2 Yohana 1
1
1Mimi muzee, nyakukworeani wewe muke utsanijwee ni Muungu. Nyakukworeani wewe na wanao nimutsakiyeo muno.#1:1 Muke na wana pfangine vitumika dza sari ḍya kisagidzo ḍya tsanganiko modza ḍiḍyokuwa Asia ndoḍo. Simi t̯u nimutsakiyee, ela hat̯a na hawaḍe wonse waimanyiyeo hi hachi. Wamutsaka 2kwa dzambo ḍya kwamba hi hachi yaa kuzimuni mwehu na inawa naswi maishi. 3Muungu Baba, na Yesu *Kirist̯o, Mwana jwa huyu Baba, nawahuvodhye nto, wahufwiye t̯ei na kuhupfa maisha ya naghea. Na wanavihupfa ikiwa kwamba hukaa hachini na matsakoni.
Ishini hachini na mutsakane
4Ami niwa na tsekea hii, nipfokudza nikiwaona wangine wa hawa wanao wakuishini hachini, dza viviḍe vya Baba ahuamuriyevyo! 5D̯ubva wewe muke utsakijwe, nichokukworeani kukuyomba, ni kwamba hutsakane swiswi na swiswi. Hi hii amuri si amuri ngeni hat̯a, ni iiḍe amuri hwiyokuwa nayo hangu ḍabvu. 6Haya matsako niyokunenani ni kwamba, ni had̯i huzigije hizi amuri za Muungu. Na dza musikiiyevyo hangu ḍabvu, hi amuri yakwe ni hii ya kwamba, muishi maisha ya matsako.
7Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula. 8D̯ubva dzit̯unzeni, ili kazi zenu muhendeyezo zitsekudzadziaria ḅasi, ela mudzemupate maipfo yenu mazima!
9Yuḍejwonse eyenayawa nze ya mayongweezo ya Kirist̯o, akavuka mimpaka, huyo nka haria na Muungu. Ela yuḍejwonse eyenakaa kuzimuni mwa haya mayongweezo, ana haria na huyu Baba na huyu Mwana. 10D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya! 11Koro yuḍejwonse amukaraḅishiye muntu dzae nyumbani mwakwe, kakugijanani nae kuhenda haya mazukaye.
Chuuwo cha mwiso
12Nina menji na menji ya kukwambia, ela sikitsaka kuyakworea yonse humu ḅaruwani. Nyakuyoweeyani ya kwamba nakut̯embeeya, ninene nawe kanwa na kanwa, ili hupate kunjijwa ni tsekea t̯ipu. 13Hawa wana wa imbuḍyo atsanijwe ni Muungu, nao wakukedhya nto.
Currently Selected:
2 Yohana 1: pkb
Highlight
Copy
Compare
Share
Want to have your highlights saved across all your devices? Sign up or sign in
© 2004, Bible Translation and Literacy
2 Yohana 1
1
1Mimi muzee, nyakukworeani wewe muke utsanijwee ni Muungu. Nyakukworeani wewe na wanao nimutsakiyeo muno.#1:1 Muke na wana pfangine vitumika dza sari ḍya kisagidzo ḍya tsanganiko modza ḍiḍyokuwa Asia ndoḍo. Simi t̯u nimutsakiyee, ela hat̯a na hawaḍe wonse waimanyiyeo hi hachi. Wamutsaka 2kwa dzambo ḍya kwamba hi hachi yaa kuzimuni mwehu na inawa naswi maishi. 3Muungu Baba, na Yesu *Kirist̯o, Mwana jwa huyu Baba, nawahuvodhye nto, wahufwiye t̯ei na kuhupfa maisha ya naghea. Na wanavihupfa ikiwa kwamba hukaa hachini na matsakoni.
Ishini hachini na mutsakane
4Ami niwa na tsekea hii, nipfokudza nikiwaona wangine wa hawa wanao wakuishini hachini, dza viviḍe vya Baba ahuamuriyevyo! 5D̯ubva wewe muke utsakijwe, nichokukworeani kukuyomba, ni kwamba hutsakane swiswi na swiswi. Hi hii amuri si amuri ngeni hat̯a, ni iiḍe amuri hwiyokuwa nayo hangu ḍabvu. 6Haya matsako niyokunenani ni kwamba, ni had̯i huzigije hizi amuri za Muungu. Na dza musikiiyevyo hangu ḍabvu, hi amuri yakwe ni hii ya kwamba, muishi maisha ya matsako.
7Humu lumwenguni kuhika waalimu wenji na wenji weo na makulekule. Hawa ni wantu weokudzizani kuhikiza ya kwamba Yesu *Kirist̯o kadza dza mwanaad̯amu. Wantu dzao ni wapfinga Kirist̯o na ni wantu weonakulakula. 8D̯ubva dzit̯unzeni, ili kazi zenu muhendeyezo zitsekudzadziaria ḅasi, ela mudzemupate maipfo yenu mazima!
9Yuḍejwonse eyenayawa nze ya mayongweezo ya Kirist̯o, akavuka mimpaka, huyo nka haria na Muungu. Ela yuḍejwonse eyenakaa kuzimuni mwa haya mayongweezo, ana haria na huyu Baba na huyu Mwana. 10D̯ubva muntu yuḍejwonse akimudzia, na akitsamudzia na haya haya mayongweezo, namutsemukaraḅisha nyumbani kwenu. Na hat̯a kumukedhya, namutsemukedhya! 11Koro yuḍejwonse amukaraḅishiye muntu dzae nyumbani mwakwe, kakugijanani nae kuhenda haya mazukaye.
Chuuwo cha mwiso
12Nina menji na menji ya kukwambia, ela sikitsaka kuyakworea yonse humu ḅaruwani. Nyakuyoweeyani ya kwamba nakut̯embeeya, ninene nawe kanwa na kanwa, ili hupate kunjijwa ni tsekea t̯ipu. 13Hawa wana wa imbuḍyo atsanijwe ni Muungu, nao wakukedhya nto.
© 2004, Bible Translation and Literacy