กาลาเทีย 1
1
เจี์ย กอน หว่า
1เยีย, เปาโล, โหฒว กง-โฒ่. ไม้ เฒ์ย ป้าม เมี่ยน พ้าย เยีย โหฒว ไฟ ออน เยีย โหฒว, เซ เยซู กีตู่ เหธา เยซู กีตู่ ไต่ มี่ง ปุน นิ่น นั่ง ต้าย เญย หฒั่ง เตี๋ย ทิน-ฮู่ง, พ้าย เยีย โหฒว.
2เยีย เหธา เยียม น้าย เญย ก๋อ-โย์ว เฟี้ย เฝียน ปุน เม่ย บัว กาลาเทีย แซ้ง เญย หฒวัง จิว-ปาง.
3โท้ บัว เญย หฒั่ง เตี๋ย ทิน-ฮู่ง เหธา เฒี้ยว เยซู กีตู่ เหธย เอน เหธย แป้ง ออน ปุน เม่ย บัว.
4กีตู่ เหว่ย บัว เญย ฒุ์ย เซี้ย นิ่น กั้น เญย แหม่ง เหว่ย เหฌียว บัว เล่ย ดุ๊ด น้าย ฮยวัง เอ๊าะ เญย ลู่ง เดี๊ย. น้าย เซ เอย บัว เญย เตีย, ทิน-ฮู่ง, เญย หฒะเอ๋ย. 5อ๋อย หฒุ เหยียด ลิ์ว เธง ทิน-ฮู่ง เถา หม่าน โก๊ว หม่าน ต่อย. อาเมน.
เฒียน คู้ เฝียน ม่าย ดุ หญู่ง ฮนั้ง
6เยีย บัวะ ฮ่อง ไห่ เม่ย บัว กวั่ง หล่ง กีตู่ เญย เอน เห่ว เม่ย บัว ต้าย วั้ว เต้า ด่ง หน่าย เซี้ยบ, แอ๋ง มี่ง กัน กั้น หญู่ง คู้ เฝียน. 7ฒู้ง ไม้ ม่าย กั้น หญู่ง คู้ เฝียน. เยีย ฮนั้ง น้าย นอ ก๊อง เหว่ย หฒุ ม่าย เต๋ย เมี่ยน จิ๊ว หลุ่น เม่ย บัว, หย่า อ๋อย ก๊อย เพียน กีตู่ เญย คู้ เฝียน. 8ไม้ กุ๊น เยีย บัว ไฟ เยียม ทิน-ต้อง ต้าย เญย ฟิน-เมี่ยน ฒุ่น กั้น หญู่ง คู้ เฝียน, ไม้ ฮนั้ง เยีย บัว ฒุ่น ปุน เม่ย บัว วั้ว หญู่ง คู้ เฝียน นอ, ปุน นิ่น หฒุ เหฒียว#1:8-9 หฒุ เหฒียว เญย เอ๋ย เล์ย เซ เหยียด ลิ์ว หฒุ ตี่ง ฒุ์ย. อ๊ะ. 9เยีย บัว ฒู้ง ก๊อง เจี๋ย เญย, อี้ หฒั่น เยีย แอ๋ง ก๊อง หฑุ่น. สี ก๊อง หาย เต้า ฒุ่น กั้น หญู่ง คู้ เฝียน ปุน เม่ย บัว หมวัง, ไม้ ฮนั้ง เม่ย บัว ฒิ่น ด่าง ฒิบ วั้ว หญู่ง คู้ เฝียน นอ, โท้ ปุน วั้ว เต้า หฒุ เหฒียว อ๊ะ.
10เยีย ฮนั้ง น้าย นอ ก๊อง เซ อ๋อย ตุ๊ เมี่ยน เธง เยีย ไฟ อ๋อย ปุน ทิน-ฮู่ง เธง? เยีย อ๋อย โหฒว ปุน เมี่ยน อะเฮน้ย เยีย ไฟ? สี ก๊อง เยีย หธ่อ อ๋อย โหฒว ปุน เมี่ยน อะเฮน้ย นอ, เยีย ฯฒฯ ไม้ เฒ์ย กีตู่ เญย โปว.#1:10 โปว ไฟ โน่ว.
ทิน-ฮู่ง พ้าย เปาโล โหฒว กง-โฒ่
11ก๋อ- โย์ว อ่า, เยีย อ๋อย เม่ย บัว ฮิ้ว ตุ๊ เยีย ฒุ่น เญย คู้ เฝียน เซ ไม้ เฒ์ย ป้าม เมี่ยน ฮนั้ม ธ้วด ต้าย เญย คู้ เฝียน. 12น้าย คู้ เฝียน เยีย ไม้ เฒ์ย เยียม หาย ล่าน เมี่ยน ฒิบ ต้าย, หย่า ไม้ เฒ์ย เมี่ยน หฌาว เยีย, เซ เยซู กีตู่ กั้น หล่าว ย่าง ปุน เยีย.
13เม่ย บัว ไฮ์ เจี๋ย เยีย ฒิ่น ด่าง กัน หลง ยิวไท เมี่ยน เสียน เญย เจ๊า วั้ว หฒั่น, เยีย ไม้ หญ่าง ฒี่ง ห่อย ทิน-ฮู่ง เญย จิว-ปาง, อ๋อย เหมียด เหฑ่ง จิว-ปาง.#กง-โฒ่ 8:3; 22:4-5; 26:9-11 14เหธา เยีย ต้ง ปาน ยิวไท เมี่ยน, เอย ยิวไท เมี่ยน เสียน เญย เจ๊า เยีย เก้า เปียะ โป่ว เจี๋ย, หย่า เก้า จอม เฮญี้ยว เจี๋ย กัน อง-ถาย บัว เญย เอย-โต้ว.#กง-โฒ่ 22:3
15มป่า เยีย ไม้ แก้ง ธ้วด เสย วั้ว หฒั่น, ทิน-ฮู่ง กิ๊น เยีย ต้าย หย่า เอย นิ่น เญย เอน เห่ว เยีย ฟู-สู นิ่น. นิ่น อะเฮน้ย#กง-โฒ่ 9:3-6; 22:6-10; 26:13-18 16เฒาะ นิ่น เญย ตอน หล่าว ย่าง เหว่ย ปุน เยีย ฒุ่น นิ่น เญย ตอน เญย คู้ เฝียน ปุน หม่าน ฝีง จั๋น หมวัง. วั้ว หฒั่น เยีย ไม้ เหธา หาย เต้า ป้าม เมี่ยน ธ่าง ล่าง. 17เยีย หย่า ไม้ มี่ง เยลูซาเลม ฒี่ง ล์อ ต้ง โหฒว กง-โฒ่ ด่าง เยีย วั้ว เต๋ย. เยีย เซี้ยบๆ เญย มี่ง อาละเบีย เต่ย-ปูง, ฆะฮ้า แอ๋ง หฑวน ดามัดกัด ฒี่ง. 18เจี๋ย ลิ์ว ปัว หฮญัง เยีย หธีง ต้าย มี่ง เยลูซาเลม ฒี่ง ล์อ ปีเต#1:18 ฟาน หฒะ ก๊อง เคฟ้าด. เป๊ย หมั่ง โยฮัน 1:42. หย่า เหธา นิ่น เยียม วั้ว เหฒียบ ฮม์ ฮนอย.#กง-โฒ่ 9:26-30 19มป่า ธ้วด ลิ์ว เฒี้ยว เญย โย์ว, ยากอบ, เยีย ไม้ ปวัด กั้น เต้า กง-โฒ่ อ๊ะ. 20(เยีย ตอง เจี๊ยน ทิน-ฮู่ง บั๋ว เม่ย บัว, เยีย เฟี้ย น้าย เต๋ย หว่า เซ เฒียน เญย. เยีย ไม้ ก๊อง-แปะ.)
21ฆะฮ้า เยีย แอ๋ง มี่ง ซีเลีย เหธา ซีลีเซีย เต่ย เญย ห่อง หฒั่ง. 22วั้ว หฒั่น เยียม ยูเดีย แซ้ง หฒวัง จิว-ปาง เญย กีตู่ เมี่ยน ไม้ ปวัด เจี๋ย เยีย. 23นิ่น บัว ขูง ไฮ์ เมี่ยน ก๊อง, “ฒิ่น ด่าง โหฒว โตะ เยีย บัว วั้ว เต้า, อี้ หฒั่น นิ่น ฒุ่น บั๋ว เมี่ยน เสียน ต้ง ฒิ่น ด่าง นิ่น โหฒว โตะ อ๋อย เหมียด เญย โต์-เล์ย.” 24ฮนั้ง หน่าย, นิ่น บัว เหว่ย เยีย เธง ทิน-ฮู่ง.
Currently Selected:
กาลาเทีย 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007