เลวี 10
10
นาดับ เหธา อาบีฮู เญย ฒุ์ย
1อาโลน เญย ตอน, นาดับ เหธา อาบีฮู, เก๊าะ-เมี่ยน เฒาะ เก๊าะ-เมี่ยน เญย ฮูง-โล่ว ต้าย, เฒาะ โต์ว ตั๊บ เจี๊ยน, เฒาะ ฮูง เฮยี้ยด เจี๊ยน. นิ่น บัว หล่ง ไม้ ม่าย เล์ย หล่ง เญย โต์ว ฝ่ง ห่อ เฒี้ยว, เซ ไม้ หฒิว เฒี้ยว หัด เญย หว่า โหฒว. 2เฒี้ยว ฯฒฯ ปุน โต์ว ธ้วด ต้าย ปั๊ว นิ่น บัว, นิ่น บัว ฯฒฯ เยียม เฒี้ยว เญย หฑะเฮมียน ไต่ หมี่ อ๊ะ. 3โมเซ บั๋ว อาโลน, “น้าย เซ เฒี้ยว ก๊อง เญย หว่า. นิ่น ก๊อง,
“‘เยียม ต้าย ฟัด เยีย วั้ว เต๋ย บุด๋ง,
เยีย อ๋อย ปิ๋ว เม่ง เยีย ธีง-เหฑ่ง.
เยียม หฒวัง เมี่ยน เญย หฑะเฮมียน,
ฒู้ง อ๋อย ปุน นิ่น บัว ท่าย เยีย.’”
อาโลน หย่า ไม้ โค โล.
4โมเซ เห่ว อาโลน เญย โย์ว-เตี๋ย, อุดซีเอน, เญย ตอน, มิซาเอน เหธา เอนซาฟาน ต้าย, ก๊อง บั๋ว นิ่น บัว, “ต้าย น้าย ม่าะ! ต้าย แกง เม่ย บัว เญย แป๊ะ-มั์ว-ต่อย ธ้วด หฒิ ด๊บ-ลิ่ว เธี้ยง, เล่ย ฆอย หฒั่ง เฒี้ยว เญย ต๋อง.” 5นิ่น บัว ฯฒฯ ต้าย แกง เซย, เลี่ยม ฒุ เจี๊ยน เญย ลุย-ด๊าว, ต้อ ธ้วด กะเหญี่ย หฒิ ด๊บ-ลิ่ว เธี้ยง หฒิว โมเซ บั๋ว เญย หว่า.
6โมเซ หย่า บั๋ว อาโลน เหธา นิ่น เญย ตอน, เอเลอาซา เหธา อิทามา, “ไม้ ตู๋ง ปุน เม่ย บัว เญย บะเปยย เฟาะ, หย่า ไม้ ตู๋ง เป๊ด เม่ย บัว เญย ลุย-โหว. ไม้ เฒย แอ๊ะ, เหฑีย เม่ย บัว หฒุ ไต่ หย่า เหฑีย หฒวัง แปะ ฝีง หฒุ เฒี้ยว โน์ว. มป่า เม่ย บัว เญย ก๋อ-โย์ว, เซ เม่ย บัว จวั่ง อิสะลาเอน ฝีง เญย หฒวัง เมี่ยน, เฑ่า เญี้ยม เฒี้ยว หล่ง โต์ว ปั๊ว ไต่ วั้ว เต๋ย ตุ๊ เญย. 7เม่ย บัว หย่า ไม้ ตู๋ง เล่ย หวุ่ย ปวั้ง ด๊บ-ลิ่ว เญย แก้ง ด่าง. ไม้ เฒย แอ๊ะ, เม่ย บัว หฒุ ไต่, เหว่ย หฒุ เฒี้ยว เญย ออน เมี่ยน โย่ว เยียม เจี๊ยน เม่ย บัว หมี่ อ๊ะ.” นิ่น บัว ฯฒฯ เอย เจี๊ยน โมเซ เญย หว่า โหฒว.
ไซ เมี่ยน โหฒว เญย เล์ย-เหญ่ย
8 เฒี้ยว ก๊อง บั๋ว อาโลน, 9“เม่ย เหธา เม่ย เญย ตอน บัว เปียะ หวุ่ย ปวั้ง เญย ด๊บ-ลิ่ว, ไม้ ตู๋ง ฮบ อะหงุ่น ติ๊ว ไฟ หาย หญู่ง ติ๊ว. เหฑีย เม่ย บัว หฒุ ไต่. น้าย เซ โหฒว เม่ย บัว ต่อย เจี๋ย ต่อย เหยียด ลิ์ว อ๋อย หฒุ กัน เญย เล์ย. 10เม่ย บัว หอบ หฒุ ไฮ่ สัม ตุ๊ ธ้วด หาย หญู่ง เซ ธีง-เหฑ่ง เญย ไฟ โพว-ทง เญย กะน้าย, ม่าย หวุย เญย ไฟ ไม้ ม่าย หวุย. 11หย่า อ๋อย หฒุ หฌาว อิสะลาเอน เมี่ยน ฮิ้ว เหฑ่ง เยีย หล่ง โมเซ จิว ปุน นิ่น บัว เญย เหยียด ฒู้ง เล์ย-หลัด.”
12โมเซ ก๊อง บั๋ว อาโลน เหธา นิ่น เหฒ่ง เหฌี่ย เญย ตอน, เอเลอาซา เหธา อิทามา, “เฒาะ ฝ่ง ห่อ เหฒี่ย เญย ล่าง หฒิ, ต้ง หล่ง โต์ว ปั๊ว เหฒี่ย ฝ่ง ห่อ ปุน เฒี้ยว. เหฒ่ง เหฌี่ย วั้ว เต๋ย, ไม้ ตู๋ง อัน ปี๊ง หย่า อ๋อย หฒุ เยียม เหฒี่ย-ต้อง กะเฮลน หญั่น เหว่ย หฒุ เซ เก้า ธีง-เหฑ่ง เจี๋ย เญย กะน้าย.#เลวี 6:14-18 13อ๋อย หฒุ เยียม ธีง-เหฑ่ง เญย ต๋อง หญั่น เหว่ย หฒุ เป๋น เม่ย เหธา เม่ย เญย ตอน บัว หอบ หฒุ ตุ๊ เญย ป่วน, เยียม หล่ง โต์ว ปั๊ว เหฒี่ย ฝ่ง ห่อ ปุน เฒี้ยว เญย กะน้าย เฒาะ ธ้วด ต้าย. น้าย เซ เฒี้ยว พ้าย เยีย เญย หว่า. 14มป่า ธุ้น กีง เญย เหลาะ ฮยวัง อ๊อ เหธา ฝ่ง ห่อ เญย ฒุ่ย, เม่ย เหธา เม่ย เญย น่าม โญ์ว จวั่ง เจี๊ยน หญั่น ตุ๊ เญย.#เลวี 7:30-34 หย่า อ๋อย หฒุ เยียม ธีง-เหฑ่ง เญย ต๋อง หญั่น. น้าย เซ เม่ย เหธา เม่ย เญย น่าม โญ์ว หอบ หฒุ ตุ๊ เญย ป่วน เยียม อิสะลาเอน เมี่ยน ฝ่ง ห่อ เหฒี่ย เหว่ย จิว ทง เญย กะน้าย เฒาะ ธ้วด ต้าย. 15ฝ่ง ห่อ เญย เหฒา-ฒุ่ย เหธา ธุ้น กีง เญย เหลาะ ฮยวัง อ๊อ, อ๋อย หฒุ เหธา หล่ง โต์ว ปั๊ว เหฒี่ย ฝ่ง ห่อ เญย เฮมย เหยียด เหฌี่ย ต้อ ต้าย เยียม เฒี้ยว เญย หฑะเฮมียน ธุ้น กีง เหว่ย โหฒว ธุ้น กีง ฝ่ง ห่อ เญย กะน้าย. น้าย เซ เม่ย เหธา เม่ย เญย น่าม โญ์ว เหยียด ลิ์ว อ๋อย หฒุ ตุ๊ เญย ป่วน, หฒิว เฒี้ยว พ้าย เญย นอ.”
16โมเซ ฒ่า หน่าย เถา เหฒี่ย ฟิ ฒุ์ย วั้ว เต้า ยู่ง ฯฒฯ ฮิ้ว ตุ๊ ปั๊ว เหฑ่ง หมี่ อ๊ะ. นิ่น เฉีย เจี์ย อาโลน เหฒ่ง เหฌี่ย เญย ตอน, เอเลอาซา เหธา อิทามา, ฯฒฯ ชะ หน่าย นิ่น บัว, 17“เม่ย บัว เหว่ย หาย ติ่ว ไม้ เยียม หฒั่ง เฒี้ยว เญย ต๋อง หญั่น?#เลวี 6:24-26 เซ เก้า ธีง-เหฑ่ง เจี๋ย เญย กะน้าย. น้าย เซ จิว ปุน เม่ย บัว เหว่ย ปุน เม่ย บัว ดาม หฒวัง เมี่ยน โหฒว ต่อง เญย สี่, เถง นิ่น บัว ฟิ ฒุ์ย. 18เหว่ย หฒุ ไม้ ต้อ แซง-คู้ ฑย้าม เปียะ ธีง-เหฑ่ง เจี๋ย วั้ว ฉง กะญั์ว, เม่ย บัว หอบ หฒุ เยียม หฒั่ง เฒี้ยว เญย ต๋อง หญั่น น้าย เต้า ยู่ง เญย อ๊อ, หฒิว เยีย บั๋ว เญย หว่า.”
19อาโลน เตา โมเซ, “อี้ ฮนอย แปะ ฝีง ต้อ ฝ่ง ห่อ เหฒี่ย ฟิ ฒุ์ย เญย กะน้าย เหธา ปั๊ว เหฒี่ย เญย กะน้าย เยียม เฒี้ยว เญย หฑะเฮมียน เหฒี่ย. มป่า อี้ ฮนอย เยีย ปวั้ง ด่ง น้าย เญย หน่าน ฒี่ง, สี ก๊อง เยีย หญั่น เหฒี่ย ฟิ ฒุ์ย น้าย เต๋ย อ๊อ, เฒี้ยว ไฮ์ หอบ เฮญี้ยว เญย ไฟ?” 20โมเซ ไฮ์ ลิ์ว น้าย เต๋ย หว่า นิ่น ปวั๊ง เอ๋ย อ๊ะ.
Currently Selected:
เลวี 10: IuMiTH
Highlight
Share
Compare
Copy
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
