สีง ฑูง 94
94
สีง ฑูง 94
เต๋า เก๋า โท้ ทิน-ฮู่ง
1โอ เฒี้ยว อ่า, เม่ย เซ จ๊าว วิน เญย ทิน-ฮู่ง.
จ๊าว วิน เญย ทิน-ฮู่ง อ้า! โท้ หฒิว ธ้วด ฌัง ต้าย ม่าะ!
2เซี้ยม ลู่ง เดี๊ย เญย เจียน อ้า! ต้าย ม่าะ!
ต้าย ปุน โหฒว เหมา เญย เมี่ยน ตุ๊ หฒิว นิ่น บัว หอบ หฒุ ตุ๊ เญย ป่วน.
3 เฒี้ยว อ่า, เอ๊าะ เมี่ยน อ๋อย อะเฮน้ย ด่ง หาย เล่า?
อ๋อย ด่ง หาย เล่า?
4นิ่น บัว ปู๋ง หว่า-เหมา.
เหยียด ฒู้ง โหฒว เอ๊าะ เญย เมี่ยน เธง-โฮล.
5โอ เฒี้ยว อ่า, นิ่น บัว เหฌี่ย ชะ เหฒย เม่ย เญย แปะ ฝีง
หย่า ห่อย เม่ย หฑิบ เญย ป่วน.
6นิ่น บัว ไต๋ เอ๊า-กว๊า เหธา เยียม เต่ย-ปูง เญย กั้น ฝีง เมี่ยน,
หย่า ไต๋ กู้ ฮั่น ฝุเจว๊ย.
7นิ่น บัว ก๊อง, “เฒี้ยว ไม้ ปวัด.
ยาโค้บ เญย ทิน-ฮู่ง ไม้ ฮนั้ม เถา.”
8เยียม แปะ ฝีง บุด๋ง เญย เมี่ยน หฮงง เมี่ยน อ้า! อ๋อย หฒุ ฮิ้ว อ๊ะ.
เม่ย บัว บั่น ไห่ เญย เมี่ยน อ้า! เม่ย บัว เถา หาย หฒั่น หธีง ไกว?
9ทิน-ฮู่ง เหฒย มน่อม, นิ่น กั้น หมวัง ไม้ ไฮ์ ไฟ?
นิ่น เหฒย มฒีง, นิ่น กั้น หมั่ง ไม้ ปวัด?
10นิ่น เบ๊าะ หฌาว หม่าน กั๊วะ เมี่ยน, นิ่น ไม้ เฒ์ย อ๋อย ตี่ง นิ่น บัว เญย ฒุ์ย?
นิ่น หฌาว ป้าม เมี่ยน, นิ่น กั้น ไม้ ม่าย ว่วน ฒาง ไฟ?
11 เฒี้ยว ฮิ้ว ตุ๊ ป้าม เมี่ยน ฮนั้ม เญย สี่
ขูง ฮนั้ง เท้า เหยียด หฑุ่น เฉีย.#1 โคลินโท 3:20
12โอ เฒี้ยว อ่า, เม่ย เบ๊าะ หฌาว เญย เมี่ยน ม่าย ออน-เหลาะ,
เซ เม่ย หล่ง เม่ย เญย เล์ย-หลัด หฌาว เญย เมี่ยน.
13เยียม นิ่น หฒุ โค้ว เญย ฮนอย-เหญียะ เม่ย ปุน นิ่น ตุ๊ ฟง เต๋ย,
ฒั้ว เว้ด เหฒียง ค้วด ปุน เอ๊าะ เมี่ยน หฒุ เหมียด.
14เหว่ย หฒุ เฒี้ยว ฒู้ง ไม้ กวั่ง นิ่น กั้น เญย แปะ ฝีง,
นิ่น ไม้ เล่ย กวั่ง นิ่น หฑิบ ต้าย เญย ป่วน.
15เซี้ยม เญย เจ๊า ฯฒฯ แอ๋ง หฑวน ต้าย กัน แป้ง ฟิม เญย เล์ย.
เหยียด ฒู้ง เฮญี้ยว หฒีง เญย เมี่ยน หย่า อ๋อย กัน.
16ม่าย หาย เต้า เหว่ย เยีย เจี์ย ต้าย แหง่ง เอ๊าะ เมี่ยน?
หาย เต้า เหว่ย เยีย แหง่ง เจี๊ยน โหฒว เอ๊าะ เญย เมี่ยน?
17สี ก๊อง เฒี้ยว ไม้ เถง เยีย,
เยีย ฒู้ง เซี้ยบๆ เญย มี่ง เยียม เซ้ก เหฑียะ เญย เต่ย-ปูง.#94:17 เซ มี่ง เยี่ยม เกน.
18เยีย ก๊อง, “เยีย เญย เหฒา ธ้าย พยัด หมี่ อ๊ะ.”
โอ เฒี้ยว อ่า, วั้ว หฒั่น เม่ย เหฒียบ ฒัวะ เญย ฮนั้ม เยีย ฯฒฯ ป๊า เจี๊ยน เยีย.
19เยีย ม่าย โยว-เฑ่า ขวน เฮญี้ยว เญย สี่ ธั้ม เญย เฒี่ยง โห่,
เม่ย ออน เยีย เญย เฮญี้ยว ปุน เยีย เฌียน-โย่ว.
20หว่าย ไห่ เญย กุ๊น สี่ เจียน ไฮ่ เหธา เม่ย จิว ทง เญย ไฟ?
นิ่น บัว หล่ง เล์ย-เหญ่ย โหฒว หว่าย เญย สี่.
21นิ่น บัว กั๊บ ฒุ้น ห่อย คู้ เมี่ยน เญย แหม่ง
หย่า ตี่ง ไต๋ ไม้ โหฒว ต่อง เญย เมี่ยน.
22มป่า เฒี้ยว เซ เยีย เขา ว้วน เญย ต๋อง,
เยีย เญย ทิน-ฮู่ง, เซ เยีย ด้าว เขา เญย หละเปย๊ย.
23นิ่น อ๋อย หฒิว นิ่น บัว โหฒว ต่อง เญย ฒุ์ย วิ่น ปุน นิ่น บัว,
เหว่ย นิ่น บัว โหฒว เญย เอ๊าะ สี่ เหมียด นิ่น บัว.
เฒี้ยว, เยีย บัว เญย ทิน-ฮู่ง, อ๋อย เหมียด เหฑ่ง นิ่น บัว.
Currently Selected:
สีง ฑูง 94: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
