มัดทาย 1
1
เยซู กีตู่ เญย โต้ว ฒง
(เป๊ย หมั่ง ลูกา 3:23-38)
1เยซู กีตู่ โหฒว ดาวิด ฮู่ง เญย เฒ้ย-ฟุน. ดาวิด ฮู่ง หย่า โหฒว อับลาฮัม เญย เฒ้ย-ฟุน. อี้ หฒั่น เฟี้ย น้าย เซ เยซู กีตู่ ต่อย เจี๋ย ต่อย เญย โต้ว ฒง.
2อับลาฮัม โหฒว อีสัก เญย เตีย.
อีสัก โหฒว ยาโค้บ เญย เตีย.
ยาโค้บ โหฒว ยูดา บัว มั์ว-ตอน ต่อย เญย เตีย.
3ยูดา โหฒว เปเล้ด เหธา เฒลา เญย เตีย. นิ่น บัว เญย มา เห่ว ทามา.
เปเล้ด โหฒว เฮ้ดโลน เญย เตีย.
เฮ้ดโลน โหฒว ลาม เญย เตีย.
4ลาม โหฒว อัมมีนาดับ เญย เตีย.
อัมมีนาดับ โหฒว นาโซน เญย เตีย.
นาโซน โหฒว สันโมน เญย เตีย.
5สันโมน โหฒว โบอาด เญย เตีย. โบอาด เญย มา เห่ว ลาหับ.
โบอาด โหฒว โอเบด เญย เตีย. โอเบด เญย มา เห่ว ลูเท.
โอเบด โหฒว เจียดซี เญย เตีย.
6เจียดซี โหฒว ดาวิด ฮู่ง เญย เตีย.
ดาวิด ฮู่ง โหฒว ซาโลมอน เญย เตีย. ซาโลมอน เญย มา ฒิ่น ด่าง โหฒว อุลียา เญย เอ๊า.
7ซาโลมอน โหฒว เลโหโบอัม เญย เตีย.
เลโหโบอัม โหฒว อาบียา เญย เตีย.
อาบียา โหฒว อาสา เญย เตีย.
8อาสา โหฒว เยโฮซาฟัด เญย เตีย.
เยโฮซาฟัด โหฒว โยลัม เญย เตีย.
โยลัม โหฒว อุดซียา เญย เตีย.
9อุดซียา โหฒว โยทาม เญย เตีย.
โยทาม โหฒว อาหัด เญย เตีย.
อาหัด โหฒว เฮเซคียา เญย เตีย.
10เฮเซคียา โหฒว มะนัดเส เญย เตีย.
มะนัดเส โหฒว อาโมน เญย เตีย.
อาโมน โหฒว โยสิยา เญย เตีย.
11โยสิยา โหฒว เยโคนียา#1:11-12 เซ เยโฮยาคีน. บัว มั์ว-ต่อย เญย เตีย.
วั้ว หฒั่น ต๋อย หฒุ อิสะลาเอน เมี่ยน หฒุ ธ้าง มี่ง บาบีโลน เต่ย-ปูง.#2 ฮู่ง โต้ว 24:14-15; 2 ฒุ่น ต่อย โต้ว 36:10; เยเลมี 27:20
12หฒุ ธ้าง มี่ง ลิ์ว, ฆะฮ้า เยโคนียา โหฒว เซอันทิเอน เญย เตีย.
เซอันทิเอน โหฒว เสลุบบาเบน เญย เตีย.
13เสลุบบาเบน โหฒว อาบียุด เญย เตีย.
อาบียุด โหฒว เอลียาคิม เญย เตีย.
เอลียาคิม โหฒว อาซอ เญย เตีย.
14อาซอ โหฒว สาโดก เญย เตีย.
สาโดก โหฒว อาคิม เญย เตีย.
อาคิม โหฒว เอลีอูด เญย เตีย.
15เอลีอูด โหฒว เอเลอาซา เญย เตีย.
เอเลอาซา โหฒว มัดทาน เญย เตีย.
มัดทาน โหฒว ยาโค้บ เญย เตีย.
16ยาโค้บ โหฒว โยเซ้บ เญย เตีย. โยเซ้บ เซ มาลียา เญย โหฆ. มาลียา โหฒว เยซู เญย มา. เยซู ต้ง เมี่ยน เห่ว กีตู่ วั้ว เต้า.
17ฮนั้ง หน่าย, เยียม อับลาฮัม มี่ง เถา ดาวิด ฮู่ง ม่าย เหฒียบ เฝย ต่อย เมี่ยน. แอ๋ง เยียม ดาวิด ฮู่ง มี่ง เถา อิสะลาเอน เมี่ยน หฒุ กว๊าด มี่ง บาบีโลน เต่ย-ปูง ม่าย เหฒียบ เฝย ต่อย. แอ๋ง เยียม หฒุ กว๊าด มี่ง เญย เฒี่ยง โห่ เถา กีตู่ ธ้วด เสย วั้ว หฒั่น, ม่าย เหฒียบ เฝย ต่อย.
เยซู กีตู่ ธ้วด เสย
(เป๊ย หมั่ง ลูกา 2:1-7)
18เยซู กีตู่ ธ้วด เสย เญย เจ๊า-โหล่ว เซ ฮนั้ง น้าย. เยซู เญย มา, บั๋ว เห่ว มาลียา. โยเซ้บ ก๊อง เฒี่ยง นิ่น หมี่ อ๊ะ. นิ่น บัว ไม้ แก้ง จวั่ง ต๋อง เปว๋ย เจี๋ย มป่า มาลียา ม่าย ซิน อ๊ะ, เซ เยียม สีง ลี่ง เญย ชะ ต้าย.#ลูกา 1:27 19นิ่น เญย โหฆ, โยเซ้บ, เซ คู้ เมี่ยน หย่า ไม้ อ๋อย ปุน มาลียา ตอง หฒวัง หฒุ ไญ้. นิ่น ฯฒฯ เยียม เฮญี้ยว ฮนั้ม อ๋อย เป่ย เดี๊ย ถุย.
20โยเซ้บ เยียม เฮญี้ยว ฮนั้ง น้าย นอ ฮนั้ม. ม่าย เต้า เฒี้ยว เญย ฟิน-เมี่ยน ต้าย โป๋ เบ๋ย บั๋ว นิ่น, “ดาวิด เญย เฒ้ย-ฟุน, โยเซ้บ อ้า! ไม้ ตู๋ง กั้ม เหฑีย. กุ๊น หล่ง มาลียา โหฒว เม่ย เญย เอ๊า อ๊ะ โอ่. นิ่น ม่าย เจี๊ยน วั้ว นอม ซิน เซ สีง ลี่ง ปุน นิ่น ม่าย. 21นิ่น อ๋อย ตุ๊ เต้า ตอน. เม่ย อ๋อย หฒุ เถง วั้ว เต้า ตอน ธ้วด บั๋ว เห่ว เยซู,#1:21 เยซู เหธา โยซูวา ต้ง วั้ว นอม บั๋ว มป่า เยซู ก๊อง เป๋น กีก หว่า. เอ๋ย เล์ย เซ เฒี้ยว เหฌียว. เหว่ย หฒุ นิ่น อ๋อย เหฌียว นิ่น เญย แปะ ฝีง เล่ย ดุ๊ด นิ่น บัว เญย ฒุ์ย.”#ลูกา 1:31
22น้าย เต๋ย สี่ ธ้วด ต้าย เหว่ย ปุน ต๋อย เหฑ่ง ฒิ่น ด่าง เฒี้ยว หล่ง วั้ว เต้า โต่ว หว่า เมี่ยน ก๊อง เญย หว่า. นิ่น ก๊อง,
23“ม่าย เต้า ไม้ หฑย่าว เจี๋ย ตอน เญย เซียะ,
อ๋อย ม่าย นอม ซิน, ยู์ง ตุ๊ เต้า ตอน.
นิ่น บัว อ๋อย ธ้วด บั๋ว เห่ว อีมานูเอน.”
(เอ๋ย เล์ย เซ “ทิน-ฮู่ง เหธา บัว เยียม.”)#อิสะยา 7:14
24โยเซ้บ เญีย ต้าย, นิ่น เอย เจี๊ยน เฒี้ยว เญย ฟิน-เมี่ยน บั๋ว เญย หว่า โหฒว, ฯฒฯ ต้อ มาลียา ต้าย โหฒว นิ่น เญย เอ๊า อ๊ะ. 25มป่า นิ่น บัว ไม้ นิด ต่อย เถา มาลียา ตุ๊ น้าย เต้า ตอน ต้าย. โยเซ้บ เถง วั้ว เต้า ตอน ธ้วด บั๋ว เห่ว เยซู.#ลูกา 2:21
Currently Selected:
มัดทาย 1: IuMiTH
Highlight
Share
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007