Mahendo 27
27
Paulo kangizwa charo cha kwenda Rumi
1Ipfohunikana kwamba hunjie charoni cha kwenda Ut̯aliano na chombo, Paulo na wafungwa wangine wayatswa mikononi mwa Yuliusi, mukuu jwa kit̯aro cha asikari wa Kirumi chichochikihanwa “Kit̯aro cha asikari wa *Kaisari.” 2Hunjia chombo chiyawiyecho Adiramito, chichokuwa kuchiani na geri ya ḅand̯ari za ḍyimbo ḍya Asia, na hugonzowa. Pfamodza naswi kwiwa Mumakedonia jwa Tesalonike eyeakihanwa Arisitako. 3Chamukoche hwojeka ḅand̯ari ya Sidoni. Yuliusi ewa munanso kwa Paulo, kamuruhusu kwendad̯oya waḅamuzwe, wamumpe kiḍechonse echokuwa na t̯uri nacho. 4Hukinuka na hapfo, hugija kwenda, ela kwa dzambo hichi chombo chikibigwa ni mpepfo nkali, huchia na huju yupfande jwa Kupuro juvingikiyejo na hi mpepfo. 5Makisa huvuka ḅahari ya Kilikia na Pamufilia, hudza hukojeka Mura, mudzi wiwo Lukia. 6Hapfaḍe huyu mukuu jwa asikari kenda kaona chombo cha kuyawa Alekizandaria, chichokuwa kwendani Ut̯aliano, ndookomu kahungiza humuhumuḍe. 7Hwenda mpompowe kwa nsiku nyinji, na hat̯a hufika hafufi na Nido na d̯ina muno. Kwa dzambo ḍya hi mpepfo, ntahukuweza kwenda usoni na hujuḍe yupfande. Ndookomu huchia na hi ḍanda ya kilulu cha Kirete ivingikiyeyo ne mpepfo, hukichia na Salimoni. 8Huchia na geri geri ya hi ḅahari na d̯ina muno hat̯a hufika pfantu pfepfonahanwa “Ḅand̯ari ya Naghea,” hafufi na mudzi wa Lesea.
9Hwiiwa hwisakuhwaa muḍa muyeya charoni, hat̯a nsiku ya jila ya kuyatsijwa nabvise#27:9 Hii iwa ni nsiku muhimu ya Kiyahud̯i. Ikihendegwa mwiso wa mwezi wa kenda ambu ḍabvu ya mwezi wa kumi. Hangu hu wakati mumpaka mwezi wa hahu ntawiiwa wakati mwema wa kwenda na chombo ḅaharini kwa dzambo ḍya hali ya anga. iwa isakusia. Ndookomu iwa ngera ya hat̯ari ya kwenda charoni na chombo. D̯ubva Paulo kawakanya kawamba, 10“Wenzangu, nyakuonani ya kwamba hichi charo chehu kuyawa hapfa chinawa kizuka muno. Hi mizigo na hichi chombo vinanangika viwi, na kunafwa wantu.” 11Kenge huyu mukuu jwa asikari kauḅa hivi vyuuwo vya huyu nahudha na vya huyu mwenye hichi chombo kuliko kumusikiiya Paulo. 12Hi ḅand̯ari ntaiwa ḅand̯ari nyema ya kukaa ngera ya mpepfo. Ndookomu wenji wa hawa wantu wekitsaka hugije kwenda, huḍeme kufika Foinikisi ikiwezekana, ili huikae hi ngera ya mpepfo hukuhukuḍe. Hi iwa ḅand̯ari ya Kirete ipfandukiiyeyo moongo ya ḍanda ya nsini na moongo ya ḍanda ya dzuu.
Mawimbi makuu yanangiyeyo hichi chombo
13Kuḍabva kubiga kapfepfo kuyawa ḍanda ya nsini, na hawa wantu wat̯ara ya kwamba wandeweza kwenda usoni dza wapangiyevyo. Ndookomu wanjia chomboni, wakuya nanga na waḍabva kwenda na huku geri geri ya ḅahari ya Kirete. 14Ela kapfachu, kubiga vut̯o kuu ḍiḍyonahanwa “Vut̯o ḍya kuyawa ḍanda ya mbo ya dzuu,” kuyawa hapfa kiluluni. 15Hiḍi vut̯o ḍikibiga hichi chombo, na hwipfoshindwa kuchipfandukiza huku kwa hi mpepfo, huchiyatsa kipfiikwe ni hi mpepfo. 16Huchia na ḍanda ya nsini ya kilulu kiḍoḍo chichonahanwa Kauda, hwendeekohukivingika na hi mpepfo. Hukifunga hiki kingalawa#27:16 Kingalawa ni aina ya waho muḍoḍo wa kwendea ufuoni kuyawa kwa chombo kikuu. cha hichi chombo na d̯ina, ili kitsevunzika. 17Hawa wantu wepfokinuha hichi kingalawa wakikingiza humu chomboni, wakifunga hichi chombo gu na miriji. Wekishooga ya kwamba hichi chombo chinaweza kupfaa watsani geri ya ḅahari ya Libiya kivunzike-vunzike. D̯ubva wasusya hiḍi hanga na wachiyatsa hichi chombo chende loola. 18Haya mawimbi makali yagija kuchibiga hichi chombo. Ndookomu chamukoche waḍabva kwangukia madzini hi mizigo ingine iyokuwa humu chomboni. 19Nsiku ya hahu yakwe hawa wantu wavyangukia madzini na mikono yao wenye sehemu ya hivi vija vya kwendesea hichi chombo. 20Ntahukuweza kuḍiona hiḍi dzuwa wala hizi nyoha kwa nsiku nyinji, na huku kugija kubiga mpepfo nkali. Hat̯a mwiso huyavya t̯amaa ya kwamba hundeweza kupfona.
21Hawa wantu wepfokaa kwa muḍa muyeya pfasipfo kuḍya chakuḍya, Paulo kasumama kahi yao na kawamba, “Wenzangu, vindeewa urembo t̯ambere mundeewa munisikia na kutsanuka na Kirete. T̯ambere mundenisikia, ntahundepata d̯ina na hansara dza hi. 22Kenge nyakumuyombani mutseefwa mojo! Ntaku hat̯a mumodza jwenu adzeyefwa. Hichi chombo t̯u ndicho kidzechonangika. 23Koro siku nidzijwa ni malaika jwa Muungu, huyu Muungu niye jwakwe na niyenamuyomba. 24Huyu malaika kanyamba, ‘Paulo, nkudzoshooge! Ni had̯i ukasumame usoni kwa Kaisari. Na Muungu kwa t̯eiye, njwakuyapfonya maisha ya hawa wonse weo charoni pfamodza nawe.’ 25D̯ubva wenzangu, dzipfeni mojo! Koro nihikiza ya kwamba haya ya Muungu anyambiiyeyo yanawa hachi. 26Ela hichi chombo kijwakupfaa watsani mwa kilulu kisiku.”
27Iwa nasiku, maḍyuma mawii hangu haya mawimbi yaḍabve, na hi mpepfo ikichipfiika hichi chombo huku na huku humu mwa hi ḅahari ya Adiria. Hafufi na siku kahi hawa maḅaharia waona dza kwamba hwiiwa kufikani hafufi na nsi guba. 28D̯ubva wasusya muriji humu madzini ufungijweo gaga na waona ya kwamba haya madzi yenda nsii mpima miyongo miwii. Nyumae wepfopima kawii waona haya madzi yendansi mpima kumi na nsano. 29Wekishooga ya kwamba hichi chombo kitsekwenda chikagonge myamba, ndookomu wasusya nanga nee na huku nsezi na wekiyomba ya kwamba nsi iche haraka.
30Hawa maḅaharia wekitsaka kud̯arama na humu chomboni, d̯ubva waḍabva kukisusya madzini hiki kingalawa na wakidzihendeza dza kwamba wakwendani wakagise nanga na hukuḍe usoni ya hichi chombo. 31Ela Paulo kamwambia huyu mukuu jwa asikari na hawa asikari, kawamba, “Ikiwa kwamba hawa maḅaharia ntawakukaa humu chomboni ntamuwezi kupfona.” 32Ndookomu hawa asikari wazihuna hizi nkamba zizofungijwa hiki kingalawa na wakiyatsa kigwa madzini.
33Hafufi na nsi kucha, Paulo kawayomba wonse waḍye chakuḍya, kawamba, “Mumakaa kwa nsiku kumi na nee sasa, na muḍa huo wonse ntamudzaḍya kiḍechonse. 34D̯ubva nyakumuyombani muḍye chakuḍya. Munamala kuḍya hichi chakuḍya ili muweze kukaa mojo. Koro ntakuwezi kwaara hat̯a yunywii yumodza jwa vitswa vyenu.” 35Epfokwisa kunena hivi Paulo kahwaa mukahe, kamuyaviza asant̯a Muungu usoni kwao wonse, makisa kauvunza na kaḍabva kuḍya. 36Wadzingiza mojo, na kula mumodza jwao nae kaḍya chakuḍya. 37Hwonse pfamodza, hwiwokuwa humu chomboni, hwiiwa wantu magana mawii na miyongo mifungahe na wahandahu. 38Kula muntu epfoḍya chakuḍya cha kumut̯osa, wayangukia hi bvaro ḅaharini kukivodhesa hichi chombo.
Kunangika kwa hichi chombo
39Nsi ipfocha, hawa maḅaharia ntawakuihambuya hiḍe nsi. Ela waona pfantu pfapfaziyepfo watsa geri ya hiḍe nsi, na wahuna kuḍema kuchipfaza hichi chombo hapfa watsani. 40Ndookomu wazihuna hizi nkamba zifungijwezo na hizi nanga na waziyatsa hizi nanga zizame ḅaharini. Wazifunguya na hizi nkamba zifungijwezo na haya mapae yeyoyakitumika dza sukani. Makisa wafunga hiḍi hanga dzuu na huku usoni ya hichi chombo ili hi mpepfo ichipfiike usoni hichi chombo na waḍabva kwenda geri ya ḅahari. 41Ela hichi chombo kipfaa yugongo jwa nsanga na kigijika hapfa yugongoni. Hi nkomu ya hichi chombo igijika na ntaikuweza kutsegeeya. Ako huku nyuma kwa hichi chombo kuḍabva kuvunzwa viḍinku-viḍinku ni haya mawimbi.
42Hawa asikari wekitsaka kuwayaga hawa wafungwa wonse, ili kutseewa hat̯a mumodza jwao jwa kukogeeya ende geri ya ḅahari na ad̯arame. 43Ela kwa dzambo ḍya kwamba huyu mukuu jwa hawa asikari ekitsaka kumupfonya Paulo, d̯ubva kawavingira hawa asikari watsewayaga hawa wafungwa. Ishinu, kaamuru kwamba hawaḍe wonse weonaweza kukogeeya watsumpe madzini d̯ura na wakogeeye kwenda geri. 44Hawa wangine wewa ni kwenda geri wakiwa wadzigija na mbao ambu viḍinku vya hichi chombo kivunzikiyecho. Hi ndiyo namuna yehu hwonse hwendeyeo geri salama.
Currently Selected:
Mahendo 27: pkb
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy
Mahendo 27
27
Paulo kangizwa charo cha kwenda Rumi
1Ipfohunikana kwamba hunjie charoni cha kwenda Ut̯aliano na chombo, Paulo na wafungwa wangine wayatswa mikononi mwa Yuliusi, mukuu jwa kit̯aro cha asikari wa Kirumi chichochikihanwa “Kit̯aro cha asikari wa *Kaisari.” 2Hunjia chombo chiyawiyecho Adiramito, chichokuwa kuchiani na geri ya ḅand̯ari za ḍyimbo ḍya Asia, na hugonzowa. Pfamodza naswi kwiwa Mumakedonia jwa Tesalonike eyeakihanwa Arisitako. 3Chamukoche hwojeka ḅand̯ari ya Sidoni. Yuliusi ewa munanso kwa Paulo, kamuruhusu kwendad̯oya waḅamuzwe, wamumpe kiḍechonse echokuwa na t̯uri nacho. 4Hukinuka na hapfo, hugija kwenda, ela kwa dzambo hichi chombo chikibigwa ni mpepfo nkali, huchia na huju yupfande jwa Kupuro juvingikiyejo na hi mpepfo. 5Makisa huvuka ḅahari ya Kilikia na Pamufilia, hudza hukojeka Mura, mudzi wiwo Lukia. 6Hapfaḍe huyu mukuu jwa asikari kenda kaona chombo cha kuyawa Alekizandaria, chichokuwa kwendani Ut̯aliano, ndookomu kahungiza humuhumuḍe. 7Hwenda mpompowe kwa nsiku nyinji, na hat̯a hufika hafufi na Nido na d̯ina muno. Kwa dzambo ḍya hi mpepfo, ntahukuweza kwenda usoni na hujuḍe yupfande. Ndookomu huchia na hi ḍanda ya kilulu cha Kirete ivingikiyeyo ne mpepfo, hukichia na Salimoni. 8Huchia na geri geri ya hi ḅahari na d̯ina muno hat̯a hufika pfantu pfepfonahanwa “Ḅand̯ari ya Naghea,” hafufi na mudzi wa Lesea.
9Hwiiwa hwisakuhwaa muḍa muyeya charoni, hat̯a nsiku ya jila ya kuyatsijwa nabvise#27:9 Hii iwa ni nsiku muhimu ya Kiyahud̯i. Ikihendegwa mwiso wa mwezi wa kenda ambu ḍabvu ya mwezi wa kumi. Hangu hu wakati mumpaka mwezi wa hahu ntawiiwa wakati mwema wa kwenda na chombo ḅaharini kwa dzambo ḍya hali ya anga. iwa isakusia. Ndookomu iwa ngera ya hat̯ari ya kwenda charoni na chombo. D̯ubva Paulo kawakanya kawamba, 10“Wenzangu, nyakuonani ya kwamba hichi charo chehu kuyawa hapfa chinawa kizuka muno. Hi mizigo na hichi chombo vinanangika viwi, na kunafwa wantu.” 11Kenge huyu mukuu jwa asikari kauḅa hivi vyuuwo vya huyu nahudha na vya huyu mwenye hichi chombo kuliko kumusikiiya Paulo. 12Hi ḅand̯ari ntaiwa ḅand̯ari nyema ya kukaa ngera ya mpepfo. Ndookomu wenji wa hawa wantu wekitsaka hugije kwenda, huḍeme kufika Foinikisi ikiwezekana, ili huikae hi ngera ya mpepfo hukuhukuḍe. Hi iwa ḅand̯ari ya Kirete ipfandukiiyeyo moongo ya ḍanda ya nsini na moongo ya ḍanda ya dzuu.
Mawimbi makuu yanangiyeyo hichi chombo
13Kuḍabva kubiga kapfepfo kuyawa ḍanda ya nsini, na hawa wantu wat̯ara ya kwamba wandeweza kwenda usoni dza wapangiyevyo. Ndookomu wanjia chomboni, wakuya nanga na waḍabva kwenda na huku geri geri ya ḅahari ya Kirete. 14Ela kapfachu, kubiga vut̯o kuu ḍiḍyonahanwa “Vut̯o ḍya kuyawa ḍanda ya mbo ya dzuu,” kuyawa hapfa kiluluni. 15Hiḍi vut̯o ḍikibiga hichi chombo, na hwipfoshindwa kuchipfandukiza huku kwa hi mpepfo, huchiyatsa kipfiikwe ni hi mpepfo. 16Huchia na ḍanda ya nsini ya kilulu kiḍoḍo chichonahanwa Kauda, hwendeekohukivingika na hi mpepfo. Hukifunga hiki kingalawa#27:16 Kingalawa ni aina ya waho muḍoḍo wa kwendea ufuoni kuyawa kwa chombo kikuu. cha hichi chombo na d̯ina, ili kitsevunzika. 17Hawa wantu wepfokinuha hichi kingalawa wakikingiza humu chomboni, wakifunga hichi chombo gu na miriji. Wekishooga ya kwamba hichi chombo chinaweza kupfaa watsani geri ya ḅahari ya Libiya kivunzike-vunzike. D̯ubva wasusya hiḍi hanga na wachiyatsa hichi chombo chende loola. 18Haya mawimbi makali yagija kuchibiga hichi chombo. Ndookomu chamukoche waḍabva kwangukia madzini hi mizigo ingine iyokuwa humu chomboni. 19Nsiku ya hahu yakwe hawa wantu wavyangukia madzini na mikono yao wenye sehemu ya hivi vija vya kwendesea hichi chombo. 20Ntahukuweza kuḍiona hiḍi dzuwa wala hizi nyoha kwa nsiku nyinji, na huku kugija kubiga mpepfo nkali. Hat̯a mwiso huyavya t̯amaa ya kwamba hundeweza kupfona.
21Hawa wantu wepfokaa kwa muḍa muyeya pfasipfo kuḍya chakuḍya, Paulo kasumama kahi yao na kawamba, “Wenzangu, vindeewa urembo t̯ambere mundeewa munisikia na kutsanuka na Kirete. T̯ambere mundenisikia, ntahundepata d̯ina na hansara dza hi. 22Kenge nyakumuyombani mutseefwa mojo! Ntaku hat̯a mumodza jwenu adzeyefwa. Hichi chombo t̯u ndicho kidzechonangika. 23Koro siku nidzijwa ni malaika jwa Muungu, huyu Muungu niye jwakwe na niyenamuyomba. 24Huyu malaika kanyamba, ‘Paulo, nkudzoshooge! Ni had̯i ukasumame usoni kwa Kaisari. Na Muungu kwa t̯eiye, njwakuyapfonya maisha ya hawa wonse weo charoni pfamodza nawe.’ 25D̯ubva wenzangu, dzipfeni mojo! Koro nihikiza ya kwamba haya ya Muungu anyambiiyeyo yanawa hachi. 26Ela hichi chombo kijwakupfaa watsani mwa kilulu kisiku.”
27Iwa nasiku, maḍyuma mawii hangu haya mawimbi yaḍabve, na hi mpepfo ikichipfiika hichi chombo huku na huku humu mwa hi ḅahari ya Adiria. Hafufi na siku kahi hawa maḅaharia waona dza kwamba hwiiwa kufikani hafufi na nsi guba. 28D̯ubva wasusya muriji humu madzini ufungijweo gaga na waona ya kwamba haya madzi yenda nsii mpima miyongo miwii. Nyumae wepfopima kawii waona haya madzi yendansi mpima kumi na nsano. 29Wekishooga ya kwamba hichi chombo kitsekwenda chikagonge myamba, ndookomu wasusya nanga nee na huku nsezi na wekiyomba ya kwamba nsi iche haraka.
30Hawa maḅaharia wekitsaka kud̯arama na humu chomboni, d̯ubva waḍabva kukisusya madzini hiki kingalawa na wakidzihendeza dza kwamba wakwendani wakagise nanga na hukuḍe usoni ya hichi chombo. 31Ela Paulo kamwambia huyu mukuu jwa asikari na hawa asikari, kawamba, “Ikiwa kwamba hawa maḅaharia ntawakukaa humu chomboni ntamuwezi kupfona.” 32Ndookomu hawa asikari wazihuna hizi nkamba zizofungijwa hiki kingalawa na wakiyatsa kigwa madzini.
33Hafufi na nsi kucha, Paulo kawayomba wonse waḍye chakuḍya, kawamba, “Mumakaa kwa nsiku kumi na nee sasa, na muḍa huo wonse ntamudzaḍya kiḍechonse. 34D̯ubva nyakumuyombani muḍye chakuḍya. Munamala kuḍya hichi chakuḍya ili muweze kukaa mojo. Koro ntakuwezi kwaara hat̯a yunywii yumodza jwa vitswa vyenu.” 35Epfokwisa kunena hivi Paulo kahwaa mukahe, kamuyaviza asant̯a Muungu usoni kwao wonse, makisa kauvunza na kaḍabva kuḍya. 36Wadzingiza mojo, na kula mumodza jwao nae kaḍya chakuḍya. 37Hwonse pfamodza, hwiwokuwa humu chomboni, hwiiwa wantu magana mawii na miyongo mifungahe na wahandahu. 38Kula muntu epfoḍya chakuḍya cha kumut̯osa, wayangukia hi bvaro ḅaharini kukivodhesa hichi chombo.
Kunangika kwa hichi chombo
39Nsi ipfocha, hawa maḅaharia ntawakuihambuya hiḍe nsi. Ela waona pfantu pfapfaziyepfo watsa geri ya hiḍe nsi, na wahuna kuḍema kuchipfaza hichi chombo hapfa watsani. 40Ndookomu wazihuna hizi nkamba zifungijwezo na hizi nanga na waziyatsa hizi nanga zizame ḅaharini. Wazifunguya na hizi nkamba zifungijwezo na haya mapae yeyoyakitumika dza sukani. Makisa wafunga hiḍi hanga dzuu na huku usoni ya hichi chombo ili hi mpepfo ichipfiike usoni hichi chombo na waḍabva kwenda geri ya ḅahari. 41Ela hichi chombo kipfaa yugongo jwa nsanga na kigijika hapfa yugongoni. Hi nkomu ya hichi chombo igijika na ntaikuweza kutsegeeya. Ako huku nyuma kwa hichi chombo kuḍabva kuvunzwa viḍinku-viḍinku ni haya mawimbi.
42Hawa asikari wekitsaka kuwayaga hawa wafungwa wonse, ili kutseewa hat̯a mumodza jwao jwa kukogeeya ende geri ya ḅahari na ad̯arame. 43Ela kwa dzambo ḍya kwamba huyu mukuu jwa hawa asikari ekitsaka kumupfonya Paulo, d̯ubva kawavingira hawa asikari watsewayaga hawa wafungwa. Ishinu, kaamuru kwamba hawaḍe wonse weonaweza kukogeeya watsumpe madzini d̯ura na wakogeeye kwenda geri. 44Hawa wangine wewa ni kwenda geri wakiwa wadzigija na mbao ambu viḍinku vya hichi chombo kivunzikiyecho. Hi ndiyo namuna yehu hwonse hwendeyeo geri salama.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy