IAKOPO, 2
2
O LE MATAUPU II.
Aua le faailogaina tagata. O le uiga o le faatuatua.
1O‘u uso e, aua tou te faailoga tagata i lo outou taofi i le mataupu o le faatuatua i lo tatou Alii mamalu o Iesu Keriso. 2Auā afai e ulu atu se tagata i la outou faapotopotoga ma ni mama auro i ona lima ma le ofu pupula, a e ulu atu ai foi se tagata mativa ma le ofu leaga, 3ona outou faaaloalo atu lea ia te ia ua ofu i le ofu pupula, ma faapea atu i ai, Ina alāla ia oe i lenei mea lelei; a e fai atu i le tagata mativa, Ina tu ia oe iina, pe nofo ia iinei i lalo o le mea e tu ai o‘u vae; 4e le ua filitaa ea outou ia te outou lava, ma outou fai ma faamasino e leaga o outou manatu? 5O‘u uso pele e, faalogologo mai ia; e le ua filifilia ea e le Atua o e matitiva i lenei lalolagi, o tamaoaiga i le faatuatua, ua tofia foi i latou i le malo ua ia folafolaina mai i e alolofa ia te ia? 6Peitai outou, ua outou faaletaualoa le tagata mativa, E le ua faasaua ea o e tamaoaiga ia te outou, ma latou fetoso ia te outou i le faamasinoga? 7E le ua upu leaga ea i latou i le suafa lelei ua igoa a‘i outou? 8Afai foi ua atoatoa ona anaana o outou i le tulafono silisili, e tusa ma le Tusi, Ia e alofa atu i lē lua te tuaoi, ia pei o oe lava ia te oe, tou te amio lelei ai; 9a e afai tou te faailogaina tagata, ua outou agasala ai, ua faailoaina ai i le tulafono o solitulafono outou; 10auā o sē tausi le tulafono uma, a e agasala i se mea e tasi, ua nofo sala ia i mea uma. 11Auā o ia na fetalai mai. Aua le mulilua, ua fetalai mai foi o ia, Aua le fasioti tagata; afai e te le mulilua, a ua e fasioti tagata, ua fai oe ma solitulafono. 12Ia faapea ona outou tautala, ia faapea foi ona outou faia, pei o e a faamasinoina i le tulafono o le sa‘olotoga; 13aua o le le alofa, e le alofagia o ia i le faamasinoga; a o lē alofa, e olioli ia pe a faamasinoina.
14O‘u uso e, se a le aoga pe a fai mai se tasi ua ia te ia le faatuatua, a e le ia te ia galuega? e mafai ea le faatuatua ona faaola ia te ia? 15Afai ua le ofu se uso po o se tuafafine, ua leai foi sana mea e ‘ai i lea aso ma lea aso, 16a fai atu so outou ia te i latou, Ina o ia outou ma le manuia, ia mafanafana, ma ia maoona, a ua le foai atu ia te i latou ni mea e tatau i le tino, se a lona aoga? 17E faapea foi le faatuatua, pe afai e le i ai galuega, e mate lava ia ina ua na o ia. 18A e fai mai se tasi, O ia te oe le faatuatua, o ia te au foi galuega; ia, ina faaali mai ia ia te au lou faatuatua i au galuega, ou te faaali foi ia te oe lo‘u faatuatua i a‘u galuega. 19Ua e talitonu e toatasi lava le Atua; ua lelei lava lea; ua talitonu foi temoni ma latou tetemu. 20Le tagata valea e, e te le fia iloa ea ua mate lava le faatuatua pe a leai ni galuega? 21E lei ta‘uamiotonuina ea lo tatou tamā o Aperaamo i galuega, ina ua avatu e ia o Isaako lona atalii i luga o le fata faitaulaga? 22E te le iloa ea, na galulue faatasi le faatuatua ma ana galuega, o galuega foi ua atoatoa ai le faatuatua? 23Sa taunuu ai foi le Tusi, ua faapea mai, Na faatuatua Aperaamo i le Atua, ona ta‘ua ai lea ia te ia e fai ma amiotonu; sa ta‘ua foi o ia o le uo a le Atua. 24O lenei, ua outou iloa ua ta‘uamiotonuina le tagata i galuega, a e le na o le faatuatua. 25E faapea foi Raava le fafine talitane, e lei ta‘uamiotonuina ea o ia i galuega, ina ua talia e ia e na aauina atu, na ia au ese atu ai foi ia te i laua i le tasi ala? 26E faapei o le tino ua oti ia pe a te‘a le agaga, e faapea foi le faatuatua ua mate pe a leai ni galuega.
Currently Selected:
IAKOPO, 2: SOV
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
IAKOPO, 2
2
O LE MATAUPU II.
Aua le faailogaina tagata. O le uiga o le faatuatua.
1O‘u uso e, aua tou te faailoga tagata i lo outou taofi i le mataupu o le faatuatua i lo tatou Alii mamalu o Iesu Keriso. 2Auā afai e ulu atu se tagata i la outou faapotopotoga ma ni mama auro i ona lima ma le ofu pupula, a e ulu atu ai foi se tagata mativa ma le ofu leaga, 3ona outou faaaloalo atu lea ia te ia ua ofu i le ofu pupula, ma faapea atu i ai, Ina alāla ia oe i lenei mea lelei; a e fai atu i le tagata mativa, Ina tu ia oe iina, pe nofo ia iinei i lalo o le mea e tu ai o‘u vae; 4e le ua filitaa ea outou ia te outou lava, ma outou fai ma faamasino e leaga o outou manatu? 5O‘u uso pele e, faalogologo mai ia; e le ua filifilia ea e le Atua o e matitiva i lenei lalolagi, o tamaoaiga i le faatuatua, ua tofia foi i latou i le malo ua ia folafolaina mai i e alolofa ia te ia? 6Peitai outou, ua outou faaletaualoa le tagata mativa, E le ua faasaua ea o e tamaoaiga ia te outou, ma latou fetoso ia te outou i le faamasinoga? 7E le ua upu leaga ea i latou i le suafa lelei ua igoa a‘i outou? 8Afai foi ua atoatoa ona anaana o outou i le tulafono silisili, e tusa ma le Tusi, Ia e alofa atu i lē lua te tuaoi, ia pei o oe lava ia te oe, tou te amio lelei ai; 9a e afai tou te faailogaina tagata, ua outou agasala ai, ua faailoaina ai i le tulafono o solitulafono outou; 10auā o sē tausi le tulafono uma, a e agasala i se mea e tasi, ua nofo sala ia i mea uma. 11Auā o ia na fetalai mai. Aua le mulilua, ua fetalai mai foi o ia, Aua le fasioti tagata; afai e te le mulilua, a ua e fasioti tagata, ua fai oe ma solitulafono. 12Ia faapea ona outou tautala, ia faapea foi ona outou faia, pei o e a faamasinoina i le tulafono o le sa‘olotoga; 13aua o le le alofa, e le alofagia o ia i le faamasinoga; a o lē alofa, e olioli ia pe a faamasinoina.
14O‘u uso e, se a le aoga pe a fai mai se tasi ua ia te ia le faatuatua, a e le ia te ia galuega? e mafai ea le faatuatua ona faaola ia te ia? 15Afai ua le ofu se uso po o se tuafafine, ua leai foi sana mea e ‘ai i lea aso ma lea aso, 16a fai atu so outou ia te i latou, Ina o ia outou ma le manuia, ia mafanafana, ma ia maoona, a ua le foai atu ia te i latou ni mea e tatau i le tino, se a lona aoga? 17E faapea foi le faatuatua, pe afai e le i ai galuega, e mate lava ia ina ua na o ia. 18A e fai mai se tasi, O ia te oe le faatuatua, o ia te au foi galuega; ia, ina faaali mai ia ia te au lou faatuatua i au galuega, ou te faaali foi ia te oe lo‘u faatuatua i a‘u galuega. 19Ua e talitonu e toatasi lava le Atua; ua lelei lava lea; ua talitonu foi temoni ma latou tetemu. 20Le tagata valea e, e te le fia iloa ea ua mate lava le faatuatua pe a leai ni galuega? 21E lei ta‘uamiotonuina ea lo tatou tamā o Aperaamo i galuega, ina ua avatu e ia o Isaako lona atalii i luga o le fata faitaulaga? 22E te le iloa ea, na galulue faatasi le faatuatua ma ana galuega, o galuega foi ua atoatoa ai le faatuatua? 23Sa taunuu ai foi le Tusi, ua faapea mai, Na faatuatua Aperaamo i le Atua, ona ta‘ua ai lea ia te ia e fai ma amiotonu; sa ta‘ua foi o ia o le uo a le Atua. 24O lenei, ua outou iloa ua ta‘uamiotonuina le tagata i galuega, a e le na o le faatuatua. 25E faapea foi Raava le fafine talitane, e lei ta‘uamiotonuina ea o ia i galuega, ina ua talia e ia e na aauina atu, na ia au ese atu ai foi ia te i laua i le tasi ala? 26E faapei o le tino ua oti ia pe a te‘a le agaga, e faapea foi le faatuatua ua mate pe a leai ni galuega.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.