1 KORINTOARREI 5
5
JOKABIDE OKERRAK ELKARTEAN (5,1—6,20)
Lizunkeri arazoa
1Leku guztietan zabaldua dago, zuen artean lizunkeri arazo#5,1 lizunkeri arazoa: Nola judu-legeak (ik. Lb 18,8) hala erromatarrak debekaturik zeukaten gizon bat bere amaordearekin ezkontzea.#lizunkeri arazoa Lb 18,7-8; Dt 23,1; 27,20. bat dagoela, eta ez nolanahikoa, jentilen artean ere gertatzen ez direnetakoa baizik: zuetako batek amaordea omen du emazte.
2Eta zuek, negar egin beharrean, harro jarraitzen duzue, eta ez duzue bota zeuen artetik horrela jokatu duena. 3Bada, nik, gorputzez urruti#gorputzez urruti Kol 2,5. baina espirituz hor bertan nagoen honek, erabakia dut dagoeneko hori egin duenarentzat epaia, bertan banengo bezalaxe: 4Jesus gure Jaunaren izenean#Jesusen izenean Mt 16,19; 18,18; 2 Ko 13,10. bilduko zarete —eta han izango naiz ni ere espirituz— eta, Jesus gure Jaunaren ahalmenez, 5Satanasen esku utziko duzue#5,5 Satanasen esku utzi: Paulok kristau-elkartetik kanpora botatzen du intzestugilea, eta hau Satanasen esku geratzen da, hau da, gaitzaren indarraren esku; zigorraren helburua ez da bekatariaren hondamena, bihozberritzea eta azken egunean salbatua gertatzea baizik. hori, ea horrela, beraren bekatuzko izaera suntsiturik, Jaunaren egunean salbatzen den.#Satanasen esku utzi 1 Tm 1,20. Jaunaren egunean salbatu 1 P 4,6.
6Ez duzue batere arrazoirik harrotzeko. Ez al dakizue legamia pixka batek ore guztia altxatzen duela?#legamia eta orea Ga 5,9. 7Bazter ezazue legamia zaharra#Baztertu legamia zaharra Ir 13,7. Kristo opari eskainia Ir 12,21; Is 53,7; 1 P 1,19. eta izan ore berri, legamia gabeko pazko-ogiak bezala; izan ere, horixe zarete, Kristo gure Pazko-bildotsa opari eskainia izan denez gero. 8Ospa dezagun, beraz, Pazko-jaia, baina ez legamia zaharrarekin, bekatu eta gaiztakeriazko legamiarekin, legamia gabeko pazko-ogiekin#5,8 legamia gabeko pazko-ogiak: Juduen Pazko-jaiaren ohikunean finkatzen da Paulo pasarte honetan (ik. Ir 12,15-20). Legamia zaharra baztertu eta legamia gabeko ogiz ospatu behar zen Jaia. Kristok Pazko berria eta betikoa inauguratu duenez, kristauaren bizitza etengabeko pazkoa da; beraz, legamia zaharra —gaiztakeria— baztertu egin behar du eta santutasunean bizi.#legamia gabeko pazko-ogiekin Ir 12,3-20; Dt 16,3. baizik, hau da, bihotz-garbitasunez eta egiaz.
9Beste gutunean#5,9 Beste gutunean: Lehenagoko gutun bat —guretzat ezezaguna— aipatzen du, korintoarrek gaizki ulertu zutena. jende lizunekin ez elkartzeko esaten nizuen.#ez elkartu bekatariekin Mt 18,17; 2 Ts 3,6.14; Tt 3,10; 2 Jn 10. 10Ez nintzen mundu honetako lizunez mintzo, edo hemengo diruzale, lapur eta sasijainkozaleez; bestela, mundutik atera egin beharko zenukete. 11Hau da esan nahi nizuena: kristau direla esan eta lizun, diruzale, sasijainkozale, izen onaren kentzaile, mozkor edo lapur direnekin ez elkartzeko. Horrelakoekin, ezta otordu bat egin ere! 12-13Ez dagokit niri kanpokoak epaitzea; horiek Jainkoak epaituko#kanpokoak ez epaitu Mk 4,11. Bota… Dt 17,7; 19,19. ditu. Zuek elkartekideak epaitu behar dituzue. Liburu Santuak dio: Bota gaiztoa zeuen artetik.
Currently Selected:
1 KORINTOARREI 5: EABD
Highlight
Share
Copy
Want to have your highlights saved across all your devices? Sign up or sign in
Elizen Arteko Biblia (EAB) Biblia en Euskara, Traducción Interconfesional) Copyright © Sociedad Bíblica de España, 2008 Utilizada con permiso