kɔkɔ m-nannanliibi wīikí tikpilee#16.9 B. 8-9: kpèè Atuun 19.8-10..
10Tiimootee yaa bāań ni-ceeyee, ní fōō-u mmɔntiimin u-pɔbil ń nīn sɔ̀m̀, kun puee u mun tūǹ ti-Dindaan tundi kii mamee ní. 11Ubɔ ń taa kpèè kí sìŋkīǹ-u, ama ní tūtuǹ-u ú fàtī kí gítiń m-cee nì dipɔɔsɔŋkil, di sá man nì nnabiyaamu mun bí dooyee kā ki cí-u.
12M bàà tīī ti-nabiki Apooloosi kunyannyaau u nì nnabiyaamu mubɔ bí bàà dāan̄ ni-cee, ama waa là kí dāan̄ kɔŋkɔnnee#16.12 Apooloosi : kpèè atuun 18.24.. Ŋyunti ŋun sá ú dāan̄ee yaa láa bāańee, u dāa dòoń.
Tibɔkpaafikaal nì ijaam
13Ní nīn nyí nì ni-ba kí nīn ŋúb́ ni-fookiiu Kriisitoo ni án píkí, kí nīn cáá dipɔbil, kí nīn pɔ̄ɔ̄. 14Tin kɔkɔ ni yaa làá ŋée, ní nīn ŋáań nì dineendi.
15Nnabiyaamu, m làá gíti kūtì-ni tiba: Kéè ni nyí Steefanasi nì u-dicaŋkuɔɔ, ni téetí yii bíǹ di sá bin péé péé ki fōō Yeesu ki kíí Greeki tiŋkin ki tútúǹ Unimbɔti yabee. 16An puee, ní dū ni-ba kí tīī an nibee jutiibi nì bin kɔkɔ bí bi-cee ki tūǹ ditundi nì dipɔbil dibee.
17Steefanasi nì Fɔrtunatuusi nì Akayikuusi dāantam mɔ́ɔkiǹ-mi, di sá ni nín kpá m-ceeyee, bíǹ di téeǹ ni-yil pu ki ŋáań tin ni yaa bàà bí ni bàà làá ŋá kí tīī-mee. 18Bi tīī-mi kunyannyaau kii bi nín tīī ni mun puee. Binimɔntiibi bin bí mimmee máaǹ bí pàkà-bi.
19Kriisitoo nikitiŋ ŋin bí Asii timmunee jáaḿ-ni. Akiilasi nì Priisiil#16.19 Kpèè Atuun 18.2. nì bin kɔkɔ kōontí bi-dumpu ki jáaḿ Unimbɔtee jáaḿ-ni tiŋan ti-Dindaan pu. 20Nnabiyaamu mun kɔkɔ bí dooyee jáaḿ-ni.
Ní jāam̀ tɔb nì kunabitiiu jaamii.
21Man Pɔɔl m-ba di dū m-ŋal ki ŋmàn̄ anyɔɔbun nee kí jāam̀-ni.
22Un kaa là ti-Dindaanee, udaan ń ŋá fám.
Maranata – Ti-Dindaan dòoń! –
23Ti-Dindaan Yeesu ŋanti ń nīn bí ni-pu.
24M néeń ni-kɔkɔ Yeesu Kriisitoo pu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.