หล่าว ย่าง 17
17
โหฒว โฮล วั้ว เต้า หม่าย ป๊วน-ซิน เญย มเซียะ ตอน
1โป้ว เจี๊ยน เสี่ย นอม ปุ้น วั้ว เต๋ย เสี่ย เต้า ฟิน-เมี่ยน ม่าย เต้า ต้าย บั๋ว เยีย, “ต้าย ม่าะ! เยีย อ๋อย ปุน เม่ย หมั่ง เฒว์ย เจี๊ยน ววม ธั้ม เญย ต๋อง, ม่าย เม่ง เต้า โฮล วั้ว เต้า หม่าย ป๊วน-ซิน เญย มเซียะ ตอน ฮนั้ง หาย นอ หฒุ ตี่ง ฒุ์ย.#เยเลมี 51:13 2ลู่ง เดี๊ย เญย ฮู่ง เตี๋ย เหฮยียน นิ่น. ลู่ง เดี๊ย เมี่ยน หย่า ฮบ นิ่น เหฮยียน โหฆ เญย ติ๊ว ฆวิน มี่ง.”#อิสะยา 23:17; เยเลมี 51:7
3สีง ลี่ง กุ๊น เจี๊ยน เยีย, วั้ว เต้า ฟิน-เมี่ยน ฯฒฯ ต้อ เยีย มี่ง เถา นอม เต่ย-ปูง-ฮวาง. เยียม วั้ว เยีย ปวัด เต้า มเซียะ ตอน เก้ เจี๊ยน เต้า เฮยี่ย กะน้าย หฑั่น ซิ เญย. ม่าย คี ทิน-ฮู่ง เญย บั๋ว ปวั๊ง เหฑ่ง เฮยี่ย กะน้าย เญย ซิน, หย่า ม่าย เสี่ย นอม มฆ้อง, เหฒียบ นอม จอง.#หล่าว ย่าง 13:1 4วั้ว เต้า มเซียะ ตอน ฒุ เจี๊ยน เญย ลุย-โหว เซ หลัวะ เหธา ซิ-ห่ง. นิ่น หย่า หล่ง เจียม เหธา หละเปย๊ย-จ๋าย เหธา เฒียน-โฒว#17:4 จั๋น-ไท้ หว่า ก๊อง ไข่ มุก. ฒอง ซิน. ปั์ว หย่า นั้น เจี๊ยน เจียม-ปุย. ปุย กะญั์ว ฒ่าง ปวั๊ง นิ่น เหฮยียน เมี่ยน โหฒว ไญ้ ไห่, หฒ่าน ไห่, ไล่ ฮลบ เญย สี่.#เยเลมี 51:7 5เยียม นิ่น เญย ปย้อง ม่าย นอม บั๋ว ม่าย ไม้ แก้ง บย๋าง ย่าง เญย เอ๋ย เล์ย. บั๋ว เซ
“บาบีโลน ต้ม ฒี่ง,
ต้ง โหฒว หม่าย ป๊วน-ซิน
เหธา เยียม ป้าม เกน
เหยียด ฒู้ง หฒ่าน ไห่,
ไญ้ ไห่ เญย สี่ เญย
หฒวัง เมี่ยน เญย มา.”
6เยีย หย่า ปวัด วั้ว เต้า มเซียะ ตอน ฮนั้ง ฮบ ติ๊ว ฆวิน นอ, เหว่ย หฒุ นิ่น ฮบ ทิน-ฮู่ง เญย เมี่ยน เญย ฑย้าม หย่า ฮบ เหว่ย เถง เยซู โหฒว ฒอง-เหฒง หฒุ ไต๋ วั้ว เต๋ย เมี่ยน เญย ฑย้าม ฆวิน. เยีย ปวัด น้าย เต้า มเซียะ ตอน เยีย หฒะเก้ง! บัวะ ฮ่อง ไห่. 7ฟิน-เมี่ยน หน่าย เยีย, “เม่ย เหว่ย หาย ติ่ว บัวะ ฮ่อง? เยีย อ๋อย พ้อ เม่ง วั้ว เต้า มเซียะ ตอน เญย ไม้ แก้ง บย๋าง ย่าง เญย เอ๋ย เล์ย เหธา นิ่น เก้ เจี๊ยน ม่าย เสี่ย นอม มฆ้อง, เหฒียบ นอม จอง วั้ว เต้า เฮยี่ย กะน้าย เญย เอ๋ย เล์ย บั๋ว เม่ย. 8เม่ย ปวัด วั้ว เต้า เฮยี่ย กะน้าย ฒิ่น ด่าง เฒี่ยง เจี๊ยน เญย, มป่า อี้ หฒั่น ไม้ เฒี่ยง อ๊ะ. ไม้ เล่า นิ่น เยียม วั้ว นอม โด ไห่ เญย ค้วด#ดานีเอน 7:7; หล่าว ย่าง 11:7 ธ้วด ต้าย ฯฒฯ มี่ง หฒุ เหมียด. ป้าม เกน เญย เมี่ยน, ต้ง เยียม ไม้ แก้ง เหฒย ลู่ง เหฒย เดา วั้ว หฒั่น ไม้ ม่าย บั๋ว เฟี้ย เจี๊ยน เฒี่ยง แหม่ง ตาน วั้ว เต๋ย,#สีง ฑูง 69:28 ปวัด วั้ว เต้า เฮยี่ย กะน้าย ฯฒฯ หฒะเก้ง บัวะ ฮ่อง ไห่, เหว่ย หฒุ ฒิ่น ด่าง วั้ว เต้า เฮยี่ย กะน้าย เฒี่ยง เญย, อี้ หฒั่น ไม้ เฒี่ยง มป่า แอ๋ง อ๋อย ต้าย.
9“น้าย เต๋ย สี่ เซ อ๋อย หฒุ หล่ง ธง-เม่ง หธีง ฮนั้ม ตุ๊ เม่ง แปะ. วั้ว เต๋ย เสี่ย นอม มฆ้อง เซ ต้ง วั้ว เต้า มเซียะ ตอน เฒว์ย เจี๊ยน วั้ว เต๋ย เสี่ย นอม บง. 10เสี่ย นอม มฆ้อง หย่า โหฒว เสี่ย เต้า ฮู่ง เตี๋ย. ปยา เต้า เจี๋ย หมี่ อ๊ะ. ม่าย เต้า อี้ หฒั่น โหฒว เจี๊ยน ฮู่ง. แอ๋ง ม่าย เต้า ไม้ แก้ง ต้าย. มป่า นิ่น ต้าย, นิ่น อ๋อย หฒุ เยียม เหยียด หธาม ฮนั้ง. 11ฒิ่น ด่าง เยียม มป่า อี้ หฒั่น ไม้ เยียม วั้ว เต้า เฮยี่ย กะน้าย ตุ๊ โหฒว ตะเป๊ด เต้า ฮู่ง, หย่า โหฒว วั้ว เต๋ย เสี่ย เต้า เญย เหยียด เต้า หย่า หูง เจี๊ยน มี่ง หฒุ เหมียด.
12“เม่ย ปวัด วั้ว เต๋ย เหฒียบ นอม จอง เซ ต้ง ไม้ แก้ง ฝาว เหว่ย โหฒว ฮู่ง เญย เหฒียบ เต้า ฮู่ง เตี๋ย.#ดานีเอน 7:24 นิ่น บัว อ๋อย ตุ๊ ฒิบ หลี่ง เหธา วั้ว เต้า เฮยี่ย กะน้าย โหฒว ฮู่ง เหยียด นอม เฒี่ยง โห่. 13น้าย เต๋ย เหฒียบ เต้า ฮู่ง เตี๋ย ต้ง เฮญี้ยว กั๊บ เอ๋ย ฯฒฯ เฒาะ นิ่น บัว เญย ชะ เหธา หลี่ง จิว ปุน เฮยี่ย กะน้าย. 14นิ่น บัว อ๋อย เหธา ปะกี ยู่ง ตอน เบ๊าะ จ๋า มป่า ปะกี ยู่ง ตอน อ๋อย เบ๊าะ ฮี่ง นิ่น บัว, เหว่ย หฒุ นิ่น โหฒว หม่าน เฒี้ยว เญย เฒี้ยว, หม่าน ฮู่ง เญย ฮู่ง. กัน ปะกี ยู่ง ตอน วั้ว เต๋ย เซ นิ่น กั้น เห่ว ต้าย, กิ๊น ต้าย, เหฒียบ ฒัวะ เญย เมี่ยน.”
15ฟิน-เมี่ยน แอ๋ง ก๊อง บั๋ว เยีย, “เม่ย ปวัด วั้ว เต้า หม่าย ป๊วน-ซิน เญย มเซียะ ตอน เฒว์ย เจี๊ยน ววม ธั้ม เญย ต๋อง. น้าย เต๋ย ววม เป๊ย ธั้ม-หญู่ง แปะ ฝีง, ธั้ม-ฝีง เมี่ยน, ธั้ม-นอม กั๊วะ, ธั้ม-หญู่ง หว่า. 16เม่ย ปวัด วั้ว เต๋ย เหฒียบ นอม จอง เหธา วั้ว เต้า เฮยี่ย กะน้าย อ๋อย ฑอง ไห่ วั้ว เต้า หม่าย ป๊วน-ซิน เญย มเซียะ ตอน. นิ่น บัว ฯฒฯ ธ้าง เหฑ่ง นิ่น ม่าย เญย เหยียด ฒู้ง, ปุน นิ่น ฌัง ซิน ธี้ ลี้ เญย เยียม. นิ่น บัว แอ๋ง อ๋อย หญั่น นิ่น เญย อ๊อ หย่า หล่ง โต์ว ปั๊ว เหมียด เหฑ่ง. 17เหว่ย หฒุ ทิน-ฮู่ง ปุน นิ่น บัว ม่าย เฮญี้ยว เอย เจี๊ยน นิ่น เญย หฒะเอ๋ย โหฒว, นิ่น บัว ฯฒฯ ต้ง ติ่ว เฮญี้ยว หย่า เฒาะ นิ่น บัว กั้น เญย ฮู่ง หลี่ง จิว ปุน เฮยี่ย กะน้าย, ฒั้ว เถา ทิน-ฮู่ง เญย หว่า ธ้วด ต้าย ต๋อย-ติ่ว.
18“เม่ย ปวัด วั้ว เต้า มเซียะ ตอน เซ กุ๊น ลู่ง เดี๊ย เญย หฒวัง ฮู่ง วั้ว นอม ต้ม ฒี่ง.”
Currently Selected:
หล่าว ย่าง 17: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
