1 Wakorint̯o 9
9
Paulo kadzihehea kwamba jeje ni ntumi
1Munamba mimi sikwaa muntu huru hat̯a? Ambu munamba mimi sikwaa *ntumi hat̯a? Ayu Yesu Ḅwana jwehu, mimi sikumuona hat̯a? Dzaambia, nanywi nywinywi wenye, ntamukwaa matunda ye kazi yangu nimuhendeeyo Ḅwana? 2Hat̯a ingawa kwa wangine sikwaa dza ntumi, kwenu nywinywi mimi ni ntumi. Haya maisha yenu nywinywi wenye mwiyokukaani hariani mwa Ḅwana, ni ushaahiḍi kwamba mimi ni ntumi.
3Wantu wepfonanikajela, nadzihehea hidzaa: 4Munamba mimi si hachi ya kupfegwa chakuḍya na madzi ya kunwa kwa kazi yangu dza ntumi? 5Hawa ntumi wangine na hawa wanduguzwe Ḅwana, pfamodza na Pet̯ero, wao wanakaa wakawahwaa wakazao wakagijana nao humu vyaroni mwao. Munamba ami, ndimi nisiyekuwa na hachi ya kuhwaa muke Mukirist̯o agijane nami amu vyaroni mwangu? 6Ambu, munamba ami na Baranaba ndiswi t̯u wa kuhenda kazi na mikono yehu kudzilachia kantu? 7Kuna asikari ga eyenadziipfia gharama zakwe za kuwa ḍyeshini? Ambu, ni muntu ga eyenat̯ora mizabibu kisa akatsayaḍya haya matundaye? Ambu, kuna mut̯unga ga asiyenwa maziwa ya hu mwonawe eonat̯unga? 8Si ya kwamba haya niyokunenani ni mat̯aro ya kibenaad̯amu ḅasi hat̯a, koro hat̯a hi *Sharia nayo inena hivi hivi.
9Hi Sharia ya Musa yamba, “Nkudzoifunge kanwa ngombe ikwakukuvuniani bvaro.”#9:9 Ḅaad̯a ya nganu na shayiri kukekentwa, ikirangwa-rangwa ni ngombe zipate kuit̯anya hi nganu na haya maḅuwa. Kwiwa sharia ivingiriyeo kuzifunga manwa hizi ngombe zikwakurangani-rangani hi bvaro ili ziwe huru kuḍya. D̯ubva, munamba hapfa hapfa azi ngombe ndizo zimumud̯iyezo Muungu? 10Haya haya nkakwakuhuneneani swiswi hat̯a? Haya yoregwa kwa dzambo ḍyehu. Koro muntu jwa kuima na muntu jwa kuvuna, ni wahende kazi zao wakiyoweeya kupata sehemu ya haya mavuno. 11Hukimahodza mbeju ya kiruhu kahi yenu, na hukivuna kuyawana na vija mwivyonavyo, kawii inawa ni fara? 12Ikiwa kwamba wangine wana hachi ya kuyoweeya ugijo kuyawa kwenu, ehe fat̯i swiswi si zaid̯i?
Ela swiswi hi hii hachi ntahudzaidzilachia. Ishinu hwakuit̯isani kula d̯ina, ili hupate kutsaawa mpingamizi ya haya *Maagu Mema ya *Kirist̯o. 13Ntamudzi kwamba hawaḍe weonahenda kazi Hekaluni chakuḍya chao kinayawa na humu Hekaluni? Ambu, ntamudzi kwamba weonayavya mvuugiya madhabahuni, hi sehemu ya hi mvuugiya iyonayavigwa dza mvuugiya isiyotsomwa nzao? 14Dza vivyo, Ḅwana kaamuru kwamba, hawaḍe weonasumwiiya injili wanaḍya kuyawana na hi injili.
15Ela mimi sidzazidzilachia hizi hizi hachi. Na sikwakworani hivi kwa dzambo ḍya kuzidzilachia hizi hizi hachi hat̯a! Ni heri nifwe, kuliko kumuyatsa muntu aniipfe kwa kazi nihendeyeyo na anitsovye cha kudzishad̯ia.
16Ela si hachi ya kudziona at̯i kwa dzambo ḍya kusumwiiya hi injili. Hangu d̯ura, nipfegwa amuri ya kuisumwiiya. Na nikitsaisumwiiya Muungu ananihukumu. 17Koro t̯ambere hi hii kazi nindeewa nyakuihendani kwa kutsaka kwangu, nindeewa na hachi ya kuipfwa; ela si kwa kutsaka kwangu mwenye, ni kazi Muungu kainimpa. 18Aya maipfo yangu ya kupfegwa ni kintu ga mani? Maipfo yangu ni huku kut̯oseka na kusumwiiya haya Maagu Mema pfasipfo kuhwaa kiḍechonse. Hizi hachi zangu nizonazo dza muntu jwa kusumwiiya haya Maagu Mema, mimi sizidzilachie.
19Mimi ni muntu niye huru, sikwaa muhumwa jwa muntu. Ela nadzihendeza muhumwa jwa kula muntu ili niweze kuwanuha wantu wenji mala ya kut̯osa kwa Kirist̯o. 20Nikiwa kwa Wayahud̯i, nadzihendeza dza Muyahud̯i, nipate kuwanuha wao kwa Kirist̯o. Hat̯a ingawa mimi sikwaa nsii ya hi Sharia, naishi dza muntu eye nsii ya hi Sharia dzao, nipate kuwanuha kwa Kirist̯o. 21Na nikiwa kahi ya hawa wantu wasiokuwa Wayahud̯i, siuḅe Sharia za Kiyahud̯i. Ela hat̯a vivyo, sikwakunenani kwamba nayatsa kuuḅa hi Sharia ya Muungu, koro nya nsii ya sharia ya Kirist̯o. Naishi dza muntu asikwaa Muyahud̯i, nipate kuwanuha kwa Kirist̯o hawa wantu wasiokuwa Wayahud̯i. 22Na kahi ya wantu weo na faro zisizodzangora, nadzihendeza dzao nipate kuwanuha kwa Kirist̯o. D̯ubva nadzingiza kwa kula hali ya kula muntu, nipate kupfonya wangine wao kwa njia iḍeyonse niyonaweza. 23Haya haya yonse nayahenda kwa dzambo ḍya hi injili, nipate kupata hizi mvoni za kuisumwiiya.
24Mumanya ya kwamba mashindano ya mbio yananjijwa ni wantu wenji, ela ni muntu mumodza t̯u eyenashinda hizi mbio akapfegwa t̯ubvo. D̯ubva, d̯aramani dza wantu mwiwokutsakani kushinda hizi mbio mupfegwe t̯ubvo. 25Kula muntu jwa kunjia mashindano ya mbio anahenda mazowezi ya nguvu kaḅisa na ni had̯i awe muntu jwa kudzimiza! Wanahenda hivi wapate kushinda na wapfegwe t̯ubvo ḍisiḍyokaa, ela swiswi hunahenda hivi hupate kupata t̯ubvo ḍiḍyonakaa maishi. 26Ndiyo maana sidzid̯aramiye ḅasi, na sijwane dza muntu eyekudzipfanukiiyani makonde ḅasi ḅasi.
27Hu mwii wangu nauhendea mazowezi momu momu ili niweze kuunuya na kuuweka dza nivyonatsaka, ili nitseweza kuyavigwa humu mbioni ḅaad̯a yangu mimi kuhana na wangine wanjie mbioni.
Currently Selected:
1 Wakorint̯o 9: pkb
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy
1 Wakorint̯o 9
9
Paulo kadzihehea kwamba jeje ni ntumi
1Munamba mimi sikwaa muntu huru hat̯a? Ambu munamba mimi sikwaa *ntumi hat̯a? Ayu Yesu Ḅwana jwehu, mimi sikumuona hat̯a? Dzaambia, nanywi nywinywi wenye, ntamukwaa matunda ye kazi yangu nimuhendeeyo Ḅwana? 2Hat̯a ingawa kwa wangine sikwaa dza ntumi, kwenu nywinywi mimi ni ntumi. Haya maisha yenu nywinywi wenye mwiyokukaani hariani mwa Ḅwana, ni ushaahiḍi kwamba mimi ni ntumi.
3Wantu wepfonanikajela, nadzihehea hidzaa: 4Munamba mimi si hachi ya kupfegwa chakuḍya na madzi ya kunwa kwa kazi yangu dza ntumi? 5Hawa ntumi wangine na hawa wanduguzwe Ḅwana, pfamodza na Pet̯ero, wao wanakaa wakawahwaa wakazao wakagijana nao humu vyaroni mwao. Munamba ami, ndimi nisiyekuwa na hachi ya kuhwaa muke Mukirist̯o agijane nami amu vyaroni mwangu? 6Ambu, munamba ami na Baranaba ndiswi t̯u wa kuhenda kazi na mikono yehu kudzilachia kantu? 7Kuna asikari ga eyenadziipfia gharama zakwe za kuwa ḍyeshini? Ambu, ni muntu ga eyenat̯ora mizabibu kisa akatsayaḍya haya matundaye? Ambu, kuna mut̯unga ga asiyenwa maziwa ya hu mwonawe eonat̯unga? 8Si ya kwamba haya niyokunenani ni mat̯aro ya kibenaad̯amu ḅasi hat̯a, koro hat̯a hi *Sharia nayo inena hivi hivi.
9Hi Sharia ya Musa yamba, “Nkudzoifunge kanwa ngombe ikwakukuvuniani bvaro.”#9:9 Ḅaad̯a ya nganu na shayiri kukekentwa, ikirangwa-rangwa ni ngombe zipate kuit̯anya hi nganu na haya maḅuwa. Kwiwa sharia ivingiriyeo kuzifunga manwa hizi ngombe zikwakurangani-rangani hi bvaro ili ziwe huru kuḍya. D̯ubva, munamba hapfa hapfa azi ngombe ndizo zimumud̯iyezo Muungu? 10Haya haya nkakwakuhuneneani swiswi hat̯a? Haya yoregwa kwa dzambo ḍyehu. Koro muntu jwa kuima na muntu jwa kuvuna, ni wahende kazi zao wakiyoweeya kupata sehemu ya haya mavuno. 11Hukimahodza mbeju ya kiruhu kahi yenu, na hukivuna kuyawana na vija mwivyonavyo, kawii inawa ni fara? 12Ikiwa kwamba wangine wana hachi ya kuyoweeya ugijo kuyawa kwenu, ehe fat̯i swiswi si zaid̯i?
Ela swiswi hi hii hachi ntahudzaidzilachia. Ishinu hwakuit̯isani kula d̯ina, ili hupate kutsaawa mpingamizi ya haya *Maagu Mema ya *Kirist̯o. 13Ntamudzi kwamba hawaḍe weonahenda kazi Hekaluni chakuḍya chao kinayawa na humu Hekaluni? Ambu, ntamudzi kwamba weonayavya mvuugiya madhabahuni, hi sehemu ya hi mvuugiya iyonayavigwa dza mvuugiya isiyotsomwa nzao? 14Dza vivyo, Ḅwana kaamuru kwamba, hawaḍe weonasumwiiya injili wanaḍya kuyawana na hi injili.
15Ela mimi sidzazidzilachia hizi hizi hachi. Na sikwakworani hivi kwa dzambo ḍya kuzidzilachia hizi hizi hachi hat̯a! Ni heri nifwe, kuliko kumuyatsa muntu aniipfe kwa kazi nihendeyeyo na anitsovye cha kudzishad̯ia.
16Ela si hachi ya kudziona at̯i kwa dzambo ḍya kusumwiiya hi injili. Hangu d̯ura, nipfegwa amuri ya kuisumwiiya. Na nikitsaisumwiiya Muungu ananihukumu. 17Koro t̯ambere hi hii kazi nindeewa nyakuihendani kwa kutsaka kwangu, nindeewa na hachi ya kuipfwa; ela si kwa kutsaka kwangu mwenye, ni kazi Muungu kainimpa. 18Aya maipfo yangu ya kupfegwa ni kintu ga mani? Maipfo yangu ni huku kut̯oseka na kusumwiiya haya Maagu Mema pfasipfo kuhwaa kiḍechonse. Hizi hachi zangu nizonazo dza muntu jwa kusumwiiya haya Maagu Mema, mimi sizidzilachie.
19Mimi ni muntu niye huru, sikwaa muhumwa jwa muntu. Ela nadzihendeza muhumwa jwa kula muntu ili niweze kuwanuha wantu wenji mala ya kut̯osa kwa Kirist̯o. 20Nikiwa kwa Wayahud̯i, nadzihendeza dza Muyahud̯i, nipate kuwanuha wao kwa Kirist̯o. Hat̯a ingawa mimi sikwaa nsii ya hi Sharia, naishi dza muntu eye nsii ya hi Sharia dzao, nipate kuwanuha kwa Kirist̯o. 21Na nikiwa kahi ya hawa wantu wasiokuwa Wayahud̯i, siuḅe Sharia za Kiyahud̯i. Ela hat̯a vivyo, sikwakunenani kwamba nayatsa kuuḅa hi Sharia ya Muungu, koro nya nsii ya sharia ya Kirist̯o. Naishi dza muntu asikwaa Muyahud̯i, nipate kuwanuha kwa Kirist̯o hawa wantu wasiokuwa Wayahud̯i. 22Na kahi ya wantu weo na faro zisizodzangora, nadzihendeza dzao nipate kuwanuha kwa Kirist̯o. D̯ubva nadzingiza kwa kula hali ya kula muntu, nipate kupfonya wangine wao kwa njia iḍeyonse niyonaweza. 23Haya haya yonse nayahenda kwa dzambo ḍya hi injili, nipate kupata hizi mvoni za kuisumwiiya.
24Mumanya ya kwamba mashindano ya mbio yananjijwa ni wantu wenji, ela ni muntu mumodza t̯u eyenashinda hizi mbio akapfegwa t̯ubvo. D̯ubva, d̯aramani dza wantu mwiwokutsakani kushinda hizi mbio mupfegwe t̯ubvo. 25Kula muntu jwa kunjia mashindano ya mbio anahenda mazowezi ya nguvu kaḅisa na ni had̯i awe muntu jwa kudzimiza! Wanahenda hivi wapate kushinda na wapfegwe t̯ubvo ḍisiḍyokaa, ela swiswi hunahenda hivi hupate kupata t̯ubvo ḍiḍyonakaa maishi. 26Ndiyo maana sidzid̯aramiye ḅasi, na sijwane dza muntu eyekudzipfanukiiyani makonde ḅasi ḅasi.
27Hu mwii wangu nauhendea mazowezi momu momu ili niweze kuunuya na kuuweka dza nivyonatsaka, ili nitseweza kuyavigwa humu mbioni ḅaad̯a yangu mimi kuhana na wangine wanjie mbioni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy