สีง ฑูง 135
135
สีง ฑูง 135
เฒี้ยว เซ โฮล ไห่, หมิ่ว-ฝัง ไม้ ลั่ม หล่ง
1อ๋อย หฒุ เธง เฒี้ยว. #135:1 ฮิบลู หว่า ก๊อง ฮาเลลูยา. เยียม 135:3, 21 ฟี่ ฮนั้ง เญย.
อ๋อย หฒุ เธง เฒี้ยว เญย เม่ง.
เฒี้ยว เญย หฒวัง โปว อ้า! อ๋อย หฒุ เธง,
2เซ เม่ย บัว โซ้ว เจี๊ยน เฒี้ยว เญย เปย๊า,
เยียม เยีย บัว เญย ทิน-ฮู่ง เญย เปย๊า เญย หลาด กะญั์ว เญย เมี่ยน.
3อ๋อย หฒุ เธง เฒี้ยว เหว่ย หฒุ เฒี้ยว เซ หลง ไห่.
ป๋าว ฑูง เธง นิ่น เญย เม่ง, เหว่ย หฒุ นิ่น ค้อ-เลี่ยน เมี่ยน.
4เหว่ย หฒุ เฒี้ยว กิ๊น ยาโค้บ เหว่ย นิ่น กั้น,
กิ๊น อิสะลาเอน เป๋น นิ่น กั้น เญย ป่วน.
5เยีย ฮิ้ว ตุ๊ เฒี้ยว เซ โฮล ไห่,
เยีย บัว เญย เฒี้ยว เซ เก้า โฮล เจี๋ย หฒวัง เฒี่ยน.
6 เฒี้ยว เยียม กู้ หงว่าย ลู่ง, เยียม กะเดี๊ย เดา,
เยียม ค้อย กะญั์ว เหธา เหยียด ฒู้ง โด เญย ต๋อง,
เซว่ย กั้น เญย เอ๋ย อ๋อย โหฒว หาย หญู่ง ฯฒฯ โหฒว อ๊ะ.
7นิ่น ปุน บ๋วน เยียม ลู่ง กอน ฝาว,
นิ่น ปุน บะหลี่ง กัน บยู่ง ต้าย,
หย่า ต้อ หฑยาว เยียม นิ่น เซียว เญย ต๋อง ธ้วด ต้าย.
8เซ ต้ง นิ่น ไต๋ เยียม อียิบ เต่ย-ปูง เญย ต้าว ทอย ตอน,
เลี่ยม เมี่ยน, เลี่ยม แซง-คู้.
9โอ อียิบ เมี่ยน อ้า! นิ่น เยียม เม่ย บัว บุด๋ง โหฒว จั๋ง-โห่ เหธา บัวะ ฮ่อง เญย สี่
ตี่ง ฟาโล ฮู่ง เหธา นิ่น เญย หฒวัง เจียน เญย ฒุ์ย.
10นิ่น เหมียด เหฒีย! เหฒีย ฝีง เมี่ยน,
แอ๋ง ไต๋ เฮ้น ไห่ เญย ฮู่ง เตี๋ย.
11นิ่น ไต๋ อาโมไล เมี่ยน เญย สิโหน ฮู่ง,
เหธา บาซาน เต่ย เญย โอก ฮู่ง,
เหธา คานาอัน เญย เหยียด ฒู้ง ฮู่ง เตี๋ย.
12นิ่น หย่า เฒาะ นิ่น บัว เญย เต่ย-ปูง
จิว ปุน นิ่น เญย แปะ ฝีง, อิสะลาเอน เมี่ยน,
เป๋น นิ่น บัว หฑิบ เญย ป่วน.
13โอ เฒี้ยว อ่า, เม่ย เญย เม่ง เหยียด ลิ์ว เยียม.
โอ เฒี้ยว อ่า, เมี่ยน อ๋อย จั๋ง เม่ย เญย เม่ง เต้า เถา หม่าน ต่อย.
14 เฒี้ยว อ๋อย เถง นิ่น เญย แปะ ฝีง แหธง สี่,
หย่า ค้อ-เลี่ยน นิ่น เญย หฒวัง โปว.
15กั้น ฝีง เมี่ยน เญย หมิ่ว-ฝัง หล่ง เจียม หล่ง ญ่าน โหฒว,
เซ เมี่ยน เญย ปั์ว โหฒว ต้าย.#สีง ฑูง 115:4-8; หล่าว ย่าง 9:20
16น้าย เต๋ย หมิ่ว-ฝัง ม่าย ฑุ่ย มป่า ไม้ ไฮ่ ก๊อง หว่า,
ม่าย มฒีง มป่า หมั่ง ไม้ ปวัด.
17นิ่น บัว ม่าย มน่อม มป่า นิ่น บัว หมวัง ไม้ ไฮ์,
นิ่น บัว เญย ฑุ่ย ไม้ ม่าย เหยียด เต๋ย เท้า เญย เฉีย.
18โหฒว น้าย เต๋ย หมิ่ว-ฝัง เญย เมี่ยน ฯฒฯ ฮนั้ง น้าย เต๋ย หมิ่ว-ฝัง นอ.
ตะฟ่าน เขา หมิ่ว-ฝัง เญย เมี่ยน หย่า ฟี่ ฮนั้ง เญย.
19โอ อิสะลาเอน เญย เฒ้ย-ฟุน อ้า! อ๋อย หฒุ เธง เฒี้ยว.
โอ อาโลน เญย เฒ้ย-ฟุน อ้า! อ๋อย หฒุ เธง เฒี้ยว.
20โอ เลวี เญย เฒ้ย-ฟุน อ้า! อ๋อย หฒุ เธง เฒี้ยว.
ท่าย เฒี้ยว เญย เมี่ยน อ้า! อ๋อย หฒุ เธง เฒี้ยว.
21อ๋อย หฒุ เยียม สิโอน เธง เฒี้ยว,
เซ เยียม เยลูซาเลม ฒี่ง เญย เฒี้ยว.
อ๋อย หฒุ เธง เฒี้ยว.
Currently Selected:
สีง ฑูง 135: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
