มีคา 4
4
เฒี้ยว อ๋อย กุ๊น เหฑ่ง ลู่ง เดี๊ย
(เป๊ย หมั่ง อิสะยา 2:2-4)
1ฆะฮ้า ลาย เญย ฮนอย-เหญียะ อ๋อย ฮนั้ง น้าย นอ.
หฒั่ง เฒี้ยว เญย เปย๊า เยียม เญย บง
ตุ๊ เหลียบ เก้า ฮลัง เจี๋ย หฒวัง บง.
ฒู้ง อ๋อย เหธย เก้า ฮลัง เจี๋ย เหยียด ฒู้ง บง-ไอ๊.
หม่าน ฝีง เมี่ยน อ๋อย ดุดๆ เญย ต้าย.
2ธั้ม-นอม กั๊วะ เญย เมี่ยน อ๋อย ต้าย ก๊อง,
“ต้าย ม่าะ! บัว ล่ม ฑ่อย ฝาว เฒี้ยว เญย บง,
มี่ง เถา ยาโค้บ เญย ทิน-ฮู่ง เญย เปย๊า,
เหว่ย ปุน นิ่น เฒาะ นิ่น เญย เจ๊า หฌาว บัว,
ปุน เยีย บัว ตุ๊ กัน นิ่น เญย เจ๊า ยั่ง.”
เหว่ย หฒุ นิ่น เญย เล์ย-หลัด อ๋อย เยียม สิโอน ธ้วด,
เฒี้ยว เญย หว่า อ๋อย เยียม เยลูซาเลม ธ้วด มี่ง.
3นิ่น อ๋อย เซี้ยม น้าย ฝีง เหธา วั้ว ฝีง กะญั์ว เญย สี่,
หย่า เหว่ย โก เญย, เฮ้น เญย กั๊วะ ตุ๋น สี่.
นิ่น บัว ฯฒฯ เฒาะ นิ่น บัว เญย หฑุ ด๊าว ต๊า เป๋น ไล่ เปย๊ย,
นิ่น บัว เญย ธัง ต๊า เป๋น หฑุ ลิ่ม พิด เดี๋ยง-ฆว่า เตว๊ย.
กั๊วะ เหธา กั๊วะ ไม้ แอ๋ง เฒาะ หฑุ ด๊าว เบ๊าะ จ๋า,
เยียม น้าย มี่ง ไม้ โหะ หลิ่น เบ๊าะ จ๋า เญย เจ๊า อ๊ะ.#อิสะยา 2:4; โยเอน 3:10
4เก๊าะ-เมี่ยน ตุ๊ เฒว์ย เก๊าะ-เมี่ยน เญย อะหงุ่น เฮมย กะเดี๊ย,
หย่า ตุ๊ เฒว์ย กั้น เญย ง่ง หญอ เดี๋ยง-กอน,
หย่า ไม้ ม่าย หาย เต้า ต้าย แฮะ นิ่น บัว กั้ม เหฑีย,
เหว่ย หฒุ เน่น เจี๋ย เญย เฒี้ยว ฮนั้ง น้าย นอ ก๊อง.#เสคาลิยา 3:10
5หม่าน ฝีง เมี่ยน เอย เจี๊ยน
นิ่น บัว เญย เฒี่ยน เญย บั๋ว โหฒว,
มป่า เยีย บัว อ๋อย เหยียด ลิ์ว กัน เฒี้ยว,
เยีย บัว เญย ทิน-ฮู่ง เญย เม่ง,
เถา หม่าน โก๊ว หม่าน ต่อย.
อิสะลาเอน เมี่ยน หฒุ กว๊าด มี่ง ตุ๊ หฑวน ต้าย
6 เฒี้ยว ก๊อง, “เถา วั้ว ฮนอย,
“เยีย อ๋อย เซียว ฒุ้น เหฒา หว่าย เญย เมี่ยน,
แอ๋ง ปุน หฒุ หฒุ่น ธ้วด
เหธา เยีย ปุน หฒุ โค้ว วั้ว เต๋ย กั๊บ ฒุ้น ต้าย.
7เยีย อ๋อย ปุน เหฒา หว่าย เญย เมี่ยน เป๋น เหฒ่ง เหฌี่ย เญย เมี่ยน,
หฒุ หฒุ่น ธ้วด วั้ว เต๋ย, เยีย อ๋อย ปุน เป๋น เหยียด ฝีง เฮ้น เญย เมี่ยน.
เฒี้ยว อ๋อย เยียม สิโอน บง กุ๊น นิ่น บัว,
เยียม น้าย มี่ง เถา เหยียด ลิ์ว.
8โอ เยลูซาเลม อ่า, เม่ย เซ ฮนั้ง โก๋ว ปะกี ยู่ง กวั้น เญย เมี่ยน เญย ล่าว.
โอ สิโอน#4:8 ฟาน หฒะ ก๊อง สิโอน เญย เซียะ. เยียม 4:10, 13 ฟี่ ฮนั้ง เญย. เญย บง#4:8 ไฟ เว่ย ว้วน เญย ต๋อง. อ้า!
เม่ย แอ๋ง อ๋อย ตุ๊ ฮนั้ง ฒิ่น ด่าง นอ กุ๊น เม่ย เญย กั๊วะ,
เซ เยลูซาเลม#4:8 ฟาน หฒะ ก๊อง เยลูซาเลม เญย เซียะ. เญย กั๊วะ.”
9เม่ย เหว่ย หาย ติ่ว เญี้ยม ด่ง หน่าย บุย?
เยียม เม่ย กะญั์ว ไม้ ม่าย ฮู่ง เตี๋ย ไฟ?
เม่ย เญย ธ่าง ล่าง เมี่ยน หฒุ เหมียด
เม่ย หธีง ต้าย เลี่ยม เฒ่ย มุน ฮนั้ง มเซียะ ตอน มุน กู้งว์า นอ ไฟ?
10โอ สิโอน#4:10 ฟาน หฒะ ก๊อง สิโอน เญย เซียะ. อ้า! กุ๊น เนี้ยว ซิน ฌุ่น เจี๊ยน เยียม,
ฮนั้ง มเซียะ ตอน มุน กู้งว์า นอ,
เหว่ย หฒุ เม่ย อ๋อย หฒุ ธ้วด ฒี่ง มี่ง,
อ๋อย หฒุ เยียม เดา-ฮวาง.
เม่ย อ๋อย หฒุ มี่ง เยียม บาบีโลน,
เยียม วั้ว เม่ย อ๋อย ตุ๊ เหฌียว.
เยียม วั้ว เฒี้ยว อ๋อย หฒัวะ เม่ย หฑวน,
ปุน เม่ย เปย๋า ดุ๊ด เม่ย เญย วิน-วั้ง เญย ปั์ว-เดี๊ย.
11มป่า อี้ หฒั่น ม่าย ธั้ม-นอม กั๊วะ เญย แปะ ฝีง
กั๊บ ฒุ้น ต้าย เบ๊าะ เม่ย.
นิ่น บัว ก๊อง, “โท้ ปุน สิโอน ม่าย หวุย,
ปุน เยีย บัว เญย มฒีง หมั่ง เจี๊ยน.”
12มป่า นิ่น บัว ไม้ ฮิ้ว ตุ๊ เฒี้ยว ฮนั้ม เญย สี่,
หย่า ไม้ เม่ง แปะ นิ่น ต๊า เญย หฒะเอ๋ย,
ต้ง นิ่น เซียว นิ่น บัว ฒุ้น
ฮนั้ง เซียว เบย้า เฒ้ย ต้อ เถา เบ๊าะ เบย้า เญย เธี้ยง.
13โอ สิโอน#4:13 ฟาน หฒะ ก๊อง สิโอน เญย เซียะ. อ้า!
เจี์ย ซิน ต้าย เบ๊าะ เบย้า ม่าะ!
เหว่ย หฒุ เยีย อ๋อย ปุน เม่ย เญย จอง เป๋น เฮลียะ-จอง,#4:13 น้าย เต๋ย ต๋อง ต๋าย เป๊ย เถา นิ่น บัว ฮนั้ง เฮ้น ไห่ เญย ง่ง โก๊ว.
ปุน เม่ย เญย เต้ย เป๋น ต้ง ซิ เต้ย,
เม่ย ฒู้ง อ๋อย เบ๊าะ ธั้ม-กั๊วะ เมี่ยน หม่วน เหฑ่ง.’
เม่ย อ๋อย เฒาะ นิ่น บัว หล่ง โตะ เญย ชะ ธ้าง ต้าย เญย กะน้าย ฝูง ปุน เฒี้ยว,
เฒาะ นิ่น บัว เญย เหยียด ฒู้ง ฒิ่น ฒ่อย ปุน ลู่ง เดี๊ย เญย เฒี้ยว.
Currently Selected:
มีคา 4: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
