ซ้าว เมี่ยน 13
13
พ้าย เมี่ยน มี่ง ฒ่า คานาอัน เต่ย-ปูง
1 เฒี้ยว ก๊อง บั๋ว โมเซ, 2“พ้าย เต๋ย เมี่ยน มี่ง ฒ่า คานาอัน เต่ย-ปูง, ต้ง เยีย อ๋อย เหธย ปุน อิสะลาเอน เมี่ยน เญย เต่ย-ปูง. หฒิว อง-ถาย เหลียบ ต้าย เญย ฝีง, อ๋อย หฒุ เหยียด ฝีง พ้าย เต้า วั้ว ฝีง เญย เปย๊ย เฒ้ย.”
3โมเซ หฒิว เฒี้ยว เญย หว่า พ้าย นิ่น บัว ธ้วด ปาลาน เต่ย-ปูง-ฮวาง. นิ่น บัว เหยียด ฒู้ง โหฒว อิสะลาเอน เมี่ยน เญย เปย๊ย เฒ้ย. 4น้าย เซ นิ่น บัว เญย บั๋ว.
| ฝีง | เปย๊ย เฒ้ย |
|---|---|
| ลูเบน ฝีง | สักเก เญย ตอน, ซัมมุวา |
| 5สิเมโอน ฝีง | โฮลี เญย ตอน, ซาฟัด |
| 6ยูดา ฝีง | เยฟุนเน เญย ตอน, คาเล้บ |
| 7อิดสาคา ฝีง | โยเซ้บ เญย ตอน, อิกาน |
| 8เอฟาอิม ฝีง | นุน เญย ตอน, โฮเซยา |
| 9เบนยามิน ฝีง | ลาฟู เญย ตอน, ปันที |
| 10เสบูลุน ฝีง | โสดี เญย ตอน, กัดเดียน |
| 11มะนัดเส ฝีง | สุสี เญย ตอน, กัดดี |
| 12ดาน ฝีง | เกมันลี เญย ตอน, อัมมีเอน |
| 13อาเซ ฝีง | มีคาเอน เญย ตอน, เสทู |
| 14นับทาลี ฝีง | โว้บสี เญย ตอน, นาบี |
| 15กาด ฝีง | มาคี เญย ตอน, เกอูเอน |
16น้าย เซ โมเซ พ้าย มี่ง ฒ่า เต่ย-ปูง วั้ว เต๋ย เมี่ยน เญย บั๋ว. (โมเซ ทิ้ว นุน เญย ตอน, โฮเซยา, เญย บั๋ว เป๋น โยซูวา.)
17โมเซ ฯฒฯ พ้าย นิ่น บัว มี่ง ฒ่า คานาอัน เต่ย-ปูง, บั๋ว นิ่น บัว, “อ๋อย หฒุ ยั่ง ป๊ะ ปูง มี่ง เปียะ เนเกบ, กัน บง-ไอ๊ เญย ต๋อง มี่ง. 18ฒ่า หมั่ง ก๋า, วั้ว นอม เต่ย-ปูง ฮนั้ง หาย นอ. หมั่ง ก๋า, เยียม หน่าย เญย เมี่ยน เฮ้น ไฟ ไม้ เฮ้น, ธั้ม ไฟ โหฒะ. 19หมั่ง ก๋า, นิ่น บัว เยียม เญย ต๋อง หย่าว ไฟ ไม้ หย่าว. นิ่น บัว เยียม เญย ฒี่ง ฮนั้ง หาย นอ? ม่าย ฒี่ง หลาด ไฟ ไม้ ม่าย? 20หมั่ง ก๋า, วั้ว เต๋ย เดา ฮนั้ง หาย นอ? ไจ่ ไฟ จุ่น? ม่าย เดี๋ยง ไฟ ไม้ ม่าย? หย่า อ๋อย หฒุ โหฒว ต๊าม โฮล เญย, ต้อ เต๋ย วั้ว นอม เต่ย-ปูง เญย เปี๊ยว หฑวน.” (วั้ว หฒั่น ต๋อย หฒุ ต้าว ถอง อะหงุ่น เปี๊ยว หฒัวะ.)
21วั้ว เต๋ย เมี่ยน ฯฒฯ ยั่ง ป๊ะ ปูง แหมง, เยียม ซิน เต่ย-ปูง-ฮวาง น่าม ปูง, ฒ่า โถว เถา เลโหบ, นิด เปียะ ฮามัด ฒี่ง วั้ว ติ้ว เจ๊า. 22นิ่น บัว ยั่ง เนเกบ, มี่ง เถา เฮโบโลน, ต้ง อาน้าก เญย เฒ้ย-ฟุน, อาหิมาน, เซไซ เหธา ทันไม เยียม เญย ต๋อง. (เฮโบโลน ฒี่ง เหลียบ ด่าง เยียม อียิบ เต่ย-ปูง เญย โสอัน ฒี่ง เสี่ย หฮญัง.) 23เถา เอดโค ฮ์อง, นิ่น บัว ฮงะ ติ้ว อะหงุ่น เฮมย เญย ฆว่า, ม่าย เหยียด จ้อย เปี๊ยว. อี เต้า เมี่ยน หล่ง เดี๋ยง หธุน เจี๊ยน ดาม. นิ่น บัว แอ๋ง แก๊ะ เต๋ย หฒิ เลี่ยว เปี๊ยว#13:23 หฒิ เลี่ยว เปี๊ยว จั๋น-ไท้ หว่า เห่ว ทับทิม. เหธา ง่ง หญอ เปี๊ยว ต้อ หฑวน. 24วั้ว นอม ต๋อง นิ่น บัว ธ้วด บั๋ว เห่ว เอดโค,#13:24 เอดโค เญย เอ๋ย เล์ย เซ จ้อย. เหว่ย หฒุ อิสะลาเอน เมี่ยน เยียม หน่าย ฮงะ วั้ว จ้อย อะหงุ่น เปี๊ยว.
ก๊อง ฒ่า เต่ย-ปูง เญย เจ๊า-โหล่ว
25เจี๋ย ลิ์ว เฝย เหฒียบ ฮนอย, ฒ่า เต่ย-ปูง เญย เมี่ยน ฯฒฯ หฑวน ต้าย. 26หฑวน เถา โมเซ เหธา อาโลน เหธา อิสะลาเอน เญย หฒวัง เมี่ยน เยียม ปาลาน เต่ย-ปูง-ฮวาง, คาเดด วั้ว, นิ่น บัว ก๊อง เหฑ่ง นิ่น บัว ฒ่า เต่ย-ปูง เญย เจ๊า-โหล่ว ปุน หฒวัง เมี่ยน หมวัง, หย่า ปุน นิ่น บัว หมั่ง นิ่น บัว แก๊ะ ต้าย เญย เปี๊ยว. 27นิ่น บัว ฮนั้ง น้าย นอ ก๊อง บั๋ว โมเซ, “เยีย บัว มี่ง เถา เม่ย พ้าย เยีย บัว มี่ง เญย เต่ย-ปูง, เดา-โท้ว หฒะเก้ง! หลง ไห่, เญี์ยม ไห่.#13:27 เป๊ย หมั่ง ธ้วด อียิบ 3:8. น้าย เซ วั้ว นอม เต่ย-ปูง เญย เปี๊ยว. 28มป่า เยียม หน่าย เญย เมี่ยน เฮ้น ไห่. นิ่น บัว เญย ฒี่ง โฮล ไห่, ม่าย ฒี่ง หลาด เว่ย เจี๊ยน. เยียม หน่าย เยีย บัว ฒู้ง ตุ๊ ปวัด อาน้าก เญย เฒ้ย-ฟุน. 29อามาเล้ก เมี่ยน เยียม เนเกบ,#13:29 เป๊ย หมั่ง ซ้าว เมี่ยน 13:17. ฮิดไท เมี่ยน, เยบุด เมี่ยน เหธา อาโมไล เมี่ยน เยียม บง หฒั่ง. คานาอัน เมี่ยน เยียม นิด ค้อย หย่า เยียม จอแดน ด้าย เฮลน.”
30คาเล้บ เห่ว เยียม โมเซ เญย หฑะเฮมียน เญย หฒวัง เมี่ยน เซ้ก เหฑ่ง ฯฒฯ ก๊อง, “บัว หอบ หฒุ อี้ หฒั่น มี่ง ธ้าง วั้ว นอม เต่ย-ปูง อ๊ะ. บัว หฒะเก้ง ไฮ่ เบ๊าะ ตุ๊ ฮี่ง นิ่น บัว เญย.”
31มป่า เหธา นิ่น มี่ง ฒ่า เต่ย-ปูง เญย เมี่ยน ก๊อง, “บัว ไม้ ม่าย ปั้น เหฒ่ย เบ๊าะ วั้ว เต๋ย เมี่ยน เหว่ย หฒุ นิ่น บัว เก้า เฮ้น บัว.” 32นิ่น บัว ฯฒฯ ก๊อง โตะ นิ่น บัว ฒ่า ลิ์ว วั้ว นอม เต่ย-ปูง เญย เจ๊า-โหล่ว, ปุน น้าย เต๋ย หว่า ซีง ปวั๊ง อิสะลาเอน เญย หฒวัง เมี่ยน. นิ่น บัว ก๊อง, “เยีย บัว ฒ่า วั้ว นอม เต่ย-ปูง ไฮ่ หญั่น เมี่ยน เญย. เยียม หน่าย เญย หฒวัง เมี่ยน หย่า โฮล ไห่, ฮลัง ไห่. 33เยียม หน่าย เยีย บัว ตุ๊ ปวัด เนฟิน เมี่ยน.#ทิน เต่ย โต้ว 6:4 (อาน้าก เมี่ยน เซ เนฟิน เมี่ยน เญย เฒ้ย-ฟุน.) หมั่ง บัว กั้น นอ, เซ ล่ม จ๊บ-เหญ่ย ฮนั้ง. เอย นิ่น บัว เญย มฒีง หมั่ง บัว, ต๋าย ปวัด บัว ล่ม จ๊บ-เหญ่ย ฟี่ ฮนั้ง เญย.”
Currently Selected:
ซ้าว เมี่ยน 13: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
