โย้บ 26
26
โย้บ ธัม หว่า
โย้บ จั๊ด บินดัด ก๊อง เญย หว่า
1โย้บ ฯฒฯ เตา,
2“เม่ย เก้ง! เถง เยีย, ต้ง ไม้ ม่าย ชะ เญย เมี่ยน เอาะ?
เม่ย เก้ง เหฌียว ตุ๊ เมา ไห่ เญย เมี่ยน เอาะ?
3เม่ย เถง ไม้ ม่าย ธง-เม่ง เญย เมี่ยน ธ่าง ล่าง ตุ๊ หลง ไห่,
หย่า ปุน ธีง เม่ย ม่าย โฮล ไห่ เญย ว่วน ฒาง เอาะ?
4หาย เต้า เถง เม่ย ก๊อง ธ้วด น้าย เต๋ย หว่า?
ม่าย หาย เต้า ต์ง หฒุ เม่ย ฮนั้ง น้าย นอ ก๊อง?
ทิน-ฮู่ง โฮล ไห่
5“เยียม เยี่ยม เกน เญย เมี่ยน,
เซ เยียม ววม-เดี๊ย เหธา ววม กะญั์ว เญย เมี่ยน ญั่นๆ เญย.#26:5-14 ม่าย เต๋ย เมี่ยน ฝุน น้าย เต๋ย หว่า เซ บินดัด ก๊อง เญย. ม่าย เต๋ย ฝุน โย้บ กั้น ก๊อง.
6เยี่ยม เกน เยียม ทิน-ฮู่ง เญย หฑะเฮมียน ปวัด ตุ๊ แหฆ่ง เญย,
หฒุ เหมียด เญย ต๋อง ไม้ ม่าย หาย หญู่ง ท้อง.
7ทิน-ฮู่ง เฒาะ ป๊ะ ปูง เญย ลู่ง ธอง ขูง เญย ต๋อง กู้ หงว่าย,
หย่า เฒาะ ป้าม เกน ขวัง เจี๊ยน ไม้ ม่าย หาย หญู่ง เญย ต๋อง.
8นิ่น เปว ววม เยียม ปวั๊ง บ๋วน-โฮ์ กะญั์ว,
ววม หย่า ไม้ โหฒว ปุน บ๋วน บ๋าย.
9นิ่น ปุน บ๋วน ท้อง เจี๊ยน นิ่น เญย เหว่ย,#26:9 ไฟ หฮลา-จุ้น.
เฒาะ นิ่น เญย บ๋วน ธอง ต้าย ปวัง เจี๊ยน.
10นิ่น เยียม ววม-หมิ่น เกว๊ด ฮวีง ก๋อม,
เยียม ฌัง เหธา หฮมวัง กั๊บ เญย ต๋อง.
11นิ่น เหม ลู่ง เญย เดี้ยว,
นิ่น บัว ฯฒฯ กั้ม เหฑีย ญั่นๆ เญย.
12นิ่น หล่ง นิ่น เญย ชะ ปุน ค้อย เซ้ก,#26:12 ไฟ โช้ว ค้อย.
หย่า หล่ง นิ่น เญย ว่วน ฒาง เบ๊าะ ฮี่ง ลาหับ.#26:12 เป๊ย หมั่ง โย้บ 9:13.
13นิ่น ปุน นิ่น เญย หฑยาว ป่วน ลู่ง ฑัง,
นิ่น หล่ง นิ่น เญย ปั์ว ฑบ ไต่ เซี้ยบ เญย ต้ม นาง.#26:13 เป๊ย หมั่ง โย้บ 3:8; 41:1; สีง ฑูง 74:14; 104:26; อิสะยา 27:1.
14มป่า น้าย เซ ก๊อง เต๋ย ป๊า ทิน-ฮู่ง เญย เจ๊า-โหล่ว.
เยีย บัว ขูง ไฮ์ ติ๊ เตียน หว่า-ซับ ก๊อง เถา นิ่น ฮนั้ง.
มป่า นิ่น เญย ต้ม ชะ บุย ฮนั้ง บะอง นอ,
หาย เต้า ไฮ่ เปียะ เฮญี้ยว?”
Currently Selected:
โย้บ 26: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
