Upfenuo wa Yohana 15
15
Mabigo mafungahe ya mwiso
1Kisa niona dzambo ḍingine kuu ḍya mafara ḍihendekeyeḍyo mbinguni. Niona malaika wafungahe weokuwa na haya mabigo mafungahe ya mwiso yadzeyoikamilisha hi ngoro ya Muungu. 2Niona kintu kikaiyecho dza ḅahari ya kiyoo itsanganyijweyo na moho. Na geri#15:2 Haya matsoro ya Kiyunani pia yanaweza kuwa na maana ya dzuu ye ḅahari. ye ḅahari kusumama wantu wagijiyeo vinuḅi wavipfegejwevyo ni Muungu. Hawa ni hawaḍe wantu wamushindiyeo huyuḍe binensa, wadziziyeo kuiyomba hi sanamuye na wakidziza kubigwa muhuri we namba ya hiḍi sariḍye. 3Hawa hawa wantu wekikwimba wiya wa huyu Mwana Mbuzi na Musa muhumisi jwa Muungu. Hu wiya unakwamba,
“E Ḅwana Muungu mwenye nguvu zonse,
mahendoyo ni makuu na ya kumakisa!
Wewe wiye Haju jwa vyeet̯i na vyeet̯i,#15:3 Matsoro yangine ya Kiyunani yanakwamba: Haju jwa maishi na maishi.
njiazo zonse nza hachi na nza ḍugha!
4E Ḅwana, jwa kutsakushooga wewe ni ga?
Ambu ni ga jwa kutsaḍikuzya sariḍyo?
Wewe ndiwe Mudheru wewe heket̯u.
Kwa kwamba haya mahendoyo ya hachi yanaonekana wazi tswee,
vyeet̯i vyonse vinakuvunzia nkuhi.”
5Wepfokwimba wakisa, nikidzanikihea matso niiona hi *Hekalu ya Muungu hukuḍe mbinguni, yani hiḍi hema ḍya kuyanga kuwapfo kwakwe ḍipfenujwa!#15:5 Haya matsoro ya Kiyunani pia yanaweza kuwa na maana ya kwamba: nipfaona hapfaḍe pfantu pfadheru pfa mwiso pfe Hekalu ya Muungu hukuḍe mbinguni pfapfenujwa, na humuḍe kuzimu kwiwa na hiḍi hema ḍya kuyanga kuwapfo kwakwe. 6Na hawaḍe malaika wafungahe weokuwa na haya mabigo mafungahe wayawa na humuḍe Hekaluni. Wewa wavwaa nguo safi zizokuwa nyeupe pee, na ḅagwini mwao wewa wadzifunga mikanda ya dhahaḅu. 7Kisa mumodza jwa hiviḍe viumbe vyoone kawapfa ḅaakuli mfungahe za dhahaḅu hawa malaika wafungahe. Hizi hizi ḅaakuli ziwa zidzaa hi ngoro ya huyu Muungu eyenaishi maishi na maishi. 8Iyo saa hi Hekalu idzaa mosi kwa dzambo ḍya nguvu na marembo ya Muungu yeyokuwapfo. Na ntaku yuḍejwonse awezeye kunjia humuḍe Hekaluni mumpaka saa ya hayaḍe mabigo mafungahe yayehejweyo ni hawaḍe malaika wofungahe yadzepfoyakisia.
Currently Selected:
Upfenuo wa Yohana 15: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
