เยเลมี 18
18
เยเลมี เยียม นั้น เนีย หฒั่ง เญย เปย๊า
1เยเลมี ตุ๊ ฒิบ เฒี้ยว เญย หว่า ก๊อง, 2“เจี์ย ต้าย เหฌี่ย มี่ง เถา นั้น เนีย หฒั่ง เญย เปย๊า วั้ว. เยียม หน่าย เยีย อ๋อย ปุน เม่ย หมวัง ไฮ์ เยีย เญย หว่า.” 3เยีย ฯฒฯ เหฌี่ย มี่ง เถา นั้น เนีย หฒั่ง เญย เปย๊า, ฯฒฯ ปวัด หฒั่ง เมี่ยน เยียม กวิ้น เจี๊ยน วั้ว นอม กะน้าย โหฒว กง. 4หฒั่ง เมี่ยน โหฒว วั้ว นอม เนีย-มอ เยียม นิ่น เญย ปั์ว หว่าย มี่ง. นิ่น ฯฒฯ หล่ง วั้ว เต๋ย เนีย แอ๋ง กั้น นั้น นอม, หฒิว หฒั่ง เมี่ยน ไฮ์ หอบ หฒุ โหฒว เญย.
5เยีย แอ๋ง ตุ๊ ฒิบ เฒี้ยว เญย หว่า. 6เฒี้ยว ก๊อง, “อิสะลาเอน เญย เฒ้ย-ฟุน อ้า! เยีย โหฒว ปุน เม่ย บัว ฮนั้ง นั้น เนีย-มอ หฒั่ง โหฒว ไม้ ตุ๊ ไฟ? อิสะลาเอน เญย เฒ้ย-ฟุน อ้า! หมั่ง ม่าะ! เนีย เยียม หฒั่ง เมี่ยน เญย ปั์ว ฮนั้ง หาย นอ, เม่ย บัว หย่า เยียม เยีย เญย ปั์ว ฮนั้ง วั้ว นอ. 7สี ก๊อง เยีย หาย หฒั่น ก๊อง เถา เหยียด ฝีง ไฟ เหยียด กั๊วะ, อ๋อย แปง ธ้วด, ป่าย หว่าย, เหมียด เหฑ่ง, 8มป่า สี ก๊อง เยีย ก๊อง เถา วั้ว กั๊วะ เมี่ยน, กวั่ง ฆอย นิ่น บัว โหฒว เญย เอ๊าะ สี่, เยีย ฯฒฯ ก๊อย หฒะเอ๋ย, ไม้ ปุน นิ่น บัว หฒุ ต้ง เยีย ตี่ง ปุน นิ่น บัว หฒุ เญย เหฒะ หน่าน. 9สี ก๊อง เยีย หาย หฒั่น ก๊อง เถา เหยียด ฝีง ไฟ เหยียด กั๊วะ อ๋อย เหธย เจี์ย เหลียบ ว้วน, 10สี ก๊อง วั้ว กั๊วะ เมี่ยน หฒิว เยีย เญย มฒีง หมั่ง โหฒว เอ๊าะ สี่, ไม้ หมวัง เยีย ก๊อง เญย หว่า, เยีย ฯฒฯ ก๊อย หฒะเอ๋ย, ไม้ ปุน นิ่น บัว ตุ๊ หลง เญย เจ๊า หฒิว เยีย ตี่ง ปุน นิ่น บัว ตุ๊ เญย.
11“เหว่ย น้าย เม่ย อี้ หฒั่น อ๋อย หฒุ ก๊อง บั๋ว ยูดา เมี่ยน เหธา เยียม เยลูซาเลม เญย แปะ ฝีง, ‘เฒี้ยว ฮนั้ง น้าย ก๊อง, ‘เยีย เหฒย ธ้วด เธี้ยว เญย เหฒะ หน่าน ห่อย เม่ย บัว, หย่า ต๊า หฒะเอ๋ย โหฒว ปุน เม่ย บัว. เม่ย บัว เก๊าะ-เมี่ยน อ๋อย หฒุ กวั่ง ฆอย เม่ย บัว โหฒว เอ๊าะ เญย เจ๊า, หฒ่อ เม่ย บัว เญย เจ๊า เหธา เม่ย บัว โหฒว เญย สี่.’
12“มป่า นิ่น บัว เตา, ‘เยีย บัว ไม้ กุ๊น. เยีย บัว อ๋อย หฒิว กั้น เญย หฒะเอ๋ย โหฒว. เก๊าะ-เมี่ยน อ๋อย หฒิว เก๊าะ-เมี่ยน เอ๊าะ เญย เฮญี้ยว แหง่ง เจี๊ยน โหฒว.’”
13เหว่ย น้าย เฒี้ยว ฮนั้ง น้าย ก๊อง,
“อ๋อย หฒุ เยียม หม่าน กั๊วะ เมี่ยน บุด๋ง หน่าย,
ม่าย หาย เต้า ไฮ์ เจี๋ย ฮนั้ง น้าย หญู่ง สี่?
อิสะลาเอน เมี่ยน#18:13 ฮิบลู หว่า ก๊อง “ไม้ เปว๋ย เจี๋ย ตอน เญย เซียะ, อิสะลาเอน.” น้าย เต๋ย หว่า เป๊ย เถา อิสะลาเอน เป๋น ธีง-เหฑ่ง เญย เซียะ. โหฒว กั้ม เหฑีย! ไห่ เญย สี่.
14เลบานอน บง เญย ซอง เยียม หละเปย๊ย-ฒอง ตั๋ง เญย ไฟ?#18:14 ม่าย เต๋ย หล่ง สีลีออน วั้ว โจ๋ว หว่า. ฮิบลู หว่า หล่ง เญย วั้ว โจ๋ว เญย เอ๋ย เล์ย เซ หล่ม-ฮวาง.
บง เญย ววม ไฮ่ ฆาย เญย ไฟ?
เซ เหลี่ยว เหฌี่ย โด๊ะ เญย ววม-ล่าง.
15มป่า เยีย เญย แปะ ฝีง หละคุ เยีย,
นิ่น บัว ปั๊ว ฮูง เก๋ง จ๊า เฒี่ยน.
นิ่น บัว เยียม นิ่น บัว เญย เจ๊า ดิ๊ หฒุ ดอบ,#18:15 ฮิบลู หว่า ก๊อง “...ปุน นิ่น บัว ดิ๊ หฒุ ดอบ”.
เซ เยียม นิ่น บัว โล์-ฮนอย เญย เจ๊า.
นิ่น บัว ธ้วด มี่ง ยั่ง เจ๊า-หวี่ง,
ไม้ ยั่ง ต้ม เจ๊า,
16ฯฒฯ ปุน นิ่น บัว เญย เต่ย-ปูง เป๋น กั้ม เหฑีย ไห่ เญย ต๋อง,
เป๋น หฒุ เมี่ยน เหยียด ลิ์ว ฮว้วด เญย กะน้าย.
ตะฟ่าน เจี๋ย เจ๊า เญย เมี่ยน
กั้ม เหฑีย ไห่, หฮวัง มฆ้อง.
17เยีย ฯฒฯ ปุน นิ่น บัว เยียม วิน-วั้ง เญย หฑะเฮมียน หฑาน
ฮนั้ง ตง ปูง เญย หฑยาว นอ.
เถา นิ่น บัว หฒุ เหฒะ หน่าน เญย ฮนอย,
เยีย อ๋อย ฮวิน ติ ต์าน ปุน นิ่น บัว,
ไม้ ฮวิน เฮมียน.”
แปะ ฝีง ต๊า หฒะเอ๋ย ห่อย เยเลมี
18นิ่น บัว ก๊อง, “ต้าย ม่าะ! บัว ต๊า หฒะเอ๋ย ห่อย เยเลมี เหว่ย หฒุ ไซ เมี่ยน ม่าย เญย เล์ย-หลัด ไม้ ไฮ่ หฒุ เหมียด. ธง-เม่ง เมี่ยน ธ่าง ล่าง เญย หว่า ไฟ โต่ว หว่า เมี่ยน โต่ว เญย หว่า หย่า ไม้ ไฮ่ เหฑ่ง. ต้าย ม่าะ! บัว หล่ง ฑุ่ย โก๋ นิ่น.”#18:18 ฮิบลู หว่า ก๊อง หล่ง เบียด เบ๊าะ. บัว หย่า ไม้ หมวัง นิ่น ก๊อง เญย เหยียด ฒู้ง หว่า.
19 เฒี้ยว อ่า, โท้ หมวัง เยีย,
โท้ หมวัง เหธา เยีย ต๋อย-เตก วั้ว เต๋ย เมี่ยน.#18:19 หฒิว กีก หว่า ฟาน ก๊อง “หมวัง เยีย โท้ เญย หว่า.” ฮิบลู หว่า ก๊อง “วิน-วั้ง เหธา เยีย ต๋อย-เตก เญย หว่า”.
20โหฒว คู้ สี่ อ๋อย หฒุ วิ่น เอ๊าะ สี่ ไฟ?
นิ่น บัว หธ่อ อ๋อย เว้ด ค้วด ห่อย เยีย เญย แหม่ง.
โท้ จั๋ง เจี๊ยน เยีย ฮนั้ง หาย นอ โซ้ว เจี๊ยน เม่ย เญย หฑะเฮมียน
เถง นิ่น บัว โท้ หลง เญย เจ๊า,
เหว่ย ปุน เม่ย ฮวิน กั้น ปูง, ไม้ เฉีย เจี์ย นิ่น บัว.
21เหว่ย น้าย โท้ เฒาะ นิ่น บัว เญย น่าม โญ์ว จิว ปุน หฒุ หง่อ หฮนาง,
หย่า จิว ปุน นิ่น บัว หฒุ หฑุ ด๊าว เญย ชะ.
โท้ ปุน นิ่น บัว เญย เอ๊า ไม้ ม่าย ฝุเจว๊ย หย่า เป๋น เอ๊า-กว๊า.
โท้ ปุน นิ่น บัว เญย มจั่ง ตอน หฒุ ต้ม ววน-แป่ง ไต่,
ปุน นิ่น บัว เญย เมี่ยน หลุน เมี่ยน เยียม เบ๊าะ จ๋า เญย เฒี่ยง โห่ หฒุ หฑุ ด๊าว ไต๋.
22เม่ย ต้อ ลู้ เมี่ยน เญย เมี่ยน เลี่ยม เฒ่ย ต้าย ล์อ นิ่น บัว.
โท้ ปุน เห่ว โค้ว เญย เฉีย เยียม นิ่น บัว เญย เปย๊า ธ้วด,
เหว่ย หฒุ นิ่น บัว เว้ด ค้วด ปุน เยีย ด๊อด เหฌี่ย,
นิ่น บัว แฒง ฮลาง ฮลบ เยีย เญย เหฒา.
23มป่า เฒี้ยว อ่า,
นิ่น บัว ต๊า เญย เหยียด ฒู้ง หฒะเอ๋ย, เซ อ๋อย ไต๋ เยีย, เม่ย ฮิ้ว เญย.
โท้ ไม้ ตู๋ง กวั่ง นิ่น บัว เอ๊าะ ไห่ เญย ฒุ์ย-หนิบ,
ไฟ เยียม เม่ย เญย หฑะเฮมียน ซ้อด กวั่ง นิ่น บัว เญย ฒุ์ย.
โท้ ปุน นิ่น บัว เยียม เม่ย เญย หฑะเฮมียน หฒุ เบี๊ยน เหฌี่ย.
เม่ย เฉีย เจี์ย เญย เฒี่ยง โห่, โท้ โหฒว ปุน นิ่น บัว.
Currently Selected:
เยเลมี 18: IuMiTH
Highlight
Copy
Compare
Share
Want to have your highlights saved across all your devices? Sign up or sign in
Mien Bible (Thai Script) © Thailand Bible Society, 2007
