เลวี 2
2
ฝ่ง ห่อ เหฒี่ย เญย ล่าง หฒิ
1“‘หาย เต้า ต้อ ล่าง หฒิ ต้าย ฝ่ง ห่อ ปุน เฒี้ยว, อ๋อย หฒุ ต้อ บ๊วน-หม่วน. อ๋อย หฒุ โต๋ กะลั้น โย่ว เฮยี้ยด เจี๊ยน, เฒาะ เต๋ย ฮูง อัน เจี๊ยน, 2ต้อ เถา อาโลน เญย ตอน, ไซ เมี่ยน บัว วั้ว. ไซ เมี่ยน ฯฒฯ เฒาะ เหยียด เญา น้าย เต๋ย บ๊วน-หม่วน เหธา โย่ว เหธา เหยียด ฒู้ง ฮูง โหฒว จั๋ง เญย ป่วน#2:2 จั๋ง เญย ป่วน เซ นิ่น บัว ปั๊ว ติ๊ เตียน ฮนั้ง, เหว่ย ปิ๋ว เม่ง ฝ่ง ห่อ วั้ว เต๋ย กะน้าย เหยียด ฒู้ง เป๋น เฒี้ยว เญย หมี่ อ๊ะ. เยียม เลวี 2:9, 16 ฟี่ ฮนั้ง เญย. อัน เจี๊ยน เหฒี่ย-ต้อง กู้ หงว่าย ปั๊ว เหฒี่ย. น้าย เซ หล่ง โต์ว ปั๊ว เหฒี่ย ฝ่ง ห่อ เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว. 3ฝ่ง ห่อ ลิ์ว, เหฒ่ง เหฌี่ย เญย ล่าง หฒิ เป๋น อาโลน เหธา นิ่น เญย ตอน เญย ป่วน หมี่ อ๊ะ. น้าย เซ เหยียด ป่วน เก้า ธีง-เหฑ่ง เจี๋ย เญย กะน้าย, เยียม หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย เฒาะ ธ้วด ต้าย.
4“‘สี ก๊อง ฝ่ง ห่อ เญย ล่าง หฒิ เซ เยียม ฒิ ฌั้ว เญย โหฑ ฒิ ต้อ ต้าย, อ๋อย หฒุ หล่ง บ๊วน-หม่วน. เซ หล่ง ไม้ อัน ปี๊ง, หฒอบ เจี๊ยน กะลั้น โย่ว เญย ฌั้ว, ไฟ ไม้ อัน ปี๊ง, ฑ้าด เจี๊ยน กะลั้น โย่ว เญย ฌั้ว-เปียะ. 5สี ก๊อง ฝ่ง ห่อ เญย ล่าง หฒิ เซ เยียม แธง น้าด ต้าย, อ๋อย หฒุ หล่ง บ๊วน-หม่วน หฒอบ เจี๊ยน กะลั้น โย่ว, หย่า ไม้ ตู๋ง อัน ปี๊ง. 6อ๋อย หฒุ เฒาะ ฌั้ว แมะ หม่วน, เฒาะ กะลั้น โย่ว โต๋ เจี๊ยน. น้าย เซ ฝ่ง ห่อ เหฒี่ย เญย ล่าง หฒิ. 7สี ก๊อง เหฒี่ย เญย ล่าง หฒิ เยียม แธง ฒิน ต้าย, อ๋อย หฒุ หล่ง บ๊วน-หม่วน โช้ว เจี๊ยน กะลั้น โย่ว. 8หล่ง น้าย ปั๊วะ กะน้าย โหฒว ฝ่ง ห่อ เหฒี่ย เญย ล่าง หฒิ, อ๋อย หฒุ ต้อ ต้าย ฝ่ง ห่อ ปุน เฒี้ยว. อ๋อย หฒุ จิว ปุน ไซ เมี่ยน, ไซ เมี่ยน ฯฒฯ ต้อ เถา เหฒี่ย-ต้อง. 9ไซ เมี่ยน อ๋อย หฒุ เฒาะ เต๋ย ฝ่ง ห่อ เญย ล่าง หฒิ ธ้วด โหฒว จั๋ง เญย ป่วน,#2:9 เป๊ย หมั่ง เลวี 2:2. อัน เหฒี่ย-ต้อง ปั๊ว เหว่ย โหฒว หล่ง โต์ว ปั๊ว เหฒี่ย ฝ่ง ห่อ เญย กะน้าย, เว่ย ดาง เญย เฉีย หอบ เฒี้ยว เญย เฮญี้ยว. 10ฝ่ง ห่อ ลิ์ว, เหฒ่ง เหฌี่ย เญย ล่าง หฒิ เป๋น อาโลน เหธา นิ่น เญย ตอน บัว เญย หมี่ อ๊ะ. น้าย เซ ธีง-เหฑ่ง เจี๋ย เญย กะน้าย, เยียม หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย เหฒ่ง เหฌี่ย เญย ป่วน.
11“‘ตะฟ่าน ฝ่ง ห่อ เหฒี่ย ปุน เฒี้ยว เญย ล่าง หฒิ, ไม้ ตู๋ง อัน ปี๊ง. เม่ย บัว หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย หาย หญู่ง, ธิน-หม่าน ไม้ ตู๋ง หฒอบ ปี๊ง ไฟ เมว์ย-ต้อง. 12ต้อ น้าย เต๋ย อี หญู่ง ต้าย ฝ่ง ห่อ ปุน เฒี้ยว เหว่ย โหฒว ต้าว ถอง ธุน-แกง ตุ๊ เญย. มป่า ไม้ ตู๋ง อัน เหฒี่ย-ต้อง ปั๊ว เว่ย ดาง เญย เฉีย. 13เม่ย บัว ฝ่ง ห่อ เหฒี่ย เญย เหยียด ฒู้ง ล่าง หฒิ อ๋อย หฒุ เฮยี้ยด เจี๊ยน เฑ้า. ไม้ ตู๋ง ปุน เฑ้า ตั๋ง, เหว่ย หฒุ เฑ้า ปิ๋ว เม่ง ทิน-ฮู่ง เหธา เม่ย บัว เหลียบ เญย แหง่ง หว่า. เม่ย บัว ฝ่ง ห่อ เญย เหยียด ฒู้ง กะน้าย อ๋อย หฒุ เฮยี้ยด เฑ้า.
14“‘สี ก๊อง ต้อ ต้าว ถอง ล่าง หฒิ ต้าย ฝ่ง ห่อ ปุน เฒี้ยว, อ๋อย หฒุ ขัง ฆาย หม่อ หม่วน. 15หย่า อ๋อย หฒุ เฮยี้ยด กะลั้น โย่ว เหธา ฮูง. น้าย เซ เหฒี่ย ฝ่ง ห่อ เญย ล่าง หฒิ. 16ไซ เมี่ยน อ๋อย หฒุ เฒาะ ธ้วด เต๋ย เบย้า บ๊วน เหธา โย่ว เหธา เหยียด ฒู้ง ฮูง โหฒว จั๋ง เญย ป่วน,#2:16 เป๊ย หมั่ง เลวี 2:2. หล่ง โต์ว ปั๊ว เหฒี่ย ฝ่ง ห่อ ปุน เฒี้ยว.
Currently Selected:
เลวี 2: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
