ลูเท 2
2
ลูเท เยียม โบอาด เญย เด่ย เฑ์า เบย้า ด๊อด
1นาโอมี ม่าย เต้า เธียน-เธะ, เซ เยียม นิ่น เญย โหฆ วั้ว ปูง เญย เมี่ยน, หย่า เหธา นิ่น เญย โหฆ, เอลีเมเล้ก, จวั่ง ฝีง. นิ่น เญย บั๋ว เห่ว โบอาด, เซ ปุ๊ด ฒ่อย, ม่าย เม่ง โห่ เญย เมี่ยน.
2วั้ว เต้า โมอับ เมี่ยน มเซียะ ตอน, ลูเท, ก๊อง บั๋ว นาโอมี, “โท้ ปุน เยีย มี่ง วั้ว เด่ย เฑ์า เบย้า ด๊อด. เยีย ล์อ ปวัด หาย เต้า ม่าย เฮญี้ยว ค้อ-เลี่ยน เมี่ยน, เยีย ฯฒฯ กัน วั้ว เต้า เญย ฆะฮ้า ฆาง มี่ง เฑ์า.#เลวี 19:9-10; หฑั่ม เล์ย-หลัด 24:19
นาโอมี ก๊อง บั๋ว นิ่น, “ญาม อ่า, กุ๊น มี่ง อ๊ะ.” 3ลูเท ฯฒฯ มี่ง อ๊ะ, มี่ง เถา เมี่ยน เญย เด่ย, กัน ก๊าด เบย้า เมี่ยน เญย ฆะฮ้า ฆาง เฑ์า เบย้า ด๊อด. เฑ์า เกา เบย้า, ฮิ้ว ตุ๊ นิ่น เปียะ หฒุ เหธา เอลีเมเล้ก จวั่ง ฝีง เมี่ยน, โบอาด, เญย เด่ย.
4ต๋อย หฒุ วั้ว หฒั่น, โบอาด เยียม เบดเลเฮม ต้าย เถา, เหธา ก๊าด เบย้า เมี่ยน ก๊อง, “โท้ เฒี้ยว เหธา เม่ย บัว เยียม.”
นิ่น บัว เตา, “โท้ เฒี้ยว เหธย ฟุ ปุน เม่ย.”
5โบอาด หน่าย นิ่น เญย กุ๊น ก๊าด เบย้า เมี่ยน วั้ว เต้า โปว, “น้าย เต้า เซียะ หาย เต้า เมี่ยน เญย เซียะ?”
6กุ๊น ก๊าด เบย้า เมี่ยน วั้ว เต้า โปว เตา, “นิ่น เซ โมอับ เมี่ยน, เหธา นาโอมี เยียม โมอับ เต่ย-ปูง หฑวน. 7นิ่น ก๊อง, ‘โท้ ปุน เยีย กัน เจี๊ยน ก๊าด เบย้า เมี่ยน เญย ฆะฮ้า ฆาง มี่ง เฑ์า เบย้า ด๊อด โอ่.’ นิ่น ลู่ง ดอม เฑี้ยว เญย โหฒว กง เถา อี้ หฒั่น, ธ้วด ลิ์ว เยียม ลิ่ว ฮิด ตั้ง ขวน ฮนั้ง.”#2:7 น้าย เหยี่ยม ฮิบลู หว่า อะ ตุ๊ เม่ง แปะ.
8โบอาด ฯฒฯ ก๊อง บั๋ว ลูเท, “เซียะ อ่า, หมวัง เยีย โอ่. ไม้ ตู๋ง มี่ง กั้น เต้า เมี่ยน เญย เด่ย, หย่า ไม้ ตู๋ง กวั่ง เจี๊ยน น้าย ฑง เด่ย มี่ง. อ๋อย หฒุ เหธา เยีย เญย มเซียะ โปว เยียม น้าย. 9เม่ย หมั่ง ก๋า ก๊าด เบย้า เมี่ยน เยียม หาย ฑง เด่ย ก๊าด เบย้า, อ๋อย หฒุ กัน เจี๊ยน เยีย เญย มเซียะ โปว เยียม วั้ว. เยีย หย่า หัด เยีย เญย มจั่ง โปว ไม้ ปุน นิ่น บัว หละเญ้า เม่ย. เม่ย จาง ฆ้าด, กุ๊น มี่ง ฮบ มจั่ง โปว ฒ่าง เจี๊ยน อ๋ง เญย ววม.”
10ลูเท พัวะ เหฌี่ย เฮมียน เถา เดา. นิ่น ก๊อง, “เยีย เซ กั้น ฝีง เมี่ยน. เม่ย เหว่ย หาย ติ่ว ด่ง หน่าย ค้อ-เลี่ยน เยีย?”
11โบอาด เตา, “เยียม เม่ย เญย โหฆ ไต่ มี่ง, เม่ย ฮนั้ง หาย นอ เถง เม่ย เญย มา-ปั่ว เญย หญู่งๆ สี่ ม่าย เมี่ยน บั๋ว เยีย. นิ่น บัว หย่า ก๊อง เม่ย กวั่ง เจี๊ยน เม่ย เญย เตี๋ย หม่า เหธา กั้น เญย ป๊วน-เต่ย-ปูง ต้าย เหธา ฒิ่น ด่าง ไม้ แก้ง ฮิ้ว เญย ฝีง เยียม. 12โท้ เฒี้ยว หฒิว เม่ย โหฒว เญย วิ่น ปุน เม่ย. โท้ เฒี้ยว, อิสะลาเอน เมี่ยน เญย ทิน-ฮู่ง, ต้ง เม่ย ต้าย เขา วั้ว เต้า,#2:12 ฮิบลู หว่า ก๊อง “ต้ง เม่ย ต้าย ปี๋ง วั้ว เต้า เญย ด๊าด-เดี๊ย”. ธั้มๆ เญย เหธย ฒี่ง เหญ่ย ตุ้น ยุ่น เหฑ่ง ปุน เม่ย.
13ลูเท เตา, “ต้ม ก๋อ อ่า, เม่ย หฒะเก้ง ม่าย เอน-ฒี่ง ค้อ-เลี่ยน เยีย, ออน เยีย เญย เฮญี้ยว, หย่า ก๊อง คู้ หว่า ปุน เยีย, ไม้ กุ๊น เยีย เลี่ยม ไม้ เฒ์ย เม่ย เญย โปว.”
14เถา หญั่น หฮนาง เญย เฒี่ยง โห่ โบอาด ก๊อง บั๋ว ลูเท, “ต้าย น้าย หญั่น เต๋ย ฌั้ว หย่า กั๊วะ เจี๊ยน อะหงุ่น ววม-ซุย โอ่.”
ลูเท ฯฒฯ เฒว์ย เหฌี่ย ก๊าด เบย้า เมี่ยน เญย กะเฮลน. โบอาด หย่า เฒาะ เต๋ย เฮม้ย-ธ้าว ปุน นิ่น หญั่น. ลูเท หญั่น เป๊ว หธ่อ ม่าย เหฒ่ง เญย. 15นิ่น เจี์ย ซิน มี่ง เฑ์า เบย้า ด๊อด วั้ว หฒั่น, โบอาด พ้าย เหฒียง นิ่น เญย กง-เมี่ยน, “เซว่ย นิ่น มี่ง เยียม เบย้า เฒ้ย บุด๋ง เฑ์า เบย้า, ไม้ ตู๋ง ล่าน นิ่น. 16ฒู้ง อ๋อย หฒุ แปง ธ้วด เต๋ย เบย้า เฒ้ย เญย เบย้า กวั่ง เจี๊ยน วั้ว ปุน นิ่น เฑ์า, หย่า ไม้ ตู๋ง ก๊อง นิ่น.
17ลูเท ฯฒฯ เยียม วั้ว เด่ย เฑ์า เบย้า ด๊อด เถา ลู่ง ม์าน-หฮมวัง. ฆะฮ้า นิ่น เบ๊าะ น้าย เต๋ย เบย้า บาลี ตุ๊ เหยียด ท้ง เญย ต๋อง.#2:17 ฮิบลู หว่า ก๊อง เหยียด เอฟา. เซ เล่ย ไม้ โก เหยียด ท้ง เญย ต๋อง (22 ลิด). 18นิ่น ต้อ นิ่น เญย เบย้า หฑวน มู้ง มี่ง ปุน นิ่น เญย มา-ปั่ว หมั่ง นิ่น เซียว ตุ๊ บัวะ เหฒีย. นิ่น หย่า เฒาะ นิ่น หญั่น เป๊ว เหฒ่ง เหฌี่ย เญย กะน้าย ปุน นิ่น เญย มา-ปั่ว.
19นิ่น เญย มา-ปั่ว หน่าย ก๋า นิ่น, “ญาม อี้ ฮนอย เยียม หาย เฑ์า เบย้า? เยียม หาย นอม ต๋อง โหฒว กง? โท้ เฒี้ยว เหธย ฟุ ปุน ค้อ-เลี่ยน เม่ย วั้ว ล่าน เมี่ยน.”
ลูเท ก๊อง บั๋ว นิ่น เญย มา-ปั่ว นิ่น อี้ ฮนอย มี่ง หาย เต้า เมี่ยน เญย เด่ย โหฒว กง. นิ่น ก๊อง, “เยีย อี้ ฮนอย มี่ง เยียม โบอาด เญย เด่ย โหฒว กง.”
20นาโอมี ต๋อย นิ่น เญย บวั์ง ก๊อง, “โท้ เฒี้ยว เหธย ฟุ ปุน นิ่น. เฒี้ยว ไม้ ตี้ง เลี่ยว เญย โหฒว หลง ปุน เฒี่ยง เจี๊ยน เญย เมี่ยน เหธา ไต่ มี่ง เญย เมี่ยน.” นาโอมี แอ๋ง จา หว่า ก๊อง, “น้าย เต้า เมี่ยน เป๋น เต้า เก้า นิด ฟัด เจี๋ย เญย เธียน-เธะ, เป๋น เต้า ไฮ่ โก๋ว บัว เญย เมี่ยน.#2:20 หฒิว โล์-ฮนอย เญย เล์ย, หาย เต้า เมี่ยน ไต่ หย่า ไม้ ม่าย เมี่ยน หฑิบ นิ่น เญย ป่วน เดา, อ๋อย หฒุ ม่าย เต้า เก้า เธียน เจี๋ย เญย เธียน-เธะ เอย เจี๊ยน เล์ย หฒัวะ นิ่น เญย เอ๊า-กว๊า. น้าย เต้า เธียน-เธะ อ๋อย หฒุ โก๋ว น้าย เต้า เอ๊า-กว๊า, หย่า หล่ง นิ่น โหฒว เอ๊า เหว่ย ตุ๊ ฝุเจว๊ย หฑิบ โล์-โหฆ เญย ป่วน เดา, ไม้ ปุน เดา ธ้วด วั้ว ฝีง เญย ปั์ว-เดี๊ย. เป๊ย หมั่ง เลวี 25:25; หฑั่ม เล์ย-หลัด 25:5-16.
21โมอับ เมี่ยน มเซียะ ตอน, ลูเท, ก๊อง, “ไม้ ตาน บัวะ น้าย. นิ่น หย่า ก๊อง, “เม่ย เหธา เยีย เญย กง-เมี่ยน เยียม เถา นิ่น บัว ก๊าด เหฑ่ง เยีย เญย เบย้า โอ่.”
22นาโอมี ก๊อง บั๋ว นิ่น เญย บวั์ง, ลูเท, “ญาม อ่า, เม่ย มี่ง กัน นิ่น เญย มเซียะ โปว มป่า หลง เญย. เหฑีย มี่ง กั้น เต้า เมี่ยน เญย เด่ย ไฮ่ หฒุ หละเญ้า.”#2:22 ไฟ ไฮ่ หฒุ ห่อย.
23ฮนั้ง หน่าย ลูเท เยียม นิด ฟัด โบอาด เญย มเซียะ โปว เฑ์า เบย้า เถา เซียว ป่า เบย้า บาลี เหธา เบย้า วิด. นิ่น หย่า เหธา นิ่น เญย มา-ปั่ว เยียม.
Currently Selected:
ลูเท 2: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
ลูเท 2
2
ลูเท เยียม โบอาด เญย เด่ย เฑ์า เบย้า ด๊อด
1นาโอมี ม่าย เต้า เธียน-เธะ, เซ เยียม นิ่น เญย โหฆ วั้ว ปูง เญย เมี่ยน, หย่า เหธา นิ่น เญย โหฆ, เอลีเมเล้ก, จวั่ง ฝีง. นิ่น เญย บั๋ว เห่ว โบอาด, เซ ปุ๊ด ฒ่อย, ม่าย เม่ง โห่ เญย เมี่ยน.
2วั้ว เต้า โมอับ เมี่ยน มเซียะ ตอน, ลูเท, ก๊อง บั๋ว นาโอมี, “โท้ ปุน เยีย มี่ง วั้ว เด่ย เฑ์า เบย้า ด๊อด. เยีย ล์อ ปวัด หาย เต้า ม่าย เฮญี้ยว ค้อ-เลี่ยน เมี่ยน, เยีย ฯฒฯ กัน วั้ว เต้า เญย ฆะฮ้า ฆาง มี่ง เฑ์า.#เลวี 19:9-10; หฑั่ม เล์ย-หลัด 24:19
นาโอมี ก๊อง บั๋ว นิ่น, “ญาม อ่า, กุ๊น มี่ง อ๊ะ.” 3ลูเท ฯฒฯ มี่ง อ๊ะ, มี่ง เถา เมี่ยน เญย เด่ย, กัน ก๊าด เบย้า เมี่ยน เญย ฆะฮ้า ฆาง เฑ์า เบย้า ด๊อด. เฑ์า เกา เบย้า, ฮิ้ว ตุ๊ นิ่น เปียะ หฒุ เหธา เอลีเมเล้ก จวั่ง ฝีง เมี่ยน, โบอาด, เญย เด่ย.
4ต๋อย หฒุ วั้ว หฒั่น, โบอาด เยียม เบดเลเฮม ต้าย เถา, เหธา ก๊าด เบย้า เมี่ยน ก๊อง, “โท้ เฒี้ยว เหธา เม่ย บัว เยียม.”
นิ่น บัว เตา, “โท้ เฒี้ยว เหธย ฟุ ปุน เม่ย.”
5โบอาด หน่าย นิ่น เญย กุ๊น ก๊าด เบย้า เมี่ยน วั้ว เต้า โปว, “น้าย เต้า เซียะ หาย เต้า เมี่ยน เญย เซียะ?”
6กุ๊น ก๊าด เบย้า เมี่ยน วั้ว เต้า โปว เตา, “นิ่น เซ โมอับ เมี่ยน, เหธา นาโอมี เยียม โมอับ เต่ย-ปูง หฑวน. 7นิ่น ก๊อง, ‘โท้ ปุน เยีย กัน เจี๊ยน ก๊าด เบย้า เมี่ยน เญย ฆะฮ้า ฆาง มี่ง เฑ์า เบย้า ด๊อด โอ่.’ นิ่น ลู่ง ดอม เฑี้ยว เญย โหฒว กง เถา อี้ หฒั่น, ธ้วด ลิ์ว เยียม ลิ่ว ฮิด ตั้ง ขวน ฮนั้ง.”#2:7 น้าย เหยี่ยม ฮิบลู หว่า อะ ตุ๊ เม่ง แปะ.
8โบอาด ฯฒฯ ก๊อง บั๋ว ลูเท, “เซียะ อ่า, หมวัง เยีย โอ่. ไม้ ตู๋ง มี่ง กั้น เต้า เมี่ยน เญย เด่ย, หย่า ไม้ ตู๋ง กวั่ง เจี๊ยน น้าย ฑง เด่ย มี่ง. อ๋อย หฒุ เหธา เยีย เญย มเซียะ โปว เยียม น้าย. 9เม่ย หมั่ง ก๋า ก๊าด เบย้า เมี่ยน เยียม หาย ฑง เด่ย ก๊าด เบย้า, อ๋อย หฒุ กัน เจี๊ยน เยีย เญย มเซียะ โปว เยียม วั้ว. เยีย หย่า หัด เยีย เญย มจั่ง โปว ไม้ ปุน นิ่น บัว หละเญ้า เม่ย. เม่ย จาง ฆ้าด, กุ๊น มี่ง ฮบ มจั่ง โปว ฒ่าง เจี๊ยน อ๋ง เญย ววม.”
10ลูเท พัวะ เหฌี่ย เฮมียน เถา เดา. นิ่น ก๊อง, “เยีย เซ กั้น ฝีง เมี่ยน. เม่ย เหว่ย หาย ติ่ว ด่ง หน่าย ค้อ-เลี่ยน เยีย?”
11โบอาด เตา, “เยียม เม่ย เญย โหฆ ไต่ มี่ง, เม่ย ฮนั้ง หาย นอ เถง เม่ย เญย มา-ปั่ว เญย หญู่งๆ สี่ ม่าย เมี่ยน บั๋ว เยีย. นิ่น บัว หย่า ก๊อง เม่ย กวั่ง เจี๊ยน เม่ย เญย เตี๋ย หม่า เหธา กั้น เญย ป๊วน-เต่ย-ปูง ต้าย เหธา ฒิ่น ด่าง ไม้ แก้ง ฮิ้ว เญย ฝีง เยียม. 12โท้ เฒี้ยว หฒิว เม่ย โหฒว เญย วิ่น ปุน เม่ย. โท้ เฒี้ยว, อิสะลาเอน เมี่ยน เญย ทิน-ฮู่ง, ต้ง เม่ย ต้าย เขา วั้ว เต้า,#2:12 ฮิบลู หว่า ก๊อง “ต้ง เม่ย ต้าย ปี๋ง วั้ว เต้า เญย ด๊าด-เดี๊ย”. ธั้มๆ เญย เหธย ฒี่ง เหญ่ย ตุ้น ยุ่น เหฑ่ง ปุน เม่ย.
13ลูเท เตา, “ต้ม ก๋อ อ่า, เม่ย หฒะเก้ง ม่าย เอน-ฒี่ง ค้อ-เลี่ยน เยีย, ออน เยีย เญย เฮญี้ยว, หย่า ก๊อง คู้ หว่า ปุน เยีย, ไม้ กุ๊น เยีย เลี่ยม ไม้ เฒ์ย เม่ย เญย โปว.”
14เถา หญั่น หฮนาง เญย เฒี่ยง โห่ โบอาด ก๊อง บั๋ว ลูเท, “ต้าย น้าย หญั่น เต๋ย ฌั้ว หย่า กั๊วะ เจี๊ยน อะหงุ่น ววม-ซุย โอ่.”
ลูเท ฯฒฯ เฒว์ย เหฌี่ย ก๊าด เบย้า เมี่ยน เญย กะเฮลน. โบอาด หย่า เฒาะ เต๋ย เฮม้ย-ธ้าว ปุน นิ่น หญั่น. ลูเท หญั่น เป๊ว หธ่อ ม่าย เหฒ่ง เญย. 15นิ่น เจี์ย ซิน มี่ง เฑ์า เบย้า ด๊อด วั้ว หฒั่น, โบอาด พ้าย เหฒียง นิ่น เญย กง-เมี่ยน, “เซว่ย นิ่น มี่ง เยียม เบย้า เฒ้ย บุด๋ง เฑ์า เบย้า, ไม้ ตู๋ง ล่าน นิ่น. 16ฒู้ง อ๋อย หฒุ แปง ธ้วด เต๋ย เบย้า เฒ้ย เญย เบย้า กวั่ง เจี๊ยน วั้ว ปุน นิ่น เฑ์า, หย่า ไม้ ตู๋ง ก๊อง นิ่น.
17ลูเท ฯฒฯ เยียม วั้ว เด่ย เฑ์า เบย้า ด๊อด เถา ลู่ง ม์าน-หฮมวัง. ฆะฮ้า นิ่น เบ๊าะ น้าย เต๋ย เบย้า บาลี ตุ๊ เหยียด ท้ง เญย ต๋อง.#2:17 ฮิบลู หว่า ก๊อง เหยียด เอฟา. เซ เล่ย ไม้ โก เหยียด ท้ง เญย ต๋อง (22 ลิด). 18นิ่น ต้อ นิ่น เญย เบย้า หฑวน มู้ง มี่ง ปุน นิ่น เญย มา-ปั่ว หมั่ง นิ่น เซียว ตุ๊ บัวะ เหฒีย. นิ่น หย่า เฒาะ นิ่น หญั่น เป๊ว เหฒ่ง เหฌี่ย เญย กะน้าย ปุน นิ่น เญย มา-ปั่ว.
19นิ่น เญย มา-ปั่ว หน่าย ก๋า นิ่น, “ญาม อี้ ฮนอย เยียม หาย เฑ์า เบย้า? เยียม หาย นอม ต๋อง โหฒว กง? โท้ เฒี้ยว เหธย ฟุ ปุน ค้อ-เลี่ยน เม่ย วั้ว ล่าน เมี่ยน.”
ลูเท ก๊อง บั๋ว นิ่น เญย มา-ปั่ว นิ่น อี้ ฮนอย มี่ง หาย เต้า เมี่ยน เญย เด่ย โหฒว กง. นิ่น ก๊อง, “เยีย อี้ ฮนอย มี่ง เยียม โบอาด เญย เด่ย โหฒว กง.”
20นาโอมี ต๋อย นิ่น เญย บวั์ง ก๊อง, “โท้ เฒี้ยว เหธย ฟุ ปุน นิ่น. เฒี้ยว ไม้ ตี้ง เลี่ยว เญย โหฒว หลง ปุน เฒี่ยง เจี๊ยน เญย เมี่ยน เหธา ไต่ มี่ง เญย เมี่ยน.” นาโอมี แอ๋ง จา หว่า ก๊อง, “น้าย เต้า เมี่ยน เป๋น เต้า เก้า นิด ฟัด เจี๋ย เญย เธียน-เธะ, เป๋น เต้า ไฮ่ โก๋ว บัว เญย เมี่ยน.#2:20 หฒิว โล์-ฮนอย เญย เล์ย, หาย เต้า เมี่ยน ไต่ หย่า ไม้ ม่าย เมี่ยน หฑิบ นิ่น เญย ป่วน เดา, อ๋อย หฒุ ม่าย เต้า เก้า เธียน เจี๋ย เญย เธียน-เธะ เอย เจี๊ยน เล์ย หฒัวะ นิ่น เญย เอ๊า-กว๊า. น้าย เต้า เธียน-เธะ อ๋อย หฒุ โก๋ว น้าย เต้า เอ๊า-กว๊า, หย่า หล่ง นิ่น โหฒว เอ๊า เหว่ย ตุ๊ ฝุเจว๊ย หฑิบ โล์-โหฆ เญย ป่วน เดา, ไม้ ปุน เดา ธ้วด วั้ว ฝีง เญย ปั์ว-เดี๊ย. เป๊ย หมั่ง เลวี 25:25; หฑั่ม เล์ย-หลัด 25:5-16.
21โมอับ เมี่ยน มเซียะ ตอน, ลูเท, ก๊อง, “ไม้ ตาน บัวะ น้าย. นิ่น หย่า ก๊อง, “เม่ย เหธา เยีย เญย กง-เมี่ยน เยียม เถา นิ่น บัว ก๊าด เหฑ่ง เยีย เญย เบย้า โอ่.”
22นาโอมี ก๊อง บั๋ว นิ่น เญย บวั์ง, ลูเท, “ญาม อ่า, เม่ย มี่ง กัน นิ่น เญย มเซียะ โปว มป่า หลง เญย. เหฑีย มี่ง กั้น เต้า เมี่ยน เญย เด่ย ไฮ่ หฒุ หละเญ้า.”#2:22 ไฟ ไฮ่ หฒุ ห่อย.
23ฮนั้ง หน่าย ลูเท เยียม นิด ฟัด โบอาด เญย มเซียะ โปว เฑ์า เบย้า เถา เซียว ป่า เบย้า บาลี เหธา เบย้า วิด. นิ่น หย่า เหธา นิ่น เญย มา-ปั่ว เยียม.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007