เนหะมี 8
8
1หฒวัง แปะ ฝีง ต้าย กั๊บ ฒุ้น ฮนั้ง เป๋น เหยียด ล่าน เมี่ยน นอ, เยียม เยลูซาเลม, ววม-แก้ง ด่าง เญย เธี้ยง. นิ่น บัว เห่ว เอสะลา โซว-ปิ๊ว ต้อ ต้ง ทิน-ฮู่ง หล่ง โมเซ จิว ปุน อิสะลาเอน เมี่ยน เญย เล์ย-หลัด โซว ต้าย.
2เถา เธี้ยด หฮลา แซง-เยี้ยด วั้ว ฮนอย, เอสะลา ไซ เมี่ยน ฯฒฯ ต้อ เล์ย-หลัด โซว ต้าย เยียม กั๊บ ฒุ้น เญย หฒวัง เมี่ยน เญย หฑะเฮมียน. ม่าย มจั่ง มเซียะ เหธา เหยียด ฒู้ง ไฮ่ หมวัง ตุ๊ เปียะ เฮญี้ยว เญย แปะ ฝีง. 3นิ่น ฮวิน มี่ง ววม-แก้ง เญย เธี้ยง วั้ว ปูง, ตอง เจี๊ยน มจั่ง มเซียะ เหธา เหยียด ฒู้ง ไฮ่ หมวัง ตุ๊ เม่ง แปะ เญย เมี่ยน, โตะ เล์ย-หลัด โซว, เยียม ลู่ง ดอม เฑี้ยว โตะ เถา ลู่ง อ๋าน.#8:3 ฮิบลู หว่า ก๊อง “เหยียด ฮนอย เปยย โก๊ว เญย เหยียด โก๊ว เฒี่ยง โห่”. หฒวัง เมี่ยน แปง มน่อม หมวัง หลง.
4เอสะลา โซว-ปิ๊ว โซ้ว เจี๊ยน เมี่ยน เหว่ย น้าย คัง สี่ โหฒว ต้าย เญย เดี๋ยง-พ่าง. เยียม นิ่น เญย บย่าว แหมง ม่าย มัดทีทิยา, เซมา, อานายา, อุลีอา, ฮินคียา, เหธา มาอาเสอา. นิ่น เญย หฒาย แหมง ม่าย เปดายา, มิซาเอน, มันคิยา, ฮาซูม, ฮัดบัดดานา, เสคาลิยา, เหธา เมซุนลาม.
5เอสะลา ฯฒฯ คอย โซว. หฒวัง เมี่ยน หมั่ง ตุ๊ ปวัด นิ่น เหว่ย หฒุ นิ่น เยียม เก้า ฮลัง. คอย โซว วั้ว หฒั่น, หฒวัง เมี่ยน โซ้ว เจี์ย ซิน ต้าย. 6เอสะลา เธง เฒี้ยว, โฮล ไห่ เญย ทิน-ฮู่ง. หฒวัง เมี่ยน ฯฒฯ เธา ปั์ว เตา, “อาเมน, อาเมน,” แอ๋ง เกว่ย เหฌี่ย, เฮมียน พัวะ เถา เดา, ป๋าย เฒี้ยว.
7หฒวัง เมี่ยน หธ่อ เยียม วั้ว นอม ต๋อง, เลวี เมี่ยน, เยซูอา, บานี, เซเลปียา, ยามีน, อักขูบ, ซับเบไท, โฮดียา, มาอาเสอา, เคลิทา, อาซาลิยา, โยซาบาด, ฮานัน เหธา เปไลยา พ้อ เม่ง เล์ย-หลัด. 8นิ่น บัว โตะ ทิน-ฮู่ง เญย เล์ย-หลัด โซว เป๋น เหยียด โต่ว เหยียด โต่ว เญย, หย่า พ้อ เม่ง#8:8 พ้อ เม่ง ไฟ ฟาน. เล์ย-หลัด โซว เฟี้ย เป๋น ฮิบลู หว่า. แปะ ฝีง หฒุ กว๊าด มี่ง บาบีโลน หฑวน ต้าย ฯฒฯ ก๊อง อาลัม หว่า เก้า ธั้ม. เหว่ย น้าย นิ่น บัว เฉียม หฒุ เมี่ยน ฟาน แอ๋ง พ้อ เม่ง. ต้าย เถง หฒวัง เมี่ยน เปียะ เฮญี้ยว.
9แซ้ง-เฒี้ยว, เนหะมี, เหธา โหฒว ไซ หย่า โหฒว โซว-ปิ๊ว น้าย เต้า เอสะลา, แอ๋ง เหธา หฌาว เล์ย-หลัด เญย เลวี เมี่ยน ก๊อง บั๋ว หฒวัง เมี่ยน, “อี้ ฮนอย เซ ธีง-เหฑ่ง ฮนอย เหว่ย ฝูง ปุน เฒี้ยว, เม่ย บัว เญย ทิน-ฮู่ง. ไม้ ตู๋ง เฑ่า หย่า ไม้ ตู๋ง เญี้ยม.” นิ่น ฮนั้ง น้าย ก๊อง เหว่ย หฒุ หมวัง เล์ย-หลัด วั้ว หฒั่น หฒวัง เมี่ยน เญี้ยม.
10เนหะมี ก๊อง, “กุ๊น หฑวน อ๊ะ. หฑวน มี่ง หญั่น คู้ เญย ไล-หฮนาง#8:10 ฮิบลู หว่า ก๊อง อ๊อ-จุ่น. หย่า ฮบ กาม เญย อะหงุ่น ติ๊ว, แอ๋ง ฝูง เต๋ย มี่ง ปุน ไม้ ม่าย เญย เมี่ยน. น้าย นอม ฮนอย เซ ธีง-เหฑ่ง ฮนอย เหว่ย ฝูง ปุน บัว เญย เฒี้ยว. ไม้ ตู๋ง เฑ่า, เหว่ย หฒุ เฒี้ยว เหธย ปุน เญย เฌียน-โย่ว เป๋น เม่ย บัว เญย ชะ.”
11เลวี เมี่ยน เห่ว หฒวัง เมี่ยน เซ้ก. นิ่น บัว ก๊อง, “เซ้ก เต๋ย ม่าะ! อี้ ฮนอย เซ ธีง-เหฑ่ง ฮนอย, ไม้ ตู๋ง เฑ่า, ไม้ ตู๋ง เญี้ยม.”
12หฒวัง เมี่ยน ฯฒฯ หฑวน เปย๊า เฌียน-โย่ว เญย หญั่น, เฌียน-โย่ว เญย ฮบ, เก้ง! ออน-เหลาะ ไห่, แอ๋ง ฝูง เต๋ย หญั่น ฮบ มี่ง ปุน เมี่ยน หญั่น, เหว่ย หฒุ นิ่น บัว เปียะ เฮญี้ยว ฒุ่น ปุน นิ่น บัว หมวัง วั้ว เต๋ย หว่า หมี่ อ๊ะ.
เจี๋ย บย๊อ ลิ่ว เญย ฒิบ
13เธี้ยด หฮลา แซง-เหญ่ย, ฝีงๆ เญย เปย๊ย เฒ้ย เหธา หฒวัง ไซ เมี่ยน เหธา เลวี เมี่ยน ต้าย กั๊บ ฒุ้น เยียม เอสะลา โซว-ปิ๊ว วั้ว, อ๋อย โหะ เล์ย-หลัด โซว เญย หว่า. 14นิ่น บัว ปวัด เล์ย-หลัด โซว เฟี้ย เจี๊ยน เฒี้ยว หล่ง โมเซ หัด เญย หว่า ก๊อง, เธี้ยด หฮลา อิสะลาเอน เมี่ยน อ๋อย หฒุ บย๊อ ลิ่ว ต้าย เยียม เจี๋ย ฒิบ.#เลวี 23:33-36,39-43; หฑั่ม เล์ย-หลัด 16:13-15 15หย่า อ๋อย หฒุ มี่ง ฒุ่น บั๋ว เยลูซาเลม เหธา นอมๆ ฒี่ง เญย เมี่ยน, “อ๋อย หฒุ ฝาว บง-ไอ๊ ต๋อง แก๊ะ ฒ่ง ฆว่า, กะลั้น ฆว่า, ฟาน หฒิ เลี่ยว เดี๋ยง-ฆว่า,#8:15 ฟาน หฒิ เลี่ยว เดี๋ยง ก๊อง กัน จั๋น-แคะ หว่า. จั๋น-ไท้ เห่ว ต้น น้ำมัน เขียว. เป๋น เหยียด หญู่ง เดี๋ยง ม่าย น่อม แมง-โก๋, โหย่วๆ วั้ว. เลี่ยม เปี้ยง เลี่ยม น่อม ดาง ไห่. ตาว-น่อม, เหธา หญู่งๆ ม่าย น่อม ธั้ม เญย เดี๋ยง-ฆว่า ต้าย บย๊อ ลิ่ว ฮนั้ง เฟี้ย เจี๊ยน โซว วั้ว นอ.”
16แปะ ฝีง ฯฒฯ ธ้วด มี่ง แก๊ะ เดี๋ยง-ฆว่า ต้าย บย๊อ ลิ่ว. ม่าย เต๋ย บย๊อ ลิ่ว เยียม เปย๊า-ง่อ#8:16 นิ่น บัว เญย เปย๊า-ง่อ แป้ง เญย. กู้ หงว่าย, ไฟ กั้น เญย เปย๊า-เฮลน หลาด กะญั์ว, ไฟ หฒั่ง ทิน-ฮู่ง เญย เปย๊า-เฮลน หลาด กะญั์ว, ไฟ ววม-แก้ง ด่าง เญย เธี้ยง ไฟ เอฟาอิม แก้ง ด่าง เญย เธี้ยง. 17หฒุ กว๊าด มี่ง หฑวน ต้าย เญย หฒวัง เมี่ยน เหยียด ฒู้ง ฯฒฯ บย๊อ ลิ่ว ต้าย เยียม เจี๊ยน. หฒวัง เมี่ยน เก้ง! เฌียน-โย่ว ออน-เหลาะ ไห่. เยียม นุน เญย ตอน, โยซูวา, เญย เฒี่ยง โห่ เถา อี้ ฮนอย, อิสะลาเอน เมี่ยน ไม้ ฮนั้ง น้าย โหฒว อ๊ะ.
18เยียม ฒิบ เญย ต้าว ฮนอย เถา ฆะฮ้า ลาย เญย ฮนอย, เอสะลา ฮนอยๆ โตะ ทิน-ฮู่ง เญย เล์ย-หลัด โซว ปุน แปะ ฝีง หมวัง. นิ่น บัว เจี๋ย ฒิบ เสี่ย ฮนอย ลิ์ว, เถา ตะเป๊ด ฮนอย หฒวัง เมี่ยน เอย เจี๊ยน เล์ย กั๊บ ฒุ้น โหฒว เล์ย-ป๋าย.
Currently Selected:
เนหะมี 8: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
