เลวี 23
23
ฒิบ เญย เล์ย-เหญ่ย
1 เฒี้ยว ก๊อง บั๋ว โมเซ, 2“อ๋อย หฒุ บั๋ว อิสะลาเอน เมี่ยน, ‘น้าย เซ เยีย, เฒี้ยว, ตี่ง ต้าย เญย ฒิบ. เม่ย บัว อ๋อย หฒุ ฒุ่น บั๋ว เมี่ยน เซ เหว่ย เยีย เญย ฒิบ, อ๋อย หฒุ กั๊บ ฒุ้น โหฒว เล์ย-ป๋าย.
ตี้ง กง ฮนอย
3“‘ม่าย จุ๊ ฮนอย โหฒว กง. ตะเธี้ยด ฮนอย เซ ตี้ง กง ฮิด ขวน เญย ฮนอย. อ๋อย หฒุ กั๊บ ฒุ้น โหฒว เล์ย-ป๋าย หย่า ไม้ ตู๋ง โหฒว หาย หญู่ง กง.#ธ้วด อียิบ 20:8-11; 23:12; 31:15; 34:21; 35:2; หฑั่ม เล์ย-หลัด 5:12-14 ไม้ กุ๊น เม่ย บัว เยียม หาย, เซ เป๋น เฒี้ยว เญย ตี้ง กง ฮนอย.
เสีย แหม่ง ฒิบ เหธา ไม้ อัน ปี๊ง เญย ฌั้ว เญย ฒิบ
(เป๊ย หมั่ง ซ้าว เมี่ยน 28:16-25)
4“‘น้าย เซ เฒี้ยว ตี่ง ต้าย เญย ฒิบ. อ๋อย หฒุ หฒิว น้าย เต๋ย ฒิบ เญย ฮนอย-เหญียะ ฒุ่น บั๋ว เมี่ยน กั๊บ ฒุ้น โหฒว เล์ย-ป๋าย. 5ฒี่ หฮลา, เหฒียบ เฝย วั้ว ฮนอย, เหฑียม-ย่าง เญย เฒี่ยง โห่, เปียะ เฒี้ยว เญย เสีย แหม่ง ฒิบ.#ธ้วด อียิบ 12:1-13; หฑั่ม เล์ย-หลัด 16:1-2 6เหฒียบ ฮม์ วั้ว ฮนอย, เปียะ เฒี้ยว เญย ไม้ อัน ปี๊ง เญย ฌั้ว เญย ฒิบ.#ธ้วด อียิบ 12:14-20; 23:15; 34:18; หฑั่ม เล์ย-หลัด 16:3-8 เสี่ย ฮนอย กะญั์ว ไม้ ตู๋ง หญั่น อัน ปี๊ง เญย ฌั้ว. 7ต้าว ฮนอย อ๋อย หฒุ กั๊บ ฒุ้น โหฒว เล์ย-ป๋าย, หย่า ไม้ ตู๋ง โหฒว ฮนอยๆ โหฒว เญย กง.#23:7 ไฟ โหฒว กง-โปว-เฮนี้ย. เยียม 21, 25, 35-36 เหยี่ยม ฟี่ ฮนั้ง เญย. 8เสี่ย ฮนอย กะญั์ว อ๋อย หฒุ ฮนอยๆ ต้อ กะน้าย มี่ง ฝ่ง ห่อ, หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. ตะเธี้ยด ฮนอย กั๊บ ฒุ้น โหฒว เล์ย-ป๋าย หย่า ไม้ ตู๋ง โหฒว หาย หญู่ง ฮนอยๆ โหฒว เญย กง.’”
ต้าว ถอง ธุน-แกง เญย ฒิบ
9 เฒี้ยว ก๊อง บั๋ว โมเซ, 10“อ๋อย หฒุ บั๋ว อิสะลาเอน เมี่ยน, ‘เม่ย บัว เถา เยีย อ๋อย จิว ปุน เม่ย บัว วั้ว นอม เต่ย-ปูง, เซียว เบย้า เญย เฒี่ยง โห่, อ๋อย หฒุ ต้อ เหยียด เฒ้ย ต้าว ถอง เบย้า ต้าย ปุน ไซ เมี่ยน. 11ไซ เมี่ยน อ๋อย หฒุ เฒาะ น้าย เฒ้ย เบย้า เยียม เฒี้ยว เญย หฑะเฮมียน ธุ้น กีง ฝ่ง ห่อ, เฒี้ยว ฯฒฯ ฒิบ เม่ย บัว. เยียม ตี้ง กง ฮนอย ฆะฮ้า วั้ว ฮนอย, ไซ เมี่ยน อ๋อย หฒุ ธุ้น กีง เฒี้ยว. 12ธุ้น น้าย เฒ้ย เบย้า เญย ฮนอย อ๋อย หฒุ ต้อ เต้า ต๋อย หฮญัง, ไม้ หว่าย ฝัง เญย ปะกี ยู่ง ตอน ปั๊ว เหฒี่ย ปุน เฒี้ยว. 13แอ๋ง เฒาะ เปยย เมาะ เปี๋ยน#23:13 ฮิบลู หว่า ก๊อง “เหยียด เอฟา เหฒียบ โก๊ว เญย อี โก๊ว.” เซ เล่ย ไม้ โก 4.5 ลิด. บ๊วน-หม่วน หฒอบ เจี๊ยน กะลั้น โย่ว, หล่ง โต่ว ปั๊ว เหฒี่ย เว่ย ดาง เญย เฉีย หอบ เฒี้ยว เญย เฮญี้ยว. หย่า ฝ่ง ห่อ เหยียด ก่อง อะหงุ่น ติ๊ว#23:13 ฮิบลู หว่า ก๊อง “เหยียด ฮิน เปยย โก๊ว เญย เหยียด โก๊ว.” เซ เล่ย ไม้ โก เหยียด ก่อง (1 ลิด). เหธา เจี๊ยน เธี้ย เหฒี่ย. 14ไม้ ตู๋ง หญั่น น้าย เต๋ย เซียง-เบย้า, ไม้ กุ๊น หญั่น เญี์ยม ไฟ ฒิ ต้าย ไฟ โหฒว เป๋น ฌั้ว. ฒั้ว เถา ต้อ ฝ่ง ห่อ ปุน ทิน-ฮู่ง น้าย เต๋ย กะน้าย วั้ว ฮนอย หธีง หญั่น. ไม้ กุ๊น เม่ย บัว เยียม หาย, น้าย เซ เม่ย บัว ต่อย เจี๋ย ต่อย อ๋อย หฒุ กัน เญย เล์ย.
เซียว เซียง-เบย้า เญย ฒิบ
(เป๊ย หมั่ง ซ้าว เมี่ยน 28:26-31)
15“‘เยียม ตี้ง กง ฮนอย ฆะฮ้า วั้ว ฮนอย, ต้ง ต้อ เบย้า เฒ้ย ต้าย ธุ้น กีง ฝ่ง ห่อ วั้ว ฮนอย, อ๋อย หฒุ ซ้าว ปวั๊ง เสี่ย นอม เล์ย-ป๋าย.#ธ้วด อียิบ 23:16; 34:22; หฑั่ม เล์ย-หลัด 16:9-12 16ซ้าว ปวั๊ง ฮม์ เหฒียบ ฮนอย เถา ตะเธี้ยด นอม ตี้ง กง ฮนอย ฆะฮ้า วั้ว ฮนอย, ฯฒฯ ต้อ เซียง-เบย้า โหฒว เหฒี่ย เญย ล่าง หฒิ ฝ่ง ห่อ ปุน เฒี้ยว. 17เยียม เม่ย บัว เยียม เญย ต๋อง อ๋อย หฒุ โหฒว อี นอม ฌั้ว. หล่ง เปยย เมาะ เปี๋ยน#23:17 เป๊ย หมั่ง เลวี 23:13. บ๊วน-หม่วน อัน เจี๊ยน ปี๊ง. อ๋อย หฒุ ฒิ เหฒียง ต้อ ต้าย โหฒว ต้าว ถอง ล่าง หฒิ ธุ้น กีง ฝ่ง ห่อ ปุน เฒี้ยว. 18อ๋อย หฒุ ต้อ เสี่ย เต้า ต๋อย หฮญัง ไม้ หว่าย ฝัง เญย ปะกี ยู่ง ตอน, เหยียด เต้า ง่ง โก๊ว ธาน, เหธา อี เต้า ยู่ง โก๊ว, เหธา น้าย เต๋ย ฌั้ว เหยียด เหฌี่ย ฝ่ง ห่อ. น้าย เต๋ย แซง-คู้ อ๋อย หฒุ เหธา เจี๊ยน เหฒี่ย เญย ล่าง หฒิ เหธา เธี้ย เหฒี่ย เญย กะน้าย เหยียด เหฌี่ย ปั๊ว เหฒี่ย ปุน เฒี้ยว, เว่ย ดาง เญย เฉีย หอบ เฒี้ยว เญย เฮญี้ยว. 19อ๋อย หฒุ หล่ง เต้า ยู่ง โก๊ว เหฒี่ย ฟิ ฒุ์ย, เหธา อี เต้า ต๋อย หฮญัง เญย ปะกี ยู่ง โก๊ว ตอน เหฒี่ย เหว่ย จิว ทง. 20ไซ เมี่ยน อ๋อย หฒุ เฒาะ น้าย เต๋ย อี เต้า ยู่ง ตอน เหธา เจี๊ยน ต้าว ถอง ล่าง หฒิ โหฒว ต้าย เญย ฌั้ว เยียม เฒี้ยว เญย หฑะเฮมียน ธุ้น กีง โหฒว ธุ้น กีง ฝ่ง ห่อ เญย กะน้าย. น้าย เซ ฝ่ง ห่อ ปุน เฒี้ยว เว่ย ธีง-เหฑ่ง กะน้าย, เซ เป๋น ไซ เมี่ยน เญย. 21ต้ง วั้ว ฮนอย อ๋อย หฒุ ฒุ่น บั๋ว เมี่ยน กั๊บ ฒุ้น โหฒว เล์ย-ป๋าย หย่า ไม้ ตู๋ง โหฒว หาย หญู่ง ฮนอยๆ โหฒว เญย กง. ไม้ กุ๊น เม่ย บัว เยียม หาย, น้าย เซ ต่อย เจี๋ย ต่อย เม่ย บัว อ๋อย หฒุ กัน เญย เล์ย.
22“‘เม่ย บัว ก๊าด เบย้า, ไม้ ตู๋ง ก๊าด เถา จ่ม เด่ย-เฮลน, หย่า ไม้ ตู๋ง เฑ์า เบย้า ด๊อด.#เลวี 19:9-10; หฑั่ม เล์ย-หลัด 24:19-22 อ๋อย หฒุ เลี่ยว ปุน เมี่ยน จ่ม เมี่ยน แอ๋ง เหธา เม่ย บัว เยียม เญย กั้น ฝีง เมี่ยน. เยีย เซ เฒี้ยว, เม่ย บัว เญย ทิน-ฮู่ง.’”
ปย๊ม หฑัด เญย ฒิบ
(เป๊ย หมั่ง ซ้าว เมี่ยน 29:1-6)
23 เฒี้ยว ก๊อง บั๋ว โมเซ, 24“อ๋อย หฒุ บั๋ว อิสะลาเอน เมี่ยน, ‘เธี้ยด หฮลา แซง-เยี้ยด ฮนอย, อ๋อย หฒุ ตี้ง กง ฮิด ขวน, กั๊บ ฒุ้น โหฒว เล์ย-ป๋าย. อ๋อย หฒุ ปย๊ม หฑัด เหว่ย เถง เมี่ยน จั๋ง. 25ไม้ ตู๋ง โหฒว หาย หญู่ง ฮนอยๆ โหฒว เญย กง. หย่า อ๋อย หฒุ ต้อ หล่ง โต์ว ปั๊ว เหฒี่ย เญย กะน้าย ฝ่ง ห่อ ปุน เฒี้ยว. ’”
ฟิ ฒุ์ย ฮนอย
(เป๊ย หมั่ง ซ้าว เมี่ยน 29:7-11)
26 เฒี้ยว ก๊อง บั๋ว โมเซ, 27“เธี้ยด หฮลา แซง-เหฒียบ เซ ฟิ ฒุ์ย ฮนอย.#เลวี 16:29-34 อ๋อย หฒุ กั๊บ ฒุ้น โหฒว เล์ย-ป๋าย, เฒย ไม้ หญั่น หาย หญู่ง, หย่า ต้อ หล่ง โต์ว ปั๊ว เหฒี่ย ฝ่ง ห่อ เญย กะน้าย ฝ่ง ห่อ ปุน เฒี้ยว. 28วั้ว ฮนอย ไม้ ตู๋ง โหฒว หาย หญู่ง กง เหว่ย หฒุ เป๋น ฟิ ฒุ์ย ฮนอย, เซ เยียม เฒี้ยว, เม่ย บัว เญย ทิน-ฮู่ง เญย หฑะเฮมียน, เถง เม่ย บัว ฟิ ฒุ์ย เญย ฮนอย. 29เยียม วั้ว นอม ฮนอย, หาย เต้า ไม้ เฒย#23:29 เป๊ย หมั่ง เลวี 16:31. ฯฒฯ หญั่น กะน้าย นอ, อ๋อย หฒุ เยียม นิ่น เญย เมี่ยน บุด๋ง หฒุ ไพ กวั่ง. 30หาย เต้า เยียม วั้ว นอม ฮนอย โหฒว หาย หญู่ง กง, เยีย ฯฒฯ เหมียด วั้ว เต้า. นิ่น ไม้ ตุ๊ เหธา นิ่น เญย เมี่ยน เยียม. 31ธิน-หม่าน ไม้ ตู๋ง โหฒว หาย หญู่ง กง. ไม้ กุ๊น เม่ย บัว เยียม หาย, น้าย เซ ต่อย เจี๋ย ต่อย เหยียด ลิ์ว อ๋อย หฒุ กัน เญย เล์ย. 32น้าย เว่ย เม่ย บัว เป๋น นอม ตี้ง กง ฮิด ขวน เญย ฮนอย. เม่ย บัว อ๋อย หฒุ เฒย ไม้ หญั่น หาย หญู่ง.#23:32 เป๊ย หมั่ง เลวี 16:31. เธี้ยด หฮลา แซง-จั๊ว, เหฑียม-ย่าง เญย เฒี่ยง โห่, เถา ตะเหญ่ย ฮนอย เหฑียม-ย่าง เญย เฒี่ยง โห่, อ๋อย หฒุ ตี้ง กง ฮิด ขวน.”
บย๊อ ลิ่ว เญย ฒิบ
(เป๊ย หมั่ง ซ้าว เมี่ยน 29:12-40)
33 เฒี้ยว ก๊อง บั๋ว โมเซ, 34“อ๋อย หฒุ บั๋ว อิสะลาเอน เมี่ยน, ‘เถา เธี้ยด หฮลา เหฒียบ ฮม์ วั้ว ฮนอย, เปียะ เฒี้ยว เญย บย๊อ ลิ่ว ฒิบ,#หฑั่ม เล์ย-หลัด 16:13-15 หย่า อ๋อย หฒุ เจี๋ย ปวั๊ง เสี่ย ฮนอย. 35ต้าว ฮนอย อ๋อย หฒุ กั๊บ ฒุ้น โหฒว เล์ย-ป๋าย. หย่า ไม้ ตู๋ง โหฒว หาย หญู่ง ฮนอยๆ โหฒว เญย กง. 36เสี่ย ฮนอย กะญั์ว อ๋อย หฒุ ฮนอยๆ ต้อ หล่ง โต์ว ปั๊ว เหฒี่ย เญย กะน้าย ฝ่ง ห่อ ปุน เฒี้ยว. ตะเป๊ด ฮนอย อ๋อย หฒุ กั๊บ ฒุ้น โหฒว เล์ย-ป๋าย หย่า ต้อ หล่ง โต์ว เหฒี่ย เญย กะน้าย ฝ่ง ห่อ ปุน เฒี้ยว. น้าย เซ เซ้ด เมว์ย เญย หวุ่ย. ไม้ ตู๋ง โหฒว หาย หญู่ง ฮนอยๆ โหฒว เญย กง.
37(“‘น้าย เต๋ย เหยียด ฒู้ง เซ เฒี้ยว ตี่ง ต้าย เญย ฒิบ. เม่ย บัว อ๋อย หฒุ ฒุ่น บั๋ว เมี่ยน กั๊บ ฒุ้น โหฒว เล์ย-ป๋าย, ต้อ หล่ง โต์ว ปั๊ว เหฒี่ย เญย กะน้าย ฝ่ง ห่อ ปุน เฒี้ยว. เซ ต้อ ปั๊ว เหฒี่ย เญย กะน้าย, เหฒี่ย เญย ล่าง หฒิ, ตะฟ่าน เหฒี่ย เญย กะน้าย เหธา เธี้ย เหฒี่ย เญย, เอย เจี๊ยน เล์ย เหยียด ฮนอย ม่าย เหยียด ฮนอย เญย เหฒี่ย. 38น้าย เซ ไม้ ฝุน เปียะ เฒี้ยว เญย ตี้ง กง ฮนอย เหฒี่ย เญย กะน้าย, เหธา ฝ่ง ห่อ เญย ฒี่ง เหญ่ย, เหธา จ๊าว ซูง แล์ง แหง่ง หว่า เญย เหธา ธ้วด ฟิม เหฒี่ย ปุน เฒี้ยว เญย เหยียด ฒู้ง กะน้าย.)
39“‘เม่ย บัว เซียว ป่า ธุน-แกง, เยียม เธี้ยด หฮลา เหฒียบ ฮม์, อ๋อย หฒุ เจี๋ย เฒี้ยว เญย ฒิบ ปวั๊ง เสี่ย ฮนอย. ต้าว ฮนอย เซ เว่ย ฮิด ขวน ฮนอย. ตะเป๊ด ฮนอย หย่า เว่ย ฮิด ขวน ฮนอย. 40ต้าว ฮนอย อ๋อย หฒุ ต้อ หลง เจี๋ย เญย เดี๋ยง เญย เปี๊ยว เหธา ตาว-น่อม, เหธา ม่าย เดี๋ยง-น่อม ธั้ม เญย ฆว่า, เหธา ซุ้ย-เลี่ยม เดี๋ยง-ฆว่า, เยียม เฒี้ยว, เม่ย บัว เญย ทิน-ฮู่ง เญย หฑะเฮมียน, เฌียน-โย่ว เหน่า หญิด เสี่ย ฮนอย. 41โม์ว หฮญัง เถา เธี้ยด หฮลา อ๋อย หฒุ เจี๋ย เฒี้ยว เญย ฒิบ เสี่ย ฮนอย. น้าย เซ ต่อย เจี๋ย ต่อย เหยียด ลิ์ว อ๋อย หฒุ กัน เญย เล์ย. 42เม่ย บัว อ๋อย หฒุ เยียม ลิ่ว เสี่ย ฮนอย. เหยียด ฒู้ง ป๊วน-ฝีง อิสะลาเอน เมี่ยน อ๋อย หฒุ เยียม ลิ่ว 43เหว่ย ปุน เม่ย บัว เญย เฒ้ย-ฟุน ฮิ้ว ตุ๊, เยีย ต้อ อิสะลาเอน เมี่ยน ธ้วด อียิบ เต่ย-ปูง วั้ว หฒั่น เยีย ปุน นิ่น บัว เยียม ลิ่ว. เยีย เซ เฒี้ยว, เม่ย บัว เญย ทิน-ฮู่ง.’”
44ฮนั้ง หน่าย โมเซ ฯฒฯ ก๊อง บั๋ว อิสะลาเอน เมี่ยน ฮิ้ว ตุ๊ เฒี้ยว ตี่ง ต้าย เญย หญู่งๆ ฒิบ.
Currently Selected:
เลวี 23: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
