ESAERA ZAHARRAK 22
22
1Hobe izen ona aberastasun ugari baino,
hobe onetsia izatea urrea eta zilarra baino.
2Aberatsa eta behartsua honetan dira berdinak:
Jaunak egin zituen biak.#Ik. 29,13. Aberatsa eta behartsua Jb 31,15; Jkd 6,7. Ik. 10,15+.
3Arriskua ikusi eta gorde egiten da zentzuduna,
heldugabeak aurrera segitu eta kaltea jasan behar.#27,12.
4Apaltasunaren ondorio dira Jaunarenganako begirunea#22,4 Jaunarenganako begirunea: Ik. 1,7 oh.,
aberastasuna, ohorea eta bizia.#Apaltasuna 11,2+. Ik. 21,21.
5Sasiz eta tranpaz betea maltzurraren bidea,
ez da halakotik ibiltzen bizia gorde nahi duena.
6Hezi hasiera-hasieratik gaztea
eta zahartzaroan ere jokabide zuzena izango du.#Hezi gaztea Si 6,18.
7Aberatsa behartsuen nagusi,
zorduna hartzekodunaren menpeko.
8Bidegabekeria ereiten duenak zoritxarra jasotzen du,
haren irrika guztia ezerezean amaituko.
9Eskuzabala bedeinkatua izango da
bere ogia behartsuarekin banatzeagatik.#behartsuekin banatu 19,17; 28,27; Sal 112,9. Ik. 14,21+.
10Bota harroputza, kito liskarrak!
Sesioak eta irainak ere amaitu.#kito liskarrak! 26,20.
11Bihotz garbia maite duena eta hitz atseginekoa,
hori du erregeak adiskide.#erregeak adiskide 14,35; 16,13. Ik. 24,21.
12Jaunaren begiek zaintzen egia,
eta huts eragiten maltzurraren hitzei.
13«Lehoia dago kanpoan, kale-kalean;
hil egingo nau», dio alferrak.#26,13.
14Leize-zulo sakona emagalduaren ahoa;
bertara amilduko Jaunak gaitzetsia.#emagaldua leize-zulo sakona 23,27; 29,3. Ik. 2,16+.
15Zentzugabekeria gaztearen bihotzari eransten zaio;
zentzarazteko makilak libratuko dio.#makila 13,24+.
16Behartsua zapaltzen duenak indartu egiten du;
aberatsari ematen dionak bere burua pobretu.
JAKINTSUEN HOGEITA HAMAR ESAERAK (22,17—24,22)
17Entzun arretaz jakintsuen esanak,
gogoan hartu nire irakaspenak;
18atsegingarri izango zaizkizu barru-barruan gordeak,
mintzatzerakoan denak prest izango ezpainetan.
19Zuri ere irakasten dizkizut gaur,
zure konfiantza Jaunarengan jar dezazun.#Jaunarengan konfiantza 3,5+.
20Hogeita hamar esaera idatzi ditut zuretzat,
irakaspen eta aholkuak dituztenak,
21egia ezagut dezazun
eta hartu duzun mandatuari leialki erantzun#22,21 20-21 tx.etako testuak badu zenbait puntu ilun. 22,17—23,14 atala Amenemoperen irakaspena deituriko egiptoar jakinduri idaztian inspiratua dagoenez, beronen laguntzaz argitzen eta zuzentzen dira puntu ilun horiek..
1
22Ez ustiatu behartsua, behartsu dela eta,
ez zanpatu gizagaixoa auzitegian,
23Jaunak defendatuko baitu haien auzia
eta bizia kenduko haiei kentzen dienari.#Jaunak defendatuko 23,11; 29,26; Sal 72,12-14. Ik. Ir 23,6.
2
24Ez zaitez haserrekorraren lagun egin,
ezta suminkorrarekin elkartu ere,
25ez zaitezen haien jokabideetara ohitu
eta zeure bizia arriskuan jarri.
3
26Ez ezazu eskua eman, zordunaren fidatzaile bihurtuz;#fidatzaile 6,1-5+.
27zerez ordaindurik ez baduzu,
etzateko duzun ohea ere kenduko baitizute.
4
28Ez aldatu lekuz antzinako mugarririk,
zure arbasoek jarritakoak dira eta.#23,10. Ik. 15,25+.
5
29Aurkitu duzu bere lanean trebea den norbait?
Erregeen zerbitzura egongo da
eta ez edonolako jendearenera.
Currently Selected:
ESAERA ZAHARRAK 22: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso