ESOTO 40
40
O LE MATAUPU XL.
Ua faatuina le malumalu.
1Ona fetalai mai lea o Ieova ia Mose, 2ua faapea mai, O le uluai aso o le masina muamua e te faatuina ai le malumalu o le fale fetafai o le faapotopotoga. 3E te tuuina ai foi le atolaau o le tulafono, ma puipui atu le atolaau i le ie puipui. 4E te avane ai foi le laoai, e te teuteu ai foi o mea e teuteu i ai; e te avane ai foi le tuugālamepa, ma faaee ai ona lamepa. 5E te tuuina foi le fata auro e mu ai le mea manogi i luma o le atolaau o le tulafono, ma e tautau le ie puipui o le faitotoa i le malumalu. 6E te tuu foi le fata e fai ai taulaga mu i luma o le faitotoa o le malumalu o le fale fetafai o le faapotopotoga. 7E te tuu foi le tanoa e mulumulu ai i le va o le fale fetafai o le faapotopotoga ma le fata faitaulaga; e te sasaa foi i ai le vai. 8E te faatuina foi le lotoā e siosioina ai, ma ia e tautau le ie puipui i le faitotoa o le lotoā. 9E te ave foi le uu e faauu a‘i, e te faauu a‘i le malumalu, ma mea uma lava e i ai, ma e faapaiaina ai, ma ana mea uma lava, ona paia ai lava lea. 10E te faauu foi le fata e fai ai taulaga mu, atoa ma ana mea uma; e te faapaiaina foi le fata faitaulaga, ona fai lea ma fata faitaulaga e sili ona paia. 11E te faauu foi le tanoa e mulumulu ai ma lona tulaga, ma e faapaiaina ai.
12E te faalatalataina mai foi Arona ma ona atalii i le faitotoa o le fale fetafai o le faapotopotoga, e te faataele foi ia i latou i le vai. 13E te faaofuina foi Arona i ofu sa, ma e faauuina o ia, ma faapaiaina o ia, ina ia faia le faiva o ositaulaga ia te au; 14o ona atalii e te faalatalataina mai foi i latou, ma e faaofuina i latou i ofu tino; 15e te faauuina foi i latou, faapei ona e faauuina lo latou tamā, ina ia latou faia le faiva o ositaulaga ia te au; e fai lava lo latou faauuina ia i latou ma tofiga i le faiva o ositaulaga e faavavau i o latou tupulaga amuli.
16Ona faia lea e Mose e tusa ma mea uma lava na poloai mai ai Ieova ia te ia, ua faapea lava ona faia e ia. 17O le uluai masina i le tausaga e lua, o le uluai aso o lea masina ua faatuina ai le malumalu. 18Ua faatuina ai e Mose o le malumalu, ua na tuu foi ona lago, ma faatu ona laupapa, ma sulu atu ai ona faalava, ma faatuina ona pou; 19ua na fofola foi le ufiufi i luga o le malumalu, ma faaee ai le ufiufi o le fale fetafai i ona luga e aupito a luga; faapei ona poloai mai ai o Ieova ia Mose.
20Ua ia ave foi ma tuu papa maa o le tulaono i le atolaau, ma sulu atu amo i le atolaau, ma faaee le nofoa o le alofa i luga o le atolaau. 21Ona avatu lea e ia o le atolaau i totonu o le malumalu, ma na tautau le ie puipui, ma na puipui a‘i le atolaau o le tulafono; e pei ona poloai mai ai o Ieova ia Mose.
22Ua ia tuu foi le laoai i le fale fetafai o le faapotopotoga i le itu i matu o le malumalu, i le itu mai o le ie puipui. 23Ua ia teuteua foi le areto i ona luga i luma o Ieova; e pei ona poloai mai ai o Ieova ia Mose.
24Ona tuu lea e ia o le tuugālamepa i le fale fetafai o le faapotopotoga i le itu i toga o le malumalu, e feagai ma le laoai. 25Ua na tŭtŭ foi lamepa i luma o Ieova; e pei ona poloai mai ai o Ieova ia Mose.
26Ua ia tuu foi le fata auro i le fale fetafai o le faapotopotoga i luma o le ie puipui. 27Ua ia faamu foi i ona luga le mea manogi; e pei ona poloai mai ai o Ieova ia Mose.
28Ua ia tautau foi le ie puipui o le faitotoa o le malumalu. 29O le fata e fai ai taulaga mu foi na ia tuu ai i le faitotoa o le malumalu o le fale fetafai o le faapotopotoga, ma osi ai le taulaga mu ma le taulaga i mea e ‘ai; e pei ona poloai mai ai o Ieova ia Mose.
30Ua ia tuu foi le tanoa e mulumulu ai i le va o le fale fetafai o le faapotopotoga ma le fata faitaulaga; ua ia sasaa foi i ai le vai e taele ai; 31o Mose foi, ma Arona, atoa ma ona atalii na mulumulu ai o latou lima ma o latou vae; 32ua latou mulumulu ai ina a ulufale atu i latou i le malumalu, pe faalatalata i le fata faitaulaga; e pei ona poloai mai ai o Ieova ia Mose. 33Ua ia faatuina foi le lotoā e siosioina ai le malumalu ma le fata faitaulaga, ma na tautau le ie puipui i le faitotoa o le lotoā; ua faauma foi e Mose le galuega.
34Ona ufitia lea o le fale fetafai o le faapotopotoga i le ao, ua tumu foi le malumalu i le pupula o Ieova; 35ua le mafaia foi e Mose ona ulufale atu i le fale fetafai o le faapotopotoga, auā ua nofo le ao i ona luga; o le pupula foi o Ieova ua tumu ai le malumalu. 36A siitia foi le ao ai luga o le malumalu, ona o atu ai lea o le fanauga a Isaraelu i la latou malaga uma. 37A e afai ua le siitia le ao, ona le o malaga lea o i latou ina seia oo i le aso e siitia ai. 38Auā o le ao o Ieova sa i luga lava o le malumalu i le ao; sa i ona luga foi le afi i le po, i luma o le aiga uma o Isaraelu, i la latou malaga uma.
Currently Selected:
ESOTO 40: SOV
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.
ESOTO 40
40
O LE MATAUPU XL.
Ua faatuina le malumalu.
1Ona fetalai mai lea o Ieova ia Mose, 2ua faapea mai, O le uluai aso o le masina muamua e te faatuina ai le malumalu o le fale fetafai o le faapotopotoga. 3E te tuuina ai foi le atolaau o le tulafono, ma puipui atu le atolaau i le ie puipui. 4E te avane ai foi le laoai, e te teuteu ai foi o mea e teuteu i ai; e te avane ai foi le tuugālamepa, ma faaee ai ona lamepa. 5E te tuuina foi le fata auro e mu ai le mea manogi i luma o le atolaau o le tulafono, ma e tautau le ie puipui o le faitotoa i le malumalu. 6E te tuu foi le fata e fai ai taulaga mu i luma o le faitotoa o le malumalu o le fale fetafai o le faapotopotoga. 7E te tuu foi le tanoa e mulumulu ai i le va o le fale fetafai o le faapotopotoga ma le fata faitaulaga; e te sasaa foi i ai le vai. 8E te faatuina foi le lotoā e siosioina ai, ma ia e tautau le ie puipui i le faitotoa o le lotoā. 9E te ave foi le uu e faauu a‘i, e te faauu a‘i le malumalu, ma mea uma lava e i ai, ma e faapaiaina ai, ma ana mea uma lava, ona paia ai lava lea. 10E te faauu foi le fata e fai ai taulaga mu, atoa ma ana mea uma; e te faapaiaina foi le fata faitaulaga, ona fai lea ma fata faitaulaga e sili ona paia. 11E te faauu foi le tanoa e mulumulu ai ma lona tulaga, ma e faapaiaina ai.
12E te faalatalataina mai foi Arona ma ona atalii i le faitotoa o le fale fetafai o le faapotopotoga, e te faataele foi ia i latou i le vai. 13E te faaofuina foi Arona i ofu sa, ma e faauuina o ia, ma faapaiaina o ia, ina ia faia le faiva o ositaulaga ia te au; 14o ona atalii e te faalatalataina mai foi i latou, ma e faaofuina i latou i ofu tino; 15e te faauuina foi i latou, faapei ona e faauuina lo latou tamā, ina ia latou faia le faiva o ositaulaga ia te au; e fai lava lo latou faauuina ia i latou ma tofiga i le faiva o ositaulaga e faavavau i o latou tupulaga amuli.
16Ona faia lea e Mose e tusa ma mea uma lava na poloai mai ai Ieova ia te ia, ua faapea lava ona faia e ia. 17O le uluai masina i le tausaga e lua, o le uluai aso o lea masina ua faatuina ai le malumalu. 18Ua faatuina ai e Mose o le malumalu, ua na tuu foi ona lago, ma faatu ona laupapa, ma sulu atu ai ona faalava, ma faatuina ona pou; 19ua na fofola foi le ufiufi i luga o le malumalu, ma faaee ai le ufiufi o le fale fetafai i ona luga e aupito a luga; faapei ona poloai mai ai o Ieova ia Mose.
20Ua ia ave foi ma tuu papa maa o le tulaono i le atolaau, ma sulu atu amo i le atolaau, ma faaee le nofoa o le alofa i luga o le atolaau. 21Ona avatu lea e ia o le atolaau i totonu o le malumalu, ma na tautau le ie puipui, ma na puipui a‘i le atolaau o le tulafono; e pei ona poloai mai ai o Ieova ia Mose.
22Ua ia tuu foi le laoai i le fale fetafai o le faapotopotoga i le itu i matu o le malumalu, i le itu mai o le ie puipui. 23Ua ia teuteua foi le areto i ona luga i luma o Ieova; e pei ona poloai mai ai o Ieova ia Mose.
24Ona tuu lea e ia o le tuugālamepa i le fale fetafai o le faapotopotoga i le itu i toga o le malumalu, e feagai ma le laoai. 25Ua na tŭtŭ foi lamepa i luma o Ieova; e pei ona poloai mai ai o Ieova ia Mose.
26Ua ia tuu foi le fata auro i le fale fetafai o le faapotopotoga i luma o le ie puipui. 27Ua ia faamu foi i ona luga le mea manogi; e pei ona poloai mai ai o Ieova ia Mose.
28Ua ia tautau foi le ie puipui o le faitotoa o le malumalu. 29O le fata e fai ai taulaga mu foi na ia tuu ai i le faitotoa o le malumalu o le fale fetafai o le faapotopotoga, ma osi ai le taulaga mu ma le taulaga i mea e ‘ai; e pei ona poloai mai ai o Ieova ia Mose.
30Ua ia tuu foi le tanoa e mulumulu ai i le va o le fale fetafai o le faapotopotoga ma le fata faitaulaga; ua ia sasaa foi i ai le vai e taele ai; 31o Mose foi, ma Arona, atoa ma ona atalii na mulumulu ai o latou lima ma o latou vae; 32ua latou mulumulu ai ina a ulufale atu i latou i le malumalu, pe faalatalata i le fata faitaulaga; e pei ona poloai mai ai o Ieova ia Mose. 33Ua ia faatuina foi le lotoā e siosioina ai le malumalu ma le fata faitaulaga, ma na tautau le ie puipui i le faitotoa o le lotoā; ua faauma foi e Mose le galuega.
34Ona ufitia lea o le fale fetafai o le faapotopotoga i le ao, ua tumu foi le malumalu i le pupula o Ieova; 35ua le mafaia foi e Mose ona ulufale atu i le fale fetafai o le faapotopotoga, auā ua nofo le ao i ona luga; o le pupula foi o Ieova ua tumu ai le malumalu. 36A siitia foi le ao ai luga o le malumalu, ona o atu ai lea o le fanauga a Isaraelu i la latou malaga uma. 37A e afai ua le siitia le ao, ona le o malaga lea o i latou ina seia oo i le aso e siitia ai. 38Auā o le ao o Ieova sa i luga lava o le malumalu i le ao; sa i ona luga foi le afi i le po, i luma o le aiga uma o Isaraelu, i la latou malaga uma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Samoan Edited Old Version © Bible Society of the South Pacific, 2017.