Mafətàla 5
5
Gay aŋa wakità la magadzaw
1Ŋgaha gənəŋà wakità makəlbaga la ahàl aŋa dza uwatà la kursi Sufəl la afik. Masla adakəsay la ahàl kaf. Wakità uwatà matsetseray gà gay səla nna. Maɗahalla masəlay à vok gà slaslaka məɗəf, kà dza aŋa mapəzlay aw. 2La lig la ahəŋ gənəŋà məŋ malika uwana anavà la kuda zləkkà: “Uwa à uwana azlayla kà mafətal masəlay uwanay la vok ala uwa? Ŋgaha mapəzlay wakità uwanay uwa?”, agòɗ. 3Dza la ahəŋ azlayla aw, adàgay dza uwana la vəɗah adàgay la zagəla, adàgay la tsəh iyaw, adàguwaŋ mali bay kà, taslala vok aŋa mapəzl wakità uwanay, ŋgaha aŋa manərəz huɗ aŋha aw. 4Kà uwana dza la ahəŋ azlayla aŋa mapəzlay, à kà manərəz huɗ gà gà aw, gətùw məŋga, kà uwatà. 5Kiya uwaga tekula la tataka azlamadzahaga uwaga la abà agòɗ à gi: “Katuw aw, aganay dza uwana bokuba sikalaveri, uwana asa à uda la tsəhay aŋa Yahuda la abà, masla mayyi à tsəh ala aŋa sufəl David, masla akəɗàslla tatak gesina la maɗuwəŋ. Masla adàfətalla vok ala masəlay uwaga, ŋgaha adàpəlz wakità uwaga”, agòɗ à gi.
6La mapəh uwaga la gay ala kà, gənəŋà dza la slaka matsizlla ala dzawwa la tataka azlakursi la abà. Azlamadzahaga la azlatatak ufaɗ uwaga la sifa, takə̀salla gay à adi. Maftsa à vok aŋha kà bokuba magadzaw, la yewdi gulo kà bokuba takəɗay uwarà. Dzadzukwa dərew məɗəf lakəl, ŋgaha yewdi məɗəf la vok babay. Azlayewdi uwaga kà azla Masasəɗok məɗəf uwana tadza à ahəŋ la huma Zəzagəla, uwana Zəzagəla aslala atà gesina à gudəŋ à vok. 7Kiya uwaga magadzaw uwaga azà à vok à awtày, azə̀ɓ wakità la ahàl kaf aŋa masla madza madzayga uwaga, la kursi Sufəl la afik. 8Mok uwana adazəɓay kà, azlatatak ufaɗ uwaga la sifa, ŋgaha la azlamadzahaga dzik səla gəl aŋha ufaɗ uwaga takədèɗ à ahəŋ gesina aŋatà, ŋiziŋ agà atà la ahàl gesina, kəla uwabeyuwi aŋatà azlatasà dewni la ahàl aŋatà, mahənlaga la kidzidzi. Uwaga apəhla ala kà madəv kuɗa aŋa azlaməna gay Zəzagəla.#Mahabay 141.2 9Atà tahàb mahabay mawga. Tagòɗ:
ˈKak azlayla kà aŋa mazəɓ wakità uwanay aŋa mapəzlay,
kà uwana takə̀ɗ ka, ŋgaha kapəzl gəl à azladza à ahəŋ.
La aŋiz gəl aŋak kà awùlla atà à slaka Zəzagəla.
Azladza uwaga tasà à uda la azlatsəhay la azlagay anik anik gesina.
Ŋgaha tasà à waŋ la makəɗ gəl à ahəŋ gudəŋ à vok gesina.
10Kak kapàkatàla, kà azlatsəhay aŋak, kà uwana kak, Sufəl gà gà.
Kaɗahàŋ kiya uwanay, kà mapakatàla kà azlaməna makaɗ tatak à Zəzagəla gami.
Atà tadàgay azlasufəl, lakəl aŋa azladza gudəŋ à vok.ˈ#2Musa 19.6; Mahabay 33.3; 98.1; Yesayya 42.10
11La lig la ahəŋ gənəŋà azlamalika aŋuvaw, uwana dza aslala vok aŋa matugway aw. Tanuɗà kursi à abà la azlatatak ufaɗ uwaga, ŋgaha la azlamadzahaga uwaga gesina dikəts. Kiya uwaga gətsənà mahabay aŋatà. 12Tahàb la kuda zləkkà à magadzaw uwana takə̀ɗ kà aŋa matulay:
ˈNdzer, masla azlayla kà mazəɓay la slaka azladza maslay,
La gorobu, la matsihila, la ndzəɗa,
La mazləɓay, la masləkəway, ŋgaha la kikay gesina la ahàl aŋha.
Kay nə̀ŋàwwàŋ məŋga aŋha tsi!ˈ
tagòɗ. 13La lig la ahəŋ aya gotənaŋ dèwdèw tatak uwana Zəzagəla aɗahàŋ kà, tahàb mahabay azlauwana la zagəla, azlauwana la gudəŋ la vok, azlauwana la tsəh iyaw, ŋgaha la azlauwana la iyaw la abà, gesina aŋatà tahàb mahabay tekula:
ˈMəzləɓa dza uwana la kursi la afik, ŋgaha la uwana maftsa à vok aŋa magadzaw uwana taɗàhla matulay məsləkaw atà.
Maslay gesina atsa à waŋ kà la atà la ahàl. Mətatasl atà à ahàl aŋa koksikoksi.ˈ
14Mok uwana tahabay kiya uwanay azlatatak ufaɗ uwaga tagòɗ: “Amen”, ŋgaha azlamadzahaga uwaga takədèɗ à azlauwana à ahəŋ la kursi la afik, ŋgaha tasləkàw atà aya.
Currently Selected:
Mafətàla 5: mfh
Highlight
Copy
Compare
Share
Want to have your highlights saved across all your devices? Sign up or sign in
©2019, Wycliffe Bible Translators Inc. All rights reserve.
