ซ้าว เมี่ยน 27
27
เสโลเฟหัด เญย เซียะ
1เสโลเฟหัด เญย ปยา เต้า เซียะ เญย บั๋ว ม่าย ฮนั้ง น้าย, มาฮาลา, โนยา, โฮ้กลา, มินคา เหธา ทีละซา. เสโลเฟหัด เซ เฮเฟ เญย ตอน, เฮเฟ เซ กิเลอาด เญย ตอน, กิเลอาด เซ มาคีเล เญย ตอน, มาคีเล เซ มะนัดเส เญย ตอน, โหฒว มะนัดเส ฝีง. มะนัดเส โหฒว โยเซ้บ เญย ตอน. 2น้าย เต๋ย ปยา มั์ว-เซียะ มี่ง เถา หวุ่ย ปวั้ง ด๊บ-ลิ่ว เญย แก้ง ด่าง, โซ้ว เจี๊ยน โมเซ เหธา เอเลอาซา ไซ เมี่ยน เหธา หฒวัง เปย๊ย เฒ้ย เหธา กั๊บ ฒุ้น เญย หฒวัง เมี่ยน เญย หฑะเฮมียน ก๊อง, 3“เยีย บัว เญย เตีย เยียม วั้ว เต่ย-ปูง-ฮวาง ไต่ หมี่ อ๊ะ. นิ่น หย่า ไม้ ม่าย ตอน. นิ่น ไม้ เหธา กัน โคลา วั้ว เต๋ย กั๊บ ฒุ้น แหง่ง เฒี้ยว. นิ่น ไต่ เซ เหว่ย นิ่น กั้น เญย ฒุ์ย. 4หลาย เยีย บัว เญย เตีย ไม้ ม่าย ตอน, เหว่ย หาย ติ่ว ปุน นิ่น เญย บั๋ว เยียม นิ่น เญย ฝีง ด๊อด มี่ง? โท้ ปุน เยีย บัว เยียม เยีย บัว เญย เธียน-เธะ บุด๋ง ม่าย เยีย บัว หฑิบ เญย ป่วน ม่าะ!”
5โมเซ ฯฒฯ ต้อ นิ่น บัว เญย เจ๊า-โหล่ว บั๋ว เฒี้ยว. 6เฒี้ยว ก๊อง บั๋ว นิ่น, 7“เสโลเฟหัด เญย เซียะ ก๊อง ตุ๊ หอบ เญย. เม่ย ฒู้ง อ๋อย หฒุ เยียม นิ่น บัว เญย เตีย เญย มั์ว-ต่อย บุด๋ง พ้าย เดา ปุน นิ่น บัว หฑิบ. เฒาะ นิ่น บัว เญย เตีย หฑิบ เญย ป่วน จิว ปุน นิ่น บัว.#ซ้าว เมี่ยน 36:2
8“บั๋ว อิสะลาเอน เมี่ยน ‘สี ก๊อง ม่าย เต้า มจั่ง ตอน ไต่ หมี่ อ๊ะ, นิ่น หย่า ไม้ ม่าย ตอน, อ๋อย หฒุ เฒาะ นิ่น หฑิบ เญย ป่วน จิว ปุน นิ่น เญย เซียะ หฑิบ. 9สี ก๊อง นิ่น ไม้ ม่าย เซียะ, อ๋อย หฒุ เฒาะ นิ่น หฑิบ เญย ป่วน จิว ปุน นิ่น เญย ก๋อ ไฟ โย์ว หฑิบ. 10สี ก๊อง ไม้ ม่าย ก๋อ, ไม้ ม่าย โย์ว, อ๋อย หฒุ จิว ปุน นิ่น เญย แป๊ะ ไฟ เตีย เญย โย์ว หฑิบ. 11สี ก๊อง นิ่น เญย เตีย ไม้ ม่าย ก๋อ, ไม้ ม่าย โย์ว, อ๋อย หฒุ เฒาะ นิ่น หฑิบ เญย ป่วน จิว ปุน เหธา นิ่น จวั่ง ฝีง เก้า เธียน เจี๋ย วั้ว เต้า, เป๋น วั้ว เต้า หฑิบ เญย ป่วน. น้าย เซ อิสะลาเอน เมี่ยน เญย เล์ย-หลัด เหธา เล์ย หฒิว เฒี้ยว พ้าย โมเซ นอ.’”
ออน โยซูวา ตี๊ โมเซ
12 เฒี้ยว บั๋ว โมเซ, “อ๋อย หฒุ ฝาว น้าย อาบาลิม เก้ ฒอง หมั่ง เยีย จิว ปุน อิสะลาเอน เมี่ยน เญย เต่ย-ปูง. 13หมั่ง ลิ์ว, ฆะฮ้า อ๋อย หฒุ เกวย เสย อ๊ะ,#27:13 เป๊ย หมั่ง ทิน เต่ย โต้ว 25:8; ซ้าว เมี่ยน 20:24.#หฑั่ม เล์ย-หลัด 3:23-27; 32:48-52 ฮนั้ง เม่ย เญย ก๋อ อาโลน วั้ว นอ. 14เหว่ย หฒุ เยียม ซิน เต่ย-ปูง-ฮวาง, ววม ธ้วด เญย ต๋อง, หฒวัง เมี่ยน แหง่ง เยีย วั้ว หฒั่น, เม่ย บัว อี เต้า ไม้ เอย เจี๊ยน เยีย บั๋ว เญย หว่า ตอง หฒวัง ปุน เมี่ยน ท่าย เยีย ธีง-เหฑ่ง.” (น้าย นอม ววม ธ้วด เญย ต๋อง เซ เมลีบา ววม, เยียม ซิน เต่ย-ปูง-ฮวาง, คาเดด เต่ย.)
15โมเซ ก๊อง บั๋ว เฒี้ยว, 16“เฒี้ยว, หม่าน เมี่ยน เญย ลี่ง ว่วน เญย ทิน-ฮู่ง อ่า, โท้ ออน เต้า เมี่ยน กุ๊น น้าย เต๋ย หฒวัง เมี่ยน, 17ปุน นิ่น ไฮ่ เยียม นิ่น บัว เญย หฑะเฮมียน เปียะๆ ธ้วดๆ, หย่า ไฮ่ ต้อ นิ่น บัว เปียะ ธ้วด, เหว่ย ปุน เฒี้ยว เญย แปะ ฝีง ไม้ ฮนั้ง ไม้ ม่าย เฒี้ยว โก๋ว เญย ปะกี ยู่ง กวั้น นอ.”#1 ฮู่ง โต้ว 22:17; เอเสเคน 34:5; มัดทาย 9:36; มาโค 6:34 18เฒี้ยว ก๊อง บั๋ว โมเซ, “ต้อ นุน เญย ตอน, โยซูวา, ต้าย. นิ่น ม่าย สีง ลี่ง เยียม เฮญี้ยว เญย. เม่ย อ๋อย หฒุ ต้อ ปั์ว มาน เจี๊ยน นิ่น.#ธ้วด อียิบ 24:13 19หย่า ปุน นิ่น โซ้ว เจี๊ยน เอเลอาซา ไซ เมี่ยน เหธา กั๊บ ฒุ้น เญย หฒวัง เมี่ยน เญย หฑะเฮมียน, ตอง เจี๊ยน นิ่น บัว พ้าย นิ่น. 20อ๋อย หฒุ จิว เต๋ย เม่ย เญย หัด ม์า ปุน นิ่น เหว่ย ปุน อิสะลาเอน เญย หฒวัง เมี่ยน หมวัง นิ่น เญย หว่า. 21นิ่น อ๋อย หฒุ โซ้ว เจี๊ยน เอเลอาซา ไซ เมี่ยน เญย หฑะเฮมียน, ไซ เมี่ยน ฯฒฯ เยียม เฒี้ยว เญย หฑะเฮมียน หล่ง อุลิม#27:21 กั้น นอม ต๋อง ก๊อง อุลิม เหธา ทุมมิม. น้าย เต๋ย อี หญู่ง กะน้าย เซ หล่ง ล์อ ทิน-ฮู่ง เญย หฒะเอ๋ย. ไม้ ม่าย หาย เต้า ฮิ้ว ตี่ง โล์-ฮนอย นิ่น บัว ฮนั้ง หาย นอ หล่ง.#ธ้วด อียิบ 28:30; 1 ซามูเอน 14:41; 28:6 หน่าย เหว่ย เถง ตี่ง ฮนั้ง หาย นอ โหฒว. โยซูวา เหธา อิสะลาเอน เญย หฒวัง เมี่ยน อ๋อย หฒุ เอย เจี๊ยน เอเลอาซา ไซ เมี่ยน เญย หว่า เปียะ ธ้วด.”
22โมเซ เอย เจี๊ยน เฒี้ยว บั๋ว เญย หว่า โหฒว. นิ่น ต้อ โยซูวา ต้าย ปุน นิ่น โซ้ว เจี๊ยน เอเลอาซา ไซ เมี่ยน เหธา กั๊บ ฒุ้น เญย หฒวัง เมี่ยน เญย หฑะเฮมียน. 23หฒิว เฒี้ยว บั๋ว เญย หว่า, โมเซ หย่า ต้อ ปั์ว มาน เจี๊ยน โยซูวา พ้าย นิ่น.#หฑั่ม เล์ย-หลัด 31:23
Currently Selected:
ซ้าว เมี่ยน 27: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
