มาโค 16
16
เยซู แอ๋ง นั่ง ต้าย
(เป๊ย หมั่ง มัดทาย 28:1-8; ลูกา 24:1-12; โยฮัน 20:1-10)
1เจี๋ย ลิ์ว ตี้ง กง ฮนอย, มักดาลา มู้ง เญย มาลียา, เหธา ยากอบ เญย มา, มาลียา, แอ๋ง เหธา สะโลเม มี่ง ม์าย โย่ว ดาง, อ๋อย ต้อ มี่ง เฮยี้ยด เยซู เญย เซย. 2วั้ว นอม เล์ย-ป๋าย เญย ตะเยี้ยด ฮนอย#16:2 เป๊ย หมั่ง มัดทาย 28:1. ลู่ง ดอม เฑี้ยว เญย, บะฮนอย ธ้วด ต้าย อ๊ะ, นิ่น บัว มี่ง วั้ว โฒ้ว.
3กัน เจ๊า มี่ง วั้ว หฒั่น, ล่าน หน่าย ล่าน, “หาย เต้า ไฮ่ เถง บัว ทุย ฆอย แบะ โฒ้ว-แก้ง วั้ว คว้าย ต้ม หละเปย๊ย?” 4เหว่ย หฒุ วั้ว คว้าย หละเปย๊ย โฮล ไห่. นิ่น บัว เธา เฮมียน หมั่ง, ปวัด วั้ว คว้าย หละเปย๊ย ฒู้ง ทุย ฆอย หมี่ อ๊ะ. 5เปียะ โฒ้ว มี่ง, นิ่น บัว ปวัด เต้า มจั่ง ตอน หลุน เญย, ฒุ เจี๊ยน ลุย-ด๊าว แปะ เญย, เฒว์ย เจี๊ยน บย่าว แหมง ฯฒฯ แฮะ นิ่น บัว เฮญี้ยว ฮวาง เหฑ่ง.
6วั้ว เต้า ก๊อง, “ไม้ ตู๋ง กั้ม เหฑีย. เม่ย บัว ล์อ นาซาเล้ด มู้ง เญย เยซู, ต้ง หฒุ ตีง เหฒียบ หฑั่ง จ๋า วั้ว เต้า. นิ่น ไม้ เยียม น้าย. นิ่น นั่ง ต้าย อ๊ะ. หมั่ง ก๋า, น้าย เซ นิ่น บัว อัน นิ่น วั้ว นอม ต๋อง. 7เม่ย บัว อ๋อย หฒุ มี่ง บั๋ว นิ่น เญย ไซ-ก๋อ, เลี่ยม ปีเต บั๋ว, ‘เยซู อ๋อย มี่ง กาลิลี ด่าง เม่ย บัว. เถา วั้ว เม่ย บัว ฯฒฯ ปวัด นิ่น ฮนั้ง ฒิ่น ด่าง นิ่น บั๋ว เจี๋ย เม่ย บัว วั้ว นอ.’”#มัดทาย 26:32; มาโค 14:28
8วั้ว เต๋ย มเซียะ ตอน ธ้วด โฒ้ว ฮวางๆ ฒางๆ เญย เปย๋า, กั้ม เหฑีย ไห่, ซิน หฒิน เหฑ่ง. นิ่น บัว หย่า ไม้ ก๊อง หาย หญู่ง บั๋ว หาย เต้า, เหว่ย หฒุ นิ่น บัว กั้ม เหฑีย ไห่.#16:8 ม่าย เต๋ย โล์-ฮนอย โซว ไม้ ม่าย 16:9-20.
เยซู หิ่น ปุน มักดาลา มู้ง วั้ว เต้า มาลียา ปวัด
(เป๊ย หมั่ง มัดทาย 28:9-10; โยฮัน 20:11-18)
9วั้ว นอม เล์ย-ป๋าย เญย ตะเยี้ยด ฮนอย,#16:9 เป๊ย หมั่ง มัดทาย 28:1 วั้ว ดอม เฑี้ยว เญย, เยซู นั่ง ต้าย ฯฒฯ หิ่น ปุน มักดาลา มู้ง วั้ว เต้า มาลียา ปวัด ด่าง. ต้ง น้าย เต้า มาลียา ฒิ่น ด่าง เยซู หฒุ่น เสี่ย เต้า เมี้ยน ธ้วด นิ่น เญย ซิน. 10มาลียา มี่ง บั๋ว ฒิ่น ด่าง เหธา เยซู เยียม วั้ว เต๋ย เมี่ยน. นิ่น บัว หธ่อ เฑ่า ไห่, เยียม วั้ว เญี้ยม. 11นิ่น บัว ไฮ์ มาลียา ก๊อง เยซู นั่ง ต้าย อ๊ะ. นิ่น หย่า ตุ๊ ปวัด ลิ์ว อ๊ะ, มป่า นิ่น บัว ไม้ เสียน.
เยซู หิ่น ปุน อี เต้า ไซ-ก๋อ ปวัด
(เป๊ย หมั่ง ลูกา 24:13-35)
12น้าย เต๋ย สี่ เจี๋ย ลิ์ว, ม่าย อี เต้า ไซ-ก๋อ มี่ง วั้ว น่า. กัน เจี๊ยน เจ๊า มี่ง วั้ว หฒั่น, เยซู หิ่น ปุน นิ่น บัว ปวัด, มป่า ไม้ ฮนั้ง นิ่น ฒิ่น ด่าง หิ่น ธ้วด ปุน มาลียา ปวัด นอ. 13น้าย เต๋ย อี เต้า หฑวน มี่ง บั๋ว วั้ว เต๋ย ไซ-ก๋อ, มป่า วั้ว เต๋ย ไซ-ก๋อ ไม้ เสียน.
เยซู หิ่น ปุน เหฒียบ เยี้ยด เต้า ไซ-ก๋อ ปวัด
(เป๊ย หมั่ง มัดทาย 28:16-20; ลูกา 24:36-49; โยฮัน 20:19-23; กง-โฒ่ 1:6-8)
14ฆะฮ้า วั้ว หฑุ่น, วั้ว เต๋ย เหฒียบ เยี้ยด เต้า ไซ-ก๋อ หญั่น เจี๊ยน หฮนาง วั้ว หฒั่น, เยซู หิ่น ปุน นิ่น บัว ปวัด. นิ่น ก๊อง นิ่น บัว, เหว่ย หฒุ นิ่น บัว เฮญี้ยว แหง่ง, ไม้ เสียน นิ่น นั่ง ต้าย ตุ๊ ปวัด นิ่น วั้ว เต๋ย เมี่ยน เญย หว่า.
15เยซู บั๋ว นิ่น บัว, “เม่ย บัว อ๋อย หฒุ มี่ง ก๋อม ลู่ง เดี๊ย ฒุ่น คู้ เฝียน บั๋ว หม่าน เมี่ยน.#กง-โฒ่ 1:8 16หาย เต้า เสียน หย่า เจี๋ย ววม เญย เล์ย, วั้ว เต้า ฯฒฯ ตุ๊ เหฌียว อ๊ะ. หาย เต้า ไม้ เสียน, วั้ว เต้า หฒุ ตี่ง ฒุ์ย. 17เสียน เญย เมี่ยน หย่า ม่าย ทิน-ฮู่ง เญย ชะ ไฮ่ โหฒว ตุ๊ น้าย เต๋ย บัวะ ฮ่อง เญย สี่. นิ่น บัว เต๊ง เยีย เญย บั๋ว ไฮ่ หฒุ่น เมี้ยน ธ้วด, หย่า ไฮ่ ก๊อง กั้น หญู่ง หว่า. 18สี ก๊อง นิ่น บัว นั้น นาง-โตะ ไฟ ฮบ เดีย-แหล่ง, หย่า ไม้ ห่อย นิ่น บัว. นิ่น บัว อ๋อย ต้อ ปั์ว มาน แป่ง เมี่ยน เญย ซิน, แป่ง ฯฒฯ หลง หมี่ อ๊ะ.”
เยซู ฝาว ลู่ง หมี่ อ๊ะ
(เป๊ย หมั่ง ลูกา 24:50-53; กง-โฒ่ 1:9-11)
19เฒี้ยว เยซู เหธา นิ่น บัว ก๊อง ลิ์ว หว่า, ทิน-ฮู่ง ต้อ นิ่น ฝาว ลู่ง หมี่ อ๊ะ. นิ่น ฯฒฯ เฒว์ย เจี๊ยน ทิน-ฮู่ง เญย บย่าว แหมง. 20ไซ-ก๋อ บัว ธ้วด มี่ง เถา นอมๆ ต๋อง ฒุ่น โต์. เฒี้ยว หย่า เหธา นิ่น บัว จวั่ง กง โหฒว, ปุน นิ่น บัว ม่าย ชะ โหฒว บัวะ ฮ่อง เญย สี่ ปุน ธีง นิ่น บัว ฒุ่น เญย โต์ หฒะเก้ง เฒียน เญย.
Currently Selected:
มาโค 16: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007