ซาโลมอน เญย ฑูง 4
4
ตอน
1เยีย ฮนั้ม เญย เซียะ อ่า,
เม่ย เหฑว่ย ไห่,
เม่ย หฒะเก้ง! เหฑว่ย.
เยียม เม่ย เญย บย์อง เฮมียน เดีย กะญั์ว
เม่ย เญย มฒีง ฮนั้ง แปะ ก๊บ นอ.
เม่ย เญย บะเปยย ฮนั้ง เหยียด กวั้น ยู่ง
เหฌี่ย กิเลอาด บง เญย ไบ๊.
2เม่ย เญย ญ่า ฮนั้ง เซียง-จั๊บ ลิ์ว,
โธะ โหะ หฑาว เหฑ่ง เญย ปะกี ยู่ง เญ์ย แปะ.
เหยียด ฒู้ง เป๋น เหยียด ซูง เหยียด ต๋อย,
หย่า ไม้ ธา เหยียด นอม.#4:2 ไฟ “เต้าๆ ม่าย ซูง-ตอน, หย่า ไม้ ม่าย เหยียด เต้า เญย ตอน ตี๋ง ล่าย”.
3เม่ย เญย ฑุ่ย เหมย ฮนั้ง ซิ-ห่ง เญย สุย,
เม่ย เญย ฑุ่ย หฒะเก้ง เหฑว่ย ไห่.
เม่ย เญย ขัม-ปุย ฮนั้ง อี แหมง หฒิ เลี่ยว เปี๊ยว
เยียม เม่ย เญย บย์อง เฮมียน เดีย กะญั์ว.
4เม่ย เญย จาง ฮนั้ง ดาวิด ฮู่ง
โหฒว เซียว เบ๊าะ จ๋า เญย กะน้าย เญย ล่าว,#4:4 น้าย นอม ต๋อง เญย ฮิบลู หว่า เซ ไม้ หนั่ง เม่ง.
หย่า ฮนั้ง ขวัง เจี๊ยน
เฮ้น ไห่ เญย แปง เญย เหยียด ธิน นอม ท้อง-ป้าย.
5เม่ย เญย อี นอม หญอ ฮนั้ง เหยียด ต๋อย ไฌ่ ตอน,
เซ ไฌ่ เญ์ย เหฌี่ย เญย ซูง-ตอน,
เยียม แปะ เหาะ เปี้ยง กะญั์ว ล์อ หญั่น.
6ฒั้ว ลู่ง ดอม ล่าง เญย หฑยาว ป่วน,
หฮมวัง เญย ต้ง ลิ่น หมิด หมี่ อ๊ะ,
เยีย อ๋อย ก๊าน มี่ง เถา ม่าย มูหย่อ เญย บง,
เถา ม่าย ฟานเกนเซน เญย บง-ไอ๊.
7โอ เยีย ฮนั้ม เญย เซียะ อ่า,
เม่ย หฒะเก้ง เหฑว่ย ไห่.
ไม้ ม่าย ต๋อง เฆ่ม อ๊ะ.
8เยีย เญย เซียง-บวั์ง อ่า,
โท้ เหธา เจี๊ยน เยีย เล่ย ฆอย เลบานอน
โท้ เหธา เจี๊ยน เยีย เล่ย ฆอย เลบานอน ม่าะ!
เล่ย ฆอย อามานา เญย บง-นี้ง,
เล่ย ฆอย เสนี เหธา เฮโมน เญย บง-นี้ง,
เล่ย ฆอย เซี่ยน เญย ค้วด,
เหธา ม่าย ดะม่าว เบ๋ว เญย บง.
9เยีย เญย หมั่ว,#4:9 น้าย โจ๋ว ไม้ เฒ์ย ก๊อง นิ่น เป๋น เธียน มั์ว-ต่อย. ปุน ธีง นิ่น ฮนั้ม ฮนั้ง. เยีย เญย เซียง-บวั์ง อ่า,
เม่ย หนิ่ม เยีย เญย เฮญี้ยว หมี่ อ๊ะ.
เม่ย ปู๋ง มฒีง หมั่ง เหยียด เหมว่ย,
หล่ง เม่ย เญย เหยียด ติ้ว เจียม-หลิ่ม
หนิ่ม เยีย เญย เฮญี้ยว หมี่ อ๊ะ.
10เยีย เญย หมั่ว, เยีย เญย เซียง-บวั์ง,
เม่ย ฮนั้ม เยีย เซ หฒะเก้ง หลง ไห่,#4:10 ฮิบลู หว่า ก๊อง กาม.
เม่ย ฮนั้ม เยีย เซ เก้า หลง อะหงุ่น ติ๊ว,
เม่ย เญย โย่ว ดาง เญย เฉีย หย่า เก้า ดาง เจี๋ย เหยียด ฒู้ง หลาบ หลิ่ว.
11เยีย เญย เซียง-บวั์ง อ่า,
เม่ย เญย ฑุ่ย เหมย ฮนั้ง เมว์ย-ต้อง อ๋อย เดี๊ยบ นอ,
เม่ย เญย เบียด กะเดี๊ย เซ ฮนั้ง ง่ง หญอ เหธา เมว์ย-ต้อง,
เม่ย เญย ลุย-โหว ดาง ฮนั้ง เลบานอน เญย เฉีย ดาง.
12เยีย เญย หมั่ว, เยีย เญย เซียง-บวั์ง อ่า,
เม่ย เซ เหยียด นอม ฟ้อ เจี๊ยน เญย หฮวีง,
เว่ย เจี๊ยน เญย ววม-ญ่วน,
เบ๊าะ เจี๊ยน เหยียน เญย ววม-ฒี้ง.
13เม่ย เญย หฮวีง หฒวัง หฒิ เลี่ยว เดี๋ยง,#4:13 น้าย หญู่ง เดี๋ยง เญย เปี๊ยว จั๋น-ไท้ เห่ว ทับทิม.
หย่า ม่าย หญู่งๆ หลง เจี๋ย เญย เปี๊ยว,
ม่าย ฝ่ง ฟิน เปี้ยง เหธา นาดา,
14ม่าย นาดา เหธา ซาโฟน เปี้ยง,#4:14 เป๋น หญู่ง เปี้ยง เซ้ด บั๊ว. เปี้ยง เญย ไฑ ด๊าว หย่า งอย ยั่ง เญย. นิ่น บัว พุย ฆาย, ฒง หม่วน, หล่ง หญ่ม หญั่น ฮบ, หญ่ม เดีย. ไฮ่ หล่ง โหฒว เดีย, โหฒว กะน้าย-ดาง หย่า โหฒว โย่ว ดาง.
ม่าย ฒ่า ฆาน เหธา เจี้ย โล่ว เดี๋ยง,
เหธา เหยียด ฒู้ง โหฒว ฮูง เญย เดี๋ยง-ดาง.
เยียม วั้ว ม่าย มูหย่อ เหธา อาโล เดีย-ดาง,
แอ๋ง ม่าย เหยียด ฒู้ง หฒั่ง ฮ่อง ดาง เญย กะน้าย.
15เม่ย เซ ฮนั้ง หฮวีง เญย ววม-ญ่วน,
ฮนั้ง เหลี่ยว ธ้วด เญย ววม-ฒี้ง,
หย่า ฮนั้ง เลบานอน เหลี่ยว เหฌี่ย เญย ซวัง-ซุ้ย.
เซียะ
16โอ ป๊ะ ปูง หฑยาว อ้า! เญีย ต้าย ม่าะ!
น่าม ปูง หฑยาว อ้า! ป่วน ต้าย ม่าะ
ป่วน เยีย เญย หฮวีง
เหว่ย ป่วน หฮวีง ดาง เญย เฉีย หฑาน ธ้วด มี่ง.
ปุน เยีย ฮนั้ม เญย เมี่ยน ต้าย เปียะ นิ่น เญย หฮวีง,
หญั่น หฮวีง เก้า หลง เจี๋ย เญย เปี๊ยว.
Currently Selected:
ซาโลมอน เญย ฑูง 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
