สีง ฑูง 149
149
สีง ฑูง 149
ขวิน อิสะลาเอน เมี่ยน เธง เฒี้ยว
1อ๋อย หฒุ เธง เฒี้ยว. #149:1 ฮิบลู หว่า ก๊อง ฮาเลลูยา. เยียม 149:9 ฟี่ ฮนั้ง เญย.
อ๋อย หฒุ ป๋าว ติ้ว เซียง-ฑูง ปุน เฒี้ยว.
อ๋อย หฒุ เยียม นิ่น เหฒียบ ฒัวะ เญย แปะ ฝีง กั๊บ ฒุ้น เญย ต๋อง เธง นิ่น.
2อ๋อย หฒุ ปุน อิสะลาเอน เมี่ยน เหว่ย เหฒย นิ่น บัว ต้าย วั้ว เต้า อะเฮน้ย.
อ๋อย หฒุ ปุน สิโอน เญย แปะ ฝีง เหว่ย นิ่น บัว เญย ฮู่ง เตี๋ย ออน-เหลาะ.
3อ๋อย หฒุ ปุน นิ่น บัว หธัง เหย เธง นิ่น เญย เม่ง,
เบ๊าะ โฑ์ พัด ต้าน ป้า เธง นิ่น.
4เหว่ย หฒุ เฒี้ยว อะเฮน้ย นิ่น เญย แปะ ฝีง,
นิ่น ปุน เหญี่ยม กั้น โหฒว ไฝ เญย เมี่ยน ตุ๊ ฮี่ง เจี๋ย.
5โท้ ปุน กัน หลง นิ่น วั้ว เต๋ย เหว่ย นิ่น บัว ตุ๊ ฮี่ง เจี๋ย เญย ฌัง-หล่าง เฌียน-โย่ว.
โท้ ปุน นิ่น บัว เยียม นิ่น บัว เญย โหธว เฌียน-โย่ว เญย ป๋าว ฑูง.
6โท้ ปุน นิ่น บัว ป๋าว ฑูง บุย เญย เธง ทิน-ฮู่ง,
หย่า ปุน นิ่น บัว เญย ปั์ว นั้น เจี๊ยน อี แหมง ไหล่ เญย หฑุ ด๊าว,
7เหว่ย จ๊าว วิน ปุน หม่าน กั๊วะ เมี่ยน,
เซี้ยม ตี่ง หม่าน ฝีง เญย ฒุ์ย,
8เหว่ย เฒาะ นิ่น บัว เญย ฮู่ง โด้ เจี๊ยน,
หย่า หล่ง เฮลียะ-หลิ่ม โด้ นิ่น บัว โหฒว โฮล เญย เมี่ยน,
9เหว่ย โหฒว เหฒียง หฒิว เฟี้ย เจี๊ยน อ๋อย ฮนั้ง หาย นอ ตี่ง นิ่น บัว เญย ฒุ์ย.
น้าย เซ ทิน-ฮู่ง เญย เหยียด ฒู้ง แปะ ฝีง#149:9 ไฟ “เหฒียบ ฒัวะ เญย แปะ ฝีง”. ตุ๊ เญย ฌัง-หล่าง.
อ๋อย หฒุ เธง เฒี้ยว.
Currently Selected:
สีง ฑูง 149: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
