โยฮัน 3
3
นีโคเดมัด ต้าย ล์อ เยซู
1ม่าย เต้า ฟาลิสี เมี่ยน, บั๋ว เห่ว นีโคเดมัด. นิ่น เซ เหยียด เต้า โหฒว โฮล เญย ยิวไท เมี่ยน. 2ม่าย ม์วน นิ่น ต้าย ล์อ เยซู ก๊อง, “ฟิน-แซง อ้า! เยีย บัว ฮิ้ว ตุ๊ ทิน-ฮู่ง พ้าย เม่ย ต้าย โหฒว ฟิน-แซง. สี ก๊อง ไม้ เฒ์ย ทิน-ฮู่ง เหธา เยียม, ไม้ ม่าย หาย เต้า ไฮ่ โหฒว บัวะ ฮ่อง เญย จั๋ง-โห่ ฮนั้ง เม่ย โหฒว.”
3เยซู เตา, “เยีย ก๊อง เฒียน บั๋ว เม่ย. หาย เต้า ไม้ กั้น เซียง-ยู์ง เจี๋ย, ไม้ ไฮ่ ตุ๊ ปวัด ทิน-ฮู่ง เญย กั๊วะ.”
4นีโคเดมัด หน่าย ก๋า, “เมี่ยน โก๋ เหฑ่ง, ฮนั้ง หาย นอ ไฮ่ เซียง-ยู์ง เจี๋ย? ไม้ ไฮ่ เปียะ มา เญย กะเซีย กั้น ยู์ง หฑุ่น ซ่าะ?”
5เยซู เตา, “เยีย ก๊อง เฒียน บั๋ว เม่ย. หาย เต้า ไม้ เยียม ววม เหธา สีง ลี่ง กั้น เซียง-ยู์ง เจี๋ย, วั้ว เต้า ไม้ ตุ๊ เปียะ ทิน-ฮู่ง เญย กั๊วะ. 6ป้าม เมี่ยน ยู์ง เญย เซ ป้าม เมี่ยน เญย ซิน. สีง ลี่ง ยู์ง เญย เซ ลี่ง ว่วน. 7เม่ย ไม้ ตู๋ง เหว่ย เยีย ก๊อง, ‘เม่ย บัว อ๋อย หฒุ กั้น เซียง-ยู์ง เจี๋ย’ น้าย โจ๋ว หว่า ฮนั้ม ไม้ เม่ง แปะ. 8หฑยาว อ๋อย ป่วน หาย, นิ่น ฯฒฯ ป่วน วั้ว. เม่ย ไฮ์ หฑยาว เญย เฉีย มป่า ไม้ ฮิ้ว ตุ๊ นิ่น เยียม หาย ต้าย, หย่า ไม้ ฮิ้ว ตุ๊ อ๋อย มี่ง เถา หาย. สีง ลี่ง ปุน หาย เต้า กั้น เซียง-ยู์ง เจี๋ย เซ ฮนั้ง น้าย นอ.”
9นีโคเดมัด หน่าย นิ่น, “น้าย เต๋ย สี่ ฝู่ง ไฮ่ ฮนั้ง น้าย นอ?”
10เยซู เตา, “เม่ย เซ โหฒว เต้า อิสะลาเอน เมี่ยน เญย ต้ม ฟิน-แซง, เม่ย หธ่อ ไม้ เม่ง แปะ น้าย เต๋ย สี่? 11เยีย ก๊อง เฒียน บั๋ว เม่ย, เยีย บัว ฮิ้ว เญย, เยีย บัว ก๊อง. เยีย บัว ปวัด เจี๋ย เญย, เยีย บัว หย่า โหฒว ฒอง-เหฒง. มป่า เม่ย บัว ไม้ เสียน เยีย บัว โหฒว เญย ฒอง-เหฒง. 12สี ก๊อง เยีย ก๊อง ป้าม เกน เญย เจ๊า เม่ย บัว ฒู้ง ไม้ เสียน, เยีย ต้อ ทิน-ต้อง เญย เจ๊า ต้าย ก๊อง, เม่ย บัว ฝู่ง ไฮ่ เสียน? 13ไม้ แก้ง ม่าย หาย เต้า ตุ๊ ฝาว เจี๋ย ทิน-ต้อง ธ้วด ลิ์ว เยีย, ป้าม เมี่ยน เญย ตอน, ต้ง เยียม ทิน-ต้อง เหฌี่ย ต้าย วั้ว เต้า.
14“โล์-ฮนอย โมเซ เยียม เต่ย-ปูง-ฮวาง ฮนั้ง หาย นอ เฒาะ ต้ง นาง อัน วั้ว ต่ง เหลียบ ฝาว ฮลัง,#ซ้าว เมี่ยน 21:9 เยีย, ป้าม เมี่ยน เญย ตอน, หย่า อ๋อย ฮนั้ง วั้ว นอ หฒุ เมี่ยน เฒาะ เหลียบ ฝาว ฮลัง, 15ปุน หาย เต้า เสียน เขา เยีย#3:15 กีก หว่า ก๊อง นิ่น, มป่า เยซู ก๊อง หฒุ นิ่น กั้น. ฯฒฯ ตุ๊ เหยียด ลิ์ว เญย แหม่ง.
16“ทิน-ฮู่ง ด่ง หน่าย ฮนั้ม ลู่ง เดี๊ย เมี่ยน หธีง เฒาะ นิ่น เญย โดะ ตอน เหธย ปุน นิ่น บัว. หาย เต้า เสียน เขา ทิน-ฮู่ง เญย ตอน ไม้ หฒุ เหมียด มป่า ตุ๊ เหยียด ลิ์ว เญย แหม่ง. 17ทิน-ฮู่ง พ้าย นิ่น เญย ตอน เหฌี่ย เถา ป้าม เกน ไม้ เฒ์ย เหว่ย ตี่ง ป้าม เมี่ยน เญย ฒุ์ย. ขูง อ๋อย ปุน ป้าม เมี่ยน ตุ๊ เหฌียว ฮนั้ง.
18“หาย เต้า เสียน เขา ทิน-ฮู่ง เญย ตอน, วั้ว เต้า ไม้ หฒุ ตี่ง ฒุ์ย. หาย เต้า ไม้ เสียน เขา ทิน-ฮู่ง เญย ตอน นอ, ทิน-ฮู่ง ฒู้ง ตี่ง เจี๊ยน วั้ว เต้า เญย ฒุ์ย, หลาย นิ่น ไม้ เสียน เขา ทิน-ฮู่ง เญย โดะ ตอน.
19“เซี้ยม ฒุ์ย เญย กอน เซ ฮนั้ง น้าย. ฌัง ต้าย เปียะ ป้าม เกน. เมี่ยน ไม้ อ๋อย หล่ง ฌัง, ขูง อ๋อย หล่ง หฮมวัง ฮนั้ง, เหว่ย หฒุ นิ่น บัว โหฒว เญย สี่ เซ หว่าย ไห่. 20หาย เต้า โหฒว หว่าย สี่, วั้ว เต้า ฑอง ฌัง หย่า ไม้ อ๋อย มี่ง ล์อ ฌัง. เฑ่า เหย นิ่น โหฒว เญย หว่าย สี่ อ๋อย ปิ๋ว เม่ง ธ้วด ต้าย. 21มป่า หาย เต้า เอย เจี๊ยน เฒียน เล์ย โหฒว, วั้ว เต้า ต้าย ล์อ ฌัง. ฌัง ฯฒฯ ปุน ธีง นิ่น โหฒว เญย สี่ เซ เขา ทิน-ฮู่ง โหฒว.”
โยฮัน เถง เยซู โหฒว ฒอง-เหฒง
22น้าย เต๋ย สี่ ธ้วด ลิ์ว, ฆะฮ้า เยซู เหธา นิ่น เญย ไซ-ก๋อ บัว มี่ง ยูเดีย แซ้ง เยียม หธาม วั้ว หย่า เถง เมี่ยน เจี๋ย ววม เญย เล์ย. 23วั้ว หฒั่น โยฮัน หย่า เถง เมี่ยน เจี๋ย ววม เญย เล์ย. นิ่น เยียม อายโนน มู้ง, เล่ย สาลิม มู้ง ไม้ หนั่ง โก, เหว่ย หฒุ วั้ว นอม ต๋อง ม่าย ววม ธั้ม. เมี่ยน หย่า มี่ง วั้ว เจี๋ย ววม เญย เล์ย. 24(วั้ว หฒั่น โยฮัน ไม้ แก้ง หฒุ หววน โล่.)#มัดทาย 14:3; มาโค 6:17; ลูกา 3:19-20
25ม่าย เต๋ย โยฮัน เญย ไซ-ก๋อ เหธา เต้า ยิวไท เมี่ยน แฑง สา หวุย เญย เล์ย. 26วั้ว เต๋ย ไซ-ก๋อ ฯฒฯ มี่ง บั๋ว โยฮัน, “ไซ-เตี๋ย อ้า! เม่ย จั๋ง ตุ๊ เญย ไฟ? ฒิ่น ด่าง เหธา เม่ย เยียม จอแดน ด้าย เญย ตง ปูง แหมง, ต้ง เม่ย โหฒว ฒอง-เหฒง ก๊อง บั๋ว เจี๋ย เยีย บัว วั้ว ล่าน เมี่ยน. อี้ หฒั่น นิ่น เถง เมี่ยน เจี๋ย ววม เญย เล์ย. หฒวัง เมี่ยน ขูง มี่ง ล์อ นิ่น ฮนั้ง อ๊ะ.”
27โยฮัน เตา, “ไม้ เฒ์ย ทิน-ฮู่ง ปุน นอ, ไม้ ม่าย หาย เต้า ไฮ่ ตุ๊ หาย หญู่ง. 28เม่ย บัว กั้น ไฮ่ เถง เยีย โหฒว ฒอง-เหฒง, ฮิ้ว ตุ๊ เยีย ก๊อง เจี๋ย, ‘เยีย ไม้ เฒ์ย โหฒว กีตู่ วั้ว เต้า. มป่า กีตู่ ไม้ แก้ง ต้าย, ทิน-ฮู่ง พ้าย เยีย ต้าย ด่าง.’#โยฮัน 1:20 29หล่ง เซียง-บวั์ง วั้ว เต้า มต้าย เซียง-ล่าง. แคะ-ล่อง ฒั้ว เจี๊ยน หมวัง เซียง-ล่าง เญย เฉีย. เยี้ยด ไฮ์ เซียง-ล่าง ก๊อง หว่า นิ่น ฯฒฯ เฌียน-โย่ว ไห่. เหว่ย น้าย เยีย อี้ หฒั่น ตุ๊ น้าย หญู่ง ออน-เหลาะ เถา ต้าว อ๊ะ.
30“นิ่น อ๋อย หฒุ โหฒว โฮล เจี๊ยน ฝาว, เยีย อ๋อย หฒุ โหฒว ไฝ เจี๊ยน เหฌี่ย.
เยียม ทิน-ต้อง ต้าย วั้ว เต้า
31“เยียม ทิน-ต้อง ต้าย วั้ว เต้า โหฒว เก้า โฮล เจี๋ย เหยียด ฒู้ง. เยียม ป้าม เกน ต้าย วั้ว เต้า เกวย ป้าม เกน, หย่า ก๊อง ป้าม เกน เญย เจ๊า ฮนั้ง. มป่า เยียม ทิน-ต้อง ต้าย วั้ว เต้า โหฒว เก้า โฮล เจี๋ย เหยียด ฒู้ง. 32นิ่น โหฒว ฒอง-เหฒง ก๊อง นิ่น ปวัด เจี๋ย, ไฮ์ เจี๋ย เญย สี่ มป่า ไม้ ม่าย หาย เต้า ฒิบ นิ่น เญย หว่า. 33หาย เต้า ฒิบ นิ่น เญย หว่า เซ ฮนั้ง ฆ้าบ เจี๊ยน เหยียน นอ, ปุน ธีง ทิน-ฮู่ง เซ เฒียน เญย. 34ทิน-ฮู่ง พ้าย ต้าย วั้ว เต้า ก๊อง ทิน-ฮู่ง เญย หว่า, เหว่ย หฒุ ทิน-ฮู่ง เหธย สีง ลี่ง ปุน นิ่น, หย่า ไม้ ม่าย โสว โหม่ว. 35หฒั่ง เตี๋ย ฮนั้ม นิ่น เญย ตอน, เฒาะ หม่าน หมวด จิว ปุน เยียม นิ่น เญย ปั์ว-เดี๊ย.#มัดทาย 11:27; ลูกา 10:22 36หาย เต้า เสียน เขา ทิน-ฮู่ง เญย ตอน, วั้ว เต้า ม่าย เหยียด ลิ์ว เญย แหม่ง. มป่า หาย เต้า ไม้ หมวัง ทิน-ฮู่ง เญย ตอน เญย หว่า นอ, ไม้ ไฮ่ ตุ๊ เหยียด ลิ์ว เญย แหม่ง หย่า หฒุ ทิน-ฮู่ง ตี่ง เจี๊ยน นิ่น เญย ฒุ์ย.”#3:36 ฟาน หฒะ ก๊อง “นิ่น หฒุ ทิน-ฮู่ง โน์ว เจี๊ยน”.
Currently Selected:
โยฮัน 3: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007