2Tesaloniki 1
1
Ayyi
1Gi Pol la uwana gətsetser wakità uwanay, anu la Silas ŋgaha la Timotawus bay. Mətsetser à maham à ahəŋ məna gay Zəzagəla la gudəŋ Tesaloniki, uwana azlaaŋa Zəzagəla Baba, ŋgaha aŋa Sufəl Yesu Kristu. 2Zəzagəla Baba la Sufəl Yesu Kristu tapis à akul gay à vok, la lapiya.
Aganay seriya uwana adàpaka vok
la kaslà uwana Yesu adàsa à waŋ
3Azladeda, ‘Kikay’, məgoɗ à Zəzagəla kà akul koksikoksi, məɗah uwaga ndzer, kà uwana madiŋal gəl à vok aŋkul, uwana kadiŋawwal gəl à vok, adàla slilih məŋga, ŋgaha mawoy vok aŋkul uwana kawoyaw vok ada à huma à gay. 4Gay gà la uwaga, baŋa anu la huma à azlaməna gay Zəzagəla anik kà, hahalakanna à gày ləv gami, kà uwana amiyaka azladza tasa à akul ŋgərpa, tapəsew akul kà, kabasawwaŋ, katsizllaw à delga à afik, ŋgaha kadiŋawwal gəl à vok, amiyaka la matərəɓay uwaga la abà gesina.
5Azlatatak uwanay gesina apəhanula, kà Zəzagəla adàɗah seriya la dziriga. Kasaw ŋgərpa kà makoray Zəzagəla, la uwaga la uwana adàzlayla akul aŋa mad à slaka makor gəl à abà. 6Ndzer, Zəzagəla adàgəɗ dziriga à afik. Bokuba magoɗay, adàtərəɓ azladza uwana tatərəɓ akul suwaŋ. 7Lagonay kà kasaw ŋgərpa, ama Zəzagəla adàzəɓ akul ŋgərpa lakəl ala, amiyaka anu babay. Adàɗah uwaga la vuɗ uwana Sufəl Yesu adàsa à ahəŋ la zagəla, la azlamalika aŋha, uwana tazləɓ masla. 8Kiya uwaga Sufəl gami Yesu adàsa à ahəŋ la magol akàl la abà, kà madàɗahla seriya à azladza uwana à gəl tapəsew Zəzagəla, ŋgaha azlauwana à gəl takweska gay marabəŋ lakəl aŋha. 9La abatà la uwana tadàɗah à atà seriya dzaŋdzaŋga à gəl, tuwiz tadànəŋ huɗ adi aŋa Zəzagəla tetuwa, amiyaka mazləɓay, ŋgaha la ndzəɗa aŋha aw.#Yesayya 2.10 10Uwaga adàpaka vok la mavakay uwatà, adàsa à waŋ kà, kà masləkaway aŋa azladza aŋha, azlaməna madiŋal gəl à vok tadawoy masla. Akul bay kadàgaw la atà, kà uwana kadiŋawwal gəl à gay gami uwana à vok, məpə̀h à akul.
11Gay gà la uwaga mədəv kuɗa koksikoksi kà aŋkul. ‘Kamkam’, məgoɗ à Zəzagəla gami, kà mapakakulla sətaka, kà akul aŋa madz à ahəŋ la sifa uwana azalà akul, ŋgaha ahən sləray aŋa madiŋal gəl à vok aŋkul ala, mənaval kà masla aŋa mazlak à akul la maslay aŋha. 12La kiya uwaga kà, sləm aŋa Sufəl gami Yesu adàgay masləkaway gà la slaka aŋkul, ŋgaha akul kadàgaw masləkaway gà kà masla. Uwaga gesina adàpaka vok kà vok mahamay aŋa Zəzagəla, ŋgaha la Sufəl gami Yesu.
Currently Selected:
2Tesaloniki 1: mfh
Highlight
Copy
Compare
Share
Want to have your highlights saved across all your devices? Sign up or sign in
©2019, Wycliffe Bible Translators Inc. All rights reserve.