ธง-เม่ง หว่า 13
13
1ธง-เม่ง เญย ตอน หมวัง นิ่น เญย เตีย หฌาว เญย หว่า,
มป่า ฮว้วด เมี่ยน เญย เมี่ยน ไม้ หมวัง เมี่ยน ก๊อง-เหม นิ่น.
2เหว่ย เมี่ยน หลง เมี่ยน ก๊อง เญย หว่า นิ่น ตุ๊ หลง เญย เจ๊า,
มป่า อ๋อย ห่อย เมี่ยน เญย เมี่ยน ขูง ม่าย เฮญี้ยว อ๋อย โหฒว โตะ.
3หาย เต้า โก๋ว นิ่น เญย ฑุ่ย ตุ๊ โก๋ว กั้น เญย แหม่ง,
มป่า หาย เต้า หละไกว้ ก๊อง, ไม้ ฮนั้ม ด่าง, ฒู้ง อ๋อย หฒุ ป่าย อ๊ะ.
4เมี่ยน เหลว่ย เมี่ยน เธย หย่า ไม้ ตุ๊ หาย หญู่ง,
มป่า เมี่ยน เจี้ยน เมี่ยน หฒิว นิ่น อ๋อย เญย ตุ๊ ต้าย ปวั๊ง เฮญี้ยว.
5คู้ เมี่ยน ฑอง ไห่ ก๊อง-แปะ เญย หว่า,
มป่า เอ๊าะ เมี่ยน โหฒว ตุ๊ ไญ้, กั้ม เฑี้ย ไห่.
6เฮญี้ยว หฒีง เญย เมี่ยน ม่าย โหฒว หอบ เญย เจ๊า เปว เจี๊ยน,
มป่า ฒุ์ย ปุน เอ๊าะ เมี่ยน หฒุ ป่าย.
7ม่าย เต้า โหฒว ฮนั้ง ปุ๊ด-ฒ่อย มป่า ไม้ ม่าย หาย หญู่ง,
ม่าย เต้า โหฒว ฮนั้ง จ่ม, มป่า ม่าย ฒิ่น ฒ่อย ธั้ม.
8เมี่ยน เญย ฒิ่น ฒ่อย ไฮ่ หฒัวะ นิ่น เญย แหม่ง,
มป่า เมี่ยน จ่ม เมี่ยน ไม้ ไฮ์ เมี่ยน ก๊อง แฮะ เญย หว่า.#13:8 ม่าย เต๋ย โซว ฟาน ต้าย ก๊อง “...เมี่ยน ไม้ ม่าย หาย หญู่ง หฒัวะ แหม่ง”.
9คู้ เมี่ยน ฮนั้ง ฌัง ไห่ เญย ฌัง,#13:9 ม่าย เต๋ย ฟาน หฒะ เญย ก๊อง “คู้ เมี่ยน เญย ฌัง เฌียน-โย่ว”.
มป่า เอ๊าะ เมี่ยน ฮนั้ง อ๋อย หฒุ ปย๊ม ไต่ เญย ตัง.
10โหฒว เหมา เญย เจ๊า ขูง โหฒว ธ้วด แฑง จ๋า เญย สี่,
มป่า หมวัง ขวิน เญย หว่า วั้ว เต๋ย ม่าย ธง-เม่ง.
11ฮู่ง เห่ ตุ๊ ญ่าน เซี้ยบ#13:11 ไฟ “โหฒว ไม้ หฒีง ตุ๊ ต้าย เญย ญ่าน”. ฯฒฯ หฒิด เจี๊ยน เหฌี่ย,
มป่า เหยียด หฑุ่น เซียว เต๋ย, เหยียด หฑุ่น เซียว เต๋ย, ฯฒฯ ม่าย ธั้ม เจี๊ยน ฝาว.
12ม่าย ลั่ม ฮนั้ม อ๋อย ตุ๊ เญย, หย่า ไม้ แก้ง ตุ๊, ฯฒฯ ปุน เมี่ยน เฮญี้ยว เฑ่า โค้ว,
มป่า ตุ๊ ต้าย หฒิว เฮญี้ยว ฮนั้ม อ๋อย ตุ๊ เญย, เซ ฮนั้ง ติ้ว เฒี่ยง แหม่ง เญย เดี๋ยง.
13หาย เต้า หมั่ง เผีย หฌาว เญย หว่า ฯฒฯ ห่อย นิ่น กั้น หฒุ เหมียด,
มป่า หาย เต้า ท่าย เล์ย-หลัด, วั้ว เต้า ฯฒฯ ตุ๊ ฒี่ง เหญ่ย.
14ธง-เม่ง เมี่ยน หฌาว เญย หว่า เซ เฒี่ยง แหม่ง เญย ววม-ฒี้ง,
ปุน เมี่ยน ซิ้ม ฆอย หฒุ ไต่ เญย โขว.
15เมี่ยน ฮนั้ม ตุ๊ ทง, ฮนั้ม ตุ๊ หลง, ฯฒฯ ตุ๊ เมี่ยน ท่าย,
มป่า ไม้ เหฒียบ ฒัวะ เญย เมี่ยน เญย เจ๊า เซ มี่ง หฒุ ป่าย.#13:15 หฒุ ป่าย กัน กีก หว่า ฟาน. ม่าย เต๋ย โซว ฟาน ต้าย ก๊อง เซ อะ เญย.
16เมี่ยน ไกว เมี่ยน หล่ง นิ่น เญย ว่วน ฒาง โหฒว หญู่งๆ,
มป่า เมี่ยน หฮงง เมี่ยน เธง นิ่น กั้น หฮงง เญย เจ๊า.
17หว่าย เญย โต่ว เฝียน เมี่ยน ห่อย เมี่ยน หฒุ โค้ว,
มป่า เหฒียบ ฒัวะ เญย กง-โฒ่ ฮนั้ง เดีย หฒ่อ เมี่ยน หลง.
18ไม้ หล่ง เมี่ยน หฌาว เญย หว่า วั้ว เต้า หฒุ เป๋น เมี่ยน จ่ม เมี่ยน หย่า หฒุ ไญ้,
มป่า หาย เต้า หมวัง เมี่ยน ก๊อง-หฌาว เญย หว่า ตุ๊ เมี่ยน ท่าย.
19หฒะเก้ง ตุ๊ ต้าย หฒิว ฮนั้ม อ๋อย ตุ๊ เญย, ไฮ์ หฒะเก้ง! หลง ไห่,
มป่า เหว่ย เมี่ยน หฮงง เมี่ยน, ซิ้ม ฆอย เอ๊าะ สี่ เซ โหยว ไห่ เญย สี่.
20หาย เต้า เหธา ธง-เม่ง เมี่ยน จวั่ง เจ๊า ยั่ง ฯฒฯ เป๋น ธง-เม่ง เมี่ยน,
มป่า เหธา เมี่ยน หฮงง เมี่ยน โหฒว ต่อย ฒู้ง อ๋อย หฒุ โค้ว อ๊ะ.
21เหฒะ หน่าน หฒุ่น เจี๊ยน ฒุ์ย-เมี่ยน มี่ง
มป่า คู้ เมี่ยน ตุ๊ หลง เหว่ย โหฒว นิ่น บัว เญย ฒี่ง เหญ่ย.
22เมี่ยน หลง เมี่ยน เลี่ยว หฑิบ เญย ป่วน ปุน นิ่น เญย เฒ้ย-ฟุน,
มป่า ฒุ์ย-เมี่ยน เญย ฒิ่น ฒ่อย เซียว ต้าย ปุน คู้ เมี่ยน.
23เมี่ยน จ่ม เมี่ยน เญย เด่ย ตุ๊ แกง-หฒวัง ธั้ม,
มป่า หลาย ไม้ แป้ง ฟิม เญย เจ๊า หฒุ กว๊าด มี่ง หมี่ อ๊ะ.
24หาย เต้า เญี์ยน เจี๊ยน ไม้ หล่ง ปย๊า เบ๊าะ หฌาว, วั้ว เต้า ไม้ ฮนั้ม นิ่น เญย ตอน,
มป่า หาย เต้า ฮนั้ม ตอน เซ เจี้ยน เบ๊าะ หฌาว.
25คู้ เมี่ยน ตุ๊ หญั่น เป๊ว,
มป่า เอ๊าะ เมี่ยน เญย กะเซีย หง่อ เจี๊ยน เยียม.
Currently Selected:
ธง-เม่ง หว่า 13: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
