โยซูวา 5
5
เยียม กินกาน เจี๋ย ก๊าด เญย เล์ย
1เยียม จอแดน ด้าย ไฟ ปูง, อาโมไล เมี่ยน เญย หฒวัง ฮู่ง เตี๋ย, เหธา เยียม ค้อย-เฮลน คานาอัน เมี่ยน เญย หฒวัง ฮู่ง เตี๋ย, ไฮ์ ก๊อง เฒี้ยว เหว่ย อิสะลาเอน เมี่ยน ปุน จอแดน ด้าย ฆาย, ฒั้ว นิ่น บัว เจี๋ย เหฑ่ง. นิ่น บัว ฯฒฯ เหว่ย อิสะลาเอน เมี่ยน หฒะเก้ง! กั้ม เหฑีย เกา, บะฑิว หยุ เหฑ่ง.
2วั้ว หฒั่น เฒี้ยว ก๊อง บั๋ว โยซูวา, “อ๋อย หฒุ หล่ง โต์ว-เลา#5:2 โต์ว-เลา เซ เหยียด หญู่ง หละเปย๊ย. โล์-ฮนอย เมี่ยน หล่ง เท้ก โต์ว. โหฒว หฑุ ต้าย เถง อิสะลาเอน เมี่ยน เจี๋ย ก๊าด เญย เล์ย ตะเหญ่ย ปาน.” 3โยซูวา ฯฒฯ หล่ง โต์ว-เลา โหฒว หฑุ ต้าย เยียม กิเบอัดฮาลาโล้ด#5:3 กิเบอัดฮาลาโล้ด เญย เอ๋ย เล์ย เซ “ไจ๋-เฒว้ย ด๊บ เญย บง”. เถง อิสะลาเอน เมี่ยน เจี๋ย ก๊าด เญย เล์ย.
4เซ เหว่ย น้าย โยซูวา หธีง ต้าย เถง นิ่น บัว เจี๋ย ก๊าด เญย เล์ย. เยียม อียิบ เต่ย-ปูง ธ้วด ต้าย เญย หฒวัง มจั่ง ตอน, เซ เหยียด ฒู้ง โหฒว แปง เญย มจั่ง ตอน, ธ้วด อียิบ ลิ์ว, ฆะฮ้า เยียม เต่ย-ปูง-ฮวาง ไต่ เหฑ่ง หมี่ อ๊ะ. 5เยียม อียิบ เต่ย-ปูง ธ้วด ต้าย เญย หฒวัง แปะ ฝีง เจี๋ย ก๊าด เญย เล์ย ลิ์ว, มป่า ม่าย ธ้วด อียิบ เต่ย-ปูง กัน เจ๊า ต้าย เยียม เต่ย-ปูง-ฮวาง ธ้วด เสย วั้ว เต๋ย ไม้ แก้ง ตุ๊ เจี๋ย ก๊าด เญย เล์ย. 6อิสะลาเอน เมี่ยน โย่ว มี่ง โย่ว ต้าย วั้ว เต่ย-ปูง-ฮวาง เฝย เหฒียบ หฮญัง, ฒั้ว เถา ธ้วด อียิบ เต่ย-ปูง โหฒว แปง วั้ว ปาน เมี่ยน ไต่ เหฑ่ง, หลาย นิ่น บัว ไม้ หมวัง เฒี้ยว เญย หว่า. เฒี้ยว โฮ้ว เจี๊ยน ก๊อง บั๋ว นิ่น บัว, นิ่น ไม้ ปุน นิ่น บัว ปวัด เฒี้ยว เหธา นิ่น บัว เญย อง-ถาย-แงะ แล์ง เจี๋ย แหง่ง หว่า อ๋อย จิว ปุน นิ่น บัว เญย เต่ย-ปูง, เซ เดา-โท้ว หลง ไห่ เญย เต่ย-ปูง.#5:6 เป๊ย หมั่ง ธ้วด อียิบ 3:8. 7เซ น้าย เต๋ย เมี่ยน เญย ตอน, เฒี้ยว ปุน ต้าย ตี๊ นิ่น บัว. นิ่น บัว ไม้ แก้ง ตุ๊ เจี๋ย ก๊าด เญย เล์ย, โยซูวา ฯฒฯ เถง นิ่น บัว เจี๋ย ก๊าด เญย เล์ย, เหว่ย หฒุ เยียม เจ๊า หฒั่ง นิ่น บัว ไม้ แก้ง ตุ๊ เจี๋ย ก๊าด เญย เล์ย. 8หฒวัง แปะ ฝีง เจี๋ย ลิ์ว ก๊าด เญย เล์ย, ฆะฮ้า นิ่น บัว เยียม เจี๊ยน กั้น เญย ต๋อง, ด๊บ-ลิ่ว เธี้ยง กะญั์ว, ฒั้ว เถา หลง เหฑ่ง.
9 เฒี้ยว ก๊อง บั๋ว โยซูวา, “เยีย อี้ ฮนอย เฒาะ เม่ย บัว เยียม อียิบ เต่ย-ปูง หฒุ เสี่ยว ไญ้ เญย สี่ กวั่ง#5:9 กวั่ง ฮิบลู หว่า ก๊อง ปู๋ง หฌัง. เหฑ่ง หมี่ อ๊ะ.” วั้ว นอม ต๋อง นิ่น บัว ฯฒฯ ธ้วด บั๋ว เห่ว กินกาน#5:9 กินกาน เญย เอ๋ย เล์ย เซ ปู๋ง หฌัง. เถา อี้ จ๋า ฮนอย.
เยียม กินกาน เจี๋ย เสีย แหม่ง ฒิบ
10อิสะลาเอน เมี่ยน เหลียบ เธี้ยง เยียม กินกาน. ต้ง น้าย นอม หฮลา#5:10 เป๊ย หมั่ง โยซูวา 4:19. เหฒียบ เฝย วั้ว ฮนอย ลู่ง ม์าน-หฮมวัง, นิ่น บัว เยียม เยลีโค เญย เดา-แป้ง เจี๋ย เสีย แหม่ง ฒิบ.#ธ้วด อียิบ 12:1-13 11เจี๋ย ลิ์ว เสีย แหม่ง ฒิบ ตะเหญ่ย ฮนอย, ต้ง วั้ว ฮนอย นิ่น บัว ตุ๊ หญั่น วั้ว นอม เต่ย-ปูง ธ้วด เญย ล่าง หฒิ, เซ ไม้ อัน ปี๊ง เญย ฌั้ว เหธา ธ้าว ต้าย เญย เฮม้ย. 12นิ่น บัว หญั่น วั้ว นอม เต่ย-ปูง เญย ล่าง หฒิ วั้ว ฮนอย,#5:12 วั้ว ฮนอย ไฟ ตะเหญ่ย ฮนอย. มานา ฯฒฯ ตี้ง, ไม้ เหฌี่ย อ๊ะ. เยียม หน่าย ต้าย อิสะลาเอน เมี่ยน ไม้ ม่าย มานา หญั่น มป่า วั้ว หฮญัง นิ่น บัว หญั่น คานาอัน เต่ย-ปูง เญย ล่าง หฒิ.#ธ้วด อียิบ 16:35
โยซูวา ปวัด เฒี้ยว เญย ต้ม แปง-เปย๊ย
13โยซูวา เยียม นิด เยลีโค ฒี่ง เญย เฒี่ยง โห่, นิ่น เธา เฮมียน หมั่ง ปวัด เต้า เมี่ยน แปง ธ้วด หฑุ ด๊าว นั้น เจี๊ยน, โซ้ว เจี๊ยน นิ่น เญย หฑะเฮมียน. โยซูวา มี่ง เถา ฟัด เต๋ย นิ่น วั้ว หน่าย ก๋า, “เม่ย เซ เถง เยีย บัว ไฟ เถง เยีย บัว เญย วิน-วั้ง?”
14วั้ว เต้า เมี่ยน เตา, “ไม้ เฒ์ย. เยีย ต้าย เญย เซ เยีย โหฒว เฒี้ยว เญย ต้ม แปง-เปย๊ย.” โยซูวา ฯฒฯ พัวะ เหฌี่ย เดา ป๋าย, หย่า หน่าย นิ่น, “เยีย เญย เฒี้ยว อ้า! เม่ย อ๋อย เยีย, เม่ย เญย โปว, โหฒว หาย หญู่ง?”
15 เฒี้ยว เญย ต้ม แปง-เปย๊ย ก๊อง บั๋ว โยซูวา, “เม่ย อ๋อย หฒุ ทุด ฆอย เฮ่, เหว่ย หฒุ เม่ย โซ้ว เจี๊ยน น้าย นอม ต๋อง, เซ ธีง-เหฑ่ง เญย ต๋อง.” โยซูวา ฯฒฯ เอย เจี๊ยน โหฒว อ๊ะ.
Currently Selected:
โยซูวา 5: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
