1 Wakorint̯o 6
6
Namutsepfiikiana masit̯aki kwa walumwengu
1Ikiwa kwamba yuḍejwonse kahi yenu katsowana na ndugu mwenziwe, anawezadze kupfiika masit̯aki kwa walumwengu ḅad̯ala ya kuvipfiika hivi vyuuwo kwa wantu wa Muungu? 2Ntamudzi kwamba hawa wahikiza wadzajuhukumu huju lumwengu? D̯ubva, ikiwa kwamba nywinywi ndinywi wa kujuhukumu huju lumwengu, munashindwa ni d̯ubi ndoḍo ndoḍo dzezihizi? 3Ntamukumanya kwamba swiswi hudzahukumu hat̯a malaika? Ehe fat̯i mambo ya maisha ya huju huju lumwengu? 4D̯ubva, d̯ubi dzezihizi zikidza, munazipfiikia wantu weonanyirwa ni hiḍi tsanganiko munaa? 5Kare onani yutswa bve! Munamba kahi yenu ntaku muntu karo hat̯a mumodza jwa kwamba anaweza kuyanena ayese aya matsowano kahi ya hawa wandugu? 6Ihenda kwamba wandugu kwa wandugu ni kusit̯akiana, kisa kwa wantu wasiohikiza!
7Huku kuwa na matsowano kahi yenu nywinywi na nywinywi t̯u, kunayanga kwamba mushindwa. Si heri muntu amutsoweye nywinywi ambu amukwiwiye nywinywi? 8Ela anywi sivyo, ishinu nywinywi wenye ndinywi mwiwokutsoweanani na kukwiwiyana; na hivi mwakuvihendeani hat̯a Wakirist̯o wenzenu! 9Ntamudzi kwamba wonse weonahenda mazuka ntawawezi kupfokea mvoni za uhaju wa Muungu? Namutsedzikulakula hat̯a, koro wantu wonse weo waḅari, weonayomba masanamu, weonavunza ukwe, weonayaana na nyuma, 10wevi, wahamile, walevi, wantu wa nyano, na wadhara, wonse ntawawezi kupfokea mvoni za uhaju wa Muungu. 11Na hivi ndivyo vya wangine wenu mwivyokuwa. Ela sasa mudhereswa nabvise zenu, mugala wadheru wa Muungu, na Muungu kakumuhwaani kuwa wantu wahachi kwa sari ḍya Ḅwana Yesu *Kirist̯o na kwa nguvu za Ruhu jwa Muungu jwehu.
Mii yenu ni Hekalu ya Ruhu Mudheru
12Muntu anaweza kunena ambe, “Nina uhuru wa kuhenda kiḍechonse nitsakiyecho,” ela si kula kintu kwamba kina maana. Naweza kwamba nina uhuru wa kuhenda kiḍechonse, ela siwezi kudzihendeza muhumwa jwa kiḍechonse kidzechokudza. 13Muntu anaweza kwamba, “Chakuḍya ncha hiḍi humbo, na humbo ndya chakuḍya.” Ela nsikuye Muungu kadzavinanga vyonse. Koro mwii wa muntu si wa kutumika kwa mambo ya uḅari, ela mbwa kumuhumikia Ḅwana, na Ḅwana ndiye mut̯awala jwa mii yehu.
14Kwa nguvuze, Muungu kamufufuya Ḅwana kuyawa kwa wafu, na hat̯a naswi kadzahufufuya.
15Ntamukumanya hivi hivi kwamba mii yenu ni dza viiriiri vya mwii wa Kirist̯o? D̯ubva, nawezadze kuhwaa kiiriiri cha mwii wa Kirist̯o nikihendeze kiiriiri cha mwii wa shudha? Sivihende meshi! 16Munamba ntamudzi kwamba muntu eyenaungana na shudha wanawa mwii mumodza? Koro hat̯a haya matsoro yamba, “Nao wowii wanawa mwii mumodza.” 17Ela muntu eyenaungana na Ḅwana, anawa kintu kimodza nae kiruhu.
18Yatsani uḅari. Nabvise zingine zonse za muntu ezonahenda ntaziuhore hu mwii. Ela muntu eyenahenda nabvise ya uḅari kakuuhendeani nabvise hu mwiiwe mwenye. 19Ntamudzi kwamba mii yenu ni *Hekalu ya Ruhu Mudheru? Huyu Ruhu mumupfegwa ni Muungu na kakuishini kuzimuni mwenu. D̯ubva mii yenu namutseihwaa dza yenu, nza Muungu. 20Jeje kesakumubigia ḍiba. Ndookomu mii yenu itumieni kwa kumushad̯a Muungu.
Currently Selected:
1 Wakorint̯o 6: pkb
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy
1 Wakorint̯o 6
6
Namutsepfiikiana masit̯aki kwa walumwengu
1Ikiwa kwamba yuḍejwonse kahi yenu katsowana na ndugu mwenziwe, anawezadze kupfiika masit̯aki kwa walumwengu ḅad̯ala ya kuvipfiika hivi vyuuwo kwa wantu wa Muungu? 2Ntamudzi kwamba hawa wahikiza wadzajuhukumu huju lumwengu? D̯ubva, ikiwa kwamba nywinywi ndinywi wa kujuhukumu huju lumwengu, munashindwa ni d̯ubi ndoḍo ndoḍo dzezihizi? 3Ntamukumanya kwamba swiswi hudzahukumu hat̯a malaika? Ehe fat̯i mambo ya maisha ya huju huju lumwengu? 4D̯ubva, d̯ubi dzezihizi zikidza, munazipfiikia wantu weonanyirwa ni hiḍi tsanganiko munaa? 5Kare onani yutswa bve! Munamba kahi yenu ntaku muntu karo hat̯a mumodza jwa kwamba anaweza kuyanena ayese aya matsowano kahi ya hawa wandugu? 6Ihenda kwamba wandugu kwa wandugu ni kusit̯akiana, kisa kwa wantu wasiohikiza!
7Huku kuwa na matsowano kahi yenu nywinywi na nywinywi t̯u, kunayanga kwamba mushindwa. Si heri muntu amutsoweye nywinywi ambu amukwiwiye nywinywi? 8Ela anywi sivyo, ishinu nywinywi wenye ndinywi mwiwokutsoweanani na kukwiwiyana; na hivi mwakuvihendeani hat̯a Wakirist̯o wenzenu! 9Ntamudzi kwamba wonse weonahenda mazuka ntawawezi kupfokea mvoni za uhaju wa Muungu? Namutsedzikulakula hat̯a, koro wantu wonse weo waḅari, weonayomba masanamu, weonavunza ukwe, weonayaana na nyuma, 10wevi, wahamile, walevi, wantu wa nyano, na wadhara, wonse ntawawezi kupfokea mvoni za uhaju wa Muungu. 11Na hivi ndivyo vya wangine wenu mwivyokuwa. Ela sasa mudhereswa nabvise zenu, mugala wadheru wa Muungu, na Muungu kakumuhwaani kuwa wantu wahachi kwa sari ḍya Ḅwana Yesu *Kirist̯o na kwa nguvu za Ruhu jwa Muungu jwehu.
Mii yenu ni Hekalu ya Ruhu Mudheru
12Muntu anaweza kunena ambe, “Nina uhuru wa kuhenda kiḍechonse nitsakiyecho,” ela si kula kintu kwamba kina maana. Naweza kwamba nina uhuru wa kuhenda kiḍechonse, ela siwezi kudzihendeza muhumwa jwa kiḍechonse kidzechokudza. 13Muntu anaweza kwamba, “Chakuḍya ncha hiḍi humbo, na humbo ndya chakuḍya.” Ela nsikuye Muungu kadzavinanga vyonse. Koro mwii wa muntu si wa kutumika kwa mambo ya uḅari, ela mbwa kumuhumikia Ḅwana, na Ḅwana ndiye mut̯awala jwa mii yehu.
14Kwa nguvuze, Muungu kamufufuya Ḅwana kuyawa kwa wafu, na hat̯a naswi kadzahufufuya.
15Ntamukumanya hivi hivi kwamba mii yenu ni dza viiriiri vya mwii wa Kirist̯o? D̯ubva, nawezadze kuhwaa kiiriiri cha mwii wa Kirist̯o nikihendeze kiiriiri cha mwii wa shudha? Sivihende meshi! 16Munamba ntamudzi kwamba muntu eyenaungana na shudha wanawa mwii mumodza? Koro hat̯a haya matsoro yamba, “Nao wowii wanawa mwii mumodza.” 17Ela muntu eyenaungana na Ḅwana, anawa kintu kimodza nae kiruhu.
18Yatsani uḅari. Nabvise zingine zonse za muntu ezonahenda ntaziuhore hu mwii. Ela muntu eyenahenda nabvise ya uḅari kakuuhendeani nabvise hu mwiiwe mwenye. 19Ntamudzi kwamba mii yenu ni *Hekalu ya Ruhu Mudheru? Huyu Ruhu mumupfegwa ni Muungu na kakuishini kuzimuni mwenu. D̯ubva mii yenu namutseihwaa dza yenu, nza Muungu. 20Jeje kesakumubigia ḍiba. Ndookomu mii yenu itumieni kwa kumushad̯a Muungu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2004, Bible Translation and Literacy