ซ้าว เมี่ยน 29
29
ปย๊ม หฑัด เญย ฒิบ
(เป๊ย หมั่ง เลวี 23:23-25)
1“‘เธี้ยด หฮลา, แซง-เยี้ยด, อ๋อย หฒุ กั๊บ ฒุ้น โหฒว เล์ย-ป๋าย, หย่า ไม้ ตู๋ง โหฒว หาย หญู่ง ฮนอยๆ โหฒว เญย กง. น้าย เซ เม่ย บัว ปย๊ม หฑัด เญย ฮนอย. 2อ๋อย หฒุ ต้อ กะน้าย ปั๊ว เหฒี่ย ฝ่ง ห่อ, เว่ย ดาง เญย เฉีย หอบ เฒี้ยว เญย เฮญี้ยว. เซ ต้อ เหยียด เต้า ง่ง โก๊ว ธาน, เหยียด เต้า ปะกี ยู่ง โก๊ว, เสี่ย เต้า ต๋อย หฮญัง เญย ปะกี ยู่ง โก๊ว ตอน, เหยียด ฒู้ง ไม้ หว่าย ฝัง เญย. 3ง่ง โก๊ว ธาน อ๋อย หฒุ ม่าย จุ๊ เมาะ เปี๋ยน#29:3 ฮิบลู หว่า ก๊อง “เหยียด เอฟา เหฒียบ โก๊ว เญย ปัว โก๊ว.” เซ เล่ย ไม้ โก 6.5 เมาะ (6.5 ลิด). เยียม ซ้าว เมี่ยน 29:9, 14 ฟี่ ฮนั้ง เญย. บ๊วน-หม่วน หฒอบ เจี๊ยน กะลั้น โย่ว โหฒว เหฒี่ย เญย ล่าง หฒิ. ปะกี ยู่ง โก๊ว อ๋อย หฒุ ม่าย เปยย เมาะ เปี๋ยน.#29:3 ฮิบลู หว่า ก๊อง “เหยียด เอฟา เหฒียบ โก๊ว เญย อี โก๊ว.” เซ เล่ย ไม้ โก 4.5 เมาะ (4.5 ลิด.) เยียม ซ้าว เมี่ยน 29:9, 14 ฟี่ ฮนั้ง เญย. 4โม์ว เต้า ปะกี ยู่ง ตอน, เหยียด เต้า อี เมาะ.#29:4 ฮิบลู หว่า ก๊อง “เหยียด เอฟา เหฒียบ โก๊ว เญย เหยียด โก๊ว.” เซ เล่ย ไม้ โก อี เมาะ (2 ลิด). เยียม ซ้าว เมี่ยน 29:10, 15 ฟี่ ฮนั้ง เญย. 5หย่า อ๋อย หฒุ หล่ง เต้า ยู่ง โก๊ว เหฒี่ย เหว่ย ฟิ เม่ย บัว เญย ฒุ์ย. 6หธ่อ อ๋อย หฒุ แอ๋ง ม่าย โม์ว หฮลา เปียะ เซียง-หฮลา ฝ่ง ห่อ ปั๊ว เหฒี่ย เญย เหธา เจี๊ยน เหยียด เหฌี่ย เหฒี่ย เญย ล่าง หฒิ. หย่า ม่าย หฒิว เล์ย-เหญ่ย ฮนอยๆ ปั๊ว เหฒี่ย เญย เหธา เจี๊ยน เหยียด เหฌี่ย ฝ่ง ห่อ เหฒี่ย เญย ล่าง หฒิ เหธา เธี้ย เหฒี่ย เญย กะน้าย. น้าย เซ หล่ง โต์ว ปั๊ว เหฒี่ย ฝ่ง ห่อ เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว.
ฟิ ฒุ์ย ฮนอย
(เป๊ย หมั่ง เลวี 23:26-32)
7“‘เธี้ยด หฮลา แซง-เหฒียบ วั้ว ฮนอย, อ๋อย หฒุ กั๊บ ฒุ้น โหฒว เล์ย-ป๋าย, เฒย ไม้ หญั่น หาย หญู่ง, หย่า ไม้ ตู๋ง โหฒว หาย หญู่ง กง.#เลวี 16:29-34 8อ๋อย หฒุ ต้อ กะน้าย มี่ง ปั๊ว เหฒี่ย ปุน เฒี้ยว เหว่ย โหฒว ดาง เญย เฉีย. อ๋อย หฒุ ต้อ เต้า ง่ง โก๊ว ธาน, เหยียด เต้า ปะกี ยู่ง โก๊ว เหธา เสี่ย เต้า ต๋อย หฮญัง เญย ปะกี ยู่ง โก๊ว ตอน, เหยียด ฒู้ง ไม้ หว่าย ฝัง เญย. 9ง่ง โก๊ว อ๋อย หฒุ ม่าย จุ๊ เมาะ เปี๋ยน บ๊วน-หม่วน หฒอบ เจี๊ยน กะลั้น โย่ว โหฒว เหฒี่ย เญย ล่าง หฒิ. ปะกี ยู่ง โก๊ว อ๋อย หฒุ ม่าย เปยย เมาะ เปี๋ยน. 10เสี่ย เต้า ยู่ง ตอน, เหยียด เต้า เหยียด เมาะ. 11แอ๋ง กั้น หล่ง เต้า ยู่ง โก๊ว เหฒี่ย ฟิ ฒุ์ย. น้าย เซ ทิบ เต้า เหฒี่ย ฟิ ฒุ์ย เญย ยู่ง โก๊ว. หธ่อ แอ๋ง ม่าย ฮนอยๆ ปั๊ว เหฒี่ย เญย เหธา เจี๊ยน เหยียด เหฌี่ย เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
บย๊อ ลิ่ว เญย ฒิบ
(เป๊ย หมั่ง เลวี 23:33-44)
12“‘เธี้ยด หฮลา, เหฒียบ ฮม์ วั้ว ฮนอย, อ๋อย หฒุ กั๊บ ฒุ้น โหฒว เล์ย-ป๋าย หย่า ไม้ ตู๋ง โหฒว หาย หญู่ง ฮนอยๆ โหฒว เญย กง. อ๋อย หฒุ เจี๋ย ฒิบ โห่ว เฒี้ยว ปวั๊ง เสี่ย ฮนอย.#เลวี 23:34; หฑั่ม เล์ย-หลัด 16:13-15 13หย่า อ๋อย หฒุ ต้อ กะน้าย หล่ง โต์ว ปั๊ว เหฒี่ย ฝ่ง ห่อ, เว่ย ดาง เญย เฉีย หอบ เฒี้ยว เญย เฮญี้ยว. อ๋อย หฒุ ต้อ เหฒียบ ฟาม เต้า ง่ง โก๊ว ธาน, อี เต้า ปะกี ยู่ง โก๊ว, เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน, เหยียด ฒู้ง ไม้ หว่าย ฝัง เญย. 14เหฒียบ ฟาม เต้า ง่ง โก๊ว, โม์ว เต้า อ๋อย หฒุ ม่าย จุ๊ เมาะ เปี๋ยน บ๊วน-หม่วน หฒอบ เจี๊ยน กะลั้น โย่ว โหฒว เหฒี่ย เญย ล่าง หฒิ. เหยียด เต้า ยู่ง โก๊ว อ๋อย หฒุ ม่าย เปยย เมาะ เปี๋ยน. 15วั้ว เต๋ย เหฒียบ เฝย เต้า ปะกี ยู่ง ตอน, โม์ว เต้า อ๋อย หฒุ ม่าย เหยียด เมาะ. 16แอ๋ง หล่ง เต้า ยู่ง โก๊ว เหฒี่ย เหว่ย ฟิ ฒุ์ย. หธ่อ ม่าย ฮนอยๆ ปั๊ว เญย เหธา เจี๊ยน เหยียด เหฌี่ย เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
17“‘ฒิบ เญย ตะเหญ่ย ฮนอย, อ๋อย หฒุ ต้อ เหฒียบ เหญ่ย เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 18ง่ง โก๊ว, ปะกี ยู่ง โก๊ว เหธา ปะกี ยู่ง ตอน หฒิว เล์ย ตี่ง ต้าย เญย โสว โหม่ว, อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 19แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
20“‘ฒิบ เญย ตะฟาม ฮนอย, อ๋อย หฒุ ต้อ เหฒียบ เยี้ยด เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 21ง่ง โก๊ว, ปะกี ยู่ง โก๊ว เหธา ปะกี ยู่ง ตอน หฒิว เล์ย ตี่ง ต้าย เญย โสว โหม่ว อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 22แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
23“‘ฒิบ เญย ตะเฝย ฮนอย, อ๋อย หฒุ ต้อ เหฒียบ เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 24ง่ง โก๊ว, ปะกี ยู่ง โก๊ว เหธา ปะกี ยู่ง ตอน, หฒิว เล์ย ตี่ง ต้าย เญย โสว โหม่ว, อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 25แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
26“‘ฒิบ เญย ตะฮม์ ฮนอย, อ๋อย หฒุ ต้อ ดั้ว เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 27ง่ง โก๊ว, ปะกี ยู่ง โก๊ว เหธา ปะกี ยู่ง ตอน, หฒิว เล์ย ตี่ง ต้าย เญย โสว โหม่ว อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 28แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
29“‘ฒิบ เญย ตะหลัวะ ฮนอย, อ๋อย หฒุ ต้อ เหฮยียด เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 30ง่ง โก๊ว, ปะกี ยู่ง โก๊ว เหธา ปะกี ยู่ง ตอน หฒิว เล์ย ตี่ง ต้าย เญย โสว โหม่ว อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 31แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
32“‘ฒิบ เญย ตะเธี้ยด ฮนอย, อ๋อย หฒุ ต้อ เสี่ย เต้า ง่ง โก๊ว ธาน, อี เต้า ปะกี ยู่ง โก๊ว เหธา เหฒียบ เฝย เต้า ต๋อย หฮญัง เญย ปะกี ยู่ง โก๊ว ตอน ต้าย เหฒี่ย, เหยียด ฒู้ง ไม้ หว่าย ฝัง เญย. 33ง่ง โก๊ว, ปะกี ยู่ง โก๊ว เหธา ปะกี ยู่ง ตอน หฒิว เล์ย ตี่ง ต้าย เญย โสว โหม่ว, อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 34แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
35“‘ฒิบ เญย ตะเป๊ด ฮนอย, อ๋อย หฒุ กั๊บ ฒุ้น โหฒว เล์ย-ป๋าย หย่า ไม้ ตู๋ง โหฒว หาย หญู่ง ฮนอยๆ โหฒว เญย กง. 36อ๋อย หฒุ ฝ่ง ห่อ หล่ง โต์ว ปั๊ว เหฒี่ย เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว. เซ อ๋อย หฒุ ต้อ เหยียด เต้า ง่ง โก๊ว, เหยียด เต้า ปะกี ยู่ง โก๊ว เหธา เสี่ย เต้า ต๋อย หฮญัง เญย ปะกี ยู่ง โก๊ว ตอน, เหยียด ฒู้ง ไม้ หว่าย ฝัง เญย. 37ง่ง โก๊ว, ปะกี ยู่ง โก๊ว เหธา ปะกี ยู่ง ตอน หฒิว เล์ย ตี่ง ต้าย เญย โสว โหม่ว อ๋อย หฒุ ม่าย เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย เหฒี่ย. 38แอ๋ง หล่ง เต้า ยู่ง โก๊ว เหฒี่ย ฟิ ฒุ์ย. หธ่อ ม่าย ฮนอยๆ ปั๊ว เหฒี่ย เญย เหธา เจี๊ยน เหยียด เหฌี่ย เหฒี่ย เญย ล่าง หฒิ เหธา เธี้ย เหฒี่ย เญย อะหงุ่น ติ๊ว.
39“‘หฒิว ตี่ง ต้าย เญย ฒิบ อ๋อย หฒุ หล่ง น้าย เต๋ย กะน้าย เหฒี่ย ปุน เฒี้ยว. ม่าย ปั๊ว เหฒี่ย เญย, เหฒี่ย เญย ล่าง หฒิ, เธี้ย เหฒี่ย เญย กะน้าย แอ๋ง เหธา เหฒี่ย เหว่ย จิว ทง เญย กะน้าย. หธ่อ แอ๋ง ม่าย จ๊าว ซูง แล์ง เญย แหง่ง หว่า เหธา ธ้วด ฟิม ฝ่ง ห่อ เญย กะน้าย.’”
40โมเซ หฒิว เฒี้ยว พ้าย นิ่น เญย เหยียด ฒู้ง หว่า บั๋ว เหฑ่ง อิสะลาเอน เมี่ยน.
Currently Selected:
ซ้าว เมี่ยน 29: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
