สีง ฑูง 104
104
สีง ฑูง 104
เฒี้ยว โก๋ว นิ่น เหฒย ต้าย เญย หม่าน หมวด
1เยีย เญย เฮญี้ยว อ่า, อ๋อย หฒุ เธง เฒี้ยว.
โอ เฒี้ยว, เยีย เญย ทิน-ฮู่ง อ่า, เม่ย หฒะเก้ง โฮล! ไห่.
เม่ย ม่าย ฌัง-หล่าง เหธา เม่ง โห่ ฒุ เจี๊ยน โหฒว เม่ย เญย ลุย.
2เม่ย ปุ๋ย เจี๊ยน ฌัง ฮนั้ง ปุ๋ย ลุย-ด๊าว.
เม่ย ธอง ลู่ง ฮนั้ง ธอง ด๊บ-ลิ่ว วั้ว นอ.
3เยียม ลู่ง กู้ หงว่าย แหมง เญย ววม เม่ย เหลียบ เม่ย เยียม เญย ต๋อง.#ทิน เต่ย โต้ว 1:6-7
เม่ย หล่ง บ๋วน โหฒว เม่ย#104:3 เม่ย ฮิบลู หว่า ก๊อง นิ่น. เญย เธีย,
หย่า ปั่ง หฑยาว เญย ด๊าด มี่ง.
4เม่ย หล่ง หฑยาว โหฒว เม่ย เญย โต่ว เฝียน เมี่ยน,
หล่ง โต์ว-เบียด โหฒว เม่ย เญย โปว.#ฮิบลู 1:7
5เม่ย เฒาะ เดา เหลียบ เยียม กอน-โด๊ะ กู้ หงว่าย,
เหว่ย ปุน เหยียด ลิ์ว ไม้ ต์ง.
6เม่ย หล่ง โด เญย ววม เหยียม เดา-เป้ย กู้ หงว่าย ฮนั้ง ลุย นอ,
ววม เจี๋ย บง กู้ หงว่าย.#ทิน เต่ย โต้ว 7:19-20
7เม่ย เยี้ยด หัด, ววม ฯฒฯ เปย๋า.
เยี้ยด ไฮ์ เม่ย เญย เฉีย บุย,#104:7 ฮิบลู หว่า ก๊อง เม่ย เญย บะอง. ววม ฯฒฯ มี่ง เหฑ่ง.
8เก้ ฒอง แป๊ด ฝาว, ฮ์อง ปยบ เหฌี่ย
เถา เม่ย ตี่ง ปุน นิ่น บัว เยียม เญย ต๋อง.
9เม่ย ตี่ง เหฒียง กั๊บ-จ๋าย ปุน ววม ไม้ ไฮ่ เจี๋ย ด่าง,
เหว่ย ไม้ ปุน ววม แอ๋ง ปวัง เจี๊ยน เดา-เป้ย.
10เม่ย ปุน ววม-ฒี้ง เยียม ฮ์อง แป๊ด ธ้วด,
เหลี่ยว เหฌี่ย บง บุด๋ง,
11ปุน หฒวัง เฮยี่ย ฒ่อย ตุ๊ ฮบ,
ปุน เฮยี่ย ล่อ ไจ๊ ฆ้าด.
12เยียม ววม-เฮลน ม่าย เหนาะ โหฒว เล์า,
เยียม เดี๋ยง-ฆว่า ม่าย เหนาะ เห่ว.
13เยียม ลู่ง กู้ หงว่าย เม่ย ปุน บยู่ง ตุ้ย เหฌี่ย บง,
เหว่ย เม่ย โหฒว เญย เหยียด ฒู้ง กง,
เดา-เป้ย ตุ๊ ปู๋ง-หฒัวะ.
14เม่ย ปุน เมี้ย-แมง ธ้วด ต้าย ยู์ง แซง-คู้,
ปุน ไล-หธอย ธ้วด ต้าย ปุน เมี่ยน หล่ง,#104:14 ไฟ โก๋ว.
ปุน เดา ธ้วด แกง-หฒวัง กะน้าย ปุน เมี่ยน หญั่น.
15แอ๋ง ธ้วด อะหงุ่น ติ๊ว เถง เมี่ยน เฌียน-โย่ว,
หย่า ตุ๊ เฮมย เถง นิ่น เญย เฮมียน ฌัง,
ตุ๊ ล่าง หฒิ เหว่ย ปุน ซิน หฒั่ง เฮ้น.#104:15 ฟาน หฒะ ก๊อง เหว่ย ยู์ง เฮญี้ยว เฮ้น.
16 เฒี้ยว เญย เดี๋ยง ตุ๊ ววม เก๋า,
เซ เยียม เลบานอน นิ่น หฒวัง เญย สีดา ฒ่ง เดี๋ยง.
17เหนาะ โหฒว เล์า เยียม วั้ว เต๋ย เดี๋ยง.
เหนาะ เญี่ย เยียม ฒ่ง เดี๋ยง โหฒว นิ่น เญย เปย๊า.
18บง-ฮลัง เป๋น เฮยี่ย ยู่ง เญย ติ่น,
หละเปย๊ย-แบ๋ง โหฒว น์าว#104:18 ม่าย หญู่ง น์าว โฮล เญย เยียม หละเปย๊ย-แบ๋ง. เญย ด้าว เขา ต๋อง.
19เม่ย เหฒย หฮลา เหว่ย ตี่ง เกว๋ย,#104:19 ไฟ ตี่ง ต้าย เญย ฒิบ ไฟ ตี่ง ต้าย เญย เฒี่ยง โห่.
บะฮนอย ฮิ้ว ตุ๊ เฒี่ยง โห่ ม้วด.
20เม่ย เหฒย หฮมวัง เป๋น ลู่ง ม์วน หฒั่น,
หล่ม กะญั์ว เหยียด ฒู้ง เฮยี่ย ฒ่อย ฯฒฯ ธ้วด ต้าย.
21เซี่ยน หลุน เห่ว เจี๊ยน มี่ง ล์อ หญั่น,
ล์อ ทิน-ฮู่ง เหธย ปุน เญย กะน้าย.
22บะฮนอย ธ้วด เญย เฒี่ยง โห่ นิ่น บัว ฯฒฯ มี่ง อ๊ะ.
มี่ง เปว๋ย นิ่น บัว กั้น เญย ค้วด.
23เมี่ยน ฯฒฯ ธ้วด มี่ง โหฒว นิ่น บัว เญย กง,
หย่า โหฒว เจี๊ยน มี่ง เถา ลู่ง หฮมวัง.
24โอ เฒี้ยว อ่า, เม่ย โหฒว เญย กง ธั้ม ไห่,
เหยียด ฒู้ง เซ เม่ย หล่ง ธง-เม่ง เหฒย ต้าย.
เม่ย เหฒย ต้าย เญย หม่าน หมวด ปวั๊ง เหฑ่ง เดา-เป้ย.
25เยียม วั้ว ม่าย ค้อย โหย่ว โฮล โหย่ว จั๊ง.
ค้อย กะญั์ว ม่าย ไฮ่ ต์ง เญย กะน้าย ซ้าว ไม้ ฮี่ง,
เซ ม่าย แหม่ง เญย กะน้าย โฮลๆ ไฝๆ.
26เยียม วั้ว ม่าย ฑั้ง มี่ง ต้าย,
แอ๋ง ม่าย เม่ย เหฒย ต้าย เญย เลวีอาทาน เยียม วั้ว เหญียน.#โย้บ 41:1; สีง ฑูง 74:14; อิสะยา 27:1
27น้าย เต๋ย เหยียด ฒู้ง เขา เม่ย
หฒิว เฒี่ยง โห่ ปุน กะน้าย นิ่น บัว หญั่น.
28เม่ย ปุน นิ่น บัว, นิ่น บัว ฯฒฯ เฒาะ ต้าย,
เม่ย ซูง เม่ย เญย ปั์ว นิ่น บัว ฯฒฯ ตุ๊ หลง เญย กะน้าย เป๊ว.
29เม่ย ปวัง เฮมียน ไม้ หมั่ง นิ่น บัว, นิ่น บัว กั้ม เหฑีย ไห่.
เม่ย เฒาะ ธ้วด นิ่น บัว เท้า เญย เฉีย นิ่น บัว ไต่ หมี่ อ๊ะ,
หฑวน มี่ง เป๋น เนีย-บูง.
30เม่ย ปุน เม่ย เญย สีง ลี่ง#104:30 ไฟ เฉีย. ธ้วด มี่ง วั้ว หฒั่น
นิ่น บัว ตุ๊ เหฒย ธ้วด ต้าย อ๊ะ.
เม่ย หย่า ปุน เดา-เป้ย ก๊อย เหยี่ยน เซียง ต้าย.
31โท้ เฒี้ยว เญย ฌัง-หล่าง เหยียด ลิ์ว เยียม.
โท้ เฒี้ยว อะเฮน้ย นิ่น เหฒย ต้าย เญย กะน้าย.
32นิ่น หมั่ง เดา, เดา ฯฒฯ ต์ง,
นิ่น ฮลัว หฒุ บง, บง ฯฒฯ ธ้วด โต์ว-เสียว.
33เยีย เหยียด เสย อ๋อย ป๋าว ฑูง เธง เฒี้ยว.
เยีย หธ่อ เฒี่ยง เจี๊ยน เญย เฒี่ยง โห่,
เยีย อ๋อย ป๋าว ฑูง ปุน เยีย เญย ทิน-ฮู่ง.
34โท้ นิ่น เหว่ย เยีย ปุ้ย เญย หว่า หอบ เฮญี้ยว,
เหว่ย หฒุ เฒี้ยว ปุน เยีย เฌียน-โย่ว.
35โท้ ปุน ฒุ์ย-เมี่ยน เยียม ป้าม เกน หฒุ เหมียด เหฑ่ง,
หย่า ปุน เอ๊าะ เมี่ยน หฒุด เหฑ่ง.
เยีย เญย เฮญี้ยว อ่า, อ๋อย หฒุ เธง เฒี้ยว.
อ๋อย หฒุ เธง เฒี้ยว. #104:35 ฮิบลู หว่า ก๊อง ฮาเลลูยา.
Currently Selected:
สีง ฑูง 104: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
