ទំនុកតម្កើង 15

តើអ្នកណានឹងនៅក្នុងទីបរិសុទ្ធរបស់ព្រះបាន?

ទំនុករបស់ស្ដេចដាវីឌ។

1ឱព្រះ‌យេហូវ៉ាអើយ តើអ្នកណានឹងនៅក្នុង

ព្រះដំណាក់របស់ព្រះ‌អង្គបាន?

តើអ្នកណានឹងនៅលើភ្នំបរិសុទ្ធ

របស់ព្រះ‌អង្គបាន?

2គឺអ្នកដែលដើរដោយទៀងត្រង់

ហើយប្រព្រឹត្តអំពើសុចរិត

ព្រមទាំងពោលសេចក្ដីពិតពីក្នុងចិត្ត។

3ជាអ្នកដែលមិននិយាយមួលបង្កាច់ដោយអណ្ដាត

ហើយមិនធ្វើអាក្រក់ដល់មិត្តសម្លាញ់

ក៏មិនហែកកេរ្តិ៍ទាស់នឹងអ្នកជិតខាងខ្លួនឡើយ។

4ជាអ្នកដែលមានភ្នែកមើលមនុស្សពាល

ដោយសេចក្ដីស្អប់ខ្ពើម

តែលើកមុខអស់អ្នកដែលកោតខ្លាច

ដល់ព្រះ‌យេហូវ៉ា

ជាអ្នកដែលគោរពពាក្យសម្បថរបស់ខ្លួន

ឥតប្រែប្រួលឡើយ

ទោះជាត្រូវខាតបង់ក៏ដោយ។

5ជាអ្នកដែលមិនបញ្ចេញប្រាក់ខ្លួន

ដើម្បីយកការសោះ

ក៏មិនទទួលសំណូកទាស់នឹងមនុស្ស

ឥតទោសដែរ។

អ្នកណាដែលប្រព្រឹត្តយ៉ាងដូច្នេះ

អ្នកនោះនឹងមិនរង្គើឡើយ។

Currently Selected:

ទំនុកតម្កើង 15: គកស១៦

Highlight

Copy

Want to have your highlights saved across all your devices? Sign up or sign in

Learn More About ព្រះគម្ពីរបរិសុទ្ធកែសម្រួល ២០១៦