เลวี 14
14
ก้ม ฮู้ แป่ง หลง, สา หวุย เญย เล์ย
1 เฒี้ยว ก๊อง บั๋ว โมเซ, 2“น้าย เซ เมี่ยน ปุ๊ด ก้ม ฮู้ แป่ง หลง มี่ง สา หวุย วั้ว ฮนอย อ๋อย หฒุ กัน เญย เล์ย.#มัดทาย 8:4; มาโค 1:44; ลูกา 5:14; 17:14 อ๋อย หฒุ ต้อ นิ่น มี่ง ล์อ ไซ เมี่ยน. 3ไซ เมี่ยน อ๋อย หฒุ ธ้วด กะเหญี่ย หฒิ ด๊บ-ลิ่ว เธี้ยง, หย่า อ๋อย หฒุ ฒ่า หมั่ง นิ่น. สี ก๊อง ปวัด ปุ๊ด ก้ม ฮู้ แป่ง เญย เมี่ยน หลง หมี่ อ๊ะ, 4ไซ เมี่ยน ฯฒฯ เห่ว เฒาะ อี นอม ไม้ ม่าย หวุย เญย เหนาะ นั่ง เหธา สีดา ฒ่ง เดี๋ยง, ปะกี สุย-ซิ เหธา หุโสบ เมี้ย เหว่ย อ๋อย สา หวุย วั้ว เต้า. 5ไซ เมี่ยน เห่ว นิ่น เฒาะ นอม เหนาะ เยียม ฒ่าง เจี๊ยน ววม-ต้าย เญย เนีย-มอ กู้ หงว่าย ไต๋. 6นิ่น แอ๋ง เฒาะ นั่ง วั้ว นอม เหนาะ เหธา สีดา ฒ่ง เดี๋ยง, ปะกี สุย-ซิ เหธา หุโสบ เมี้ย, เหยียด เหฌี่ย เหฒียม ฒ่าง เจี๊ยน ววม-ต้าย เญย เนีย-มอ กู้ หงว่าย ไต๋ วั้ว นอม เหนาะ เญย ฑย้าม. 7ไซ เมี่ยน อ๋อย หฒุ ฟุ ปุ๊ด ลิ์ว ก้ม ฮู้ แป่ง อ๋อย สา หวุย วั้ว ล่าน เมี่ยน เสี่ย หฑุ่น, ฯฒฯ ตี่ง นิ่น ธีง-เหฑ่ง หมี่ อ๊ะ. ไซ เมี่ยน แอ๋ง เฒาะ นั่ง วั้ว นอม เหนาะ ปู๋ง วั้ว โบ๋ว.
8“ตุ๊ สา หวุย วั้ว เต้า อ๋อย หฒุ โหฑ นิ่น เญย ลุย-โหว, เถย เหฑ่ง ซิน หฒั่ง เญย เปยย เหธา บะเปยย. หล่ง ววม หฑาว ลิ์ว ซิน ฯฒฯ ไม้ ม่าย หวุย อ๊ะ. ฆะฮ้า เปียะ ด๊บ-ลิ่ว เธี้ยง ตุ๊ เญย มป่า อ๋อย หฒุ เยียม กั้น เญย ด๊บ-ลิ่ว กะเหญี่ย แหมง เสี่ย ฮนอย. 9เถา ตะเธี้ยด ฮนอย นิ่น อ๋อย หฒุ แอ๋ง เถย บะเปยย, เถย ซยาม เหธา มู่ง ไม่ เปยย เหธา ซิน หฒั่ง เญย เหยียด ฒู้ง เปยย. นิ่น อ๋อย หฒุ โหฑ ลุย-โหว, หล่ง ววม หฑาว ซิน, นิ่น ฯฒฯ ธีง-เหฑ่ง หมี่ อ๊ะ.
10“เถา ตะเป๊ด ฮนอย นิ่น อ๋อย หฒุ ต้อ อี เต้า ปะกี ยู่ง โก๊ว ตอน เหธา เหยียด เต้า ต๋อย หฮญัง เญย ปะกี ยู่ง เหฒ่ย, เหยียด ฒู้ง ไม้ หว่าย ฝัง เญย. หย่า อ๋อย หฒุ ต้อ จุ๊ เมาะ เปี๋ยน#14:10 ฮิบลู หว่า ก๊อง “เหยียด เอฟา เหฒียบ โก๊ว เญย ปัว โก๊ว.” เซ เล่ย ไม้ โก 6.5 ลิด. บ๊วน-หม่วน หฒอบ เจี๊ยน กะลั้น โย่ว โหฒว ฝ่ง ห่อ เหฒี่ย เญย ล่าง หฒิ. หย่า อ๋อย หฒุ ต้อ เหยียด ก่อง เหฒียบ โก๊ว เญย ปัว โก๊ว#14:10 ฮิบลู หว่า ก๊อง เหยียด ลก. เซ เล่ย ไม้ โก 0.3 ลิด. กะลั้น โย่ว. 11เถง นิ่น สา หวุย วั้ว เต้า ไซ เมี่ยน ฯฒฯ ต้อ สา หวุย เญย เมี่ยน เหธา นิ่น ฝ่ง ห่อ เหฒี่ย เญย กะน้าย เถา เฒี้ยว เญย หฑะเฮมียน, หวุ่ย ปวั้ง ด๊บ-ลิ่ว เญย แก้ง ด่าง.
12“ไซ เมี่ยน ฯฒฯ เฒาะ เหยียด เต้า วั้ว เต๋ย ปะกี ยู่ง โก๊ว ตอน เหธา เหยียด ก่อง เหฒียบ โก๊ว เญย ปัว โก๊ว กะลั้น โย่ว#14:12 เป๊ย หมั่ง เลวี 14:10. เหฒี่ย เหว่ย โหฒว ต่อง เญย ฒุ์ย. นิ่น อ๋อย หฒุ เฒาะ ต้าย เยียม เฒี้ยว เญย หฑะเฮมียน ธุ้น กีง เหว่ย โหฒว ธุ้น กีง ฝ่ง ห่อ เญย กะน้าย. 13ไซ เมี่ยน อ๋อย หฒุ เยียม ไต๋ เหฒี่ย เหว่ย ฟิ ฒุ์ย เหธา ปั๊ว เหฒี่ย เญย กะน้าย วั้ว นอม ธีง-เหฑ่ง ต๋อง ไต๋, เหว่ย หฒุ เหฒี่ย ฟิ โหฒว ต่อง ฒุ์ย เญย กะน้าย เหธา เหฒี่ย เหว่ย ฟิ ฒุ์ย เญย กะน้าย ฟี่ ฮนั้ง เญย เป๋น ไซ เมี่ยน เญย เหฑ่ง. เซ ธีง-เหฑ่ง เจี๋ย เญย กะน้าย. 14ไซ เมี่ยน ฯฒฯ เฒาะ เต๋ย เหฒี่ย เหว่ย โหฒว ต่อง ฒุ์ย วั้ว เต้า แซง-คู้ ฑย้าม กั๊วะ สา หวุย น้าย เต้า เมี่ยน เญย บย่าว ปูง มน่อม เปี๊ยว เหธา บย่าว เจี๊ยะ ปั์ว-โด๊ะ-เญ์ย เหธา บย่าว เจี๊ยะ เหฒา-โด๊ะ-เญ์ย. 15ไซ เมี่ยน หย่า อ๋อย หฒุ เฒาะ เต๋ย วั้ว ก่อง เหฒียบ โก๊ว เญย ปัว โก๊ว กะลั้น โย่ว#14:15 เป๊ย หมั่ง เลวี 14:12. โต๋ กั้น เญย หฒาย เจี๊ยะ ปั์ว-ฒ้าง, 16หย่า หล่ง บย่าว เจี๊ยะ ปั์ว-โด๊ะ-เฒี้ยง โธะ เยียม หฒาย เจี๊ยะ ปั์ว-ฒ้าง เญย โย่ว, ฯฒฯ เยียม เฒี้ยว เญย หฑะเฮมียน ทิว เสี่ย หฑุ่น. 17นิ่น อ๋อย หฒุ แอ๋ง เฒาะ เต๋ย เยียม หฒาย เจี๊ยะ ปั์ว-ฒ้าง เหฒ่ง เหฌี่ย เญย โย่ว กั๊วะ เจี๊ยน อ๋อย สา หวุย วั้ว เต้า เมี่ยน เญย บย่าว ปูง มน่อม เปี๊ยว, เหธา บย่าว เจี๊ยะ ปั์ว-โด๊ะ-เญ์ย, เหธา บย่าว เจี๊ยะ เหฒา-โด๊ะ-เญ์ย, เซ เยียม กั๊วะ ลิ์ว เหฒี่ย เหว่ย ฟิ โหฒว ต่อง ฒุ์ย วั้ว เต้า แซง-คู้ เญย ฑย้าม กู้ หงว่าย. 18ไซ เมี่ยน เญย ปั์ว-ฒ้าง เหฒ่ง เหฌี่ย เญย โย่ว อ๋อย หฒุ ฑ้าด สา หวุย วั้ว ล่าน เมี่ยน เญย มฆ้อง ฯฒฯ เยียม เฒี้ยว เญย หฑะเฮมียน เถง นิ่น ฟิ ฒุ์ย.
19“ไซ เมี่ยน แอ๋ง เฒาะ ฝ่ง ห่อ เหว่ย ฟิ ฒุ์ย เญย กะน้าย ต้าย เหฒี่ย เถง สา หวุย วั้ว ล่าน เมี่ยน ฟิ ฒุ์ย. ฆะฮ้า ไต๋ ปั๊ว เหฒี่ย เญย แซง-คู้. 20ไซ เมี่ยน ฯฒฯ เฒาะ ต้าย เหธา ฝ่ง ห่อ เหฒี่ย เญย ล่าง หฒิ อัน วั้ว เหฒี่ย-ต้อง เถง นิ่น ฟิ ฒุ์ย. นิ่น ฯฒฯ ธีง-เหฑ่ง หมี่ อ๊ะ.
21“มป่า สี ก๊อง เมี่ยน จ่ม ไห่, ม์าย ไม้ เจี์ย น้าย ปั๊วะ กะน้าย, อ๋อย หฒุ ต้อ เหยียด เต้า ปะกี ยู่ง โก๊ว ธุ้น กีง เหว่ย ฟิ โหฒว ต่อง เญย ฒุ์ย. หย่า อ๋อย หฒุ ต้อ อี เมาะ#14:21 ฮิบลู หว่า ก๊อง “เหยียด เอฟา เหฒียบ โก๊ว เญย เหยียด โก๊ว.” เซ เล่ย ไม้ โก 2 ลิด. บ๊วน-หม่วน หฒอบ เจี๊ยน กะลั้น โย่ว เหว่ย โหฒว ปั๊ว เหฒี่ย เญย ล่าง หฒิ. แอ๋ง ต้อ เหยียด ก่อง เหฒียบ โก๊ว เญย ปัว โก๊ว#14:21 เป๊ย หมั่ง เลวี 14:12. กะลั้น โย่ว, 22เหธา อี นอม เหนาะ โฆ ไฟ อี นอม แปะ ก๊บ หลุน หฒิว นิ่น ไฮ่ ล์อ ตุ๊ เญย. หล่ง นอม เหฒี่ย ฟิ ฒุ์ย, แอ๋ง หล่ง นอม ปั๊ว เหฒี่ย.
23“เถา ตะเป๊ด ฮนอย อ๋อย สา หวุย วั้ว ล่าน เมี่ยน อ๋อย หฒุ ต้อ น้าย ปั๊วะ กะน้าย เถา เฒี้ยว เญย หฑะเฮมียน, หวุ่ย ปวั้ง ด๊บ-ลิ่ว เญย แก้ง ด่าง, จิว ปุน ไซ เมี่ยน เหว่ย เถง นิ่น สา หวุย. 24ไซ เมี่ยน ฯฒฯ เฒาะ เหฒี่ย เหว่ย ฟิ โหฒว ต่อง ฒุ์ย เญย ปะกี ยู่ง ตอน, เหธา เหยียด ก่อง เหฒียบ โก๊ว เญย ปัว โก๊ว กะลั้น โย่ว,#14:24 เป๊ย หมั่ง 14:12. เยียม เฒี้ยว เญย หฑะเฮมียน ธุ้น กีง เหว่ย โหฒว ธุ้น กีง ฝ่ง ห่อ เญย กะน้าย. 25นิ่น ฯฒฯ ไต๋ เหฒี่ย เหว่ย ฟิ โหฒว ต่อง ฒุ์ย น้าย เต้า ปะกี ยู่ง ตอน, เฒาะ เต๋ย ฑย้าม กั๊วะ อ๋อย สา หวุย น้าย เต้า เมี่ยน เญย บย่าว ปูง มน่อม เปี๊ยว, เหธา บย่าว เจี๊ยะ ปั์ว-โด๊ะ-เญ์ย, เหธา บย่าว เจี๊ยะ เหฒา-โด๊ะ-เญ์ย. 26ไซ เมี่ยน อ๋อย หฒุ แอ๋ง เฒาะ เต๋ย กะลั้น โย่ว โต๋ กั้น เญย หฒาย เจี๊ยะ ปั์ว-ฒ้าง, 27แอ๋ง หล่ง บย่าว เจี๊ยะ ปั์ว-โด๊ะ-เฒี้ยง โธะ เยียม หฒาย เจี๊ยะ ปั์ว-ฒ้าง เญย โย่ว, ฯฒฯ เยียม เฒี้ยว เญย หฑะเฮมียน ทิว เสี่ย หฑุ่น. 28แอ๋ง หล่ง เต๋ย เยียม นิ่น เญย ปั์ว-ฒ้าง เหฒ่ง เหฌี่ย เญย โย่ว กั๊วะ เจี๊ยน บย่าว ปูง มน่อม เปี๊ยว เหธา บย่าว เจี๊ยะ ปั์ว-โด๊ะ-เญ์ย เหธา บย่าว เจี๊ยะ เหฒา-โด๊ะ-เญ์ย, เซ เยียม กั๊วะ ลิ์ว เหฒี่ย เหว่ย ฟิ ฒุ์ย วั้ว เต้า แซง-คู้ เญย ฑย้าม กู้ หงว่าย. 29เยียม ไซ เมี่ยน เญย ปั์ว-ฒ้าง เหฒ่ง เหฌี่ย เญย โย่ว ฑ้าด สา หวุย วั้ว ล่าน เมี่ยน เญย มฆ้อง. ไซ เมี่ยน ฯฒฯ เยียม เฒี้ยว เญย หฑะเฮมียน เถง นิ่น ฟิ ฒุ์ย. 30ไซ เมี่ยน อ๋อย หฒุ เถง นิ่น เหฒี่ย. หฒิว วั้ว ล่าน เมี่ยน ล์อ ตุ๊ เญย, เหนาะ โฆ ไฟ แปะ ก๊บ หลุน, 31เหยียด นอม เหฒี่ย เหว่ย ฟิ ฒุ์ย, เหยียด นอม โหฒว ปั๊ว เหฒี่ย เญย กะน้าย เหธา ฝ่ง ห่อ เญย ล่าง หฒิ เหยียด เหฌี่ย ปั๊ว. ฮนั้ง น้าย โหฒว, ไซ เมี่ยน ฯฒฯ เยียม เฒี้ยว เญย หฑะเฮมียน เถง อ๋อย สา หวุย วั้ว ล่าน เมี่ยน ฟิ ฒุ์ย.” 32น้าย เซ ปุ๊ด ลิ์ว ก้ม ฮู้ แป่ง อ๋อย สา หวุย มป่า ม์าย ไม้ เจี์ย ฮนั้ง เหยียด เกา หอบ หฒุ ม์าย ต้าย ฝ่ง ห่อ เหฒี่ย เญย เล์ย.
สา เปย๊า ปุ๊ด เจี๋ย บั๊ว เญย แป่ง เญย หวุย
33 เฒี้ยว ก๊อง บั๋ว โมเซ เหธา อาโลน, 34“เม่ย บัว เปียะ คานาอัน เต่ย-ปูง, ต้ง เยีย อ๋อย จิว เป๋น เม่ย บัว หฑิบ เญย ป่วน เต่ย-ปูง, สี ก๊อง เยีย ปุน หาย นอม เปย๊า เจี๋ย บั๊ว,#14:34 ฮิบลู หว่า ก๊อง ปุ๊ด ก้ม ฮู้ แป่ง. 35เปย๊า-เฒี้ยว อ๋อย หฒุ มี่ง บั๋ว ไซ เมี่ยน, ‘เยีย ปวัด ฮนั้ง เยีย เญย เปย๊า ธ้วด หญู่ง แป่ง นอ.’ 36ไซ เมี่ยน ฯฒฯ เห่ว นิ่น บัว เปี้ยน เยียม เปย๊า กะญั์ว เญย หญู่งๆ กะน้าย ธ้วด เหฑ่ง นิ่น หธีง ต้าย เปียะ มี่ง ฒ่า หมั่ง เปย๊า เจี๋ย บั๊ว เญย ต๋อง. เฑ่า เหย อ๋อย หฒุ ตี่ง น้าย เต๋ย กะน้าย ม่าย หวุย. ฆะฮ้า ไซ เมี่ยน เปียะ มี่ง ฒ่า หมั่ง เปย๊า. 37นิ่น ฒ่า หมั่ง เยียม หฌ่ง วั้ว เต๋ย เจี๋ย บั๊ว เญย ต๋อง, ปวัด เหยียด เตี๊ยม เหยียด เตี๊ยม แมง เญย, ซิ เญย, ฮนั้ง เปียะ โด เต๋ย เญย นอ, ไม้ เฒ์ย ขูง เยียม กะเหญี่ย เลี้ยง เญย ฮนั้ง. 38ไซ เมี่ยน ฯฒฯ ธ้วด กะเหญี่ย, เยียม วั้ว แก้ง ด่าง กวน เจี๊ยน แก้ง, ไม้ ปุน เมี่ยน เปียะ เสี่ย ฮนอย. 39เถา ตะเธี้ยด ฮนอย ไซ เมี่ยน แอ๋ง มี่ง ฒ่า หมั่ง. ปวัด เจี๋ย บั๊ว เญย ต๋อง เยียม หฌ่ง ปุ๊ด จั๊ง เจี๊ยน มี่ง นอ, 40นิ่น ฯฒฯ เห่ว เมี่ยน แธะ ธ้วด เจี๋ย บั๊ว วั้ว เต๋ย หละเปย๊ย ต้อ มี่ง กวั่ง กะเหญี่ย หฒิ ฒี่ง ม่าย หวุย เญย ต๋อง. 41หย่า อ๋อย หฒุ เห่ว เมี่ยน กว้าย เหฑ่ง เปย๊า กะญั์ว เญย นอมๆ ต๋อง. กว้าย ดุ๊ด เญย กะน้าย-บ๊วน อ๋อย หฒุ ต้อ มี่ง กวั่ง กะเหญี่ย หฒิ ฒี่ง ม่าย หวุย เญย ต๋อง. 42นิ่น บัว อ๋อย หฒุ แอ๋ง เฒาะ เซียง-หละเปย๊ย ต้อ มี่ง ตี๊ แธะ ธ้วด วั้ว เต๋ย. แอ๋ง หล่ง เซียง-ปะไน่ เนีย ไหน่ เจี๊ยน.
43“สี ก๊อง แธะ ธ้วด วั้ว เต๋ย หละเปย๊ย, กว้าย ลิ์ว เปย๊า แอ๋ง ไหน่ เจี๊ยน, ฆะฮ้า ปวัด แอ๋ง เจี๋ย บั๊ว นอ, 44ไซ เมี่ยน อ๋อย หฒุ มี่ง ฒ่า หมั่ง. สี ก๊อง ปวัด เจี๋ย บั๊ว จั๊ง เจี๊ยน มี่ง, เซ ปวัด โตะ เญย นอ, เปย๊า หย่า ม่าย หวุย อ๊ะ. 45เหยียด นอม เปย๊า อ๋อย หฒุ แธะ เหฑ่ง. หละเปย๊ย, เดี๋ยง, เนีย, อ๋อย หฒุ เปี้ยน มี่ง กวั่ง กะเหญี่ย หฒิ ฒี่ง ม่าย หวุย เญย ต๋อง.
46“ต้ง กวน เจี๊ยน เปย๊า เญย เฒี่ยง โห่, หาย เต้า เปียะ, วั้ว เต้า ม่าย หวุย เถา หฮมวัง. 47หาย เต้า เยียม วั้ว นอม เปย๊า เปว๋ย ไฟ หญั่น กะน้าย, วั้ว เต้า อ๋อย หฒุ โหฑ กั้น เญย ลุย-โหว.
48“มป่า สี ก๊อง ไหน่ ลิ์ว เปย๊า, ฆะฮ้า ไซ เมี่ยน ต้าย ฒ่า หมั่ง, ปวัด ไม้ จา เจี๋ย บั๊ว นอ, นิ่น ฯฒฯ ตี่ง เปย๊า ไม้ ม่าย หวุย, เหว่ย หฒุ เจี๋ย บั๊ว เญย เจ๊า ป่า หมี่ อ๊ะ. 49เหว่ย สา น้าย นอม เปย๊า เญย หวุย อ๋อย หฒุ หล่ง อี นอม เหนาะ เหธา สีดา ฒ่ง เดี๋ยง, ปะกี สุย-ซิ เหธา หุโสบ เมี้ย. 50นิ่น อ๋อย หฒุ เฒาะ นอม เหนาะ เยียม ฒ่าง เจี๊ยน ววม-ต้าย เญย เนีย-มอ กู้ หงว่าย ไต๋. 51นิ่น อ๋อย หฒุ แอ๋ง เฒาะ นั่ง วั้ว นอม เหนาะ เหธา สีดา ฒ่ง เดี๋ยง, ปะกี สุย-ซิ เหธา หุโสบ เมี้ย, เหยียด เหฌี่ย เหฒียม เยียม ไต๋ วั้ว นอม เหนาะ เญย ฑย้าม เหธา ววม-ต้าย, ฯฒฯ ฟุ เปย๊า เสี่ย หฑุ่น. 52นิ่น ฯฒฯ หล่ง เหนาะ ฑย้าม, ววม-ต้าย, เหนาะ นั่ง, สีดา ฒ่ง เดี๋ยง, หุโสบ เมี้ย เหธา ปะกี สุย-ซิ สา เปย๊า เญย หวุย. 53นั่ง วั้ว นอม เหนาะ นิ่น เฒาะ ต้าย ปู๋ง ธ้วด กะเหญี่ย หฒิ ฒี่ง กัน โบ๋ว มี่ง. ฮนั้ง น้าย โหฒว, นิ่น สา เปย๊า เญย หวุย, เปย๊า ฯฒฯ ธีง-เหฑ่ง หมี่ อ๊ะ.”
54น้าย เต๋ย เล์ย เซ เหว่ย ปุ๊ด ก้ม ฮู้ แป่ง, เหว่ย ปุ๊ด ฟาง เซี้ยด, 55เหว่ย ลุย-โหว ไฟ เปย๊า เจี๋ย บั๊ว เญย เล์ย, 56เหว่ย ด๊บ อ๋ม, ด๊บ เผว ไฟ ด๊บ ถุย เซ้ด ฮนั้ง ล์าว นอ. เซ เหว่ย ปุน ธีง หาย หญู่ง ม่าย หวุย, หาย หญู่ง ไม้ ม่าย หวุย.
57น้าย เซ ก้ม ฮู้ แป่ง เหธา เปย๊า เจี๋ย บั๊ว เญย แป่ง อ๋อย หฒุ กัน เญย เล์ย.
Currently Selected:
เลวี 14: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
