Joel 2
2
Nan Titindalun Umat hi Ado'ol di Dudun
1Ya inali' goh di,
“Ipagangohyu nan talampetyuh#2:1 Nan talampetdah din penghana ya nan tangguyub an ha'gud di buta'al an kalnilu, ya ma'usal ta mipa'innilay aat di atata'ot an ma'at an umat hinan umalin mi'gubat ay dida (Num. 10:9; Jer. 4:5; 6:1; Ezek. 33:3). nan nabagtun ad Zion#2:1 Hi ad Zion di ohan ngadan ad Jerusalem. an ma'alih Babluy Apo Dios
ta wumogwog tu'un amin hi ta'ot tu'u#2:1 Gangayna an womogwog nan tataguh unda donglon nan gangoh di talampet an mangipa'innilah un way gubat (Am. 3:6).
ti magadyuh an madatngan nan punhumalyaan Apo Dios.#2:1 Duwan gutud di ituduna: (1) nan gutud hidin amatagun Joel (ti waday immannung an dudun an mama"ih nan nitanom), ya (2) nan Punligatan di Tatagu (ti nan titindalun AntiKristu ya umatdah nan dudun an mama"ih tun luta).
2Ya henen a'atana ya mihinap nan titindaluh nan aduntuduntug
an ayda dudun an humelong an ay mumbubunut.
Ya humili nan armasdan umat hinan tumuluwan di algaw di tigawnah nan duntug,
at mi'id di umat hinah na'at hidin penghana,
ya mi'id goh di umat hinah ma'at hi udum di algaw.
3Ya umatdah#2:3 Didana nan mun'abi'ah an tindalu. nan apuy an am'amungitanda nan nitanom.
Ya ta"on hi un maphod nan babluy an umat hi ad Eden
ya mumbalin hi umat hinan mapulun hi umayandah di!
4Ya umatdah kabayu an mun'abi'ahdan lumayaw,
5ya danen mi'gubat an titindalu ya wa ay ta maluhdah nan duntug
ya madngol di demogdan umat hinan demog nan kalesa.
Ya umat goh hinan lumanilintii' hinan ma'apuyan an nalangun holo'.
6Ya nidugah an atata'otda,
at umuphatday mannig ay dida.
7Ya umayo'ayot'otdan mi'gubat,
ya nun'ala'engdan umayat hinan allup,
Ya matutunuddan manguy,
8ya adida mumpopolloh an umuy
an un way ohaan inunudnay linyana,
ya ta"on hi unda hogpon nan allup ya adida damdama pa"ion nan linyada.
9Ya punnaudondan umuy hinan siudad,
ya pun'awada nan allup,
ya punhogopda goh nan a'abung an umatdah nan mangakaw an pun'e'wadah nan tawa.
10Ya wa ay ta manguyda ya umalyog tun luta ya ad daya,#2:10 Rev. 6:12-13.
ya homelong nan algaw, ya nan bulan, ya nan bittuan.#2:10 Rev. 9:2.
11Ya ay idul nan hapit Apo Dios an mummandal ay daden nidugah an do'ol an mun'abi'ah an tindaluna,
at nidugah an atata'ot di ma'at enen algaw an pumpapto'an Apo Dios,
at mi'id ahan ah melwang.”#2:11 Rev. 6:17.
Hay Pangalyan Apo Dios hinan Tatagu ta Muntutuyuda
12Ya innayun'un inali goh di,
“Inalin Apo Dios an agguy naladaw di ay tu'u puntutuyuan ta mumbangngad tu'un Hiya,
at mahapul an ikila tu'un munlangdu!
13At ipattig tu'u ni' an makulug nan puntutuyuan tu'u
ti adi umda nan pami"ian hi lubung tu'u!
Hiya nongkay nan mumbangngad tu'un umunud ay Apo Dios an Apu tu'u
ti Hiya ya hom'on ditu'u ti ma'ulay!
Ya adi ag'agan bumungot,
ya adi maluman di pamhodna,
at nidadaan an mangaliw hi bahol tu'u ta adi tu'u mamolta!
14At olom at ni' ya un ditu'u hom'on ta un ditu'uat wagahan
ta way e'nong tu'un Hiyah Onong an Ma'an ya Onong an Ma'inum!
15At ipagangoh tu'u nongkay nan talampet hidih Zion#2:15 Hay dalat ten gangoh di talampet ya bo'on hay ipa'innilaan di gubat mu mipa'innilay a'amungan di Hudyu ta way atondan muntutuyun Apo Dios.
ta ma'amung tu'un amin ta munlangdu tu'u.
16Ya ta"on un nan a'am'ama, ya nan ungunga,
ya nan ung'ungungnga, ya nan pumpa"alhin
ya mi'yamungdan mundayaw.
17Ya ta"on un nan papadin munhulbin Apo Dios ya mahapul
an ikiladan munluwaluh nan way pun'onngan hinan Timplun alyonday,
Elwang da'min tatagum, Apo Dios!
Ya adim ni' iyabulut an pihupihulon ya baibainon da'mih nan tataguh nan udumnan babluy an alyonday,
Hay wadan mah nan Diosda?
Hiyah ne alyonda.
18Ya gulat ta ma'at hana ya immannung an hom'on ditu'un Apo Dios
ta pumhod tun babluy tu'u!”
19At tembal Apo Dios di luwaludan inalinay,
“Ta"omman ya idat'uy mun'olog an mahapulyun ma'an, ya ma'inum, ya nan lanan olibo,
ya adi da'yu mahkay pihupihulon hinan tataguh nan udumnan babluy!
20Ya pun'ipipakak'u nan mi'gubat an malpuh appit hi iggid hi un hagangon di buhu'an di algaw
ta payo' didah nan mapulun.
Ya nan nammang an himpamulog ya payo' didah nan Natoy an Lobong,#2:20 Unu Dead Sea.
ya nan nehnod an himpamulog ya payo' didah nan Baybay an Mediterranean.
At mun'atoydan amin,
ya ahi'a'agubdah nan babluy an dumalat nan mun'abulu' an odolda ti nan na"appuhin inatdan da'yu.”
At ha"in an hi Joel ya kulugo' an ma"aphod nan aton Apo Dios ay ditu'u!
21At inali' di,
“Adi tu'u tuma'ot ta un tu'uat umamlong
an dumalat nan do'ol an mun'aphod an ina'inat Apo Dios ay ditu'u!
22Ya ta"on un nan a'animal hi inalahan ya adida tuma'ot ti tumubu nan holo' hi ononda,
ya umat goh hinan bungbungaan an mumpangabungada,
ya umat goh hinan fig an ayiw ya nan greyp!
23At umamlong tu'ud Zion ti ipa'alin Apo Dios di udan hi punhapulan tu'u,
at munyaman tu'uh nan amaphodna!
24At dumo'ol di ihabal tu'u,
ya mun'ahawal di ma'inum ya nan lana.
25Ti waday ipa'innilan Apo Dios an inalinay,
Ipabangngad'u din inhabalyun nun'a'an din nahinhinukat an do'ol an dudun
an hennag'un numpangan hidin inhabalyu.
26Ya ad ugwan ya do'ol mahkay di ononyu,
at adi ayu mahinhinaangan.
Ya Ha"in an Diosyuy ipabagbagtuyu an dumalat nan inat'un umipanoh'an da'yu,
at adi ayu mahkay mababbainan.
27At hiyay panginnilaanyun holag Israel an wagwadaa' ay da'yu,
ya Ha"in hi Apo Dios an Diosyun mi'id ah udum.
At hiyanan mi'id mahkay abainanyu.”
Hay Pumpapto'an Apo Dios
(Ac. 2:17-21)
28Ya inalin goh Apo Dios ay ha"in an hi Joel di,
“Awniat#2:28 Duwan gutud di ituduna: (1) nan immalian nan Na'abuniyanan an Lennawah tun luta (Ac. 2:1-21), ya (2) nan Punligatan di Tatagu. honogo' nan Na'abuniyanan an Lennawa' ta miyo'odol hi an amin an tatagu
ta nan a'apuyun linala'i ya binabai ya ibaagda nan ipa'innila' ay dida.
Ya nan mina'ma'ilog an linala'i ya paddungnay ipa'enap'un dida nan immannung an ma'at,
ya nan ungunga ya waday ipattig'u ay dida.#2:28 Ac. 2:17.
29Ya umat goh hinah nan baal'un linala'i ya binabai
an ipiyodol'u nan Na'abuniyanan an Lennawan dida.#2:29 Ac. 2:18.
30Mu awniat waday umipanoh'a an ipattig'uh tun luta ya ad abuniyan
ti hay mipattig ya dala, ya apuy, ya nan ma'ugtul an ahu'.#2:30 Ac. 2:19.
31Ya humelong nan algaw,
ya bumlah an ay dala nan bulan ya un madatngan nan punhumalyaan Apo Dios.#2:31 Ac. 2:20.
32Mu an amin nan mumpabadang ay Ha"in an hi Apo Dios ya diday mabaliwan.#2:32 Ac. 2:21; Rom. 10:13.
Ya ta"on un nan wad Zion ya waday mi'tagun dida ti niddumdah nan pento'na.”
Currently Selected:
Joel 2: NHAD
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.
Joel 2
2
Nan Titindalun Umat hi Ado'ol di Dudun
1Ya inali' goh di,
“Ipagangohyu nan talampetyuh#2:1 Nan talampetdah din penghana ya nan tangguyub an ha'gud di buta'al an kalnilu, ya ma'usal ta mipa'innilay aat di atata'ot an ma'at an umat hinan umalin mi'gubat ay dida (Num. 10:9; Jer. 4:5; 6:1; Ezek. 33:3). nan nabagtun ad Zion#2:1 Hi ad Zion di ohan ngadan ad Jerusalem. an ma'alih Babluy Apo Dios
ta wumogwog tu'un amin hi ta'ot tu'u#2:1 Gangayna an womogwog nan tataguh unda donglon nan gangoh di talampet an mangipa'innilah un way gubat (Am. 3:6).
ti magadyuh an madatngan nan punhumalyaan Apo Dios.#2:1 Duwan gutud di ituduna: (1) nan gutud hidin amatagun Joel (ti waday immannung an dudun an mama"ih nan nitanom), ya (2) nan Punligatan di Tatagu (ti nan titindalun AntiKristu ya umatdah nan dudun an mama"ih tun luta).
2Ya henen a'atana ya mihinap nan titindaluh nan aduntuduntug
an ayda dudun an humelong an ay mumbubunut.
Ya humili nan armasdan umat hinan tumuluwan di algaw di tigawnah nan duntug,
at mi'id di umat hinah na'at hidin penghana,
ya mi'id goh di umat hinah ma'at hi udum di algaw.
3Ya umatdah#2:3 Didana nan mun'abi'ah an tindalu. nan apuy an am'amungitanda nan nitanom.
Ya ta"on hi un maphod nan babluy an umat hi ad Eden
ya mumbalin hi umat hinan mapulun hi umayandah di!
4Ya umatdah kabayu an mun'abi'ahdan lumayaw,
5ya danen mi'gubat an titindalu ya wa ay ta maluhdah nan duntug
ya madngol di demogdan umat hinan demog nan kalesa.
Ya umat goh hinan lumanilintii' hinan ma'apuyan an nalangun holo'.
6Ya nidugah an atata'otda,
at umuphatday mannig ay dida.
7Ya umayo'ayot'otdan mi'gubat,
ya nun'ala'engdan umayat hinan allup,
Ya matutunuddan manguy,
8ya adida mumpopolloh an umuy
an un way ohaan inunudnay linyana,
ya ta"on hi unda hogpon nan allup ya adida damdama pa"ion nan linyada.
9Ya punnaudondan umuy hinan siudad,
ya pun'awada nan allup,
ya punhogopda goh nan a'abung an umatdah nan mangakaw an pun'e'wadah nan tawa.
10Ya wa ay ta manguyda ya umalyog tun luta ya ad daya,#2:10 Rev. 6:12-13.
ya homelong nan algaw, ya nan bulan, ya nan bittuan.#2:10 Rev. 9:2.
11Ya ay idul nan hapit Apo Dios an mummandal ay daden nidugah an do'ol an mun'abi'ah an tindaluna,
at nidugah an atata'ot di ma'at enen algaw an pumpapto'an Apo Dios,
at mi'id ahan ah melwang.”#2:11 Rev. 6:17.
Hay Pangalyan Apo Dios hinan Tatagu ta Muntutuyuda
12Ya innayun'un inali goh di,
“Inalin Apo Dios an agguy naladaw di ay tu'u puntutuyuan ta mumbangngad tu'un Hiya,
at mahapul an ikila tu'un munlangdu!
13At ipattig tu'u ni' an makulug nan puntutuyuan tu'u
ti adi umda nan pami"ian hi lubung tu'u!
Hiya nongkay nan mumbangngad tu'un umunud ay Apo Dios an Apu tu'u
ti Hiya ya hom'on ditu'u ti ma'ulay!
Ya adi ag'agan bumungot,
ya adi maluman di pamhodna,
at nidadaan an mangaliw hi bahol tu'u ta adi tu'u mamolta!
14At olom at ni' ya un ditu'u hom'on ta un ditu'uat wagahan
ta way e'nong tu'un Hiyah Onong an Ma'an ya Onong an Ma'inum!
15At ipagangoh tu'u nongkay nan talampet hidih Zion#2:15 Hay dalat ten gangoh di talampet ya bo'on hay ipa'innilaan di gubat mu mipa'innilay a'amungan di Hudyu ta way atondan muntutuyun Apo Dios.
ta ma'amung tu'un amin ta munlangdu tu'u.
16Ya ta"on un nan a'am'ama, ya nan ungunga,
ya nan ung'ungungnga, ya nan pumpa"alhin
ya mi'yamungdan mundayaw.
17Ya ta"on un nan papadin munhulbin Apo Dios ya mahapul
an ikiladan munluwaluh nan way pun'onngan hinan Timplun alyonday,
Elwang da'min tatagum, Apo Dios!
Ya adim ni' iyabulut an pihupihulon ya baibainon da'mih nan tataguh nan udumnan babluy an alyonday,
Hay wadan mah nan Diosda?
Hiyah ne alyonda.
18Ya gulat ta ma'at hana ya immannung an hom'on ditu'un Apo Dios
ta pumhod tun babluy tu'u!”
19At tembal Apo Dios di luwaludan inalinay,
“Ta"omman ya idat'uy mun'olog an mahapulyun ma'an, ya ma'inum, ya nan lanan olibo,
ya adi da'yu mahkay pihupihulon hinan tataguh nan udumnan babluy!
20Ya pun'ipipakak'u nan mi'gubat an malpuh appit hi iggid hi un hagangon di buhu'an di algaw
ta payo' didah nan mapulun.
Ya nan nammang an himpamulog ya payo' didah nan Natoy an Lobong,#2:20 Unu Dead Sea.
ya nan nehnod an himpamulog ya payo' didah nan Baybay an Mediterranean.
At mun'atoydan amin,
ya ahi'a'agubdah nan babluy an dumalat nan mun'abulu' an odolda ti nan na"appuhin inatdan da'yu.”
At ha"in an hi Joel ya kulugo' an ma"aphod nan aton Apo Dios ay ditu'u!
21At inali' di,
“Adi tu'u tuma'ot ta un tu'uat umamlong
an dumalat nan do'ol an mun'aphod an ina'inat Apo Dios ay ditu'u!
22Ya ta"on un nan a'animal hi inalahan ya adida tuma'ot ti tumubu nan holo' hi ononda,
ya umat goh hinan bungbungaan an mumpangabungada,
ya umat goh hinan fig an ayiw ya nan greyp!
23At umamlong tu'ud Zion ti ipa'alin Apo Dios di udan hi punhapulan tu'u,
at munyaman tu'uh nan amaphodna!
24At dumo'ol di ihabal tu'u,
ya mun'ahawal di ma'inum ya nan lana.
25Ti waday ipa'innilan Apo Dios an inalinay,
Ipabangngad'u din inhabalyun nun'a'an din nahinhinukat an do'ol an dudun
an hennag'un numpangan hidin inhabalyu.
26Ya ad ugwan ya do'ol mahkay di ononyu,
at adi ayu mahinhinaangan.
Ya Ha"in an Diosyuy ipabagbagtuyu an dumalat nan inat'un umipanoh'an da'yu,
at adi ayu mahkay mababbainan.
27At hiyay panginnilaanyun holag Israel an wagwadaa' ay da'yu,
ya Ha"in hi Apo Dios an Diosyun mi'id ah udum.
At hiyanan mi'id mahkay abainanyu.”
Hay Pumpapto'an Apo Dios
(Ac. 2:17-21)
28Ya inalin goh Apo Dios ay ha"in an hi Joel di,
“Awniat#2:28 Duwan gutud di ituduna: (1) nan immalian nan Na'abuniyanan an Lennawah tun luta (Ac. 2:1-21), ya (2) nan Punligatan di Tatagu. honogo' nan Na'abuniyanan an Lennawa' ta miyo'odol hi an amin an tatagu
ta nan a'apuyun linala'i ya binabai ya ibaagda nan ipa'innila' ay dida.
Ya nan mina'ma'ilog an linala'i ya paddungnay ipa'enap'un dida nan immannung an ma'at,
ya nan ungunga ya waday ipattig'u ay dida.#2:28 Ac. 2:17.
29Ya umat goh hinah nan baal'un linala'i ya binabai
an ipiyodol'u nan Na'abuniyanan an Lennawan dida.#2:29 Ac. 2:18.
30Mu awniat waday umipanoh'a an ipattig'uh tun luta ya ad abuniyan
ti hay mipattig ya dala, ya apuy, ya nan ma'ugtul an ahu'.#2:30 Ac. 2:19.
31Ya humelong nan algaw,
ya bumlah an ay dala nan bulan ya un madatngan nan punhumalyaan Apo Dios.#2:31 Ac. 2:20.
32Mu an amin nan mumpabadang ay Ha"in an hi Apo Dios ya diday mabaliwan.#2:32 Ac. 2:21; Rom. 10:13.
Ya ta"on un nan wad Zion ya waday mi'tagun dida ti niddumdah nan pento'na.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2018, Wycliffe Bible Translators, Inc. All rights reserved.