เสคาลิยา 4
4
ตะฮม์ หญู่ง หล่าว ย่าง เญย สี่
เจียม-ตัง-จ๋า เหธา อี ฒู่ง กะลั้น เดี๋ยง
1ฒิ่น ด่าง เหธา เยีย ก๊อง หว่า วั้ว เต้า ฟิน-เมี่ยน หฑวน ต้าย เห่ว เยีย เญีย ฮนั้ง เยีย มฌ่อม มี่ง เญีย ต้าย นอ. 2นิ่น หน่าย เยีย, “เม่ย ปวัด หาย หญู่ง?”
เยีย เตา, “เยีย ปวัด เหยียด นอม เฒียน เจียม เญย ตัง-จ๋า. เยียม ตัง-จ๋า เตว๊ย-เมว์ย ม่าย นอม หฑ่อม. หฑ่อม หย่า ม่าย เสี่ย นอม ตัง-ฒ้าน. โม์ว นอม ตัง-ฒ้าน ม่าย เสี่ย นอม ตัง-กุ๊น.#4:2 ม่าย เต๋ย โซว ฟาน ต้าย ก๊อง ตัง-โธ้. 3แอ๋ง ม่าย อี ฒู่ง กะลั้น เดี๋ยง เยียม ตัง-จ๋า กะเฮลน. ม่าย ฒู่ง เยียม วั้ว นอม หฑ่อม บย่าว แหมง, ม่าย ฒู่ง เยียม หฒาย แหมง.”#หล่าว ย่าง 11:4
4เยีย หน่าย ก๋า เหธา เยีย ก๊อง หว่า วั้ว เต้า ฟิน-เมี่ยน, “ต้ม ก๋อ อ่า, น้าย หาย หญู่ง?”
5นิ่น เตา, “น้าย เต๋ย เซ หาย หญู่ง เม่ย ไม้ ฮิ้ว ไฟ?”
เยีย เตา, “ต้ม ก๋อ อ่า, เยีย ไม้ ฮิ้ว.”
6นิ่น ก๊อง บั๋ว เยีย, “น้าย เซ เฒี้ยว เญย หว่า บั๋ว เสลุบบาเบน, ‘ไม้ เฒ์ย เขา ชะ, ไม้ เฒ์ย เขา ปั้น เหฒ่ย, มป่า อ๋อย หฒุ เขา เยีย เญย สีง ลี่ง.’ น้าย เซ เน่น เจี๋ย เญย เฒี้ยว ก๊อง เญย หว่า.#เอสะลา 5:2
7“โอ ต้ม บง อ่า, เม่ย เป๋น หาย หญู่ง?#4:7 ฮิบลู หว่า ก๊อง เม่ย เป๋น หาย เต้า? เยียม เสลุบบาเบน เญย หฑะเฮมียน เม่ย ฒู้ง อ๋อย หฒุ เป๋น เดา-แป้ง. นิ่น อ๋อย ต้อ ธ้วด กู้ หงว่าย เจี๋ย วั้ว นอม หละเปย๊ย#4:7 ไฟ เปย๊า-เก๊าะ วั้ว นอม ไฟ ฆะฮ้า ลาย วั้ว นอม. หย่า ม่าย เมี่ยน เบี้ยวๆ เญย เห่ว เจี๊ยน ก๊อง, ‘โท้ ทิน-ฮู่ง เหธย เอน. โท้ ทิน-ฮู่ง เหธย เอน.’”#4:7 ม่าย เต๋ย โซว ฟาน ต้าย ก๊อง “เหฑว่ย ไห่. หฒะเก้ง! เหฑว่ย ไห่”.
8เยีย แอ๋ง ตุ๊ ฒิบ เฒี้ยว เญย หว่า ก๊อง, 9“เสลุบบาเบน เญย ปั์ว อ๋อย เหลียบ น้าย นอม หฒั่ง ทิน-ฮู่ง เญย เปย๊า เญย กอน-โด๊ะ. นิ่น เญย ปั์ว หย่า อ๋อย โหฒว เหฒียง. วั้ว หฒั่น เม่ย ฯฒฯ ฮิ้ว ตุ๊ เน่น เจี๋ย เญย เฒี้ยว พ้าย เยีย ต้าย ล์อ เม่ย อ๊ะ.”
10“หาย เต้า หมั่ง เผีย ไฝ-ฟิ้ว สี่ เญย ฮนอย-เหญียะ, นิ่น บัว ตุ๊ ปวัด ตี่ง หฒะ เญย ฮลาง#4:10 เป๊ย หมั่ง อิสะยา 28:17. เยียม เสลุบบาเบน เญย ปั์ว ฯฒฯ อะเฮน้ย ไห่.
“(วั้ว เต๋ย เสี่ย นอม ตัง#4:10 ไฟ “วั้ว นอม เสี่ย ปูง เญย หละเปย๊ย.” ม่าย เต๋ย ก๊อง “ม่าย เสี่ย นอม มฒีง วั้ว นอม หละเปย๊ย”. เป๊ย เฒี้ยว เญย เสี่ย นอม มฒีง ฒ่า หมั่ง ก๋อม ลู่ง เดี๊ย.”)#หล่าว ย่าง 5:6
11เยีย แอ๋ง หน่าย วั้ว เต้า ฟิน-เมี่ยน, “เยียม ตัง-จ๋า กะเฮลน หฒาย บย่าว เญย น้าย เต๋ย อี ฒู่ง กะลั้น เดี๋ยง ม่าย หาย หญู่ง เอ๋ย เล์ย?”#หล่าว ย่าง 11:4
12เยีย แอ๋ง หน่าย หฑุ่น นิ่น, “น้าย เต๋ย อี ฆว้า กะลั้น เดี๋ยง เญย ฆว่า เซ เยียม โต๋ ธ้วด โย่ว#4:12 ฮิบลู หว่า ก๊อง เจียม. วั้ว เต๋ย อี ติ้ว เจียม-แกว๊ง กะเฮลน, ม่าย หาย หญู่ง เอ๋ย เล์ย?”
13นิ่น ก๊อง บั๋ว เยีย, “น้าย เต๋ย เซ หาย หญู่ง เม่ย ไม้ ฮิ้ว ไฟ?”
เยีย ก๊อง, “ต้ม ก๋อ อ่า, เยีย ไม้ ฮิ้ว.”
14นิ่น ฯฒฯ ก๊อง, “น้าย เต๋ย อี เต้า เซ ออน ต้าย ฟู-สู ลู่ง เดี๊ย เญย เฒี้ยว”#4:14 ไฟ “...ออน ต้าย หย่า โซ้ว เจี๊ยน ลู่ง เดี๊ย เญย เฒี้ยว เญย กะเฮลน”.
Currently Selected:
เสคาลิยา 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
