สีง ฑูง 48
48
สีง ฑูง 48
ทิน-ฮู่ง เญย ฒี่ง, สิโอน, ฌัง-หล่าง ไห่
เป๋น ติ้ว ฑูง. คลา เญย เฒ้ย-ฟุน โหฒ่ เญย สีง ฑูง.
1 เฒี้ยว หฒะเก้ง เว่ย โฮล,
หย่า ผุย ตุ๊ เมี่ยน ธั้มๆ เญย เธง
เยียม เยีย บัว เญย ทิน-ฮู่ง เญย ฒี่ง,
เซ เยียม นิ่น เญย ธีง-เหฑ่ง บง.
2หมั่ง น้าย นอม บง โหย่ว ฮลัง โหย่ว เหฑว่ย,
ปุน ลู่ง เดี๊ย เญย หฒวัง เมี่ยน เฌียน-โย่ว.
เซ ต้ม ฮู่ง เตี๋ย เญย ฒี่ง, สิโอน บง,#มัดทาย 5:35
เยียม ป๊ะ ปูง โก เญย ต๋อง,
3ทิน-ฮู่ง เยียม ฒี่ง กะญั์ว เหยียด นอม ว้วน เญย ต๋อง,
ปุน ธีง นิ่น กั้น เป๋น ว้วน เญย ต๋อง.
4หมั่ง ม่าะ! หฒวัง ฮู่ง เตี๋ย กั๊บ ฒุ้น ต้าย,
ล่ม ฑ่อย ธ้วด มี่ง อ๋อย เบ๊าะ น้าย นอม ฒี่ง.
5นิ่น บัว เยี้ยด ปวัด น้าย นอม ฒี่ง นิ่น บัว บัวะ ฮ่อง ไห่.
กั้ม เหฑีย เกา, ฮวางๆ ฒางๆ เญย เปย๋า.
6นิ่น บัว กั้ม เหฑีย ไห่, ซิน หฒิน เหฑ่ง,
โค้ว เกา, ฮนั้ง มเซียะ ตอน มุน กู้งว์า นอ,
7หย่า ฮนั้ง ทานซิด เญย ฑั้ง
หฒุ ตง ปูง เญย ต้ม หฑยาว ป่วน หว่าย.
8เยีย บัว ไฮ์ เจี๋ย ฮนั้ง หาย นอ,
อี้ หฒั่น เยีย บัว ปวัด ฮนั้ง วั้ว นอ,
เยียม เน่น เจี๋ย เญย เฒี้ยว เญย ฒี่ง,
เซ เยียม เยีย บัว เญย ทิน-ฮู่ง เญย ฒี่ง.
น้าย นอม ฒี่ง ทิน-ฮู่ง เหลียบ เถา เหยียด ลิ์ว. เซลา
9โอ ทิน-ฮู่ง อ่า, เยีย บัว เยียม เม่ย เญย เปย๊า
จั๋ง หฒุ เม่ย เหฒียบ ฒัวะ เญย ฮนั้ม เมี่ยน.
10โอ ทิน-ฮู่ง อ่า, ฮนั้ง เม่ย เญย เม่ง ฒุ่น จ่ม ลู่ง เดี๊ย,
เมี่ยน หย่า ฮนั้ง วั้ว นอ เธง เม่ย เถา ลู่ง กอน.
เม่ย หล่ง แป้ง ฟิม เญย เจ๊า กุ๊น. #48:10 ฟาน หฒะ ฮิบลู หว่า ก๊อง “เม่ย เญย บย่าว เจี๊ยะ ปั์ว ม่าย แป้ง ฟิม ปวั๊ง เหฑ่ง”.
11โท้ ปุน สิโอน บง เญย เมี่ยน อะเฮน้ย,
ปุน ยูดา ฒี่ง เญย เมี่ยน เฌียน-โย่ว,
เหว่ย หฒุ เม่ย แป้ง ฟิม เญย เซี้ยม.
12ยั่ง ก๋อม สิโอน ม่าะ! ฮวีง ก๋อม เหฑ่ง.
ซ้าว ฒี่ง เญย ล่าว.
13สัม หมั่ง ฒี่ง เญย ฒี่ง หลาด,
ฒ่า หมั่ง ฒี่ง ว้วน เจี๋ย เญย ต๋อง,
เหว่ย ก๊อง บั๋ว โฮ์ ต่อย เมี่ยน.
14เหว่ย หฒุ น้าย เต้า ทิน-ฮู่ง,
เซ เยีย บัว เญย ทิน-ฮู่ง เถา หม่าน โก๊ว หม่าน ต่อย.
นิ่น เหยียด ลิ์ว เหยียด เสย ต้อ เยีย บัว.
Currently Selected:
สีง ฑูง 48: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
