1 Corinthiens 10
10
Unil ń nīn nyíǹ u-ba nì awaa
1Nnabiyaamu, m là ní téetí ditagbandi#10.1 ditagbandi : Ŋyunti ŋun Unimbɔti nìn nyántì Isirayeel yab Eejipiti tiŋkinee, ditagbandi di nìn līī bi-nyɔkɔpu ki kpòotī-bi. Kunyeeuee, dì nìn sá ŋwalifi ní, kpèè Disa 13.21-22, 14.19-20. - bi dūtì Tikati mɔɔl: kpèè Disa 14.22-29. din nìn còom̄ ki dī ti-naanjab ki ŋmíntí-bee, nì bi-kɔkɔ nín nìn dūtì Tikati mɔɔl puee bɔti. 2Ditagbandee nì dimɔɔlee poon ní bi fùl̄-bi bí nīn nóó Mooyiisi, 3ní bi-kɔkɔ jíń tijikaal tin nyēeń Unimbɔti ceeyee. 4Bi-kɔkɔ di tí nyùn̄ nnyim min nyēeń Unimbɔti ceeyee. Di sá yii bi nìn nyùn̄ ditaŋkpakpaandi din nyánní Unimbɔti cee ki cēentí-bee nyim ní#10.4 B. 3: kpèè Disa 16.35. - B. 4: kpèè Dikà 20.8-11., ditaŋkpalee nìn sá Kriisitoo ní. 5Ama nì míǹ kɔkɔee, bi-kansikin tikpil nìn ŋáań min kaa fáatiǹ Unimbɔtee, an pu ní bi nìn kpíì kuteeun#10.5 Dūú ŋmàntī nì Dikà 14.16..
6Tin nìn ŋá-bi nee sá kudaaŋŋu ki tīī timbi tí taa nín̄ cáá ilandɔkɔkpiti kii bíǹ nín nìn cáá ilandɔkɔkpiti puee#10.6 Kpèè Dikà 11.4.. 7Ni mun ń taa ti nóó awaa kii bi-kansikin biba nín nìn nóó puee, a lì kii an nín ŋmàn̄ Unimbɔti gbɔŋku poon puee yii: «Kunipaau kāl̀ ki jíń ki nyùn̄ ní ki yíkì ki ŋōō ki gɔ́ǹ diwaal#10.7 Disa 32.6..» 8Ti mun ń taa ŋá tilaakpaal kii bi-kansikin biba nín nìn ŋá puee, an di nìn yāntì binib kutukub mmuŋku nì bita lítì ki kpíì ŋwimbaanti#10.8 Kpèè Dikà 25.1-18.. 9Tí taa ti cɔ̄ŋkìmaan ti-Dindaan kii bi-kansikin biba nín nìn cɔ́ŋkì-u pu kin ikoobu dāa júntì ki kūū-bee#10.9 Kpèè Dikà 21.5-6.. 10Ni mun ń taa gbùkum̀ kii bi-kansikin biba nín nìn gbūkum̀ pu ŋkúm tuuŋŋu dɔ́miń ki kūū ki céetì-bee#10.10 Kpèè Dikà 17.6-14..
11Ditafadaaldi gbanti nìn jéetì bi-pu kí nīn sá kudaaŋŋu ní. Bi ŋmàn̄ tibɔti gbanti kí kpāafì timbi bin bí ŋyuntijoolkaa nee poon nan ní. 12An puee sii un dàkafī yii a nín yú pu nee, a yú deedeeyee, á nīn nyí nì a-ba kí taa lítí. 13Icɔŋki in bàń ni-puee pée ŋmàntī unil pɔŋŋu nyɔkɔm ní, kun puee Unimbɔti yaa pōoǹ puee see ú ŋá míǹ. Waa kíikí tin lákatiǹ ni-pɔŋŋu puee ń bàń-ni, di sá yii ŋyunti ŋun ní icɔŋki yaa bāań-nee, u làá tīī-ni mpɔn ní ŋmā kí ŋmèè, ní kí dàkà-ni nsan ní dī kí nyā.
14An puee nnabiyaamu, ní sāǹ awaa. 15M sòon̄-ni kii bi nín sòoǹ binib bin cáá nlandɔkɔee puee ní. Nimbi ni-ba ń dàkafì tin m sòon̄ nee pu kí kpèè. 16Ndaam min pu ti jáaḿ Unimbɔti ti yaa làá jī ti-Dindaan jikaatee di kaa kpáfí-ti nì Kriisitoo fatikuu ubaantaaa? Kpɔnɔ un ti gífí ki yàkatēe, an di kaa kpáfí ti nì Kriisitoo wunti kí ŋá ubaantaaa#10.16 Kpèè Maat 26.26-28, Maar 14.22-24, Luuki 22.19-20.? 17Kpɔnɔbambaanti ní an sá, ní bi gífí. Míǹ ní ti mun nín kpáfì ki sá kunipaau nee, ti kpántì tiwumbaantiil, kun puee ti-kɔkɔ ŋmɔ́ kpɔnɔbaanti gbanti.
18Kpèèmaan Isirayeel yab bɔti: bin nìn jīǹ tin bi cāabìń ki ŋáań Unimbɔti saraayee, bi nì Unimbɔti un bi ŋáań saraayee ŋá ubaanti dee#10.18 Kpèè Akoo 7.6,15-16.. 19M nín lì pu nee dàkà yii diwaal bí tiban deeyaaa? Àá tiwaŋkuti tin bi tōotì-dèe nanti di bí tiban ní? 20Aayee, kpataaa! Di sá tin bi tòotēe, bi cáa tìì arasiniibi ní, an kaa sá Unimbɔti#10.20 arasiniibi : kpèè 1 Tiim 4.1. - tòotēe... sá Unimbɔti: Ditee 32.17.. An puee maa là ni nì arasiniibi ń kpāfì ubaanti. 21Naa ŋūǹ kí nyɔ̀ ti-Dindaan daam kí gíti nyɔ̀ arasiniibi mun yam. Naa tí ŋūǹ kí jī ti-Dindaan jikaati kí gíti jī arasiniibi mun yati. 22Ti là kí táká ti-Dindaan tibɔti kí yòon̄ u-ŋuul naaa#10.22 Dūú ŋmàntī nì Ditee 32.21.? Ti pɔ̄ɔǹ-uaaa?
Ti-tuuŋŋi ń nīn tìì Unimbɔti tinyool
23Biba lì yii: «M cáá nsan kí ŋá tikɔkɔ,» ama tikɔkɔ mun kaa ŋān̄ ki tīī-ni. «Ti cáá nsan kí ŋá tikɔkɔ,» ama an kaa sá tikɔkɔ di tútúǹ-ti nnimbɔtisan poon. 24Ubɔ ń taa nín̄ nyàab̀ úǹ u-ba ŋanti, ama ní nyàab̀ ni-jutiibi ŋanti.
25Ni ŋūǹ kí dā tinan tin bi nyáfí kinyɔŋinee kí ŋmɔ́ nì dipɔɔsɔŋkil kí taa bàlifì yii tì sá ba yati. 26Kun puee Unimbɔti gbɔŋku poon lī yii: «Kitiŋ nì tin kɔkɔ pée bí ki-puee, ti-Dindaan di yì#10.26 Ilan 24.1..»
27Tí lì yii ubɔ kaa nóó Yeesu ní ki yíiń-ni ní jī tijin. Ni yaa là ki cūtèe, tin u yaa cáań ki yóoǹ-nee, jīmaan. Ní taa lì yii ni là ni-pɔbiliŋ ń nīn sɔ̀m̀ee puee, ni làá bàlifì-u yii u-nanti gbanti sá ba yati. 28Ama ubɔ yaa tùkū-ni yii an sá tiwaatootinanee, ní taa ŋmɔ́maan. Un tùkū-nee puee, ní taa ŋmɔ́maan án páb́ u-pɔbil. 29- An kaa sá nimbi ní án taa páb́, un tùkū-nee ní án taa páb́.
«Ama ba pu ní an sá yii, án taa páb́ ubɔ puee, man batɔl cáá kigbeennyɔkɔ ní? 30M yaa làá jī tijin ní ki yaa jáam̀ Unimbɔti ti-pu ní ki nín jíńee, ba pu ní bi gíti kpākantí-mi tijin tin pu m jáam̀ ki nín jíńee?»
31An puee, an yaa sá tijin ní ni bí ki jīǹaaa, an yaa tí sá ndaam ní ni yaa tí bí ki nyùɔɔɔ, tin kɔkɔ ní ni bíi ŋáańee, ní yàntī án nīn tìì Unimbɔti tinyool. 32Ni-bimbim ń taa yàntī bin sá Juuda yabee nì bin kaa sée, nì bin nóó Yeesuee ń lítí. 33Nín̄ ŋáaḿmaan kii man nín ŋáań puee: m pée pɔ̄ɔntí m-ba kí nīn fáatíǹ báà ŋma tikɔkɔ poon ní. Maa nyàab̀ man m-ba ŋanti, ama báà ŋma ŋanti ní m nyàab̀, án nín làá ŋá pu bí ká difiilee.
Currently Selected:
1 Corinthiens 10: BASSARDC
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.
1 Corinthiens 10
10
Unil ń nīn nyíǹ u-ba nì awaa
1Nnabiyaamu, m là ní téetí ditagbandi#10.1 ditagbandi : Ŋyunti ŋun Unimbɔti nìn nyántì Isirayeel yab Eejipiti tiŋkinee, ditagbandi di nìn līī bi-nyɔkɔpu ki kpòotī-bi. Kunyeeuee, dì nìn sá ŋwalifi ní, kpèè Disa 13.21-22, 14.19-20. - bi dūtì Tikati mɔɔl: kpèè Disa 14.22-29. din nìn còom̄ ki dī ti-naanjab ki ŋmíntí-bee, nì bi-kɔkɔ nín nìn dūtì Tikati mɔɔl puee bɔti. 2Ditagbandee nì dimɔɔlee poon ní bi fùl̄-bi bí nīn nóó Mooyiisi, 3ní bi-kɔkɔ jíń tijikaal tin nyēeń Unimbɔti ceeyee. 4Bi-kɔkɔ di tí nyùn̄ nnyim min nyēeń Unimbɔti ceeyee. Di sá yii bi nìn nyùn̄ ditaŋkpakpaandi din nyánní Unimbɔti cee ki cēentí-bee nyim ní#10.4 B. 3: kpèè Disa 16.35. - B. 4: kpèè Dikà 20.8-11., ditaŋkpalee nìn sá Kriisitoo ní. 5Ama nì míǹ kɔkɔee, bi-kansikin tikpil nìn ŋáań min kaa fáatiǹ Unimbɔtee, an pu ní bi nìn kpíì kuteeun#10.5 Dūú ŋmàntī nì Dikà 14.16..
6Tin nìn ŋá-bi nee sá kudaaŋŋu ki tīī timbi tí taa nín̄ cáá ilandɔkɔkpiti kii bíǹ nín nìn cáá ilandɔkɔkpiti puee#10.6 Kpèè Dikà 11.4.. 7Ni mun ń taa ti nóó awaa kii bi-kansikin biba nín nìn nóó puee, a lì kii an nín ŋmàn̄ Unimbɔti gbɔŋku poon puee yii: «Kunipaau kāl̀ ki jíń ki nyùn̄ ní ki yíkì ki ŋōō ki gɔ́ǹ diwaal#10.7 Disa 32.6..» 8Ti mun ń taa ŋá tilaakpaal kii bi-kansikin biba nín nìn ŋá puee, an di nìn yāntì binib kutukub mmuŋku nì bita lítì ki kpíì ŋwimbaanti#10.8 Kpèè Dikà 25.1-18.. 9Tí taa ti cɔ̄ŋkìmaan ti-Dindaan kii bi-kansikin biba nín nìn cɔ́ŋkì-u pu kin ikoobu dāa júntì ki kūū-bee#10.9 Kpèè Dikà 21.5-6.. 10Ni mun ń taa gbùkum̀ kii bi-kansikin biba nín nìn gbūkum̀ pu ŋkúm tuuŋŋu dɔ́miń ki kūū ki céetì-bee#10.10 Kpèè Dikà 17.6-14..
11Ditafadaaldi gbanti nìn jéetì bi-pu kí nīn sá kudaaŋŋu ní. Bi ŋmàn̄ tibɔti gbanti kí kpāafì timbi bin bí ŋyuntijoolkaa nee poon nan ní. 12An puee sii un dàkafī yii a nín yú pu nee, a yú deedeeyee, á nīn nyí nì a-ba kí taa lítí. 13Icɔŋki in bàń ni-puee pée ŋmàntī unil pɔŋŋu nyɔkɔm ní, kun puee Unimbɔti yaa pōoǹ puee see ú ŋá míǹ. Waa kíikí tin lákatiǹ ni-pɔŋŋu puee ń bàń-ni, di sá yii ŋyunti ŋun ní icɔŋki yaa bāań-nee, u làá tīī-ni mpɔn ní ŋmā kí ŋmèè, ní kí dàkà-ni nsan ní dī kí nyā.
14An puee nnabiyaamu, ní sāǹ awaa. 15M sòon̄-ni kii bi nín sòoǹ binib bin cáá nlandɔkɔee puee ní. Nimbi ni-ba ń dàkafì tin m sòon̄ nee pu kí kpèè. 16Ndaam min pu ti jáaḿ Unimbɔti ti yaa làá jī ti-Dindaan jikaatee di kaa kpáfí-ti nì Kriisitoo fatikuu ubaantaaa? Kpɔnɔ un ti gífí ki yàkatēe, an di kaa kpáfí ti nì Kriisitoo wunti kí ŋá ubaantaaa#10.16 Kpèè Maat 26.26-28, Maar 14.22-24, Luuki 22.19-20.? 17Kpɔnɔbambaanti ní an sá, ní bi gífí. Míǹ ní ti mun nín kpáfì ki sá kunipaau nee, ti kpántì tiwumbaantiil, kun puee ti-kɔkɔ ŋmɔ́ kpɔnɔbaanti gbanti.
18Kpèèmaan Isirayeel yab bɔti: bin nìn jīǹ tin bi cāabìń ki ŋáań Unimbɔti saraayee, bi nì Unimbɔti un bi ŋáań saraayee ŋá ubaanti dee#10.18 Kpèè Akoo 7.6,15-16.. 19M nín lì pu nee dàkà yii diwaal bí tiban deeyaaa? Àá tiwaŋkuti tin bi tōotì-dèe nanti di bí tiban ní? 20Aayee, kpataaa! Di sá tin bi tòotēe, bi cáa tìì arasiniibi ní, an kaa sá Unimbɔti#10.20 arasiniibi : kpèè 1 Tiim 4.1. - tòotēe... sá Unimbɔti: Ditee 32.17.. An puee maa là ni nì arasiniibi ń kpāfì ubaanti. 21Naa ŋūǹ kí nyɔ̀ ti-Dindaan daam kí gíti nyɔ̀ arasiniibi mun yam. Naa tí ŋūǹ kí jī ti-Dindaan jikaati kí gíti jī arasiniibi mun yati. 22Ti là kí táká ti-Dindaan tibɔti kí yòon̄ u-ŋuul naaa#10.22 Dūú ŋmàntī nì Ditee 32.21.? Ti pɔ̄ɔǹ-uaaa?
Ti-tuuŋŋi ń nīn tìì Unimbɔti tinyool
23Biba lì yii: «M cáá nsan kí ŋá tikɔkɔ,» ama tikɔkɔ mun kaa ŋān̄ ki tīī-ni. «Ti cáá nsan kí ŋá tikɔkɔ,» ama an kaa sá tikɔkɔ di tútúǹ-ti nnimbɔtisan poon. 24Ubɔ ń taa nín̄ nyàab̀ úǹ u-ba ŋanti, ama ní nyàab̀ ni-jutiibi ŋanti.
25Ni ŋūǹ kí dā tinan tin bi nyáfí kinyɔŋinee kí ŋmɔ́ nì dipɔɔsɔŋkil kí taa bàlifì yii tì sá ba yati. 26Kun puee Unimbɔti gbɔŋku poon lī yii: «Kitiŋ nì tin kɔkɔ pée bí ki-puee, ti-Dindaan di yì#10.26 Ilan 24.1..»
27Tí lì yii ubɔ kaa nóó Yeesu ní ki yíiń-ni ní jī tijin. Ni yaa là ki cūtèe, tin u yaa cáań ki yóoǹ-nee, jīmaan. Ní taa lì yii ni là ni-pɔbiliŋ ń nīn sɔ̀m̀ee puee, ni làá bàlifì-u yii u-nanti gbanti sá ba yati. 28Ama ubɔ yaa tùkū-ni yii an sá tiwaatootinanee, ní taa ŋmɔ́maan. Un tùkū-nee puee, ní taa ŋmɔ́maan án páb́ u-pɔbil. 29- An kaa sá nimbi ní án taa páb́, un tùkū-nee ní án taa páb́.
«Ama ba pu ní an sá yii, án taa páb́ ubɔ puee, man batɔl cáá kigbeennyɔkɔ ní? 30M yaa làá jī tijin ní ki yaa jáam̀ Unimbɔti ti-pu ní ki nín jíńee, ba pu ní bi gíti kpākantí-mi tijin tin pu m jáam̀ ki nín jíńee?»
31An puee, an yaa sá tijin ní ni bí ki jīǹaaa, an yaa tí sá ndaam ní ni yaa tí bí ki nyùɔɔɔ, tin kɔkɔ ní ni bíi ŋáańee, ní yàntī án nīn tìì Unimbɔti tinyool. 32Ni-bimbim ń taa yàntī bin sá Juuda yabee nì bin kaa sée, nì bin nóó Yeesuee ń lítí. 33Nín̄ ŋáaḿmaan kii man nín ŋáań puee: m pée pɔ̄ɔntí m-ba kí nīn fáatíǹ báà ŋma tikɔkɔ poon ní. Maa nyàab̀ man m-ba ŋanti, ama báà ŋma ŋanti ní m nyàab̀, án nín làá ŋá pu bí ká difiilee.
Currently Selected:
:
Highlight
Share
Copy
Want to have your highlights saved across all your devices? Sign up or sign in
BIBLE EN N'TCHAM (Bassar) © Alliance Biblique du Togo, 2013.