เยเลมี 47
47
โต่ว หว่า ก๊อง ฟีลิสะเตีย เมี่ยน
1ฟาโล ไม้ แก้ง เบ๊าะ กาซา วั้ว หฒั่น, โต่ว หว่า เมี่ยน, เยเลมี, ตุ๊ ฒิบ เฒี้ยว เญย น้าย เต๋ย หว่า ก๊อง เถา ฟีลิสะเตีย เมี่ยน.#อิสะยา 14:29-31; เอเสเคน 25:15-17; โยเอน 3:4-8; อาโม้ด 1:6-8; เสฟันยา 2:4-7; เสคาลิยา 9:5-7
2 เฒี้ยว ฮนั้ง น้าย ก๊อง,
“หมั่ง ม่าะ! ววม เยียม ป๊ะ ปูง ฝาว ต้าย,
หย่า อ๋อย เป๋น ววม-เป๊ะ เหยียม.
ววม อ๋อย เหยียม เหฑ่ง เต่ย-ปูง เหธา เยียม เต่ย-ปูง เหยียด ฒู้ง กะน้าย,
เลี่ยม ฒี่ง เหธา ฒี่ง กะญั์ว เญย เมี่ยน.
เมี่ยน อ๋อย เห่ว ธ้วด,
เยียม เต่ย-ปูง เญย โม์ว เต้า แปะ ฝีง หย่า อ๋อย เญี้ยม.
3ไฮ์ ม์า-โก๊ว เญย เต้ย ถิว เญย เฉีย บุย,
เบ๊าะ จ๋า เญย ม์า-เธีย ชาวๆ เญย,
เธีย-เยี่ยน ชมๆ เญย บุย.
เหว่ย เตีย เญย ปั์ว ปะหละ เมา ไห่,
ไม้ ไฮ่ ฮวิน หฑวน โก๋ว กั้น เญย ฝุเจว๊ย.
4เหว่ย หฒุ ฮนอย-เหญียะ อ๋อย เถา,
อ๋อย เหมียด เหฑ่ง ฟีลิสะเตีย เญย เหยียด ฒู้ง เมี่ยน,
ไพ กวั่ง ต้ง ไฮ่ เถง ไทละ
เหธา ไซดอน เต้าๆ เหฒ่ง เหฌี่ย เญย เมี่ยน.
เหว่ย หฒุ เฒี้ยว อ๋อย เหมียด ฟีลิสะเตีย เมี่ยน,
เซ เยียม คับโท#47:4 เซ เคลี้ด ค้อย-โฑว. เญย ค้อย-เฮลน เหฒ่ง เหฌี่ย เญย เมี่ยน.
5กาซา อ๋อย หฒุ เฮลี้ยว ฌัง เญย,
อัดเคโลน หฒุ เหมียด หมี่ อ๊ะ.
เหฒ่ง เหฌี่ย เญย อาน้าก เมี่ยน อ้า!
เม่ย บัว อ๋อย หล่ง หฑุ ก๊าด ซิน ด่ง หาย เล่า?
6 เฒี้ยว เญย หฑุ ด๊าว อ้า!
เม่ย เถา หาย หฒั่น หธีง ต้าย ตี้ง?
เม่ย เปียะ ไพ้ มี่ง ม่าะ!
ฮิด ขวน หย่า ไม้ ตู๋ง ต์ง.
7 เฒี้ยว พ้าย เหฒียง เม่ย,#47:7 ไฟ นิ่น, เซ หฑุ ด๊าว.
เม่ย ฮนั้ง หาย นอ ไฮ่ ตี้ง?
นิ่น พ้าย เหฒียง หฑุ ด๊าว
มี่ง อัดเคโลน เหธา ค้อย-เฮลน เญย ต๋อง เบ๊าะ จ๋า.”
Currently Selected:
เยเลมี 47: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
